صارت معي

[حسام الحلبي]

ممكن كل واحد فيكم يحكي قصة صارت معو أو سمعها والفائدة يلي طلع منها
سواء كانت قصة حزينة , طريفة , مخيفة , .....................لكن المهم تكون واقعية وبالفعل صارت​

 

[حسام الحلبي]

رح أبدء أنا وأحكيلكم قصة صارت معي عام 2001 مارح أنساها ماحييت
كنت بصف العاشر رايح على المدرسة ...............كانت الطريق طويلة وبحاجة لوسيلة نقل وأنا ساكن بمنطقة اسمها باب توما امضطر أني امشي لخلف مسجد الشيخ رسلان واقطع شارع عريض لا في اشارة ولا حتى نفق أو جسر والسيارات تسير بسرعة عالية......................وأنا عم اقطع الشارع لفت نظري زمور سيارة وهي شبه طايرة وجالس فيها ضابط كبير عميد ركن صدمتني لدرجة أنها قزفتني حوالي أربع أمتار بالجو وعالارض ماعاد شفت شي فكرت حالي متت واذا أصحى على أصوات الشباب بالمشفى وكنت حاسس أني مخدر .........................جاءت لجنة التحقيق وسأون اذا حابب اشتككي على المسبب بالحادذ لقيت أنو الفوتة موسهلة خصوصا مع عميد قلت الله يسامحو وممكن يكون عدم انتباه مني ..................ضليت حوالي 4 أشهر علاج فيزيائي لقدمي اليمين لحتى تمكنت امشي عليها متل الاول


هي قصتي ممكن حدا يسمعنا قصة صارت معو أو سمع فيها​

 

[زهرة النرجس]

رح أبدء أنا وأحكيلكم قصة صارت معي عام 2001 مارح أنساها ماحييت
كنت بصف العاشر رايح على المدرسة ...............كانت الطريق طويلة وبحاجة لوسيلة نقل وأنا ساكن بمنطقة اسمها باب توما امضطر أني امشي لخلف مسجد الشيخ رسلان واقطع شارع عريض لا في اشارة ولا حتى نفق أو جسر والسيارات تسير بسرعة عالية......................وأنا عم اقطع الشارع لفت نظري زمور سيارة وهي شبه طايرة وجالس فيها ضابط كبير عميد ركن صدمتني لدرجة أنها قزفتني حوالي أربع أمتار بالجو وعالارض ماعاد شفت شي فكرت حالي متت واذا أصحى على أصوات الشباب بالمشفى وكنت حاسس أني مخدر .........................جاءت لجنة التحقيق وسأون اذا حابب اشتككي على المسبب بالحادذ لقيت أنو الفوتة موسهلة خصوصا مع عميد قلت الله يسامحو وممكن يكون عدم انتباه مني ..................ضليت حوالي 4 أشهر علاج فيزيائي لقدمي اليمين لحتى تمكنت امشي عليها متل الاول


هي قصتي ممكن حدا يسمعنا قصة صارت معو أو سمع فيها​

اول شي الحمدلله على سلامتك ومابتشوف شر طول عمرك ان شاء الله تاني شي موضوعك كتير حلو بتمنى الكل يشارك فيه اذا خطر ببالي شي رح اكتبو

 

[the loOord]

صارت معي قصة من يومين انو عندنا بلمجمع في قهوة بيئعدو الشباب بيلعبو ورق واكيد لعب الورق بدون عياط وسبسبة وكفر ما بيصير ونحن بشكل طبيعي مركبين مجموعة صوت بتهز القلب وكان في شباب عم يعيطو ويسبو وصواتن لعندي (انا بغير قسم) وانا طالع لقيت الاربعة واقفين بزاوية الصالة عم يصلو وكانت شغالة اغاني على اعلى صوت
وعلى ئولت المتل ساعة ئلك وساعة لربك

 

[مختار]

رح احكي انا التاني حسامو صارت معي قصه عندي متور وبجيب عليه غراض لشغلي وللمحلي ماشي ومافي احلا من هيك ومابتلاقي غير سيارة كيا شوما مع شباب 2 مجنين سايقين شي 100 يمكن طلعو من المفرق وعبو فيني وانا صرت بأخر الشارع يمكن والمتور بجنب والموبايل بجنب وماضل شي شغال بالمتور نزلو الشباب وبثانية شي 10000 شخص من وين اجو مابعرف المهم وبلا طول سيرة ال انا الحئ عليي مازمرت ه لك بربك حكي والمتور تكسر وجسمي تكسر وخليها لربك من يوميتها مابتروح ببالي بنوب بنوب ومارضي لا يصلح ولا يطبخ لانو ندل

مششكور كتير عالموضوع الحلو

 

[حسام الحلبي]

الحمد لله على السلامة مختار ..............................شكرا على المشاركة


مختار...................................اللورد....................................زهرة النرجس

بس أختي زهرة النرجس ماحكيت شي قصة اثرت بحياتها

بتمنى مشاركة الجميع حرام تضل القصص مدفونة بقلبكم حكوها وخلينا نستفاد منها

 

[حسام الحلبي]

وين قصصكم الجميلة​

 

[فايق و رايق]

