سؤال يا أناتي

[Cosette]

هاياتو أناتي
كيفكون
سؤال بيخطر ببالي كتير
ليش في بنات بكون عم بحكي معون
بتجي سيرة اضافة شب عالمسن
بتقلك لاااااااااا
انا ما بضيف شباب عندي:80:
بعد بفترة هيي نفسها بتقلك
عم بحكي مع فلان
وين؟
عالمسن
طيب ليش بتقول اول انو ما بضيف
وتطلع ضايفة
يعني هيي شغلة عدم ثقة
ولا ما بدها البنت احراج
ولا شو

 

[♥البرنسيسة♥]

والله مابعرف بس بالنسبه الي

اذا الشب بعرفو منيح بضيف ليش لا

وانا بقول للكل انو عندي شباب بالمسن وبحكي معن عادي

بس غيري بجوز مشان ماحدا يحكي عنا انو بضيف شباب

او شي مابعرف والله

بس بالنسبه الي عادي جدا اذا كان الشخص بعرفو منيح

بضيف وبحكي

سؤال لذيذ متلك يسلمو ​

 

[♥ jasmine rose ♥]

الصراحة ماصارت معي ولا مرة انو بنت حكتلي انها مابتضيف شباب عالمسن
وبالنسبة الي انا مابنكر لما بكون عم حكي شخص معين عالمسن بئول انو عم احكي معو
لأنو انا واثقة بحالي اولا وبالشخص الي ضايفتو عندي ثانيا
احتمال في بنات بتخجل تئول انها بتضيف شب
او قلة ثقة
وممكن من باب والله حتى تفرجي الآخرين انو انا مابتحكي مع شباب
موضوع حلو يسلمو
​

 

[رامي وبس]

قولي قلن خليون يسمعو منيح شو نحنا الشباب شياطين

 

[جمانة]

انا عادي بحكي
انا بحكي شباب ع المسنجر شو فيها
اخواتي هدول وما عم بحكي معون حكي غلط ولا في بيناتنا شي مباشر
كلو بالاسلاك
بحس يلي بتعمل هيك بتعمل حالها احسن من الكل يعني
وانا ما بحب هيك
​

 

[Life of the soul]

يلي بتقول انها مابتحكي مع شباب ع الماسن
يمكن تكون مانها واثقة بحالها
وبالنسبة الي بحكي مع شباب ع الماسن عادي
وكل شي بحدود وبما اني واثقة مع مين عم احكي
اكيد مارح خاف
يسلموو ع السؤال حلووو ​

 

[alqaesar]

هي شغلة كذب و مالا غير هيك تفسير

 

[Pure Feelings]

بالنسبة الي عادي بحكي اني عم احكي مع هاد
وهيك
يعني ما فيا شي انو ليه لحتى خبي
لما خبي اكيد بيكون غلط الي عم اعملو
واصلا انا كل الشباب الي عندي بالمسن خمسة
يعني مو كتار
ف انا بشوف لما البنت بتحكي هيك
بتكون ما بدا تحكي لحدن انو بحكي وهيك
يمكن بتخجل من هالشي
يمكن بتخجل انو الناس تعرف انو عندا شباب
وانا ما صارت معي لهلأ ولا مرة

ميرسي لسؤالك يا حلوة

 

[Cosette]

قلة الصقة بالنفس والخوف
هني اهم الاسباب
نورتو اناتي

وشباب

 

[Cosette]

وينكون

 

[روح الشام]

انا عادي بحكي

انا بحكي شباب ع المسنجر شو فيها
اخواتي هدول وما عم بحكي معون حكي غلط ولا في بيناتنا شي مباشر
كلو بالاسلاك
بحس يلي بتعمل هيك بتعمل حالها احسن من الكل يعني
وانا ما بحب هيك

​

وانا رأيي من رأيي جمونتي :10:


يعطيكي العافية

 

[Cosette]

 

[butterfly]

الشغلة مو قصة ثقة بـ النفس أو عدم ثقة
بس انو في بنات بتكون رافضة فكرة انو
تحكي مع شباب ع المسنجر
وبتغر تفكيرها
كيف مابتعرفي

من ناحيتي كنــــت بحكي
حالياً مش ممكن اني أضيف شب عندي
مش لانو متل ماحكى البعض انو "نحنا شياطين" بيقصد الشباب..
القصة مش هيك
بس لما البنت بتجرب أكمن شب وبتضيفهم ع أساس
انو واثقة فيهم
وانو اخواتها فقط لا غير .. بتتفاجأ بـ انو هم قدامها شكل
ووراها بيحكوا ما بخلوا .. فـ هون المفروض انو ماتضيف أحسن
يعني ابعدي عن الشباب وغنيلهم
وما بحكي انو الشباب شياطين .. في منهم ملائكة وأحسن مني كمان
بس الإحتياط واجب ..
وأنا شخصياً ومع احترامي لـ الجميع
مش ضروري البنت تحاكي شباب
خصوصاً في سن المراهقة
لاني سمعت قصص بتشيب
وأكيد هـ الأمر حريه شخصية كل واحد حر بـ حالو أكيد
بس مجرد رأي لا أكثر ولا أقل

يسلمو ع السؤال حبيبتي
​

 

[مذهلة]

ما دمت واثقة من نفسي وعارفة حالي ما عم اعمل شي غلط

ما بخاف من قول الحقيقة

بس ع الاقل اعرف الشب اللي راح اكلمه واكون واثقة ان شب محترم ويحترم الصداقة والاخوة

 

[شام]

 

[ĻàĎỷ iЙ ŖẼD]

وانا كمان معك بسئل نفس هالسؤال ليش
جاوبو لشوف
​