شي من عنا

[sweetheart]

أمتازت اللهجة الحلبية عن غيرها من
اللهجات السورية بأنها فريدة من نوعها
ولايوجد لها مثيل على الأطلاق واليكم بعض المفردات الشائعة الأستعمال





جدبة :يعني مجنونة

سكرتون: يعني خزانة

ابوس روحك :للمدح

ورصاص :يعني دعاء بالموت



وأيضا



يبلاك بيقتلك يعني دعاء بالقتل
والضرب

لاتجقجق يعني لاتدوس على الماء ( هي
اذا كان الارض مغسولة)

بتاتا يعني البطاطا (البطاطس )





مجأجأ ...... مرطب



عوجة .... كوع



خلء .... عالم





إمتازت اللهجه
الحلبيه .. بأدوات إشاره خاصه فينا .. يعني العرب كلهون
كوم .. ونحن كوم تاني .. وهنن



كوهنه ... للمذكر القريب

كيهنه .. للمؤنث القريب

كوهاك .. للمذكر البعيد

كيهاك .. للمؤنث البعيد

كوهاكيي .. لجمع المذكر البعدين

كيهاكين .. لجمع المؤنث البعدي

كوهنن .. لجمع المذكر القريب

كيهنن .. لجمع المؤنث القريب

وطبعا للسهولة في اختصارات كمان

إختصار المذكر القريب .. كو

إختصار المؤنث القريب .. كي



ه الله وكيلكون هي بس مفردات الإشاره .. بس مشان تصدقو شأد لهجتنا نحن الحلبيه غنيه ..

روح قلبنا نجقجق



ومن الأختصارت أيضا



تاااا بدل من تعال

رووو بدل من روح

ما راي بدل من مالي رايح

ابخالتي بدل من ابن خالتي

شأساعه بدل من شقد الساعة

اشلك فصتون يعني بالشامي شو بدك فيون



ونانتي يعني جدتي



وكمان



جنق ... هي الصحن

فرتيكه .. هي الشوكه

خوليه .. هي البشكير

مردغان .. هي الهديه

جمجايه .. هي يعني معلقه السكب المقعره





أستنوا لسا ماخلصت اشبكن في كمان



خيت وخيتو --- يعني
أختي

خاي وخيو ---يعني أخي



جلق --- دمه ثقيل



اشبك --- سؤال استفسار



وجع --- دعاء بالالم





خوته ---- معه صراع



فلته --- واحد شاطر

كرتاية ----> سكجا يلي بتدخل فيها اكندرة

أنضرة ----> الكندرة

دي بقا ----> لك لك



علوّا .... اي يا حبذا

 

[maroosh]

ه

احلى شي الاشارة

ه

يسلمووووووووووووووووووو

تقبل مروري

 

[sweetheart]

مشكورة ع المرور

بس وانتي طالعة ديري بالك لا تجأجأي

 

[miss.Lafoshya]

ولك يسلمولي الحلبيه وحكياتوون عراسي والله
يسلمووووووووو خيو

 

[المستشـــار]

:19::19::19::19::19::19:


على راسي اهل حلب والله

 

[القناص]

ع راسي الحلبية واللهجة تبعن

اي مافي منهن​

 

[sweetheart]

ع راسي خيت ميس
ملك وقناص من اليوم ورايح اذا ما بدكون تشاركو بمواضيعي ما رح نزلو يسلمو كتير ع مروركون

 

[عاشق البيلسان]

لك ضروري تفضح اسرارنا ولاه
​

 

[sweetheart]

له يا ابو سامي في شي بينحكا وفي شي ما بينحكا نحنا بنكتوب الشغلات السطحية ولو بعجبك له يا ابو سامي

 

[عكيدحلب]

مشكور على هالمفردات القيمة من نوعها ولازم ننشر الثقافة الحلبية اكتر من هيك ه
والله شهيتني اجئجئ شوي صرلي زمان عما بجئجئ
خيو بدنا نضيف كم مفردة من عنا
ئياف :يعني الزلمة اللي ماعندو لاشغلة ولا عملة وعلى طول قاعد عند هاد وهاد ولا شو كمان بيبرك وبيطلب فوق منها وبيشرب جاي كتير هه صراحة انا كنت اكبر ئياف بحلب
بروك : قعود
حاج بقا :بيكفي
دي رو من هون: اذهب من هنا
اهليشباب : اهلا وسهلا بالشباب
طاول طاول :ابدا
خسا عشرين : خمس وعشرون
تقبلو مني هالاضافة

 

[sweetheart]

ولك ع راسي خيو انت و مرورك الخيلة : الرائع

ويسلمون ع الاضافة

 

[حسام الحلبي]

اللهجة الحلبية غير شكل​

 

[like moon]

يسلمو خيو


<انضرة>:19::19::19::19::19::19::19::19:

 

[عاشق الوسوف]