شباب مُتعنِّت أم آباء متسلطون؟

[museumoflove]

شباب مُتعنِّت أم آباء متسلطون؟


الأكيد أن غالبية الشباب يشتكون تسلط الآباء عليهم أو على الأقل
هكذا يرون الأمر و في المقابل يعتقد الآباء أن جيل الشباب الحالي مُتعنّت
و حتى غير مطيع.
هذا شاب يحصل على البكالوريا و يريد أن يصبح طيارا مثلا، لكن الأب يريده
بل يأمره أن يكون طبيبا لأنه هكذا يريد له أن يكون أو بالأحرى هكذا خطط
له أن يكون!!
و هذه شابة متفوقة في دراستها و لا تأمل إلا في عيش لحظات التخرج
الجميلة تصدم بقرار أبوي صارم : لا بّد أن تتوقف المسيرة
وتتزوج العريس الذي أحضره لها .
إن ذلك الشاب و تلك الشابة في موقف حرج جدا لا يحسدان عليه؛
فإما الرّضوخ لقرار الأب الذي تمليه قيّم الطاعة و بالتالي تضييع أحلامهم
وخططهم المستقبلية وحتى حياتهم كاملة
و إما الإستماتة في الدفاع عن خياراتهم وهذا تمليه الحرية الشخصية
في رسم مستقبلهم
حسب رغباتهم رغم ما ينجر عن تلك الإستماتة من مشاكل أسرية...



أسئلتنا النقاشية:

* هل الأمر في هذه الحالة تعنت وعقوق من الشباب أم تسلط
من الآبــــــــــاء؟
*لو أنك عشت موقفا مشابها كهذا فكيف كنت ستتصرف ؟ ولماذا؟

مساحة حرة لقلمك في الموضوع.




​

 

[كتكوووووت]

اخي ايمن موضوعك جميل جدا ومن واقع مجتمعنا العربي وللأسف فكثير من الأباء يعتبرون رغبتهم هي التي يجب أن تنفذ ضاربين رغبة أبنائهم عرض الحائط ولكن هل سألنا أنفسنا لماذا هذا التصلب بالرأي من قبل الأباء هل لعدم تمكنهم من تحقيق هذه الرغبة عندما كانو في مثل اعمارنا لأسباب مادية أو أسباب أخرى. الأب يتمنى أن يرى أبناءه من أفضل الناس وان يباهي بهم من حوله من المجتمع. ونحن بدورنا يجب أن لا نهمل رغبة الأهل على الاقل بمناقشة ذلك الأمر معهم وطرحه على طاولة المناقشة الودية بين الاب وابنه ولا مانع من الاستعانة ببعض الأشخاص المقربين للوالد والمؤثرين بهم لنصل إلى حل يرضي الطرفين واضعين احتمال الفشل في تحقيق رغبة الأب في حال اتباعها وأظن أن هذه العقلية بدأت بالانقراض في ظل دخول التكنولوجيا إلى كافة البيوت بشكل عام فالآن لا نجد الا فئة قليلة من الأباء غير متعلم ويعي تماما ماهي الأثار السلبية حال اجبار الأبناء لدخول اقسام لا رغبة لهم فيها وإن حقق الرغبة فهل سينجح في حياته كطبيب مثلا ان لم يكن لديه الرغبة لا اظن اذاً علينا بذل كافة ما بوسعنا لإقناع الاهل بتحقيق رغبتنا وما سنجنيه من العلم إن كانت هي ما نصبو إليه.

أشكرك اخي ايمن على الموضوع المميز وتقبل ردي
​

 

[قيــ الروح ــثارة]

* هل الأمر في هذه الحالة تعنت وعقوق من الشباب أم تسلط
من الآبــــــــــاء؟
لو كانت أحلام الابن أو البنت يتقبلها المجتمع
والأهل رفضوا
ساعتها اسمو تسلط أباء
لو بالعكس يعني لو الابناء أحلامهم كانت سخيفة وما بتأمنلون حياة رغيدة ومنعوهن عنها والابناء تعنتوا على قولك هاد بيكون عقوق​

*لو أنك عشت موقفا مشابها كهذا فكيف كنت ستتصرف ؟ ولماذا؟
لو الحلم اللي متعلقة فيه قادرة اني حققو ومنعوني أهلي من تحقيقو رح ضل حارب وقاتل مشانو
ولماذا؟لأنو أكيد لو حياتي كانت تعيسة مارح يكونوا هنن التعساء رح اتعذب وحدي

مساحة حرة لقلمك في الموضوع.

