عذراً لضيق الوقت ( مشغول )

[mahmoud salih]

كما نبدأ دائما

السلام عليكم ورحمة الله وبركاته

يقولون الوقت كالسيف إن لم تقطعه قطعك


يلومونا كثيرا ....صديقي نحن لا نراك إلا في المناسبات ...أقول عذرا لضيق الوقت أصدقائي فأنا صدقاً مشغول جدا

ويقولون ( العمر ينتهي والعمل لا ينتهي )

أقول لهم ...نحن الآن فعلا في عصر سباق مع الزمن ..وصح لسان من قال الوقت كالسيف إن لم تقطعه قطعك

فما رأيك أنت / أنتِ

دعوة للنقاش علها بالفائدة للجميع

أخوكم المحب دوماً محمود الصالح ..وقتي الجميل لكم أنتم



​

 

[Rosalinda]

انا بأيد رايك اخي محمود بهالشي لانه احيانا بتمر علينا اوقات منكون مشغولين فيها كتير مامنفضا نحك راسنا ولانشوف حدا ولانحكي مع حدا ولاكن لناس يلي حولينا مابيشعروا بهالشي لانهن مومعك موشايفينك اديش مشغول وموفاضي ووقت بعاتبوك انهن ماعم يشوفوك او تحكي معهن بضلوا معزورين لانه مابيكونو عرفانين انته بشو مشغول وبالفعل لعمر بيخلص ولشغل مابيخلص ولاكن مين يلي بقدر هالشي وبيشعر فيه هوي لمجرب هالشي يعني بقلولك سئال مجرب ولا تسئل حكيم لانه قد ماكان بيشعر فيك وبيشعر بضيق لوقت يلي عندك ومابعاتبك بالعكس بساعدك وميرسي كتير كتير الك اخي محمود عالموضوع لحلو

 

[عهد القمر]

موضوع مميز ...

خلينا نسترق الوقت و عن مدى أهميته في حياتنا الوقت من ذهب إن لم تدركه ذهب
خلي هادا شعارنا في حياتنا
ودينا الاسلامي حثنا كتير في اهمية الوقت ..وكيف نحاول نغتنمه
فقد قال رسول الله صلي الله عليه و سلم -: "لا تزول قدما ابن آدم يوم القيامة من عند ربه حتى يسأل عن خمس : عن عمره فيما أفناه ؟ وعن شبابه فيما أبلاه ؟ وماله من أين اكتسبه ؟ وفيما أنفقه ؟ وماذا عمل فيما علم"
لوحسبنا وقت الانسان كلو ...راح نشوف اديش ضيع كتير من الوقت ...بشغلات غير مهمة
حتى لو قضى هالوقت بشئ مفيد راح نشوف انو ما اخد من وقتو كتير
اذن المشكلة نحنا ما عم انظم وقتنا ...ولا عم نحطلو وقت ..
راح حكيلكون قصة صغيرة ..
((منذ سنوات كان هناك شبان في قرية و هي قرية من قرى الريف الجميلة، يعيشون هناك
و كان الشبان يخططان للحصول علي شهادة الدكتوراه
حيث أنهما أنهيا دراستهما بنجاح كبير و ساحق،
الشاب الأول وضع خطة لإنهاء دراسة الدكتوراه خلال 3 سنوات
و بالفعل بعد 3 سنوات عاد الشاب و هو يحمل في يده شهادة الدكتوراه
التي سعي لها،
أما الشاب الآخر فلم يضع لنفسه قيود أو وضع أي خطة تنظم عمله فعاد بعد عشر سنوات
و هو يحمل شهادة الدكتوراه))
يعني شوفو اديش تنظيم الوقت ...شو بيعمل ,,,!!
اذا ما نظمت وقتك ...وكاانك عايش بغابة ومابتعرف من وين الطريق ..؟؟ضايع ...جوات الغابة ..!!
وحتى الانسان هيك بوقته مابيعرف وين بدو يروح ...الطرق بتتفرق فيه اينما شاءت
فامرة بتخدمه ومرة تانية ...تاتي الرياح بما لا تشتهيه السفن ..!!
فا مشكلة تنظيم هي مشكلة في غاية الاهمية بين مجتمعنا العربي
واكيد الها حلول بتساعدنا في تنظيمنا للوقت ...!!

وشكرا الك محمود موضوع كتير كتير حلو...!!







