شوية أسئلة :)

[The Hero]

1) اذا كانت عندك ورقه فاضيه شو اكثر شي تحب ترسمه
عليها ؟

2) قطار حياتك الى اين يتجه ؟

3) صف نفسك فى ثلاث كلمات ؟

4) حقيبة اسرارك عند من تودعها ؟

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟

6) ما أجمل شيء حبيته فـي المنتدى ؟

7) متى يقسو قلبك ؟

8) صفة تراها ماتت في البشر ؟

9) أكثر شيء يؤثر فيك جداً وقد تبكي لأجله ؟

 

[{*B*A*T*M*A*N*}]

1- إذا كانت عندك ورقة فاضية شو أكثر شي تحب ترسمه عليها ؟
أكثر شي بحب أرسم علم الأستقلال والعلم السوري بحب أتفرج عليهم التنين سوا مدري ليش

2- قطار حياتك إلى أين يتجه ؟
والله الصراحة مالي عرفان شو عم يصير معي خاصة بهالأوضاع

3- صف نفسك بثلاث كلمات ؟
هلأ بعرف أنو مو الشخص يلي بيصف حالو الناس يلي بتصفو بس لح جاوب , ( بتكفي أني بحترم الكل وما بحترم يلي ما محترم ) هي الكلمة بتكفي

4- حقيقة أسرارك عند من تودعها ؟
ما عندي لا أسرار ولا شي كل شي مكشوف للعالم ويلي بقلبي على راس لساني

5- أحد علماء النفس قال ذات مرة : أنه بأستطاعة الإنسان العيش من دون أصدقاء فما رأيك أنت ؟
هلأ بجوز يعد بلا أصدقاء بس يعني أد ما كان بديق خلقو الواحد يعني مثل ما بقول المتل ( الجنة بلا ناس ما بتنداس ) وكمان بترجع على حسب الشخص إذا كان أجتماعي أو وحداني والله أعلم

6- ما أجمل شيء حبيته بالمنتدى ؟
تصميمه وطريقة إنشاءه والأعضاء يلي بقلبو

7- متى يقسو قلبك ؟
على الأحمق والشبيح والمنحبكجي ذو العقل المحدود

8- صفة تراها ماتت بالبشر ؟
النخوة , خاصة لما الشبيحة ياخدوا النسوان والعالم عم تتفرج يا باطل بس

9- أكثر شيء يؤثر فيك جداً وقد تبكي لأجله ؟
شخص مظلوم عم ينضرب قدامي وما عم أحسن ساوي شي , بحب آخد تاره قد ما أستطعت بقوتي المحدودة


موضوع جميل الله يعطيك العافية هيرو
​

 

[ḾǑŏǑŏǓĐỸ]

1) اذا كانت عندك ورقه فاضيه شو اكثر شي تحب ترسمه
عليها ؟

بحب أرسم غابة كتيرما بعرف ليش

2) قطار حياتك الى اين يتجه ؟
الى ما أعرف أين ........مصيري عند رب العالمين
3) صف نفسك فى ثلاث كلمات ؟
حساس......محب للجميع.......غبي

4) حقيبة اسرارك عند من تودعها ؟
بلال.......خلود.....ريم...الهام.....اميرة النجمات

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟

مستحيل لأن ما بتكمل الحياة بدون اصدقاء


6) ما أجمل شيء حبيته فـي المنتدى ؟

لمتنا الحلوة وايدنا الوحدة المتحدة.....والستايل الموف

7) متى يقسو قلبك ؟

اذا عالحبيبة بس وقت تخون

أما بشكل عام لما حدا يهملني او يكذب عليي او يجاكرني

8) صفة تراها ماتت في البشر ؟

الوفااااااااااااااااااااااااااااااااااء


9) أكثر شيء يؤثر فيك جداً وقد تبكي لأجله ؟

دموع أمي أو رفيق ألي ودمعة ام شهيد



شكرا هيرو عالأسئلة الحلوة
​

 

[ღRosa Blancaღ]

شوية أسئلة

1) اذا كانت عندك ورقه فاضيه شو اكثر شي تحب ترسمه
عليها ؟



​

زخرفة كتير بحب زخرف حروف اسمي او اي شي فيو زخرفة


2) قطار حياتك الى اين يتجه ؟

الى المجهول وربما الاستقرار الله اعلم

3) صف نفسك فى ثلاث كلمات ؟


طيوبة قوية حبابة
​

4) حقيبة اسرارك عند من تودعها ؟

عند امي وخوخا ونوارتي واحيانا اخواتي البنات

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟

انا بحكي عن حالي انو ما فيني عيش بدونن ابدا الله يخليلي ياهن وما يحرمني منن واللي بيئدر يعيش لحالو بيكون انطوائي وفي بنفسيتو شي غلط لانن احلى شي بالدنية

6) ما أجمل شيء حبيته فـي المنتدى ؟

الناس الطيبة اللي فيه والدروس اللي تعلمتا منو

7) متى يقسو قلبك ؟

كتير قليل ليقسى البي بس وئت شوف انسان حقير ادامي ووئت حدا يظلمني ويجي الوئت لردلو الصاع صاعين بصير شريرة

8) صفة تراها ماتت في البشر ؟

قلوبن ... للاسف ماتت الرحمة من قلوبن

9) أكثر شيء يؤثر فيك جداً وقد تبكي لأجله ؟

فراق حدا غالي عليي ودموع امي وشخص مكسور



ثانكس رمرووووم

ما تجاوب انت مثلا ​

 

[STELLA]

