ساعدووووووووووووني

[RoOoR]

مرحبا
كيف كل الصبايا
بدي مساعدة منكن
انا مخطوبة
وعرسي بعد 4شهور
بس مابعرف شو المشاعر اللي عم تجتاحني
وقت اتذكر انو عرسي قرب
حابة تخبروني
كيف بدي استعد نفسيا للزواج
انو بدو يصير في رجل يشاركني وشاركو بكلشي
بأدق التفاصيل الحياتية
ومالي عرفانة من وين بدي ابدى بالجهاز
خطيبي كتير طيوب
ومافي منو
يعني انا مالي خايفة انو مايسعدني
ولا خايفة من المسؤلية لأني متعودة عليها
ما بعرف
مابعرف
شو المشاعر اللي جواتي
ساعدوني
وبالأخص لأني رايحة على غربة
يعني لا قريبة من اهلو
ولا من اهلي​

بانتظاركن
فيدوني​

 

[عهد القمر]

ربي يسعدك !!
ويوفقك معو !!

والله لاح خلي هالشغلة المتزوجات يحكولك عنا
ماجربت لسا

ائ بخصوص انك بعيدة عن اهلو واهلك
شو بدك اكتر بهالنعيم
والله مابدك وجع راس

بالعكس انبسطي لانك بعيدة عن اهلو واهلك
خديها مني اذا ماانبسطتي


موفقة ياحلوة

​

 

[RoOoR]

شكرا كتير لمرورك
عهد القمر
وهيك قولتك
اريحلي اني بعيدة عن اهلو
؟؟؟؟؟؟؟؟؟؟
​

 

[سِدْرَة المُنتَهَى]

و الله صعب شعورك .. هادا وانا لسا ماجربتو
بسس انو الخوف شي طبيعي ,, و اذا كنتي تعرفي انو طيوب
هذا شي كافي انو ترتاحي و ماتخافي من الجاي ..
كتار متلك تغربوا , صح انها صعبة مرة
بس رح تلاقي ناس و تتعرفي عليهم
و بالنسبة للجهاز .. كل وحدة على حسب تنظيمها
و لازم تبدأي تجهزي , باقي اربع شهور بسس
خلصي من الاساسيات اول شي , و بعدين استلمي الاشيا الثانوية

ربي يسعدك و يتمم فرحك على خير
ينقل الموضوع للقسم المناسب ​

 

[STELLA]

الله يتمم عليكي بالخير يارب

هو صح الغربة شوي صعبة

بس طالما انتي مع شخص مرتاحتيلو و متقبلتيه

اكيد هالشي بيهون عليكي غربتك

وخصوصا انو وسائل التواصل صايرة اسهل من قبل بكير

بالنسبة للجهاز متل ما قالتلك ملاك انو بلشي بالامور الاكتر اهمية

بعدين الأمور المهمه , وهيك لحتى توصلي للأشياء العامة

والله يوفقك يارب ويسرلك كل امورك

 

[Pure Feelings]

اول شي بما انو انتي رح تكون مع الشخص اللي بتحبي وبترتاحيلو

مارح تحسي كتير بالغربة

وبالنسبة انك خايفة ومن هالحكي هاد الشي شعور طبيعي

انك تحسي لانك رح تفوتي ع حياة جديدة انتي لسا ما خضتي فيا

وبالنسبة للجهاز برأيي لا تكتري كتير تياب

لانو بكرة كلو بتبطل موضتو وبيتغير

وموفقة حياتي

ومبروك سلفا عروستنا

وان شالله جوازة الدهر

 

[ملك وسلطان]

والله انا مابفهم شي بشغلات التجهيز..
بس شغله الغربه ممكن تكون آولها بتجنن لانو رح تحسو حالكون بشهر العسل
بس بعد مدهـ بتتعودو وبتآخدو عالجو فطمني مآفي شي بيخوووف

وع فكره فتت حبيت بآآركـــلك

ان شالله ريتو الف مبروك وجوآآزه الدهر اآلهي..

