شو منشاااااان؟؟؟؟؟؟؟!!!!!!!!!!!!

[Faby]

لك شو منشان المسلسلات السورية برمضان؟؟؟؟؟

انا عم تابع مسلسلين ما ملكت ايمانكم (للكاتبة د.هالة دياب واخراج نجدة انزور) وتخت شرقي(للكاتبة يم مشهدي واخراج رشا شربتجي) يلي المفروض يكونو مسلسين اجتماعيين جريئين

بس الشي المفاجئ انو كتير كتير في كلام واضح وصريح (وببعض الاحيان وقح) بشغلات بالعادة بمجتمعنا ما منحكيها بهي الصراحة ومنلاقيلها مصطلحات"مشلبنة "
بصراحة انا بخجل احضر هيك شي بوجود اخواتي الصغار مثلا لان الكلام عم ينحكى بطريقة مبتذلة وعم تنزل من مستوى المسلسل والفكرة المطروحة
حتى بقناة ابو ظبي في مقاطع من تخت شرقي عم يختصروها كلها

معقول مسلسل سوري يختصر من مشاهدو؟؟؟

يعني اكيد فيهون يناقشو اي موضوع بطريقة راقية اكتر
يلي ما عم افهمو ليش الابتذال بالكلام
هاد لسا ما حكيت عن المقاطع تبع الكابريه متلا او طريقة التصوير والات الخطيرة يلي عم يركزو عليها او المقاطع يلي بتمرق بلمح البصر بيكون الله اعلم شو فيها
المفروض الدراما السورية تكون محترمة اكتر....ما هيك؟؟؟

 

[احساس انثى]

معك حق بكل يلي قلتي
انا كنت عمتابع تخت شرقي بس بجد المشاهد يلي عمتطلع
عمتنزل من مستوى المسلسل والمخرج
والممثل يلي رضيان على حاله يطلع بهيك منظر
الحقيقه شي مؤسف
شكرا على الموضوع​

 

[ملامح قمر]

انا مابتابعت هالمسلسلات يلي بتحكو عنن
انا شفت كتيرين عم يعلقو عالمسلسل وماملكت ايمانهم
كتير عم يحكو عنو انو مسلسل سيء كتير
الناس بتحكي عن مسلسلات السورية انها حلوة وبتحكي عن مجتمع
مسلسل وماملكت ايمناهم خربو كل شي
والممثلين شلون رضو على حالن يمثلو هيك تمثيل
شكرا على طرحك تحياتي
​

 

[Gabriel]

بس الشي المفاجئ انو كتير كتير في كلام واضح وصريح (وببعض الاحيان وقح) بشغلات بالعادة بمجتمعنا ما منحكيها بهي الصراحة ومنلاقيلها مصطلحات"مشلبنة "

شفتي انتي كمان عم تقولي نحن بالعادة بمجتمعنا ما بنحكيها بهي الصراحة
هلأ اذا حكينا فيها ولا ما حكينا ما شي موجود وشي واقعي
انو اسئلي نفسك سؤال انو هما عم يكذبو شي
او جايبين قصص من الخيال لا اكيد المجتمع السوري مثل اغلب المجتمعات
يعني في ابيض واسود في خير وفي شر
انا اشوف شي جميل انو نشاهد هيك شي على الدرامة السورية
نشوف الوجه الاخر من الحياة اللي تكون بعض الاحيان غايبة عن شريحة معينة من الناس
بس اكيد يكون ضمن ظوابط معينة ما يكون لزيادة عدد المشاهدين
وبالاخير يسلموو كتير

​

 

[Faby]

شفتي انتي كمان عم تقولي نحن بالعادة بمجتمعنا ما بنحكيها بهي الصراحة
هلأ اذا حكينا فيها ولا ما حكينا ما شي موجود وشي واقعي
انو اسئلي نفسك سؤال انو هما عم يكذبو شي
او جايبين قصص من الخيال لا اكيد المجتمع السوري مثل اغلب المجتمعات
يعني في ابيض واسود في خير وفي شر
انا اشوف شي جميل انو نشاهد هيك شي على الدرامة السورية
نشوف الوجه الاخر من الحياة اللي تكون بعض الاحيان غايبة عن شريحة معينة من الناس
بس اكيد يكون ضمن ظوابط معينة ما يكون لزيادة عدد المشاهدين
وبالاخير يسلموو كتير

انا طبعا مالي ضد انو تنطرح هيك مواضيع بالعكس انا من المشجعين بس المشكلة مو بالموضوع ولا بالفكرة
المشكلة بالطريقة والملافظ المستخدمة يلي شوهت العمل وحطت من قيمتو بدي حط امثلة عن بعض الكلمات والمصطلحات بس صراحة لان الحضارة مو بالابتذال.... الحضارة رقي
وشكرا كتير ع مرورك اخ غابيرييل

 

[احلى دنيا]

والله وانا كمان اكتشفت هالشي
هلا انا عم شوف بس تخت شرقي
بس سمعت كتير عن مسلسل ما ملكت ايمانكم وعن مسلسل الخبز الحرام
انو افكارو جريئه وبطريقة مو محبذه عنا
اظن هاي احد تاثيرات المسلسلات التركيه

 

[- ]Safee[ -]

اي والله شفت بعض الحلقات من هالمسلسلات
وما عجبني هالشي ابدا
من قبل كانو يطرحو هالمواضيع بطريقةحضارية
بدو ابتذال ....بس هلأ مدري عبيقلدو المسلسلات الا جنبية
مدري طأ شرش الحيا عندن...ما بعرف
..............


