سطور حواء

[دموع الورد]

حواء ياملكة الرومانسيه


يامن تُدخلين البهجه على حياة آدم فكنت الام الحنونه والاخت العطوفه


و الزوجه المطيعه والابنه الصالحه ..


وجودك في عالم آدم ضروري فأنتِ نصفه الثاني .. !!


حواء في هذه السطور سنتعرف على عالمك الخاص


الذي لايخلو من الرومنسيه ممزوجه بالشقاوه ومحلاه ببعض من المصاعب ..


فلا طعم للحياة بلا مصاعب ..


وسنبدأ بأول مرحله..

على بركة الله


​

 

[دموع الورد]

طفولــه & شقاااوة



1/ مكان الميلاد أين كان ؟


2/ حياة الطفوله من كان المؤثر الأول بها ؟


3/ موقف من الطفوله مازال عالق في ذهنك ؟


4/ هل كان يوجد معامله مختلفه لاخوانك الذكورعن البنات ؟


5/ اليوم الدراسي الأول هل تتذكري حالك فيه ؟


6/ عبث الطفوله كيف تصفينه في بضع كلمات ؟


7/ أصدقاء الطفوله هل مازلوا على تواصل ؟

​

 

[دموع الورد]

عنفوآاان المرآاهـقه




1/ أول مرة تضعين ميك اب في اي سن ؟


2/ هل حآولتي أن تقودي سياره ؟


3/ مرحلة المراهقه كيف كان تعامل الأهل فيها ؟


4/ غالباً مايكون الحب الأول في مرحلة المراهقه فكيف تصفينه إن وجـــد ؟


5/ إلى ماذا كنت تطمحين وهل وصلتِ لطموحك ؟


6/عنفوان المراهقه مالذي تبقى منه اليوم في ذاكـرتك ؟


​

 

[دموع الورد]

واليومـ بين نضوج الصبا




1/كيف هي نظرتك للحياة اليوم؟


2/ للمتزوجات كيف هي حياتك بعد الزواج وتحقيق حلم الأمومه؟
و لغير المتزوجات كيف تتوقعين حيااتك بعد الزواج وتحقيق حلم الامومه ؟


3/ هل وجدت حلاوة المسؤليه ما بين واجباتك العملية والعائليه ؟


4/ هل ستربي أبنائكـ بنفس أسلوب تربية والديكـ لك ؟


5/ ماأكثر مايشغلكـ تفكيركـ في ظل مرحلة النضج ؟




​

 

[دموع الورد]

حوآء & آدمـ

1/ الرجل ماذا يعني وجوده في حياتك اليوم ؟


2/ من هي الشخصية الرجاليه التي تعجبك ؟


3/ من هي المرأه التي تــودين أن تكون قدوة لكل نساء الأرض ؟


4/ بعد الأخلاق الحسنة ما أكثرما يلفت انتباهك في الرجل شكلاً ؟


5/ مارأيك بالرجل الذي اهتماماته كمتابعة الموضه والازياء؟


6/ خانك آدم فأصبحتِ ما بين المنصدم والمنتقم كيف ستكون ردة فعلك ؟


7/ بيت شعرتهديه لآدم ؟


8/ كلمة توجهينها لآدم سواء كانت الأب او الزوج أوالاخ ؟

​

 

[دموع الورد]

بين ايديكمـ احببت ان اضع هذه السطور

لـ نتعرف اكثر على حواء البيلسان

واحببت أن أرشح لـ الأجاابه عن هذه السطور

لولية البيلسان

cossete

و آمل ان تقبل دعوتي وتشرفنا هنا

ومن ثم بعد انتهائك تتقدمي بترشيح عضوة أخرى وهكذا

لكم ارق تحيااتي وكل ودي


​

 

[Life of the soul]

موضوع رائع فراشتنا
يعطيكي الف عافية
وبناتظار Cossete

​

 

[Cosette]

