عشر صراصير بالأوضة .. أحسن من صرصور عالرقبة !!

[زهرة نيسان]

.
.

أديش مزعج ومقرف لما تكون آعد بغرفتك .. وتكتشف أنو في صرصور عم يقاسمك الغرفة ويشاركك ما تحويه الغرفة من أشياء !!

وأديش مزعج لما تشعر أنو هالصرصور عندو رغبة حقيقية بأنو يتعايش معك و يأمل بأن توصلوا لمرحلة ما تتأقلموا فيها مع واقع حياتي معين .. تكون فيه الصراصير والبشر كما القطط و البشر مثلا ..

هلأ من هالمقطع هاد .. ونازل , رح دلّع الصرصور وسميه سورسار ( بتخفيف السين وتفخيم الراء ) وذلك باعتبار صار في خبز وملح بيني وبينهن

على مااا يبدو يا جماعة أنو في سورسار عندي بالغرفة صرلو فترة .. من دون ما أنتبه لوجودو ( والله أعلم )

وعلى ما يبدو هه .. أنو صار في سوء تفاهم .. وافتكر هالسورسار أني منتبهة لوجودو وما عندي مانع يعني .. أو أنو صار في حالة قبول مني اتجاه هالسورسار !!

هيك على ما يبدو افتكر السورسار ..

ونتيجة لسوء هالتفاهم هاد .. تشجع هالسورسار وفكر بخطوة إلى الأمام باتجاه تعايش حقيقي بيني وبينو .. هادفا وآملا أنو يحقق الحلم السورساري الأكبر اللي ذكرناه سابقا

وفي يوم الخميس الماضي وعند الساعة الرابعة صباحا حين كنت مستغرقة في النوم .. وجد السورسار الفرصة مناسبة للشروع بخطوته التي قررها مسبقا وهي بمداعبتي وكركرتي من رقتبي ( الله لا يوفئوا )

أنا حسيت شي عم يكركني من رقبتي .. حركت ايدي اتجاه رقبتي وآخدني النوم يعني .. مااا خطرلي الله وكيلكن ( باعتبار صرلي أكتر من سنة ما طلعلي أي سورسار بالأوضة )

وإذ .. هالشي يلي عم يكركني من رقبتي صار يمشي باتجاه وجهي

هنا .. انتفضت من نومي مطلقة يديّ الاثنتين محاولة التملص مما يرتع على وجهي طولا وعرضا .. وبعد ما خلصت .. شعلت الضو متلفّتة حولي ومحاولة أن أتبيّن أن ما حدث هو أضغاث أحلام أم هو واقع !!
:80::80::80:

وإلى يساري نظرت .. ووجدت سورسارا يقبع مشدوها مصدوما ولسان حاله يقول :

شه !!
شبها هي !!
هلأ كنا آعدين سوا متل السمنة والعسل ..
شمعنى وقت مشيت على رقبتها هيك عملت ..
معؤولة تكون متكوبسة مثلا ؟؟

وسكت لسان حاله عند سماعي أصيح :

أعوذ بكلمات الله التامات العامات من شر ما خلق ..
واصابه الذعر عند انطلاقي باتجاهه متسلحا بشحّاطة رمادية من المقاس الكبير .. ثم انطلق يلوذ بالفرار .. غير أن رحلة الفرار تلك لم تستمر طويلا .. وانتهى حال السورسار كما تنتهي عادة حياة أمثاله من القشريات المقرفة !!

ما بخبي عليكن يا أصحاب .. أني نئزت كذا مرة وأنا عم اكتب هالموضوع متخيلا أنو في شي عم يمشي على ايدي أو رجلي .. وذلك لحساسيتي العالية تجاه أي شي عم يكركني بعد هالحادثة الاليمة يلي صارت

والله يبعد عن الجميع متل هالنئزة وكششان البدن يلي صابني من يوم الخميس الماضي وحتى يومنا هذا ..

قولوا آمين ..

.
.

