ĻàĎỷ iЙ ŖẼD
ܓܨ أشهق بأسمه ܓܨ
- إنضم
- Jan 23, 2009
- المشاركات
- 5,503
- مستوى التفاعل
- 87
- المطرح
- بعيونو
خيمة كرموز - مسرح خيال الظل
يعتبر مسرح خيال الظل وشخصيات كركوز وعيواظ نوعا من العروض المسرحية بأسلوب بسيط وتلقائي ويهدف من ذلك المتعة للمتفرجين ومن خلال الحديث على لسان شخوصه يتم تمرير بعض الانتقادات الهادفة لرجال الحكم آنذاك وبعض المظاهر السلبية وكل ذلك كان يتم بأسلوب ارتجالي وفي اللحظة نفسها يتشكل الحدث
ومن خلال شخصيات كركوز وعيواظ وباقي شخصيات مسرح خيال الظل نتعرف على كثير من عادات المجتمع آن ذاك وخلال الحقبة العثمانية و يجرى على لسانها أحداث من ضمن واقع مدينة دمشق أو حلب أو غيرها .
ومن ضمن شخصيات مسرح خيال الظل
اضافة الى شخصية ( كراكوز ) الذي يتميز بالبساطة وسلامة الطوية والنزق وهو يمثل الناس البسطاء وابن الشعب بعيوبه ومزاياة
اما ( عيواظ ) فهو يتفاصح ويشتهر بالفهلوة ويستغل طيبة كراكوز فينصب له المقالب ولكنه غالبا ما يقع فيها.
( بكري مصطفى ) وهو يمثل الرجل الجاهل العربيد والذي يتصنع القوة ويستغل ذلك لمصلحته ،
وهناك شخصية ( مدلل شلبي ) وهي تمثل شابا صغيرا يثير المرح ويلف الجو وسمي بذلك لخفة دمه وحركاته اللطيفة
وهنالك شخصيات اخرى مثل ( آشئو آغا ) و ( دروني زادا )
و ( حاج قريطم ) و( كرَّش )
وهو حمار يتكلم وشخصية البنت وغير ذلك مما تستدعيه الحكاية
صور لشخصيات كركوز وعيواظ
ونتوقف اليوم مع حكاية لطيفة من حكايات خيمة كراكوز لنستمتع بها كما كانت ايام زمان
سراية عيواظ
عيواظ نائم ، يشخر بأصوات متفاوته ، زوجه تذرع الخيمة جيئةً وذهاباً
الزوجة : عيواظ ... عيواظ
عيواظ : هم مممم
الزوجة : ولك عيواظ ... عيواظ
عيواظ: شوبك ؟
الزوجة : عيواظ .. ولك فيء بئا اعود بدي إحكي معك
( ينهض عيواظ متاففاً)
عيواظ : وهي اعده ، شوبدك ؟
الزوجة : أنا امبارح كنت معزومة عالعرس
عيواظ: وخير انشا الله !
الزوجة : كل النسوان بيجي أكثر من ميت مرة كل واحدة منن لابسه صيغة شيء بيمزء الئعل إلا أنا مرت عيواظ مالي لابسة برئبتي ولا بأصابيعي اطعة دهب .
عيواظ: وشوبدي اعمل لك ، على قد فراشنا منمد اجرينا .. وعلى هوا السوء منسوء
الزوجة : انا كنت امبارح مضحكة .. وكل النسوان صاروا يتغامزوا علي وصاروا يئولوا إنو مرت عيواظ مالا لابسة ببرغوت دهب ( وحدة نقد عثمانية) صيغة استحيت وطلبت من العرس وماكفيت السهرة
عيواظ : وشوبدك هلأ ؟
الزوجة : اليوم في عرس معزومة عليه هلأ هلأ بدك تصيغ لي خمسين مخمس بسنسال دهب ، بدي ألبسهن وروح عالعرس وإعلأ عيون اللي صارو يضحكوا علي بسهرة امبارح
عيواظ : ومنين بدي جبلك خمسين مخمس كل مخمس بخمس نيرات دهب ؟
الزوجة : مابعرف .. دبر حالك . ومابتفوت عالبيت إلا وهنه معك ..
ثم تلقي به الى الخارج يبكي ..
