عريــــس الهـــنا

[GaZoOoooL]

لو انتي مخطوبة واكتشفتي بعد فترة انو خطيبك (عريس الهنا)
كان مسلط عليكي صاحبو ليعاكسك في التليفون
بحجة انو بدو يختبر أخلاقك
كيف رح تتصرفي؟؟؟ وهل ثقتك فيه رح تتغير
ولا رح تعتبريه انو بيغير عليكي وبدو يتأكد من حبك لالو؟؟
وانتو شباب ممكن تفكرواا بيوم تعملوا هيك تصرف ​

 

[روح الشام]

بقلعو

ليش هوي مايثثق فيني من الاول



يسلمو غزولتي

 

[GaZoOoooL]

معك حئ والله

الله يسلمك يا رب
منورة سوسيتي:10:

 

[TOoOLeN]

والله من جهة الشباب بيطلع معون كل شي هااا :80:
بياكل مني بهدلة ...وبشرشحو ...ليش خاطبني طالما ما بيوثق فيني :80::80:​

 

[TOoOLeN]

صحي حبيبة ئلبي غزووووول نسيت ئلك يسلمو هالديات يارب ماننحرمن

 

[كلارا]

اكيدة هيدى تصرف غلط وانا ما بئبل في نهائياً ..

لائنو السئة اهما شي بين المخطوبين وبين المزوجين.. وازا هوى ما بيوسئ فينى فبلا مانكون مع بعض احسن.. لانو ازا من اولا هيكى ف مابعرف شو ممكن يخطرلو لبعدين.. ولو عمل هيك شي لح اتركو بدون ايا مئدمات..

بتشكرك على موضوعك..

موفئة يارب

 

[البحر الهائج]

لو انتي مخطوبة واكتشفتي بعد فترة انو خطيبك (عريس الهنا)

كان مسلط عليكي صاحبو ليعاكسك في التليفون
بحجة انو بدو يختبر أخلاقك
كيف رح تتصرفي؟؟؟ وهل ثقتك فيه رح تتغير
ولا رح تعتبريه انو بيغير عليكي وبدو يتأكد من حبك لالو؟؟

وانتو شباب ممكن تفكرواا بيوم تعملوا هيك تصرف ​

لما بيصير الحب الطاهر والعفيف من الطرفين اكيد ما لح ايكون فيه شك من احدهم
وعدم الثقة هاد تفكير غير لائق بالشب تجاه البنت الي حبها الثقة ابل الحب وانا شايف انو ما بيستاهل حبها الشك بيلازم صاحبه طول العمر تسلمي على الموضوع الجميل ​

 

[CoOoL CaAaT]

شي حلو والله
ازا مو واثق فيني ليه خطبني من الاساس
هي مو غيرة هي اسما قلة ثقة :80:
وشي اكيد رح افسخ الخطبة لان اساس الحياة بين اي تنين هيي الثقة
فمن اولها ولا من اخرها وبلا وجع هالراس ووجع هالئلب ​

يسلمو غزولة ​

 

[Şώєєţ Ğίяℓ]

هبل :80:
لو مني
بطلئوا​

 

[آلبتول]

ايه يعلمها وافريجه ساعتها:80:
عدم الثقه هي
بطلعها من عيونه
​

 

[♥البرنسيسة♥]

انا بالنسبه الي بتركو دغري

لانو لو بيحبني وبخاف علي مابيخلي حدا يحكي معي

او حتى يسمع صوتي وياخد ويعطي معي

فهو بيكون فعلا مو جدير بحبي ولاثقتي ولاارتباطو فيني

يسلمو غزول​

 

[المستبده]

هاي مش غيره هااا

شو هاد لهالدرجه بدو يختبر

ما رح اكمل معو لانو اذا من اولها هيك كيف رح نكمل

يسلمووو غزووول​

​

 

[GaZoOoooL]

اهلا اهلا والله
منورين كلكون

و يسلمكون يا رب

 

[زهرة النرجس]

رايي من راي الاغلبية يسلمو غزول
​

 

[ღRosa Blancaღ]

اول شغلة هادا مو حب ولا غيرة هي قلة ثقة وانا ما بعيش مع واحد ما عندو ثقة فيني
وهو لما عمل هالتصرف الغبي عرفان انو حتكون النهاية هيك؟

يسلمو غزووووووووول

 

[جمانة]

بئلو الله معك ​

 

[Life of the soul]

يلي بيحب جد مابيعمل هيك
والصراحة الشب يلي بيعمل هيك بيكون صغير عقل
ولو كانت صايرة معي
اكييد مارح عيش مع واحد مانو واثق فيني
اذا ونحنا مخطوبين مو واثق فيني لكن بكرا بس نتزوج شو بيعمل
الافضل الله معو
يسلموووو غزووول موضوع كتييير حلو

​

 

[maroosh]

شو هاد شو هاد؟؟

اي والله والي اسمو الله بس اعرف انو البني ادم يلي بدو يتجوزني عامل هيك والله لاقلب الدنيا فوق راسو الفاضي


هاد يلي ناقص... حضرتو موواثق فيني ماحدا جبرو يجي يخطبني؟؟

بفك الخطبو وضلني معززة مكرمة ببيت اهلي:80:

 

[miss of disaster]

ما بكمل معو لانو ما في ثقة من الاول
خلينا ما نعيب مشان ما نبتلي

 

[غنوجة بيا]

بئللو روح عند مامي بكير عليك تحب وتخطب حياتووو


ميرسي عالمووضووع//
نانا