طفولــه & شقاااوة​

​

1/ مكان الميلاد أين كان ؟​

ضيعة صغيرة حلوة بريف دمشق

2/ حياة الطفوله من كان المؤثر الأول بها ؟​

اهلي بالدرجة الأولى..و طبعا كان في الي رفقات اثرو عليي لاني بعرفن من عمر السنة

3/ موقف من الطفوله مازال عالق في ذهنك ؟​

امممممم....انو مرة عملت عملية وقت كان عمري شي 7 سنين كتير تدللت وقتها

4/ هل كان يوجد معامله مختلفه لاخوانك الذكورعن البنات ؟​

لا كلنا نفس الشي.....بس انو بتعرفي ع طول حرية الشباب اكتر

5/ اليوم الدراسي الأول هل تتذكري حالك فيه ؟​

ايرحت عالمدرسة وكان في الي رفيقة هنيك بعرفها من الروضة كانت هيي مستعمة مشان هيك فاتت قبلي عالابتدائي فـ ماحسيت انو في شي غريب...وعرفتني ع كتير بنات لهلأ بعدن رفقاتي

6/ عبث الطفوله كيف تصفينه في بضع كلمات ؟​

ما كنت كتير مشاغبة...بس انو بيكفي تقولي شغب(الطفولة) شي لا يوصف

7/ أصدقاء الطفوله هل مازلوا على تواصل ؟​

​

اي الحمدلله كل ما بكون بسوريا بشوفن

عنفوآاان المرآاهـقه​

​

1/ أول مرة تضعين ميك اب في اي سن ؟​

كنت بالبكالوريا كان قلم كحلة بس

2/ هل حآولتي أن تقودي سياره ؟​

لا لانو ما كنت حب السواقة كتير

3/ مرحلة المراهقه كيف كان تعامل الأهل فيها ؟​

ما كنت احكي شي لحدا حتى رفقاتي ما بيعرفو

4/ غالباً مايكون الحب الأول في مرحلة المراهقه فكيف تصفينه إن وجـــد ؟​

لساتو بريء

5/ إلى ماذا كنت تطمحين وهل وصلتِ لطموحك ؟​

لا واللهكنت حابة انو فوت تخصص معين بجامعة بسوريا بس ما قدرت

6/عنفوان المراهقه مالذي تبقى منه اليوم في ذاكـرتك ؟​

كل شي...فترة لا تنسى

واليومـ بين نضوج الصبا ​

​

1/كيف هي نظرتك للحياة اليوم؟​

يييييييييييييييييييييي صعبة و بدا حدا يعرف يتعامل معها منيح

2/ للمتزوجات كيف هي حياتك بعد الزواج وتحقيق حلم الأمومه؟
و لغير المتزوجات كيف تتوقعين حيااتك بعد الزواج وتحقيق حلم الامومه ؟​

ما بتصو حالي بهالوضع انو انا امانو مسؤوووولية بس ان شاء الله بتحملها

3/ هل وجدت حلاوة المسؤليه ما بين واجباتك العملية والعائليه ؟​

لا والله لسة ...لانو ما عندي حياة عملية لسة

4/ هل ستربي أبنائكـ بنفس أسلوب تربية والديكـ لك ؟​

طبعا لا...زمنن غير زمني

5/ ماأكثر مايشغلكـ تفكيركـ في ظل مرحلة النضج ؟​

​

كيف بدي خلص دراسة وكيف رح ابني مستقبلي

حوآء & آدمـ ​

1/ الرجل ماذا يعني وجوده في حياتك اليوم ؟​

نصي التاني...بيكملني... وما حدا بيحب يعيش ناقص

2/ من هي الشخصية الرجاليه التي تعجبك ؟​

مافي شخصية معينة...يمكن من كل رجل في شي بيعجبني...صفات عديدة...

3/ من هي المرأه التي تــودين أن تكون قدوة لكل نساء الأرض ؟​

اللي بتعرف كيف تحافظ ع بيتا

4/ بعد الأخلاق الحسنة ما أكثرما يلفت انتباهك في الرجل شكلاً ؟​

سمارو..اذا كان اسمر...

