ضيعه ضايعه بالشام (( فوضى شاميه))

[ĻàĎỷ iЙ ŖẼD]

ستكون هذه الصفحة مكانا فوضويا تضج
بالنقد والسخرية والهلوسة لمن وعلى من ولماذا ولكيف ولأن ................

هاد بئى شغل تحشيش وصفن ...

المهم لدي أن تصل الفكرة الأساسية لا حالة الإغماء والضياع وعدم تناسق الأحداث


والأهم هو النهوض بمجتمع على يد شباب المستقبل وليس شباب ستار أكادمي


ييي عليون صايرين عم يدخلوا بكلشي ها لملاعين


في كل مقالة رسالة أرجو من الله أن تصل إليكم بسلاسة

وأرجو متابعتكم لي دوما....


لأنكم لن تجدوا دوما فوضى شامية عابرة تكسر الحواجز وتدخل العقول من باب الفكاهة والسخرية ...

أنا هنا فكونوا معي

(( وحقوق النشر والطبع محفوظة الي بدو ينئل شي بيذكر انو هي تحشيشات شامية ايواااااااااااااااااااااااا ))



حنبلش...............



(( أزمة الأزمة ))

عندما تصحو صباحا أول شيء تفكر فيه فنجان قهوة وصوت فيروز فتصدم بالواقع
حيث أن فنجان القهوة لن يتبختر ويتمختر ويأتي وحده إليك دون الموقد مع جرة غاز مليانة
: أما عن صوت فيروز فيا للأسف (( الكهربا مقطوعة ))
راديو البطاريات لا يعمل (( ثم تبدأ أولى ساعات الأزمة النفسية ))
تتجه إلى الحمام لتغسل وشك مشان تصحصحلك شوي بتكتشف
(( إنو المي مقطوعة ))
أأأأأأأأخ ياريتني لحئت حالي مبارح وعبيتلي شي كم قنينة
(( هاذا ما ستقوله لنفسك ))
ثم تتجه لترتدي ملابسك بسرعة كي تصل في الوقت المحدد إلى وظيفتك و .....


لحظة stop

كأني نسيت شي مو؟؟؟

أصلا أنا شو اللي خلاني بلش من هون معئول كون بلشت جن
أي لاء لسا ماجنيت القصة بأولها

(( كل الحئ على مدام بدريه ))

رح تسئلو مين بدريه ولي شو حشورين ما رح خبركون

يبلاها بأزمة أًصعب من كل هالأزمات الفنية إلي عم تقطع عالتلفزيون ...

المهم منرجع لموضوعنا ..

خرجت من منزلك مسرعا إلى موقف الباص وياااااااااااااااله من مشهد رائع مؤثر خلاب بيخلي دموعك تكرج كرج متل لما بتكون عم تتابع شي فلم هندي



طاااااااااااااابور( بيكون اخوه التوئم لطابو المدرسه )
عم ينتظر الباص ثم تقف وتفكر وماسبب هذه الأزمة
(( ربما الأزمة بحد ذاتها )) خليني آخد تكسي أرحملي

تأشر إلى أول تكسي فلا يعجبه شكلك ويكمل طريقه

دون توقف والثاني والثالث والرابع
عندما تفقد الأمل
يقف لك أخيرا شوفير تكسي مبين علي ابن حلال
بتطلع بالتكسي وانت مخك عم يلف بدي وصل قبل ما يسكروا دفاتر التوقيع
أحسن مايخصمولي من المعاش

(( لك يلعن أبو هالمعاش شو بدو يكفي ليكفي ))

وفجأة بيقطع سلسلة أفكارك صوت المسجل تبع شوفير التكسي بشي غنينة من أغاني علي الجاجة مدري الديك المهم في طيور بالموضوع بس الله يرضى عليك خيي جورج حل عنون هدول مو من تيبك إنت بيلبئلك طيور بتطير بالسما مو بتنشذ عالأرض ... طج

المهم منرجع لرقبته الشخص المقطوعة

لاء لحظة كانت رقبة ولا سلسلة

يبعتلك حمة بسبع شكال يا إم محمد شلشتيني

بعتئد انها سلسلة بس مو مسروقة الله وكيلكون

هلئ شوبدنا بالسلسلة خلينا بالعداد

طلع الملبغ المرقوم عالعداد من كتر ما وقف الشوفير على هالإشارات نتيجة أزمة السير


شو بدك تحكي مع الزلمة ماهو بحد ذاتو أزمة

وانت مابدك تأزم الموضوع أكتر ما هوة مأزم

(( تذكرت فلة والأقزام السبعة هلئ ))

الله يذكرون بالخير كانو يساعدوها كتير
الله يبعتلك شي قزم يا مواطن بعيدا عن الأزمات ...