1)
اذا كانت عندك ورقه فاضيه شو اكثر شي تحب ترسمه عليها؟

على حسب الحالة الي أنا فيها ,, أوقات برسم طبيعه اوقات عيون أوقات خرابيش


2)
قطار حياتك الى اين يتجه ؟

إلى المجهول


3)
صف نفسك فى ثلاث كلمات ؟


إنسانه من لحم و دم فقط


4)
حقيبة اسرارك عند من تودعها ؟


أختي


5)
احد علماء النفس قال ذات مرة

:
أنه باستطاعة الانسان

العيش من دون اصدقاء فما رايك أنت ؟

ممكن أنو يعيش بس الحياة بدونهم مو حلوة أبدا
بتضل الحياة باهته و ناقصه الوان


6)
ما أجمل شيء حبيته فـي المنتدى ؟

المنتدى بحد ذاتو


7)
متى يقسو قلبك ؟

القلب بيقسى لما بيبتعد عن رب العالمين


8)
صفة تراها ماتت في البشر ؟


الضمير


9)
أكثر شيء يؤثر فيك جداً وقد تبكي لأجله ؟

الفراق و الوداع
و المواقف الحزينة



ثانكس هرهور ع الاسئلة الحلوة
​

 

[دموع الورد]

شوية أسئلة

1) اذا كانت عندك ورقه فاضيه شو اكثر شي تحب ترسمه
عليها ؟

حسب مزاجي يعني مو دائما نفس الشي

2) قطار حياتك الى اين يتجه ؟

الله اعلم ..................... ؟؟؟

3) صف نفسك فى ثلاث كلمات ؟

طيوبة ... خجولة .... حساسة

4) حقيبة اسرارك عند من تودعها ؟

عند رفيقة عمري صاحبتي تؤبش قلبي

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟

اكييييييييد ما في حد بيقدر يعيش من غير اصخاب

6) ما أجمل شيء حبيته فـي المنتدى ؟

الناس يللي فيه

7) متى يقسو قلبك ؟

عند الخيانة

8) صفة تراها ماتت في البشر ؟

الاخلاص

9) أكثر شيء يؤثر فيك جداً وقد تبكي لأجله ؟

دموع الناس يللي بتعز علي

​

 

[ضجيج الصمت]

1) اذا كانت عندك ورقه فاضيه شو اكثر شي تحب ترسمه
عليها ؟
غالبا بكتب كتابة و بخطط عليها أما الرسم برسم غيوم

2) قطار حياتك الى اين يتجه ؟
العلم عند الله بس عم حاول وجهو لمرضاة الله

3) صف نفسك فى ثلاث كلمات ؟
طيب القلب - هادئ - غير صارم

4) حقيبة اسرارك عند من تودعها ؟
ما عندي أسرار كتير بس غالبا أسراري مع نفسي أو مع أعز أصدقائي

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟
رأيي صعب العيش بدون أصدقاء لأنهم بيساعدونا كتير في مواجهة ظروف الحياة
طبعا هالحكي عن الأصدقاء الحقيقيين يلي صاروا نادرين هالأيام للأسف

6) ما أجمل شيء حبيته فـي المنتدى ؟
إدارة حكيمة و واعية و أعضاء متحابين

7) متى يقسو قلبك ؟
عندما يبعد عن الله

8) صفة تراها ماتت في البشر ؟
أنا أرى كل الصفات الحميدة ( الثقة - الوفاء - الصدق - النخوة - ....) كلها ماتت للأسف
أو خلينا نكون شوي متفائلين وما نقول ماتت ونقول نامت
وعلى أمل أن تصحى و تعود لضبط الحياة التي أصبحت تعم فيها الفوضى بشكل كبير جدا

9) أكثر شيء يؤثر فيك جداً وقد تبكي لأجله ؟

الظلم ثم الظلم ثم الظلم ​

 

[ČốηťĕṨṩก]

1) اذا كانت عندك ورقه فاضيه شو اكثر شي تحب ترسمه
عليها ؟

بحب ارسم كريكاتير او هيك مكعبات متداخلة مع بعضا هيك شي بس مدري ليش هلفترة صايرة كل ما شفت ورقة فاضية بطجلكن توقيعي بحسو حلو


2) قطار حياتك الى اين يتجه ؟

متفائلة و املي بالله كبير انو ان شاء الله عم يتجه للاحسن والافضل ..

3) صف نفسك فى ثلاث كلمات ؟

طيوبة كتيييييييييييير - حساسة - واعية و عئلي كبير

4) حقيبة اسرارك عند من تودعها ؟

ريما اختي و رفيئتي -بلال - ماما
بس بالنهاية ما بحب ئول كلشي بئلبي بحب احتفظ شوي لنفسي..

5) احد علماء النفس قال ذات مرة : أنه باستطاعة الانسان

العيش من دون اصدقاء فما رايك أنت ؟

مممم اي ممكن
بس بظن هاد الشي رح يئسر ع حالتو النفسية
الاصدكاء ئلن نكهة خاصة بالحياة

6) ما أجمل شيء حبيته فـي المنتدى ؟

الاعضاء الي فيه
الروح الحلوة اللي فيه
ذكريات حلوة ئضيناها هون

7) متى يقسو قلبك ؟

ما بحس ئلبي ئاسي

8) صفة تراها ماتت في البشر ؟

هلايام كتير صفات ماتت!!
بس لسى الدنيا بخير..

9) أكثر شيء يؤثر فيك جداً وقد تبكي لأجله ؟

حدا مظلوم عم يبكي
و اي حدا بشوفو عم يبكي ادامي ببكي معو








شكرا علاسئلة رامي

​