كل واحد الو حلم بهالدنيا
وكل واحد لازم يجتهد ليحققو
بس اللي بعرفو أنو الاهل يمكن يكونوا على صواب أحيانا
وأحيانا لاء



ميرسي يا أيمن
بدي رأيك بهالموضوع كمان بس تفضى ​

 

[جمانة]

ممم ما رح جاوب على الاسئلة انا
بس رح قلك وجهة نظري
هو المشكلة الاساسية انو زمنا غير زمن اهالينا
و اهالينا بدون يحققو يلي ما قدرو يوصلولو من خلالنا
و هاد اكبر غلط
هون الولد بيحس انو ابوه عم يتسلط عليه
مع انو الاب بيكون بدو الشي المنيح لابنو
و الاب بيفكر انو ابنو متعنت مع انو الولد كل يلي بدو انو يحقق طموحو
يعني طريقين معاكسين لبعض
و انا بظن انو كل واحد حقو يحاول يوصل لحلمو لو شو ما كان هالحلم ما الو طعمة
او حلم تافه
بالنهاية بضلو حلم و امنية و طموح

​

 

[مختار]

ممم ما رح جاوب على الاسئلة انا
بس رح قلك وجهة نظري
هو المشكلة الاساسية انو زمنا غير زمن اهالينا
و اهالينا بدون يحققو يلي ما قدرو يوصلولو من خلالنا
و هاد اكبر غلط
هون الولد بيحس انو ابوه عم يتسلط عليه
مع انو الاب بيكون بدو الشي المنيح لابنو
و الاب بيفكر انو ابنو متعنت مع انو الولد كل يلي بدو انو يحقق طموحو
يعني طريقين معاكسين لبعض
و انا بظن انو كل واحد حقو يحاول يوصل لحلمو لو شو ما كان هالحلم ما الو طعمة
او حلم تافه
بالنهاية بضلو حلم و امنية و طموح

​

انا معها بكل حرف

 

[\\ Dr.3'iNa \\]

* هل الأمر في هذه الحالة تعنت وعقوق من الشباب أم تسلط من الآبــــــــــاء؟

برأيي كل حدا فينا حر بحياتو .. الأهل فيهون يقدموا نصيحة للابن بس مو اكتر .. كل حدا الو حياتو الشخصية يلي رح يكملا لوحدو .. فبالتالي مابيحق لحدا انو يتدخل فيه وبقرارتو .. لأنو بالحالتين هو رح يتحمل نتيجة القرار يلي أخدو .. سواءً كانت العواقب حسنة أو سيئة .. فبالتالي انا مابعتبر هالشي عقوق .. لأنو مافي شي بيجبرني تكون عقليتي متل عقلية أهلي .. وبالنهاية بيضل لكل حدا عقلو وتفكيرو الخاص فيه .. وفي حالة لو كانو الاهل واعيين فـ لحالون لازم يعرفو انو الابن لما يوصل لعمر معين بيصير بقا صعب يتدخلو فيه .. بل على العكس ، لازم يصير مستقل بذاتو ويتحمل مسؤوليات قرارو لحتى بالمستقبل يكون شخص قادر يعتمد على حالو بكل شي .

*لو أنك عشت موقفا مشابها كهذا فكيف كنت ستتصرف ؟ ولماذا؟

في حال تعرضت لهيك موقف ، فـ رح اتبع المسار الفكري يلي ذكرتو فوق .. والسبب كمان ذكرتو فوق ..
بس الحمدلله أهلي على درجة كافية من الوعي و مابيفكرو بهالطريقة .. وما بيتدخلو بحياتي الا لما يلاقو انو الموضوع بيستاهل التدخل ..


​