يذهب عيواظ ويطرق الباب على كركوز
كركوز .. اخي كركوز .. ولااخي كركوز
كركوز : ايه .. ايه جايه
عيواظ : أوام الله يخليك
( يخرج كركوز)
كركوز: شوباك عم تبكي ؟
عيواظ : من هيه . الأربع واء إلا ربع ( تعبير شعبي يعني الزوجة)
كروكوز : مرتك !
عيواظ : إيه نعم مرتي
كروكوز : شوباها؟
عيواظ : آل بدها صيغة
كركوز: ومنين لك يامعتر؟
عيواظ: والله مالي عرفان .
كركوز : وشوبدها؟
عيواظ : ( وهو يبكي ) بدها خمسين مخمس بسنسال دهب
كركوز: وليش عما تبكي ؟
عيواظ : ألعتني من البيت ، وآلت إنو ما إرجع .. إلاوهنن بإيدي
كركوز: ( يفكر) إذا شرت عليك هالشور بتعملو ؟
عيواظ : إذا شورك منيح منعملو ، ليش لا ؟
كركوز : روح اشتري لك شئفه مرسة ( حبل ) وشحمها منيح وطلاع لبرات البلد وعلىء حالك على شي شجرة ، شي ربع ساعة زمان وبتجي .. بعدين انا بشور عليك شوتعمل.
عيواظ : ولا كركوز الله لايوردك ( لايوفقك) شوبدك ياني موت حالي ؟!!
كركوز : لكان اللي بدو يكون راكبتو مرتو ، لازم يئبر حالو .. عجبك هالشور ؟
عيواظ : لاوالله
كركوز: لكان لح بشور عليك كمان شور تاني
عيواظ : هات لنشوف
كركوز : بيتك ملكك ولا بالكري ؟ ( بالاجرة)
عيواظ : الملك لاالله ملكي
كركوز: فيه تحتاني وفوآني ؟
عيواظ : أيه .. تحتاني فيه مربع إلو يوك( مكان موضع الفراش واللحف) وكتبية وليوان وارض ديار ومطبخ بوجاء وكانون وششمة حشا السامعين
وفوآني فيه فرنكتين ومشرئة
كركوز: ايه ، لكان : بتهبط التحتاني وبتخلي الفوآني ، وبعدين بتبيع الحجار والخشبات ، وبنشتري بحئهن لمرتك يلي بدا اياه ، منيح هيك ؟
عيواظ: (يفكر ) ولا كركوز ،، أنا شورك عجبني .. بس ماإلتها عالمظبوط ..
لو ألتلي هبط الفوآني ، وخلي التحتاني كانت الشغلة أضبط .
كركوز: والله يأخي عيواظ ألت لحالي بلكي وانت عما تهبط التحتاني بيطبيء الفوآني عليك وعلى مرتك وبتستريح من هالبلا
.
عيواظ : ولا كركوز .. هلأ مو وئت مزح
كركوز: لكان هبط الفوآني
عيواظ : ايه .. لنروح نشاور المرا
الزوجة : وين .. وين .. تعالهون .. وين الخمسين مخمس وسنسال الدهب مانهن بايدك؟
عيواظ : اصبري شوية يا مرا اخي كركوز شار علينا شور
الزوجة : وشو هالشور؟ قول لنشوف
عيواظ : آل إنو نهد الفوآني من هالبيت .. ونبيع هالحجار والخشبات .. وشو بيجيبوا .. منشتري لك فيهن مخمسات
الزوجة : لكان هبط الفوآني والتحتاني بس جيب لي المخمسات والسنسال .. حتى روح فيهن عالعرس .
عيواظ: إيه .. ياالله ( يود الخروج ) ياميسر
الزوجة : وين رايح ؟
عيواظ: لنجيب فعالة لحتى يهبطوا
الزوجة: مابدها فعالة ومعالة يارجال ....أنا وانت منحمل محفارين ومنهبط . وأجرة الفعالة منوفرها ومنشتري مخمسات .