وصل الأخ على شغلو بآخر دقيقة الله سترو
ومضى النهار كلو بأزمة شغل مرتبة

على مراجع متأزم ومعاملة متأزمة ومدير قسم متأزم

الله يستر ما تجيك أزمة قلبية قبل مايخلص النهار

المهم خلصت دوامك رح ترجع تدور بنفس الأزمة الي عانيت منها الصبح


وبترجع عالبيت راسك عم يجعك ومتأزم لأنك لائيت سعر الفروج غليان
لك حتى الفول والمسبحة غليانة والأضرب من هيك صاير عليها أزمة
بتشعل التلفزيون بتلائي أزمة فلسطين والعراق ولبنان كل مالها عم تتأزم بفج عليك راسك
وبتروح لتنام وترتاح

بالمنام بتشوف انو الأحوال كلها عم تتأزم لحتى صار في أزمة على الأزمة
بتصحى مرعوب وبتلائي حالك عم تدور بنفس سلسلة الأزمات

أخ كل الحئ على أبو شبرية من الأول قلنالو لا تعمل أزمة

ئام مارد راح عمل أزمة وطبخها وأكلها ووزع منها عالحارة

وشوفوا النتيجة الحارة كلها تأزمت

وأنا تأزمت أحوالي وبدي روح أزم أحوال الي مالون أحوال

لك بزمتكون ما إجتكون أزمة من كتر ماحكيت
روحوا انفدو بريشكون قبل ما أزمكون أكتر وخليكون تصيرو مع أقزام فلة
:

سلااااااااااااااااام مأزم


برجعلكون ازا الله راد ما لسا ضيعتنا ضايعه وعم ندورلها
​

 

[Faby]

والله يا عيوني انا خلئي كتير ديئ ما صبرت ائرا الموضوع كلو ...اشرحيلي الفكرة كلها باقل من سطرين
لانو يحرئو حرئ لحريشك شو كرارة

 

[mahmoud salih]

يلا نيرمين ...انت أملنا الوحيد ..بدنا الضيعة ما بدنا نقاتل الناطور

 

[ĻàĎỷ iЙ ŖẼD]

ننطروني

وانتي وليه علا ئلتيلي كراره
مين لي بيكر عالمسن انا ول انتي
​

 

[Faby]

انتي ..

 

[ĻàĎỷ iЙ ŖẼD]

عينك عينك ولي عليكي شو ئويه
​

 

[Faby]

لك الله يسامحك يا نيرو

 

[ĻàĎỷ iЙ ŖẼD]

الله يسامح الجميع عاملتيلي حالك بالمنتدى مسكينه والئط ياكل عشاكي وبالمسن ولي ما بلحئ على لسانك من كرك




​

 

[Faby]

حاجتك كر وشتشة نيرمين

 

[ĻàĎỷ iЙ ŖẼD]

سواني لئلك
ولا كانو انتي لي رحتي ئلتيلي شتشتي


​

[c=20]lalloushe[/c=63]

براءة أنثى:
هه
هلئ بيخالفونا
ولي عليكي
[c=20]lalloushe[/c=63]:
ليش
ومين بدو يخالفنا
براءة أنثى:
لانو
ئلبنا المووضوع شات
بخ
[c=20]lalloushe[/c=63]:
يييييي
هو بالكورنيش
مين بدو يخالفنا
انا المشرفة

براءة أنثى:
هه
لكان
رح رد عليكي
وياويلك تحخالفيني
يا مشرفه
انتي
[c=20]lalloushe[/c=63]:
ردي
براءة أنثى:

[c=20]lalloushe[/c=63]:
هه
خخخخخخخخخخخخخخخخخخخخخخخخخخخخخخخخخخخخخخ

​

 

[Faby]

ولك ما خالفتك
بعدين صحيح انك خاينة
وهيك بتنشري خسيلاتنا هون

 

[ĻàĎỷ iЙ ŖẼD]

(( العز للرز والعدس أيامو هلئ ))

(( العز للرز والعدس أيامو هلئ ))

قالوا في الأمثال الشامية ((العز للرز والبرغل شنئ حالو ))

وبصراحة شديدة هذا المثل يحتاج لوقفة مع النفس وتفكير عميق

(( صفنة يعني ))

وأنا كشخص يحق له الصفن بقدر مايريد صفنت

ترى هل أنتمي إلى فئة الرز أم البرغل

ثم إن كنت منتمية إلى أحدها فهل أنا زر أم برغل حر أم من المؤسسة بالبونات أم مستورد أم وطني

هلئ أنا شخصيا وكل ولاد حارتي منفضل نكون وطني بس نخب أول

شنو النخب التاني مو مستوانا

اي شو مفكرينا من حارة قليلة ..