وشكرا ع المو ضوع المفيد​

 

[mahmoud salih]

كلام سليم

وفعلا الناس مستغربة جدا من الدراما السورية يلي ما عودتنا تكون بهالطريقة هي ..

معقول كلو صار يتغطى بـ توعية المجتمع من خلال التلفزيون

 

[iust.dell]

بس الشي المفاجئ انو كتير كتير في كلام واضح وصريح (وببعض الاحيان وقح) بشغلات بالعادة بمجتمعنا ما منحكيها بهي الصراحة ومنلاقيلها مصطلحات"مشلبنة "

شفتي انتي كمان عم تقولي نحن بالعادة بمجتمعنا ما بنحكيها بهي الصراحة
هلأ اذا حكينا فيها ولا ما حكينا ما شي موجود وشي واقعي
انو اسئلي نفسك سؤال انو هما عم يكذبو شي
او جايبين قصص من الخيال لا اكيد المجتمع السوري مثل اغلب المجتمعات
يعني في ابيض واسود في خير وفي شر
انا اشوف شي جميل انو نشاهد هيك شي على الدرامة السورية
نشوف الوجه الاخر من الحياة اللي تكون بعض الاحيان غايبة عن شريحة معينة من الناس
بس اكيد يكون ضمن ظوابط معينة ما يكون لزيادة عدد المشاهدين
وبالاخير يسلموو كتير

​

حكيك مزبوط أنو ممكن يكون هاد الشي المطروح واقع و موجود بس كمان متل ما قلت لازم يكون وفق ضوابط معينة
لأنو التلفزيون يبتفرجوا عليه كل شرائح المجتمع و كل الأعمار
بعدين لازم مشان نناقش مشكلة اخلاقية ننقاشها بطريقة مبتذلة؟
بامكاننا نناقشها بطريقة راقية و محترمة و متل ما ذكرتو أنو من الممكن استعمال كلمات و مصطلحات بتودي على نفس المعنى بدون خدش الحياء العام
و على كل هاد كلو بيرجع للهدف من المسلسل
أنا ما عم تابع بصراحة و لا واحد من هالمسلسلات
بس لما يكون هدف المسلس طرح المشكلة و ايجاد حلول لها بتكون طريقة العرض غير
أما لما يكون الهدف زيادة عدد المشاهدين "متل ما تفضل غابريل" بس لأنو المسلسل "جريء" فبالحالة بيطلع معنا هيك مسلسلات!!
و هو كمان الواحد عليه جزء من المسؤولية كمان باختيار المسلسلات و البرامج اللي لازم يتفرج عليها
لأنو التلفزيون اليوم فيه كل شي سواءا المنيح أو القبيح و صعب ضبط كل القنوات و البرامج مع تقدم هالبث الفضائي
بس كمان من المحزن متل ما قلتو أنو مسلسل سوري يقطعو منو القنوات بعض المشاهد!!!!

​

 

[القناص]

الحمد لله
ماني متابع غير ابوجانتي والدبور
مسلسلات حلوة والباقي كلو في شي موطبيعي ..........ز

 

[عهد القمر]

انا بتابعتو بالمستقبل ....ماملكت ايمانكم ..بس قبل ما يعرضوه
بيقولو ينصح بوجود الاهل
وعنجد فكرة المسلسل كتير واقعية
وفعلا هيك عما يصير بهالمجتمع ...واانا مع حكي غابريال
يعني انا تابعت مبارحة
عنجد انو الدين الاسلامي هيك فاهمينو تلت المجتمع
وهنن عما ينزلو هيك شئ ...
ليوصل فكرة للمجتمع بااسره
وعما يقدم هالمسلس حقوق للمراة ..
وانا كتير عجبتني فكرتو ..وجراة هالمسلسل

بس انا اللي محيرني بهالمسلسل
كلون بيجتمعوا بالصدف ...غريبة ما ..؟؟؟


​

 

[آلبتول]

كلام سليم

وفعلا الناس مستغربة جدا من الدراما السورية يلي ما عودتنا تكون بهالطريقة هي ..

معقول كلو صار يتغطى بـ توعية المجتمع من خلال التلفزيون

رأيك فيها وجه نظر رائعه

لما اصبحت المسلسلات تنظرون لها كتوعية اجتماعية !!

المسلسلات مجرد مشاهد مصوره للواقع الذي نعيشه فقط لا غير

والعقل( السليم ) يحليلها أن كانت هذه المشاهد حقاً تحصل بعصرنا هذا ام لا

ام انها مجرد تقليد أعمى للأفكار الغربية أو نهش قصص قديمه وتكرار

مسلسل ما ملكت ايمانهم لم أتابعه بصراحه فلا يحق لي التعليق

لكن مخرجه انجدة انزور دائماً يلمس الجرأة في طرحه

احياناً تكون مبمهمه للبعض وأكتشاف ما هو خفي والبعض يراها زيادة دسم

على حسب الشريحة والطبقة التي تتابع أعماله

على الاقل شيء رائع أن يكتبون قبل بداية المسلسل انو ينصحون بوجود الأهل ويراعون المراحل العمرية

فهذا بحد ذاته يهيم لي بأنه هادف

​

 

[Faby]

لكن مخرجه انجدة انزور دائماً يلمس الجرأة في طرحه

احياناً تكون مبمهمه للبعض وأكتشاف ما هو خفي والبعض يراها زيادة دسم

الجرأة بطريقة راقية تتخلف عن الجرأة المبتذلة والرخيصة وبالنهاية اكيد لو اختيرت طريقة محترمة اكتر بالكلام كمان كانت وصلت الفكرة مو بالضرورة يختارو ملافظ


واهلا بالكل وبحترم وجهات نظركن كلكن