5/ مارأيك بالرجل الذي اهتماماته كمتابعة الموضه والازياء؟​

مافيها شي ...بيجوز عم يخطط يجيب هدية لحدا

6/ خانك آدم فأصبحتِ ما بين المنصدم والمنتقم كيف ستكون ردة فعلك ؟​

عندي ميلان للانتقامبس بعرف انو ما بقدر ..لذلك بتركو هوي وحالو يسطفلو ببعض

7/ بيت شعرتهديه لآدم ؟​

ما نيل المطالب بالتمني..لكن تؤخذ الدنيا غلابا

8/ كلمة توجهينها لآدم سواء كانت الأب او الزوج أوالاخ ؟​

​

القليل من الصبر على حواء وفهم اللي بعقلها كافي

يسلمو فراشة عالاستضافة



بحط بعدي أحلى دنيا

 

[دموع الورد]

كتير حلوين اجاباتك لولية

يعطيكي الف عافية

بس ابعتيلها لعلوش انو اختارتيها بعدك
​

 

[Cosette]

يحلي أيامك فراشة


و حاضر يا معلم

 

[دموع الورد]

يحلي أيامك فراشة


و حاضر يا معلم

​

 

[The Hero]

أنا أسف
​

 

[ابوغريب]

ياملكة الرومانسيه انت يااحلى فراشة واحلى وردة
شيييييييييييي حلو يسلموووووو
​

 

[Cosette]

لك اسمو قسم حواء
شو جابكن انتو التنين لهون
بلكي عنا اسرار

 

[احلى دنيا]

على عيني

 

[احلى دنيا]

طفولــه & شقاااوة​

​

1/ مكان الميلاد أين كان ؟
بقطر مستشفى حمد
2/ حياة الطفوله من كان المؤثر الأول بها ؟
بابا
3/ موقف من الطفوله مازال عالق في ذهنك ؟
وقت الممرضه دقتني ابره وكان شكلها جديده بالمهنه
وصارت تحرك الابرة جوات الشريان يمين وشمال
وانا صرخ .. بابا شاف هالمنظر طار عقلو وعصب عليها
وموقف تاني وقت ضعت عن امي بالسوق ولاقتني الشرطه وصارت ادور معي عليها بسيارة الشرطه
4/ هل كان يوجد معامله مختلفه لاخوانك الذكورعن البنات ؟
لا ابدا .. الحمدلله ما عنا عقليات متخلفه
5/ اليوم الدراسي الأول هل تتذكري حالك فيه ؟
اي اي بتزكرو كتير منيح
حتى وقتا ماما لحقتني عالمدرسة واجت غمضتلي عيوني من ورا عملتلي ياها مفاجئه
6/ عبث الطفوله كيف تصفينه في بضع كلمات ؟
براءة مافي بعدها براءه ... بحب حالي هديك الايامات
وبقول يا ريتني ضليت صغيرة كل همي لعبتي
7/ أصدقاء الطفوله هل مازلوا على تواصل ؟
وحده بس يلي هي بنت عمي لهلا روح وحده الحمدلله
​

بس الباقي جربت قد ما بقدر اتمسك فيهن بس هنن حبو ينسو ​

عنفوآاان المرآاهـقه​

​

1/ أول مرة تضعين ميك اب في اي سن ؟
بحط وانا وصغيره بالاعراس
بس برات البيت حطيت فيها بالثانويه
2/ هل حآولتي أن تقودي سياره ؟
لا .. ما سقت سيارة الا بمدرسة التدريب
3/ مرحلة المراهقه كيف كان تعامل الأهل فيها ؟
كنت شوف الخوف بعيونن بس بنفس الوقت ما كانو يحبو يظهرو كرمال ما ادايق
الحمدلله ما كانو ضاغطين عليي كتيير .. وكان في مراعاة لهالمرحله​

4/ غالباً مايكون الحب الأول في مرحلة المراهقه فكيف تصفينه إن وجـــد ؟
انا بشوفو حب صادق كتير .. بعيد عن كل المصلحه يلي بنفكر فيها وقت نكبر
5/ إلى ماذا كنت تطمحين وهل وصلتِ لطموحك ؟
كان طموحي اني فوت جامعه والحمدلله ليكني عم حققو
6/عنفوان المراهقه مالذي تبقى منه اليوم في ذاكـرتك ؟
تحشيش كان بربي ​