هادا يا سيدي , هالقصة صارت بعيد ميلادي بال2006
خلصت شغل عال5:30 , و طالع احتفل , كملت ال 25 , مين قدي, وسايق السيارة الاجار و مبسوط
و اكره شي عندي الزحمة :80:, و دبي ام الزحمة الي بالدنيا
كنت اقصى اليمين و طالع من مخرج و تفاجأت بزحمة قدامي
هلأ لازم فوت خط السير , والي في شاحنة كبيرة , او اني اتجاوز الشاحنة بسرعة و ايجي قدامها, و انا طاير طبعا , رحت لاتجاوز , انتبهت انو في باص واقف عاليمين , برة خط الشارع , يعني بعد الاصفر , على قياساتي بمرق من بين الشاحنة و الباص ( صغير 15 راكب ) عادي
و بس مرقت من جنب الباص و الشاحنة , سمعت صوت قنبلة , و شي بتكسر من جهة اليمين , الحمدلله لفيت وجي عكس الصوت , و ضربت بريك ( فرام )
ولاقيلك السيارة من جوا كلها قزاز , اطلعت لاقيت الشباك اليمين مكسر , متنتف فيك تقول و المراي الجانبية , انكسرت و وقعت بالشارع .
وين المشكلة , المشكلة انو السيارة لونها كحلى و الباص ابيض , اتخيل انو مافي ايا شخبوطة عالباص
لهلأ ما بعرف كيف انكسرت المراي و ضربت الشباك و كسرتو , اذا انا ما دقرت الباص
كان يوم حافل و لا عيد ميلادي كمان ​

 

[القناص]

شو مافي عنكن غير حوادث

 

[حسام الحلبي]

قصة حلوة فايق وراق الحمد لله على السلامة​

 

[lavander]

الحمدلله على سلامتكون كلكون
​

 

[PliiiJl JljJj]

خليها بلألب تجرح ولا تطلع لبرى وتفضح

 

[سِدْرَة المُنتَهَى]

حلوووو المووضووع ..​

 

[روح الشام]

كتير حلوووووووووووو
وانشالله بنزل كم قصة قـــريبا

يسلمن حسامو

 

[حسام الحلبي]

احسنتي اختي ملاك الروح انه زمن النكوشة والبحبشة انا ايضا ابحبش بحشتا بحبشانية اثناء جردي للمواضيع الواجب نقلها فالوحي البحبشاني متواجد الان

 

[جرح الوطن]

السلام عليكم
في عام 2006 كنت متخبي في بيت بعيد عن العالم هارب من الجيش الاسرائيلي
طبعا انا فلسطيني وساكن في فلسطين .. بالضفه .. المهم
كنت لوحدي في بيت بعيد وصارلي فيه تقريبا شهرين وما حد بعرف بمكاني حتى اهلي
كنت البس نظارات واحلق لحيتي و احلق قرعه يعني بالعربي غيرت شكلي تقريبا
وكنت انزل اشتري معلبات كل فتره يعني بالشهرين نزلت على المدينه 4 مرات تقريبا وما كان بالمدينه حد يعرفني .. وبهاد البيت اخذت راحتي على الاخر اولها كنت اراقب البيت من بعيد خوف لا الجيش يجي .. بعد هيك تاكدت انه ما حدا راح يعرف مكاني .. وبيوم الساعه 1 ونص بالليل صحيت من النوم واتذكرت اني ناسي اصلي العشا سبحان الله .. اتوضيت وانا بلصي حسيت في حركه حول البيت .. قطعت صلاتي والا بالجيش بحوط بالبيت من كل الجهات
.. طبعا خفت مش خوف من الاحتلال بس والله الواحد بخاف مهما كان .. ولاني كنت متاكد ما راح يكشفوني فكنت مطمن .. بس اولاد الحرام العملاء ما بناموا ..
..و رغم انه مش الاعتقال الاول بحياتي يعني مجرب السجون .. رحت توضيت كمان مره وكملت صلاتي ودخلوا علي الجيش واعتقلوني .. نقلوني للتحقيق في الزنازين وخلال التحقيق معي يعني بعد 71 يوم بالتحقيق نزلت محكمه .. فالمحامي بلغني انه اخوي استشهد .. فانهرت وهاي اصعب موقف مر علي .. الله يرحمه والحمد لله على كلشي .. طبعا انحكمت وقضيت فترة محكوميتي والي عز علي اني ما ودعته بهالدنيا وانشاء الله نلتقي بالاخره
مشكور على هالموضوع .. ولو انك فتحت جروح
بشوف ما في قصه بتفرح كل هالشباب قصصهم محزنه
انشاء الله بنشوف قصصص مفرحه والله يوفق الجميع

 

[ĻàĎỷ iЙ ŖẼD]

:19::19::19::19::19:

مرة صار معي موقف بيجلط

كنت طالعة من المدرسة مشان روح عالسيارة
لئنو بيكون بابا ناطرني

لون سيارتنا حمرا ولينكولن

ئام لئيت السيارة ةئدامي

فتحت الباب وليه مين انت

طلعواحد لا بعرفو ولا بيعرفني
بس نفس سيارة اهلي

يالله موقف شو محرج

ئلتلو عفوا اخي غلطانة بالعنوان

:19::19::19::19::19::19::19::19::19:

​