وبعد تحديد النوع والفئة اكتشفت إني لا أحب البرغل

والرز بيعملي حساسية

****************

غرب مافي حالات الحياة أن تكون شخصا ضمن دائرة موسعة مغلقة لا تستطيع الخروج منها

هذا ما حصل معي اليوم وأنا أحاول تفسير مصدر إلهام الشعب :

اي لا تستغربوا مصدر الهام الشعب

ياترى شوفي شي بهالحياة ممكن يكون مصدر الهام لإلكون :

شخصيا أنا بشوف إمي هي مصدر إلهامي لأنو لولاها كانت المصادر الأخرى ستفشل في تحقيق اللانهاية

هلئ إيمونا من هالسيرة

المهم منرجع لمصادر الإلهام الأساسية الموجودة في دائرة حياتنا اليومية

:
ياترى هل فينا نعتبر الغلاء الي صايب كل الأماكن والمحلات كمصدر إلهام للسرقة

متل ما عمل إبن جيرانا خابوص لما رفعوا سعر الدخان والبطاطا لأنو بعد منها صرح بقناة الجزيرة انو عجبتوا الشغلة وصار غاوي إنحراف وسرقة قلوب المعجبات والمعجبين الي حابين يكون هوة بحد ذاتو مصدر إلهام لإلون

اوممكن نعتبر أزمة المكاري والشعلئة ببوابها هي مصدر إلهام ينمي المواهب الرياضية كموهبة المشي على القدمين حتى الموت

.... بعتئد إنو صديقتي السابقة بدريه خانوم اذا تمت على هالحالة شهرين تانيات بتدخل كتاب غينيس للأرقام القياسية وبتحطمو تحطيم ....

:

أو يمكن فينا نعتبر منظر الحاويات الزغيرة والكبيرة وهية مطوطحة بما .................. ولا بلا شرح هلئ دخلكون

ممكن نعتبر هادا المنظر مصدر إلهام لكل شخص انو يقرر يصير نصير للبيئة ويروح يرمي النفايات بالأنهار

شنو لازم تبئى الحاويات نظيفة ومنظرها جالب للسياح

وياحرام عليك يابردى وين كنت ووين صرت كل الحئ على مجمع يلبغا الي ماكان يخلص

وعلى سيرة المجمع ياترى تدمير سوق كامل مختص بتربية الحيوانات
(( سوق التبن الله يرحمو ما بعرف اذا متذكيرنوا ))

ممكن يكون مصدر إلهام للناس انها تروح تبيع ترمس على العرباية

أو تسكن بالقهاوي وتنم على بعضها وبعدين تنتسب لجماعة أبو خابوص

وتقرر الإنحراف.... وياخوفي البل يوصل لأماكن أخرى ويصير في عنا مجمعات جديدة ممكن تطيرلنا شي سوق تاني

..........

بتعرف شو خيي جورج اكتشفت انو مصدر إلهام الشعب هوة

(( الفراغ والإلتفاف حول دائرة مالها مخرج ))

لك يبلاكي بحمة يا إم محمد ما قلتلك بكرة منروح لك حاج تصيحي متل غراب البين

منيح الي مانك مصدر الهام لجوزك كان نشذ وخلا العام يهجو من البناية

ودمتم لي مصدر إلهام وتحشيش :

تابعونا لن ننتهي بعد

​

 

[ḾǑŏǑŏǓĐỸ]

يسلملي هالنهفات انا


ضيعتنا ضايعة نيرمين لاقيلنا ياها
​

 

[mr_ops]

عن جد نهفااااااااااااااااااااااات رااااااااااااااااااااااااااااااائعة نيرمين .. بس خلي في احداث بالموضوع يعني مو نقرأ نقرأ ...

بس بتنفعي تكوني كاتبة لمسلسل تحشيشي

الي رجعة مع كل شي جديد هون ... ​

 

[- ]Safee[ -]

شي حلو والله

بما انو نحنا مصدر الالهام والتحشيش فأكيد لن تنتهي ..