واليومـ بين نضوج الصبا ​

1/كيف هي نظرتك للحياة اليوم؟
صعبة اكتر من طاقتنا اوقات .. الحمدلله ع نعمة الصبر
2/ للمتزوجات كيف هي حياتك بعد الزواج وتحقيق حلم الأمومه؟
و لغير المتزوجات كيف تتوقعين حيااتك بعد الزواج وتحقيق حلم الامومه ؟
دايما بتخيل حياتي الزوجية سعيده كتير .. وام ناجحة
وان شالله رح كون هيك
3/ هل وجدت حلاوة المسؤليه ما بين واجباتك العملية والعائليه ؟
هاد مش الي انا لساتني سنجل ​

4/ هل ستربي أبنائكـ بنفس أسلوب تربية والديكـ لك ؟
لا في شغلات كانت تزعجني مش رح اعملها
او بعملها بس بطريقة تانيه
واكيد في شغلات رح تكون نفس الاسلوب
هدول مدرستي​

5/ ماأكثر مايشغلكـ تفكيركـ في ظل مرحلة النضج ؟
​

ما بظن اني ناضجه
حوآء & آدمـ ​

1/ الرجل ماذا يعني وجوده في حياتك اليوم ؟
بحياتي الرجل الاساسي بابا .. ولولا بابا انا انسانة فاشله
واكيد في اشخاص كمان بقوني وبخلو لحياتي معنى ​

2/ من هي الشخصية الرجاليه التي تعجبك ؟
الرجال يلي بوصل عمرو لل 60 سنه وما دق قلبو الا لمرتو
وضل حبو لمرتو الختياره متل حبو وقت كانت بالعشرين
3/ من هي المرأه التي تــودين أن تكون قدوة لكل نساء الأرض ؟
ام الشهيد يلي ودعت ابنها قبل ما يروح يعمل عملية فدائيه
4/ بعد الأخلاق الحسنة ما أكثرما يلفت انتباهك في الرجل شكلاً ؟
كتير اشيا .. سمارو .. طولو .. كتافو .. اناقتو ​

5/ مارأيك بالرجل الذي اهتماماته كمتابعة الموضه والازياء؟
حلو يتابع الموضة بس ما يكون اول اهتمامتو​

6/ خانك آدم فأصبحتِ ما بين المنصدم والمنتقم كيف ستكون ردة فعلك ؟
بنتقم.. بس انتقامي ما بيكون قاسي .. مجرد اني خليه يشوف نظرة احتقاري الو بعيوني
هالشي بكفيني
7/ بيت شعرتهديه لآدم ؟
مو بيت شعر في غنية لنانسي عجرم
اسمها ليا حق وهي كلماتا
ليا حق برضه اعيش حياتى
ليا حق برضه ياحبيبى فى الحياة
ليا حق وانت حق عشان تهون الحياة
انت اب وانا ام انت ادم وانا حوا
يبقى صعب يبقى ظلم تعيش ياادم وتموت حوا
لا مش قصدى اقوى ولا حاجة
لا مش قصدى اقوى وتكون انت ضعيف
انت نص وانا نص زى الشتا والصيف
انت اب وانا ام انت ادم وانا حوا
يبقى صعب يبقى ظلم تعيش ياادم وتموت حوا​

8/ كلمة توجهينها لآدم سواء كانت الأب او الزوج أوالاخ ؟
بدي احكيلهن انو احنا بس بدنا حنية .. وبنكون الكون الانثى يلي بتتمنوها
وبدي احكيلهن انو ربنا بعد دموع الانثى هاد يلي بعرفو
ف خافو ربنا فينا ​

خلصت ​

 

[دموع الورد]

يا عيني يا عيني شو هالاجابات الحلوة هااي علوش

بس اختاري حدا بعدك
​

 

[دموع الورد]

أنا أسف
​

ياملكة الرومانسيه انت يااحلى فراشة واحلى وردة
شيييييييييييي حلو يسلموووووو
​

يسلمو غريب

بس شو جابكن لهون انتو مو شايفين العنوان

براااااااااااااااااااااااا
​

 

[Life of the soul]

يعطيكن العافية صبايا
​

 

[احلى دنيا]

بحطك بعدي سندريلا