"شو يا تعي لبسني التنورة ولبسي البنطلون"

[Faby]

فكرة موضوعي مستمدة من لوحة ببقعة ضوء...
هلأ في كلمة كتير بيرددوها الرجال لما يحسو انو المرأة قويت وطلع صوتها شوي عليهن بيقولو "شو يا ...رح يطلعلك شوارب ع شوي" او "لتكوني مفكرة حالك رجال وانا المرا"او "تعي لبسني التنورة ولبسي البنطلون" .....الخ
اي شي بيعملو الرجل فهو مسموح (من سهر وطلعات وحفلات وتدخين و...الخ) لانو رجل حتى لو كان غلط وغلط كبير..وطبعا المرأة ازا غلطت بنظرة الكل بينط ليحاسبها...ولما نسأل ليش؟؟!!!!! بيجينا الجواب المفحم: انا رجال وانتي مرا
طيب يا رجاال لو انعكست الادوار وكانت المرأة هي الشخص الاقوى بالمجتمع وانت الشخص الاضعف رح يكون موقفك هو نفسو؟؟؟
المرأة ما بتعمل كل شي بدها ياه ان كان شغل او رياضة او او او...
والمرأة لما زوجها يخونها او يتزوج عليها ما بتقدر تفتح تمها والشي الوحيييد يلي بتقدر تعملو انها تنفصل عن زوجها او خطيبها او حبيبها...
اما الرجل في حال اكتشف خيانة بنتو ..اختو .. زوجتو بيقدر يحبسها يبهدلها او "يقيم عليها الحد" وما حدا بيقلو يا محلى الكحل بعينك "لانو رجاال"
في امثلة كتير حول هاد الموضوع بليز صبايا اي مثال بيخطر عبالكن حطولنا ياه
وشباب فكرو بالموضوع انو لو كان العكس بمواقف محددة كنت اتصرفت بنفس الطريقة الذكورية؟؟؟


​

 

[رنيم الروح]

اي لكان هنن رجال يئبرو عضام عدويني الهي شو رجال

حبيبتي شو ما فتحنا مواضيع وحكينا وقرينا بهالموضوع ما رح يكون في فايدة
سدئيني هنن هنن ما بيتغيرو ولا بيستعدو يحو حالون محلنا ولو لدقيقة
فلا تعبي حالك عالفاضي
ما رح يتغير شي
سدئيني

وبتشكرك عطرح هالموضوع هو مهم بالنسبة نحنا الصبايا بس بالنسبة ئلون كرجال
موضوع ما لو مهم لهلدرجة

بتشكرك ​

 

[Faby]

اهلين حبيبتي
انا بعرف ومتأكدة انو ما رح يتغير شي بس حكي وفشة خلق احسن ما ضل حاطة بقلبي واكيد ما رح يحطو حالن محلنا لان ما عندن استعداد ينقص شي عليهن او يتغير الوضع
واهلين فيكي بموضوعي

 

[mahmoud salih]

اللهم أرضى على رنيم الروح

وبارك لفاربيلا
​

 

[إلهام]

اللهم أرضى على رنيم الروح

وبارك لفاربيلا

الموضوع بدو تفكير عميق
​

 

[ملكة زماني]

​

والله هالموضوع أثار جدل الكل

وحارق قلب العضو الأنثوي

مع أنو رب العالمين لما حرم شي

ما حرموا على النساء بس والنبي وصى فينا

بس الرجال بمعتقداتهم أنو البنت شرف وأي شي عليها

بيمس شرف العيلة كلها وبيأذي سمعتها

أما الرجل شو ماعمل بيضل بنظر المجتمع رجل وبيحقلو

مع أنو ماحدا على راسو ريشة

هلأ إذا بدك تتوسعي بالموضوع بدو يتعب قلبك من القصص

يلي عم نسمعها ونشوفها بس يا أختي الكريمة

النا الله بعدي اسمو مارح ينسانا

 

[نُـور]

فعلا موضوع مهم ويستحق الوقوف عنده
بيعاني مجتمعنا كتير من هالقصص
لان الرجال وبكل بساطه لما ينوي يتزوج بكون عنده كميه شروط ومواصفات متجاهل
نفسه ومواصفاته ويكتفي فقط بإعطاء الآوامر
وللأسف كتير من الرجال بيتساهل بموضوع الخيانه بحجة انه رجل ومابيعيبه شي
والمجتمع كمان مذنب لانه لو صارت هالخطيئه بشوفها أنها غلطه وزله وعادي لو صارت
مع انه نفس الغلط لو كان من المرأه تعتبر مجرمه بحق حالها وحق اهلها ومجتمعها
وبتستاهل الموت بنظرهم
مع انه الدين الاسلامي نزل الاحكام الشرعيه وماحدد في نوع العقوبه انه تختلف
اذا كان المذنب شب او بنت
ونسيو الدين الاسلامي واتبعو ملذاتهم وساعدهم المجتمع بتحقيق رغباتهم بمسامحتهم على أخطائهم
وللأسف لاتزال عقليه الأغلبيه من الرجال مقفله في الجانب
اللي يمسهم ومن المحظورات اللي بيمنع النقاش فيه
وبينسوا وجود الله

شكرا لطرح الموضوع ​

​

 

[mahmoud salih]

اللهم أرضى على رنيم الروح

وبارك لفاربيلا

الموضوع بدو تفكير عميق
​

في رواية بين كل حرف وحرف

 

[إلهام]

عندي مشكله احيانا بطريقت
السرد لرواياتي بتزعل الناس مني كتير
رب كلام لم يجدي بموازين الصمت
ورب صمت ميزانه اعضم
عند الحاجه​

