عزيمة يوم الجمعة

[اميرةالنجمات]

عزيمة يوم الجمعة
بس كان هداك النهار سئيل وسببلي الكتير من الكركبة
البيت كلو قرر انو ياكلو هالاكلة يلي انا مابحبا
الئشة..السختورة ..الباجا شبعرفني الها عشرين اسم
لك والغريب بياكلوها بشهية وكانهن عم ياكلو كوسا محشي او يبرء
وبيستمتعو فيها كمان
يعني يمكن هي طيبة
بس ماعم اعرف اكلا او اتعلم كيف بتنطبخ
اي اي مابعرف

فخطر ببالي
اعزم محمود الصالح وعكيد البيلسان وبلاك هوك اكيد يمكن بحبو هالاكلة ويلي بدو يتفضل




















واتغديت امورة جبنة ولبنة وشاي

 

[STELLA]

إن شاء الله صحتين وهنا يارب

لكل الي أكلو وشو ما كانوا أكلين

يمكن أنا و أنتي منوقف بصف واحد

مرة أو مرتين بس يلي جربت دوقها لما كنت بسوريا

حسيها عاديه ما كتير بتنحب و لا بتنشهى

 

[دموع الورد]

وانا وانا كمان الله يخليكن صففوني معكن

نفسي اعرف شو بيعجبهن فيها

على كل حال صحتين وهنا يا رب
​

 

[mr_ops]

ولي على قلبي

يم يم يميييييييييييييييي

باكلها وباكل اصابيعي وراها ​

 

[إلهام]

انا بسراحة بحبها كتير
وامي بتعملها طيبة
بس انا ماجربت اعملها بالمرة
البيك مابيحبها
يسلمو ​

 

[Cosette]

انا بوقت يكونو عاملينها اهلي
بطلب بيتزا



كنت لساتني عم افطر وقت شفت هالمنظر

الله يسامحك

 

[عكــ البيلسان ــيد]

يييييي شو بنت حلال يا اميرة
يمكن عزيمتك وصلتني ع الشام
مبارح ها مبارح بالذات رحنا ع الميدان
واكلت أبوات ونخاع وراس وسجئات
بتعرفي شو الحلو بهي الاكلة
اول شي ما بتتاكل اذا ما كان في جمعة وعجئة
تاني شي غالبا بيصير بينا تنافس
مين بيفوت فوته اكتر وبيئش صحون اكتر ع الطاولة
وطول الوئت صلح وابعتلو ليمون ومرئة
وبعد هالاكلة كاسة الشاي حئها مليون دولار
​

 

[Blue Diamond]

بكرهها لهل الأكلة بدا شغل كتير

 

[ḾǑŏǑŏǓĐỸ]

نسيتيني
​

 

[جمانة]

شكلها ما بيشهي
​

 

[احلى دنيا]

انا وقت عملوها اكلت اندومي

 

[ندى القلب]

فعلاا مابعرف شو بيحبوو فيها

مستحيل اكلهاا

اصلاا ماافيها شي يتاكل

صحه شباب

صحه عكيد ال تناافس ال

ويسلموو ايديكي اميره​

 

[Pure Feelings]

جسستوني انكن عم تاكلو يبرق او ششبرك لك او مشاوي مثلن

مابطيقا لهل الاكلة ولا بحب ريحتا ولا موديلا

وصحة وهنا شباب

ان شالله يارب يكون هيك عبيتو بطونكن منيح

 

[Life of the soul]

انا هالاكلة تحديدا بتقلب معدتي منها


​

 

[mr_ops]

عكيييييييييييييييييد

بس انزل عالشام عازمك عليها .. وبنعزم الوردة البيضا لانه بتحبها .. بس اما الباقي بنخليهم يتفرجوا علينا وما ياكلوا شي مشان لو جاعوا يحاولوا يدوقوها وساعتها ما بنخليهم .. يعني باختصار بنخليهم يخوروا من الجوع ه

عن جد انا بموت فيها لهالاكلة .. ​

 

[ḾǑŏǑŏǓĐỸ]

عكيييييييييييييييييد

بس انزل عالشام عازمك عليها .. وبنعزم الوردة البيضا لانه بتحبها .. بس اما الباقي بنخليهم يتفرجوا علينا وما ياكلوا شي مشان لو جاعوا يحاولوا يدوقوها وساعتها ما بنخليهم .. يعني باختصار بنخليهم يخوروا من الجوع ه

عن جد انا بموت فيها لهالاكلة .. ​

كمان انت نسيتني

 

[عماد الساهر]

بكرا غدانا قشة (سختوره) .... إلها 10000 اسم .........................إلخ

صرلي يومين صايم مشان جهز حالي بكرا ع الغدا

 

[كريستينا]

مابحباااااااااااااااااااااااااااا

لي هيك اميرة؟الله يسامحك
مابكفي انو بيعملوها لاء شو ستي بتتغزل فيها شو مشان

يسلمون اميرتنا

 

[ḾǑŏǑŏǓĐỸ]

 

[عكــ البيلسان ــيد]

عكيييييييييييييييييد

بس انزل عالشام عازمك عليها .. وبنعزم الوردة البيضا لانه بتحبها .. بس اما الباقي بنخليهم يتفرجوا علينا وما ياكلوا شي مشان لو جاعوا يحاولوا يدوقوها وساعتها ما بنخليهم .. يعني باختصار بنخليهم يخوروا من الجوع ه

عن جد انا بموت فيها لهالاكلة .. ​

ح ـبيبنا وح ـبيب حبيبنا
وفي رواية أخرى
ح ـبيبو لح ـبيب حبيبنا
ومنت علينا بالموانة التوماتيك
تبئى ئبل ما تنزل
خ ـبرني لاطلع اشحطك من المطار
أأئصدي استئبلك

يالطيييييف شو صرت موعود بها العزيمة
وخاصة من المغتربين
لك ما كان حدا منكن يعرف يوصل ع الشام ​