​

 

[Blue Diamond]

الف شكر لك أخي الكريم على هذا الموضوع الرائع
طبعا الزمن حكم علينا انو الشغل وشو ما كان عم يشتغل الواحد ما بيخلص مشان هيك عم نسابق الزمن وماعم نخلص

 

[إلهام]

الوقت

احيانا بيجينا شعور وهمه نعمل كل شي وبنحس الوقت كلو النا
واحيانا لو كل الوقت معنا مابدنا نعمل شي
ياتره المشكله بلوقت وله فينا
صحيح الشغل مابيخلص
ولكن لو في شي اهم من شغل عنا رح نتفرغله
لو عنا حبيب او صاحب اهم من الشغل بنترك كل شي مشانه
بس ليش كل النشاطات بحياتنا
صارت شي عادي
وصار الوقت هو المشكله؟؟
في وقت لكل شي بس احنا مابدنا
رايي الشخصي
يسلموووووو علموضوع الحلو

​

 

[mahmoud salih]

أفكار الجميع جميلة

شكرً لهذا المرور العطر أحبائي
​

 

[سكون الليل]

أخي أبا يامن ... هذه مشكلة الكل كما أظن ...
إن الناظر بعين البصر والبصيرة في هذا الموضوع .. يرى أنه رغم تزايد وسائل اختصار الوقت ... ( الهاتف .. الانترنت .. الطائرات ...... )
فإن أحدنا يحتاج إلى أكثر من 24 ساعة أو حتى 48 ساعة في اليوم الواحد ليقضي أموره ..
وما ذاك في ظني إلا بسبب ضياع بركة الوقت .. التي كانت لمن قبلنا ...
حتى أننا لم نعد نحس بهروب الوقت من أيدينا ..أياماً وأسابيع ..
وذلك مصداق خبر النبي صلى الله عليه وسلم حين أخبر أن من علامات الساعة .. ( تقارب الزمان )

 

[غنوجة بيا]

انا عمبمرء بهالشي...

بس حلو كمان الانسان لو بيخصص من وقتو باليوم ساعة او نص ساعة يتواصل فيا مع اصحابو

يعني لو رسالة بتطمن فيها على اصحابي..

لو مكالمة لحدا منن كل كم يوم ..


الانسان بيحاول اد مافيه

 

[mahmoud salih]

رائع جدا أخي أبا عبد ...دائما عنوانك التميز

شكرا لكم أصدقائي

 

[احلى دنيا]

أخي أبا يامن ... هذه مشكلة الكل كما أظن ...
إن الناظر بعين البصر والبصيرة في هذا الموضوع .. يرى أنه رغم تزايد وسائل اختصار الوقت ... ( الهاتف .. الانترنت .. الطائرات ...... )
فإن أحدنا يحتاج إلى أكثر من 24 ساعة أو حتى 48 ساعة في اليوم الواحد ليقضي أموره ..
وما ذاك في ظني إلا بسبب ضياع بركة الوقت .. التي كانت لمن قبلنا ...
حتى أننا لم نعد نحس بهروب الوقت من أيدينا ..أياماً وأسابيع ..
وذلك مصداق خبر النبي صلى الله عليه وسلم حين أخبر أن من علامات الساعة .. ( تقارب الزمان )

اي والله هالشي عم يزيد بالوقت
لك الساعه والله ما عاد حسيت كيف عم تمرق
الله يجيرنا

 

[♣ Adolf Hitler ♣]

يمكن يكون حجة

بالنهاية تلت أرباع شعب سوريا قاعد لا شغلة ولا عملة
فحاجتون كذب
​

 

[- ]Safee[ -]

والله يا سيدي شفتلك ( عن تجربة) انو يلي بينظم وقتو بيلق يساوي كل شي بدو يا



شكرا ع الموضوع الرائع

 

[سكون الليل]

شكراً أبا يامن ... أحلى دنيا .. أصدقائي ..
( حدثنا عباس بن محمد الدوري حدثنا خالد بن مخلد حدثنا عبد الله بن عمر العمري عن سعد بن سعيد الأنصاري عن أنس بن مالك قال قال رسول الله صلى الله عليه وسلم لا تقوم الساعة حتى يتقارب الزمان فتكون السنة كالشهر والشهر كالجمعة وتكون الجمعة كاليوم ويكون اليوم كالساعة وتكون الساعة كالضرمة بالنار ) حديث صحيح ... رواه الترمذي

 

[بلسم الشام]

صديقي الغالي محمود شكراً على الموضوع المهم

وهي شوية رئوس أقلام

زينة الفتاة هي العلم
وزينة الشاب هي العمل

فعلى الفتاة أن تخصص أغلب وقتها بتزين نفسها بالعلم
والشاب بعمله
هذا الوقت الذي نحن فيه صعب وقصير ومافي بركة
وبدنا نمشي مع هالوضع لأننا ما حنقدر نغير شي
بجيبتك قرش بتسوى قرش ونظرة الناس مادية بحتة هاد الواقع
ما بيحك ضهرك غير ضفرك وماحدى بيفيدك وبيطعميك خبز غير شغلك
وبس تنتهي من هي الأمور وترتاح مادياً ومعنوياً انت بتتحكم بوقتك

أمن حياتك ومستئبلك وبعدين عميل اللي بدك ياه
ومصلحتك فوق الجميع ان لم تكن ذئباً أكلتك الذئاب

وبرجع بئلك وقتنا صعب ومو بئيدنا
والله يسر أمور الجميع

هي طبعاً دروس مستخلصها من هذه الحياة
أبو يامن الغالي على البال دائماً رغم المشاغل

​