 

[رنيم الروح]

اللهم أرضى على رنيم الروح

وبارك لفاربيلا
​

وليش بقا شو صاير
حكينا غل مسيو ميدو؟؟؟؟؟؟

​

 

[Faby]

اللهم أرضى على رنيم الروح

وبارك لفاربيلا

خير

 

[Faby]

والله هالموضوع أثار جدل الكل

وحارق قلب العضو الأنثوي

مع أنو رب العالمين لما حرم شي

ما حرموا على النساء بس والنبي وصى فينا

بس الرجال بمعتقداتهم أنو البنت شرف وأي شي عليها

بيمس شرف العيلة كلها وبيأذي سمعتها

أما الرجل شو ماعمل بيضل بنظر المجتمع رجل وبيحقلو

مع أنو ماحدا على راسو ريشة

هلأ إذا بدك تتوسعي بالموضوع بدو يتعب قلبك من القصص

يلي عم نسمعها ونشوفها بس يا أختي الكريمة

النا الله بعدي اسمو مارح ينسانا

صحيح الدنيا ما فيها عدل بس اكيد رب العالمين عادل وبيضل الحكي فشة خلق

 

[Faby]

فعلا موضوع مهم ويستحق الوقوف عنده
بيعاني مجتمعنا كتير من هالقصص
لان الرجال وبكل بساطه لما ينوي يتزوج بكون عنده كميه شروط ومواصفات متجاهل
نفسه ومواصفاته ويكتفي فقط بإعطاء الآوامر
وللأسف كتير من الرجال بيتساهل بموضوع الخيانه بحجة انه رجل ومابيعيبه شي
والمجتمع كمان مذنب لانه لو صارت هالخطيئه بشوفها أنها غلطه وزله وعادي لو صارت
مع انه نفس الغلط لو كان من المرأه تعتبر مجرمه بحق حالها وحق اهلها ومجتمعها
وبتستاهل الموت بنظرهم
مع انه الدين الاسلامي نزل الاحكام الشرعيه وماحدد في نوع العقوبه انه تختلف
اذا كان المذنب شب او بنت
ونسيو الدين الاسلامي واتبعو ملذاتهم وساعدهم المجتمع بتحقيق رغباتهم بمسامحتهم على أخطائهم
وللأسف لاتزال عقليه الأغلبيه من الرجال مقفله في الجانب
اللي يمسهم ومن المحظورات اللي بيمنع النقاش فيه
وبينسوا وجود الله

شكرا لطرح الموضوع ​

​

اهلا حبيبتي والله يصبرنا

 

[الأمبراطور]

والله تاري هالنسوان مظلومين
لك اذا بدكن تطالبو بالمساواة لازم الرجال بهالزمن يطالبو بالمساواة
بعدين ارجعو للدين الي عم تقولو عطاكم حقكم بتعرفو شو لازم عليكم وشو مو لازم
انا معكم الحرام حرام عالنسوان ولا عالرجال
بس الله سبحانه جعل النساء فتنة
بعدين انتو ليش كل شي بتعممو عالرجال كلن
بعدين كل واحد حر بحالو جاية عبالكن تعملو الحرام انتو حرين
والله اول مرة بسمع انو الناس بيختلفو اذا انا عملت الحرام ولا انت
انا بطن اذا بتتنافسو على فعل الحلال بيكون احسن
ليش كل واحد بتطلع عالتاني ليش بيغلط وبدو يقلدو
اي الله يهني كل واحد اذا بدو يمشي بطريق الحرام
بس ما رح يهنيه بالآخرة
يعني اذا(مظلومين )كتير الله بياخدلكم حقكم بالآخرة
ومافي احلا من الحق اذا بيتاخد من الحق جل جلاله
وكما قال شيخنا محمود اللهم ارضى عنكم وبارك فيكم

 

[Faby]

والله تاري هالنسوان مظلومين
لك اذا بدكن تطالبو بالمساواة لازم الرجال بهالزمن يطالبو بالمساواة
بعدين ارجعو للدين الي عم تقولو عطاكم حقكم بتعرفو شو لازم عليكم وشو مو لازم
انا معكم الحرام حرام عالنسوان ولا عالرجال
بس الله سبحانه جعل النساء فتنة
بعدين انتو ليش كل شي بتعممو عالرجال كلن
بعدين كل واحد حر بحالو جاية عبالكن تعملو الحرام انتو حرين
والله اول مرة بسمع انو الناس بيختلفو اذا انا عملت الحرام ولا انت
انا بطن اذا بتتنافسو على فعل الحلال بيكون احسن
ليش كل واحد بتطلع عالتاني ليش بيغلط وبدو يقلدو
اي الله يهني كل واحد اذا بدو يمشي بطريق الحرام
بس ما رح يهنيه بالآخرة
يعني اذا(مظلومين )كتير الله بياخدلكم حقكم بالآخرة
ومافي احلا من الحق اذا بيتاخد من الحق جل جلاله
وكما قال شيخنا محمود اللهم ارضى عنكم وبارك فيكم

نحنا ما عم ندافع عن حقنا بالغلط.....انا عم احكي عن الظلم بالقصاص كيف نظرة المجتمع للمرأة بتختلف عن نظرة المجتمع للرجل هاد الفحوى الاساسي
اما لموضوع النساء فتنية طبعا الله خلقهن هيك بس طبعا واكيد ما منرفع الذنب عن الصبية يلي ما بتراعي الحشمة بلبسا ومكياجا والخ
وازا انتبهت فكلنا مسلمين امرنا لله هو يلي بينصر المظلوم بالدنيا او بالاخرة
وبالنسبة لشيخك محمود الله يديمو عليك