هذه إحدى حكايا كركوز وعيواظ والتي تبعث الانشراح في النفس وتثير الضحك لدى الحضورأيام زمان قبل انتشار الراديو والتلفزيون .. اتمنى ان تكو هذه الحكاية قد فتحت ذاكرتكم على نوافذ التاريخ .. لنا لقاء آخر في قصة وحكاية جديدة من حكايا خيمة كركوز
يعتبر مسرح خيال الظل وشخصيات كركوز وعيواظ نوعا من العروض المسرحية بأسلوب بسيط وتلقائي ويهدف من ذلك المتعة للمتفرجين ومن خلال الحديث على لسان شخوصه يتم تمرير بعض الانتقادات الهادفة لرجال الحكم آنذاك وبعض المظاهر السلبية وكل ذلك كان يتم بأسلوب ارتجالي وفي اللحظة نفسها يتشكل الحدث
ومن خلال شخصيات كركوز وعيواظ وباقي شخصيات مسرح خيال الظل نتعرف على كثير من عادات المجتمع آن ذاك وخلال الحقبة العثمانية و يجرى على لسانها أحداث من ضمن واقع مدينة دمشق أو حلب أو غيرها .
ومن ضمن شخصيات مسرح خيال الظل
اضافة الى شخصية ( كراكوز ) الذي يتميز بالبساطة وسلامة الطوية والنزق وهو يمثل الناس البسطاء وابن الشعب بعيوبه ومزاياة
اما ( عيواظ ) فهو يتفاصح ويشتهر بالفهلوة ويستغل طيبة كراكوز فينصب له المقالب ولكنه غالبا ما يقع فيها.
( بكري مصطفى ) وهو يمثل الرجل الجاهل العربيد والذي يتصنع القوة ويستغل ذلك لمصلحته ،
وهناك شخصية ( مدلل شلبي ) وهي تمثل شابا صغيرا يثير المرح ويلف الجو وسمي بذلك لخفة دمه وحركاته اللطيفة
وهنالك شخصيات اخرى مثل ( آشئو آغا ) و ( دروني زادا )
و ( حاج قريطم ) و( كرَّش )
وهو حمار يتكلم وشخصية البنت وغير ذلك مما تستدعيه الحكاية
صور لشخصيات كركوز وعيواظ
ونتوقف اليوم مع حكاية لطيفة من حكايات خيمة كراكوز لنستمتع بها كما كانت ايام زمان
سراية عيواظ
عيواظ نائم ، يشخر بأصوات متفاوته ، زوجه تذرع الخيمة جيئةً وذهاباً
الزوجة : عيواظ ... عيواظ
عيواظ : هم مممم
الزوجة : ولك عيواظ ... عيواظ
عيواظ: شوبك ؟
الزوجة : عيواظ .. ولك فيء بئا اعود بدي إحكي معك
( ينهض عيواظ متاففاً)
عيواظ : وهي اعده ، شوبدك ؟
الزوجة : أنا امبارح كنت معزومة عالعرس
عيواظ: وخير انشا الله !
الزوجة : كل النسوان بيجي أكثر من ميت مرة كل واحدة منن لابسه صيغة شيء بيمزء الئعل إلا أنا مرت عيواظ مالي لابسة برئبتي ولا بأصابيعي اطعة دهب .
عيواظ: وشوبدي اعمل لك ، على قد فراشنا منمد اجرينا .. وعلى هوا السوء منسوء
الزوجة : انا كنت امبارح مضحكة .. وكل النسوان صاروا يتغامزوا علي وصاروا يئولوا إنو مرت عيواظ مالا لابسة ببرغوت دهب ( وحدة نقد عثمانية) صيغة استحيت وطلبت من العرس وماكفيت السهرة
عيواظ : وشوبدك هلأ ؟
الزوجة : اليوم في عرس معزومة عليه هلأ هلأ بدك تصيغ لي خمسين مخمس بسنسال دهب ، بدي ألبسهن وروح عالعرس وإعلأ عيون اللي صارو يضحكوا علي بسهرة امبارح
عيواظ : ومنين بدي جبلك خمسين مخمس كل مخمس بخمس نيرات دهب ؟
الزوجة : مابعرف .. دبر حالك . ومابتفوت عالبيت إلا وهنه معك ..
ثم تلقي به الى الخارج يبكي ..