:80::80::80:

​

 

[قيــ الروح ــثارة]

:19::19::19::19::19::19::19::19:

أمين يااارب

بس عن جد طلع ع رقبتك

انا يوم بيطلعلي سورسار أكيد عالاسعااف ولي

الله يقرضوون بجاه يدنا النبي محمد ولي عليهوون انشالله ​

 

[الوعد السوري]

خيالك كان كتير حلو بالقصة
ماشالله عليكي

أبعد الله عنا وعنكِ السراسير ​

 

[سِدْرَة المُنتَهَى]

اللهم لاشماتة :19::19:
عيشتيني الدور :19::19:
والله يبعد عنا وعنك الصراصير والحشرات ​

 

[mahmoud salih]

:19::19: سورسار :19::19:

ظابطة

 

[مختار]

يحرء همك قولي اي

 

[shadoo]

لك ولي أشعر بدني
قولي خيال صحيح :80:
وع كل حال مشكوره على جهودك​

 

[البحر الهائج]

:19::19::19::19::19:

آمييييييين الله يبعد عنك وعنا السراسير يا زنبقة وروئي بالك والله قصة السرسار بتصلح مسلسل في التلفيزيون
يعطيك العافية زنبقة على القصة الي رويتيها لنا :19::19::19:​

 

[بسمة سوريا]

انا اعدت اتخيلك وانتي ماسكة الشحيطة وراكدة ورا

ولي انا لو كنت مكانك يــــــــع بنط وبطلع من الغرفة وبخلي يعيش لحالو فيها

انا اكره ماعليي السورسار حبيبتي
شكرا يا حلوة

 

[زهرة نيسان]

:19::19::19::19::19::19::19::19:​

أمين يااارب​

بس عن جد طلع ع رقبتك

لك اي شو عم امزح معك :80:

​

انا يوم بيطلعلي سورسار أكيد عالاسعااف ولي ​

الله يقرضوون بجاه يدنا النبي محمد ولي عليهوون انشالله ​

اميييييييييييييين الله يسمع منك ​

 

[زهرة نيسان]

خيالك كان كتير حلو بالقصة

ماشالله عليكي ​

أبعد الله عنا وعنكِ السراسير ​

مو خيال حئيئة

تسلملي يااخي :10:

امييييييييييييين ​

 

[زهرة نيسان]

اللهم لاشماتة :19::19:

عيشتيني الدور :19::19:

والله يبعد عنا وعنك الصراصير والحشرات ​

امييييييييييين ​

 

[زهرة نيسان]

:19::19: سورسار :19::19:

ظابطة

عم تضحك عليي مدمود:80:

الله يسامحك

​

 

[زهرة نيسان]

يحرء همك قولي اي

ايييييييييييي

​

 

[زهرة نيسان]

لك ولي أشعر بدني

قولي خيال صحيح :80:

وع كل حال مشكوره على جهودك​

هاد عالحكي واشعر بدنك

كيف ماتكوني محلي شو بتعملي بحالك

​

 

[زهرة نيسان]

:19::19::19::19::19:​

آمييييييين الله يبعد عنك وعنا السراسير يا زنبقة وروئي بالك والله قصة السرسار بتصلح مسلسل في التلفيزيون

يعطيك العافية زنبقة على القصة الي رويتيها لنا :19::19::19:​

امييييييييييين

بربك مو بتنكتب قصة

قصة واقعية حقيقية :80:

​

 

[زهرة نيسان]

انا اعدت اتخيلك وانتي ماسكة الشحيطة وراكدة ورا

ولي انا لو كنت مكانك يــــــــع بنط وبطلع من الغرفة وبخلي يعيش لحالو فيها

انا اكره ماعليي السورسار حبيبتي
شكرا يا حلوة

الله لايورجيكي

بس لو مالي قد حالي ماكنت قتلتو

وانا كمان بكرهووووو

عليه اللحمة

نووووووورتي يائطة :10:

​

 

[Senior Anas]

:19::19::19::19::19:

سورسااار ونهاااية حزينة هيك عنوان الئصة :19:

 

[البحر الهائج]

امييييييييييين ​

بربك مو بتنكتب قصة ​

قصة واقعية حقيقية :80:​

​

انا عرضتها على مخرج تلفزيوني وقال ممكن نعملها مسلسل ونسميه سرسار حبنا شو رأيك على رأي سمير غانم ​

 

[Bilal Mohammad]

:19::19::19::19::19::19::19::19:

الله يبعدون عنا ولي
على رقبتك الله يعينك
يييييييييييي انا بشوفو ماشي بالطريق بقرف منو شلون اذا قرب عليي بموت حالي دغري
​