وعئبــــــــــــــــــــــــــــــــــآآآآآآآآآآآآآآآآآآآآآآآآآآآآآآآآآآآآآآآآلي قريبآ
تحيآتي...Bader

 

[RoOoR]

عن جد شكرا كتير إلكن

ميرسي لكل واحد ووحدة

اتفهمو موقفي

والله يبارك فيكن يارب

وعقبال كل الغزابية

وعن قريب

شكرا من كل قلبي

لأنكن ريحتوني شوي

​

 

[mahmoud salih]

طالما الراحة النفسية موجودة ...فالجرية لمشاعرك مباحة ...عيشي شعورك وراحتك

مبروك صديقتي سلفاً

 

[RoOoR]

شكرا إلك محمود
والله يبارك فيك يارب
وعنجد انكن عم تريحوني اكتر
ميرسي
​

 

[RoOoR]

شكرا

للكل

من الادارة

لكل عضو موجود

بالمنتدى​

 

[جمانة]

لك ريتو الف الف مبروك يا رب
لا تخافي المهم انو بيحبك ورح يدير بالو عليكي
و بالنسبة للجهاز يعني هلأ اهم شي تفكري فيه هو الفستان و توابعو
وبعدين جهازك انتي لبس و هالشغلات
وباقي الشغلات لحالها بتجي
المهم انتي تريحي حالك وما تفكري كتير
موفقة يا عمري وريتو الف الف مبروك
​

 

[RoOoR]

الله يبارك فيكي

وشكرا للفكرة الحلوة

​

 

[القمر مني انقهر]

انت مضخمة الامور اكتر من اللازم
الزواج عادي ومافي احلى منه خاصة لما تتزوجي من شخص تحبيه وطيوب متل ماعم تقولي
الغربة ما بتهم المهم ماتكون في غربة بينك وبين زوجك
هاي اصعب غربة
انا كمان كنت خايفة قبل ما اتزوج
لانو زوجي غريب عني مانو من بلدي
وما بعرف اهله وعيشتهن وعاداتهن
لكني اتاقلمت بسرعة لاني بحب زوجي لازم حب ظروفه واستحمل كل شي
انا جزائرية ومتزوجة سوري وعايشة بين البلدين
وبيتي هو بلدي نصفه سوري ونصفه جزائري
من الاتاث و والاكل وحتى الحكي
والله رزقني بوائل نساني الدنيا كلها
الله يهنيك ويسعدك يارب
كوني قوية وتحملي الغربة ميشانك وميشان زوجك
اتمنالكن التوفيق
اختك حنان
​

 

[احلى دنيا]

حياة جديده فايته عليها ... طبيعي انك تحسي بالخوف

بس هاد الشي رح يروح ان شالله بمجرد ما تحسي بطعم السعاده بالحياة الجديده

هيك بقولو انا ما بعرف

الله يوفقك يا رب

 

[القمر مني انقهر]

شكلكن ولا وحدة مجربة
انا الوحيدة
الله يوفقكن ويبعتلكن ابن الحلال
​

 

[RoOoR]

الله يخليلك وائل ياحنان
عن جد هديتيني مو شوي كتير
والله يبارك فيكي
وميرسي كتير

وأحلى دنيا
الله يبارك فيكي
وعقبالك

عم تريحوني
وطمنوني اكتر
كل ما شخص يبعتلي شي

شكرا​

 

[القمر مني انقهر]

الله يريح بالك
كوني متفائلة
وماتفكري غير في الايجابيات
ميشان ماتضعفي
سلام انا هون ادا احتجت شي
​

 

[RoOoR]

شكرا إلك
المشكلة اني اول وحدة بتتزوج بالبيت
وفي اكبر مني اختين
وهلأ صارو تلاتة
لأني عن جد حبيتك
حتى لو ماشفتك
وارتحتلك كتير
ميرسي
​