على خطى البيلسان دائما ( قلب & محبة & أخلاص )

[§ أبو المر §]

بسم الله الرحمن الرحيم

الشي يلي صار اليوم دايئ الكل وانا أكتر شي
بس انا كنت بتمنى اعرف سبب هل تصرفات
ورد علي الشخص المجهول بس انا ماقتنعت
الشي يلي عم يصير بل بيلسان الحبيب
هون من شخص بيعرف الكل واحقد علينا
وأكبر دليل ذكرو ل أسماء بلمواضيع وأسماء كبيرة جدا
وليست كبيرة فقط ومن مؤسسين منتدى البيلسان
وأنا فخر لألي ولكل أدارين البيلسان بوجودن معنا بهل منتدى


احلى دنيا " + " زهرة النرجس " + " جمانة " + البيلسان

(((((((أحلى دنيا)))))))

طبعا ليلي ما بيعرفا هيى نائب عام بمنتدى تاني
وألنا شرف بوجودا معنا وانا بأسمي وبأسم أدارة البيلسان
منعتذر عن الشي يلي صار اليوم بلمنتدى وهاد الشي اذا دل على شي
بدل على كبر مكانتك بين العالم والعالم بطبعا حسودة نحنا منتمنى ضلك معنا
على طول واهلا وسهلا فيكي واد ماحاولو العالم يحكو عليكي أنتي معروفة شو عنا
وهاد الشي موجود عن الكل مو بس عندي أخلاق وطيبة ئلب وبنت عالم وناس
وبيشرفنا تكوني موجودة معنا

(((((((زهرة النرجس )))))))

غنية عن التعريف من كبار الشخصيات في منتدانا الحبيب
وهيى من مؤسسين المنتدى الغالي ويلي بيحكي عليكي بكلمة
كأنو حكا علي الشي يلي صار اليوم يانرجس صحي بزعل بعض الشي
بس كبرك أدام العالم لانو انتي من أشرف الخلق على وجه الكرة الأرضية وهاد حكي الكل مو بس عندي
ونحنا ألنا شرف أنك تكوني معنا على خطى البيلسان الحبيب
نرجس نيابة عن طاقم الادارة منعتذر عن الشي يلي صار اليوم وبتمنى ما يتغير شي

(((((((جمانة ))))))

بوقت قصير أبدعت وأبدعت ومازالت تبدع ومن كبار الشخصيات في المنتدى الحبيب
ومن المتواجدين دائما
جمانة نحنا ألنا شرف وجودك معنا وأنتي أخت غالية علينا جميعا
والله بيعلم غلاوتك عنا
مني ومن جميع الأدارين منعتذر عن الكلام يلي صار اليوم ومنورة المنتدى بوجودك

الخال أحمد الصالح ( البيلسان )

يعني مابعرف بدي احكيلك انا متلك مئهور على الحكي يلي نكتب
ويلي بيحكي عليك كانو بيحكي علينا
بس الشجرة المثمرة يرميا الناس بلحجارة
أنت كبيرنا والشي يلي شفتو اليوم ماقلل من كبرك عند العالم
بلعكس كبرت بعين الجميع وجودك معنا يا خال شرف ألنا
ويعطيك ألف عافية يارب

بعرف انو الكل ئلبو على البيلسان وكل يلي شافو يلي صار زعلو
بس نحنا منضل أخوة ومافي شي بفرقنا قلب محبة أخلاص دائما
بتشكر كل يلي تعبو معنا اليوم وأولهم الوعد السوري وصمت الجروح
شكر خاص مني وشكر خاص من طاقم الأدارة

ومشكلة المواضيع يلي عم تنزل بأذن الله اليوم رح تنحل
بتمنى التوفيق دائما للجميع والله يسعدكون يارب

 

[♥ jasmine rose ♥]

والله كلامك جواهر ابو المر
انا كتير انئهرت من الي شفتو اليوم
بس بتضل احلى دنيا ونرجس وجمانة خوات وصديقات غاليين علينا والي صار مابغير شي بالعكس
مكانتهن محفوظة بقلوبا وزادت اكتر والي بصير عليهن بصير علينا لأنو نحن هون بالنهاية كلنا واحد

البيلسان شاعرنا الكبير
انت غالي علينا كتير كتير والي صار لابقدم ولا بأخر
انتو بقلوبنا معزتكن وغلاوتكن عنا مابتنهز

ابو المر يسلمو كتير على هالموضوع
ورح نضل كلنا واحد بهالمنتدى بإذ الله


​

 

[آلبتول]

والله هذا اقل شيء بساوي للمنتدى
وانشاءالله يضل قلب ومحبه واخلاص
ويبعد عنا الحاقدين
يعني عن جد التصرف الي سواه هالشخص
حتى اسم شخص ما تليق عليه

فكر انو رح يخرب سمعتنا
بس بالعكس
رح يحببنا بالمنتدى اكثر
ورح نضل ايد وحده
انشاءالله