يذهب عيواظ ويطرق الباب على كركوز
كركوز .. اخي كركوز .. ولااخي كركوز
كركوز : ايه .. ايه جايه
عيواظ : أوام الله يخليك
( يخرج كركوز)
كركوز: شوباك عم تبكي ؟
عيواظ : من هيه . الأربع واء إلا ربع ( تعبير شعبي يعني الزوجة)
كروكوز : مرتك !
عيواظ : إيه نعم مرتي
كروكوز : شوباها؟
عيواظ : آل بدها صيغة
كركوز: ومنين لك يامعتر؟
عيواظ: والله مالي عرفان .
كركوز : وشوبدها؟
عيواظ : ( وهو يبكي ) بدها خمسين مخمس بسنسال دهب
كركوز: وليش عما تبكي ؟
عيواظ : ألعتني من البيت ، وآلت إنو ما إرجع .. إلاوهنن بإيدي
كركوز: ( يفكر) إذا شرت عليك هالشور بتعملو ؟
عيواظ : إذا شورك منيح منعملو ، ليش لا ؟
كركوز : روح اشتري لك شئفه مرسة ( حبل ) وشحمها منيح وطلاع لبرات البلد وعلىء حالك على شي شجرة ، شي ربع ساعة زمان وبتجي .. بعدين انا بشور عليك شوتعمل.
عيواظ : ولا كركوز الله لايوردك ( لايوفقك) شوبدك ياني موت حالي ؟!!
كركوز : لكان اللي بدو يكون راكبتو مرتو ، لازم يئبر حالو .. عجبك هالشور ؟
عيواظ : لاوالله
كركوز: لكان لح بشور عليك كمان شور تاني
عيواظ : هات لنشوف
كركوز : بيتك ملكك ولا بالكري ؟ ( بالاجرة)
عيواظ : الملك لاالله ملكي
كركوز: فيه تحتاني وفوآني ؟
عيواظ : أيه .. تحتاني فيه مربع إلو يوك( مكان موضع الفراش واللحف) وكتبية وليوان وارض ديار ومطبخ بوجاء وكانون وششمة حشا السامعين
وفوآني فيه فرنكتين ومشرئة
كركوز: ايه ، لكان : بتهبط التحتاني وبتخلي الفوآني ، وبعدين بتبيع الحجار والخشبات ، وبنشتري بحئهن لمرتك يلي بدا اياه ، منيح هيك ؟
عيواظ: (يفكر ) ولا كركوز ،، أنا شورك عجبني .. بس ماإلتها عالمظبوط ..
لو ألتلي هبط الفوآني ، وخلي التحتاني كانت الشغلة أضبط .
كركوز: والله يأخي عيواظ ألت لحالي بلكي وانت عما تهبط التحتاني بيطبيء الفوآني عليك وعلى مرتك وبتستريح من هالبلا
.
عيواظ : ولا كركوز .. هلأ مو وئت مزح
كركوز: لكان هبط الفوآني
عيواظ : ايه .. لنروح نشاور المرا
الزوجة : وين .. وين .. تعالهون .. وين الخمسين مخمس وسنسال الدهب مانهن بايدك؟
عيواظ : اصبري شوية يا مرا اخي كركوز شار علينا شور
الزوجة : وشو هالشور؟ قول لنشوف
عيواظ : آل إنو نهد الفوآني من هالبيت .. ونبيع هالحجار والخشبات .. وشو بيجيبوا .. منشتري لك فيهن مخمسات
الزوجة : لكان هبط الفوآني والتحتاني بس جيب لي المخمسات والسنسال .. حتى روح فيهن عالعرس .
عيواظ: إيه .. ياالله ( يود الخروج ) ياميسر
الزوجة : وين رايح ؟
عيواظ: لنجيب فعالة لحتى يهبطوا
الزوجة: مابدها فعالة ومعالة يارجال ....أنا وانت منحمل محفارين ومنهبط . وأجرة الفعالة منوفرها ومنشتري مخمسات .
هذه إحدى حكايا كركوز وعيواظ والتي تبعث الانشراح في النفس وتثير الضحك لدى الحضورأيام زمان قبل انتشار الراديو والتلفزيون .. اتمنى ان تكو هذه الحكاية قد فتحت ذاكرتكم على نوافذ التاريخ .. لنا لقاء آخر في قصة وحكاية جديدة من حكايا خيمة كركوز
