صارت معي حدا عندو فكرة عنها ؟

[STELLA]

اليوم متل العادة شلت الاب توب من الكهربا

قام عطاني إشارة اكس ع البطارية

أنا خفت ع البطارية قلت لا سمح الله لا يكون بدها تخرب

لأن الاب توب الأولاني خربت بطاريتو

حدا عندو فكرة إذا بيأثر هالشي ع البطارية أو لا

علما أنو كان مطفى و بطاريتو مليانة ع الاخير

 

[B.A.R.C.A]

هالمشكلة بيتصير عادة باللابات الئديمة

على كلٍ..

المشكلة بتكون إما انو البطارية آكلة ضربة يعني متحركة شوي من مكانها أو جاييها غبرة اذا انشالت واترجعت عدة مرات

أو انو البطارية انتزعت (وهادا بيصير كتير إذا كانت البطارية مو أوريجينال)

أو انو الشاحن انتزع



والحل..

أول شي جربي فكّي البطارية من مكانها وانفخي فيه ورجيعها (بس اتأكدي من وصل الشاحن باللاب قبل ما تفكيها مشان ما يطفي ويروح شغلك اذا كنتي فاتحة شي)

وشوفي اذا راحت الإشارة أو لأ

إذا ما راحت الإشارة فكّي الشاحن وجربيه على لاب تاني

إذا طلعت نفس الإشارة باللاب التاني معناها العلة من الشاحن ولازم تغيريه

وإذا ما طلعت الإشارة معناها العلة من البطارية ولازم تغيريها



جربي وخبرينا شو بيصير معك..

 

[STELLA]

يعطيك العافية انوس

بس على ما يبدو انو البطارية خلص عمرا

هيك عم يكتبلي

consider replacing your battery

 

[mr_ops]

يعطيك العافية انوس

بس على ما يبدو انو البطارية خلص عمرا

هيك عم يكتبلي

consider replacing your battery

بـ وشك عى اول محل كمبيوتر او ازا بتحبي على وكيل اللاب تبعك .. جيبي بطارية اصلية وريحي راسك

 

[احلى دنيا]

قديش صرلا البطارية عندك ؟

 

[ḾǑŏǑŏǓĐỸ]

ستولة عالوكالة فوراً

لأن بجوز البطارية تضرب شي تاني

من الاب

 

[آلبتول]

انا عندي اكس بس مو عالبطارية على الي شكله علم يرفرف سلاماً الي جنبه يعني

 

[B.A.R.C.A]

يعطيك العافية انوس

بس على ما يبدو انو البطارية خلص عمرا

هيك عم يكتبلي

consider replacing your battery

معناها لازم تروحي ع الوكالة وتجيبي بطارية جديدة

لأنو من الوكالة بتكون أوريجينال

مشان ما تخرب بسرعة..

 

[B.A.R.C.A]

انا عندي اكس بس مو عالبطارية على الي شكله علم يرفرف سلاماً الي جنبه يعني

بعد اذنك..

حطي مؤشر الماوس على العلم الأبيض بدون ما تضغطي عليه وقوليلنا شو بيكتبلك بالجملة المنسدلة

لأنو هادا العلم مرتبط بـ 4 شغلات بالويندوز

الأولى هي الـ Firewall

والتانية هي الـ Backup

والتالتة هي الـ Windows Updater

والرابعة هي الـ Windows Programs & Applications Security

مشان هيك حطي مؤشر الماوس ع العلم وخبرينا شو بيكتبلك



بانتظارك..

 

[آلبتول]

هذا الي بطلع لي وبصراحة مو فاهمه منها اي شيء

 

[The Hero]

خالصة عيوني بس بتخدملا شوي
لاتفكري بالضرب كتير مو شغالة أديش عم تقعد .. ؟؟؟
شو أسم المستخدم يلي عم تستعملي ع الكمبيوتر ؟؟؟
أديش عندك أغاني ع الكمبيوتر ؟؟؟
كم صورة في بالكمبيوتر ؟؟؟
ه

بس عنجد خلص عمرا وخليا لتفرط شو خسرانة أنت
​

 

[B.A.R.C.A]

هذا الي بطلع لي وبصراحة مو فاهمه منها اي شيء

مشكلتك عادية

يعني هي الإشارة ما بتأثر

الويندوز عندك عم يطلب انك تعملي Backup

وهادا الشي بسبب برنامج أو فايل فيه كيتش Trojan

وحاول الويندوز يوقف عملو بس ما قدر

مشان هيك عم يطلب منك تعملي Backup لتاريخ قبل ما يكتشف كيتش الـ Trojan

بس طالما الويندوز اكتشفو معناها الـ Trojan ما بيقدر يمارس مهامو المتعلقة بالهاكرز

يعني ما بيأثر وتجاهليه

ومشان ما يدايقك بتقدري تضغطي على السهم الصغير بجانب خيارات اللغة بالشريط تحت عند العلم الأبيض

بيفتحلك نافذة صغيرة فيها اختيار باللون الأزرق هو Customize أو تخصيص

ولما تضغطي عليه بيفتحلك نافذة جديدة

امسحي تحديد شي اسمو Windows Backup Icon

وبتلاقيه مسحلك العلم من الطرف الأيمن للشريط



ان شاء الله كون جاوبتك على سؤالك..

 

[STELLA]

يسلموا شباب ما قصرتوا و الله

هيك الظاهر البطارية على أخر عمرا و صار لازمها تغيير

بالنسبة أنها تضرب شي تاني بالجهاز ما بظن لأن جهازي الأول مضروبة بطاريتو و عين الله عليه

شغال مية بالمية بس طبعا ع الكهربا

خالصة عيوني بس بتخدملا شوي
لاتفكري بالضرب كتير مو شغالة أديش عم تقعد .. ؟؟؟
شو أسم المستخدم يلي عم تستعملي ع الكمبيوتر ؟؟؟
أديش عندك أغاني ع الكمبيوتر ؟؟؟
كم صورة في بالكمبيوتر ؟؟؟
ه

بس عنجد خلص عمرا وخليا لتفرط شو خسرانة أنت
​

شمتان رامي

بسيطة هلئ بدعيلي كم دعوة ع بطارية لاب توبك

خليك تنبسط عليها و تضحك هالئد و قت تخرب


لك المشكلة جهاز ال hd لهلئ ما لقيتلو بطارية محل ما اشتريتو

و اشتريت ال dell من نفس المحل

يعني يمكن ما لاقيلو بطارية هونيك