يسلمون نيرمين...صحي سلميلي عأم أحمد​

 

[Blue Diamond]

 

[ĻàĎỷ iЙ ŖẼD]

حبيب حبيبك حبيبك


تتكرر هذه الجملة بين جيل الشباب الصاعد كنوع من المزاح ((الغليظ))

صديقتي السابقة بدريه خانم بعد أن سألتها عن مفهوم الحب في هذه الجملة
قالت بأن الحب لا يباع الا في المحمصة والبزورية وتبع السوبر ماركت أغلبو مستورد مو وطني

(( يخرب بيت قلبها ما طلعلت محششة وفيوزاتها ضاربة أكترمني ))

وقلت في نفسي لماذا لايقوم زوجك بطحنك وتحويلك الى حبوب

... الله يكون بعونو عليكي مو من شي قليل الزلمة عم بيخربط ...

وبدأت كالعادة أطيل التفكير والتمحيص والصفن في هذه الجملة
حتى فتل مخي وصارت المعلومات الي في تتحول إلى كوكتيل مشكل ...

واشتغلت الصفنة :

آها ما البطاطا المقلية حبيبة الشعب ومسلسل باب الحارة حبيب الملايين

والبيبسي تلت رباع جلينا انفطم عليه يعني أكيد هالمشروب حبيب الكل ....

لاااااااااااااااااااااااا والأنهى من هيك ستار أكاديمي صاير حبيب الي مالو حبيب والفترة الماضية كان هزي يا نواعم حبيب ..... ؟؟؟؟

و لابلاها بلا ما ناخد كاسة شاي هلئ ونصحصح

ومهند حبيب البنات ولميس حبيبة الشباب والتركي كلو حبيب للشامي والشامي حبيب للمصري والمصري حبيب للبناني
وهيييييييييييك وبعيدا عن سياسة أميركا واسرائيل
التي نجدها محبوبة فقط من من هم على شاكلتهم اكتشفت اني مابعرف شو علاقة هالجملة بكلشي كتبو هلئ :

ممكن تشرحولي ياها ياجماعة ؟؟؟

سلام يا حبايب وعلى قولة فيروز ( ابئوا تذكرووووووووووووووووونا )
يبلاكي بحمة يا إم ساطور عل هالصوت قلنالك مارح يئبولك بسوبر ستارررر
لك بلعيها وروحي شربي بيبسي ........

​

 

[ĻàĎỷ iЙ ŖẼD]

(( أنا عاملة إضراب ))

لا حدا يحكي معي اليوم (( أنا عاملة إضراب ))
هذه الجملة بالذات رنت في أذني عندما قرعت الباب على جارتنا إم محمد
كانت إم محمد وولادها زعتر وشبرية وخنجر جالسين أمام التلفاز ونازلين تفصيص بزر وقرقعة متة .. و أبو محمد منجعي عاهالكنباية ....
والشرار عم يطير من عيونو

وكالعادة المعتادة التي لابد منها صفنت وأنا واقفة في تلك الرؤية التي تتجلى أمامي في وجه عائلة إم محمد خانوم .. :

ثم سألت (( خير جارتنا شو صاير ))
فما كان منها الا أن أجابتني بحدة قوليي شو الي مو صاير ............

: مانك شايفة أزمة المازوت شوعاملة
هي أبو محمد قاعدلي بالبيت مضرب عن العمل وسواقة السرفيس ...
: وكانت هنا الجملة التي فترتكت دماغي وأجبته
من هيك مافي خبز اليوم وأنا عم قول لحالي
مبارح خينا سلطان الطرب نازل تحشيش وحكي من فوق الأساطيح أتاري هالآدمي دريان ومابدو يخبرنا

لكن حتى اللحظة لم أعرف سبب إضراب ام محمد على الكلام فذلك ليس من شيمها :

لكني وبعد أن أطلت الصفن في مايحدث معها
وضمن عائلتها سبيت ولعنت الساعة الي عرفت
فيها صديقتي السابقة بدريه خانوم لك اي والله معها حق المخلوقة مو بس تعمل اضراب
اي لازم تعمل شاي وقهوة وزهورات كمان شو بدكون بالحكي ...

.

ولك آآآآآآآآآآآآآآآآخ أنا اليوم رح اضرب
كمان ولنشوف شو رح يغنلينا سلطان الطرب بكرة :

كل يغني على ليلاه وأنا على ليلي أغني

أودعناكون على أزمة واضراب
​