وبوجه كل الشكر الك ابو المر
وربي ما قصرت كفيت ووفيت
يعني لو الله ولاك ما كنا عرفنا كيف نتصرف معه


وبقول لأخواتي لا تزعلو ولا تتضايقو انتم اشرف من انو حد يكتب عليكم شيء
وللبيلسان خاصة لا تنزل لأقل من مستواك انته ملك

​

 

[♥البرنسيسة♥]

يعطيك الف عافيه ابوالمر

ولحنا كلنا هون بالمنتدى ايد وحده

والشي الي صار بيدل على نجاح المنتدى

يسلمو ابوالمر مافي منك انت

قلب ,محبه ,تخلاص​

 

[STELLA]

الله يعطيك العافية يارب ​

والكل هون واحد وايدون وحدة​

وان شاء الله ما بفرقنا شي يارب ​

والناس الي هيك في منون كتير ​

بس الله يكفينا شرون ​

ويبعد عنا ولادين الحرام يارب ​

الله يعطيكم العافية جميعا يارب ​

 

[Life of the soul]

يعطيك العافية ابو المر
ودايما البيلسان
قلب ومحبة واخلاص
وكلنا ايد وحدة
ويعطيكم العافية جميعا
يسلو ابو المر​

 

[زهرة النرجس]

 

[احلى دنيا]

هلا انا وصلتني شوية معلومات عن الموضوع مع اني حاسه حالي متل الاطرش بالزفه
وما بعرف شو انقال عني او عني جمانه او زهرة النرجس
بس رسالة صغيره ليلي حكا عليي و واضح انو حكي رخيص متلو
لو فيك شوية رجولة ما كنت تخبيت ورا اسم تاني
لو فيك شوية شهامة ما كنت حكيت ع بنات معروفين باخلاقهن
حقي وحق البنات وحق البيلسان رح ناخدو منك عند ربنا
ابو المر والله انك كبير وبتشكرك كتير ع كلامك الحلو .. مية ورده الك
باقيه معكون .. يعني اكيد الحشرات مارح تاثر ع علاقتي مع الناس هون

 

[جمانة]

انو انا متلي متل احلى دنيا انصدمت كتير بس شفت الرسالة والحكي الواطي يلي فها
بس الظاهر هاد انسان ما عندو اخلاق ولا دين ولا شي
فليش نحط بالنا ع كلام هو حكاه
الله لا يسامحو
و الحمد لله الكل بيعرف مين انا والصبايا و البيلسان
و يسلمو ابو المر
كبير و غالي ​

 

[زهرة النرجس]

محمد شكرا الك وللكلام اللي قلتو بحق كل وحده فينا هون وبحق الخال كمان
بالبداية ماكنت عارفة شو اجاوب لانو عن جد انصدمت بس الواطي بيضلو واطي
وانا بتمنى يكون رجال ويحكي مين هو لانو عملتو هاي مو عملة رجال عملة واطيين
وبحكي لو انت حكيت بعرضي بس مارح ازعل منك بتعرف ليش ؟ لانو في يوم قيامة رح نوقف فيه نحن وانت قدام بعض ومو نحن اللي رح ناخد حقنا رب العالمين هو اللي رح ياخدلنا حقك
بس في دعوة صغير متل ماحكيت علينا الله يبعت لك مين يحكي على اهلك
انا متاكده انك رتح تفوت على الموضوع مشان تعرف شو اخر الاخبار وشو كانت نتائج عملتك الحقيرة يا...
​

 

[دلوعه وكلمتي مسموعه]

يعطيك العافيه ابو المر
اكيد الشي الي صار مارح يغير الشي لانو كلنا هون منعرف بعض منيح ​

 

[TOoOLeN]

 

[vbsyh]

الله يجعلهااكبر المصايب ..
وانشالله الجهاز الاداري باذن الله رح يريحنا من هالموضيع اللي عم تنزل .
البركة بابو المر والبيلسان اللي استدركو الوضع باللحظات الاخيرة . الله يعطيهون العافية
والشخص اللي عم ينزل هالموضيع بغرض تشويه سمعة اعضاء معينين لو عندو ذرة خلق وكرامة ما كان انتهك عرض الناس .

ربنا لا تؤاخذنا بما عمل السفهاء منا يا رب العالمين
والله ينتقم منو ولا يسامحو لا دنيا ولا اخرة .

 

[shadoo]

مع إني زي الأطرش بالزفه
بس من قلبي والله بدعي الله يبعد الشر عن إخواني وأخواتي الحبيبات
ويضل المنتدا مرفرف بالعلالي
وأكيد رح يكون هيك ويضل هيك على طول طالما معانا هيئه إداريه غير شكل
بوجه تحيه وشكر لكل واحد ساهم في حمايت منتدانا الغالي
وأولهم لأبو المر
ألف شكر
​

 

[بيري 2009]

خير ابو المر شو في ؟



شبهن الصبايا ؟

مين مزعلن ​

 

[مختار]

يعني وبعدين ؟؟
شو رح يطلع معو
لنشوف واخرتها معو
حسبي الله ونعم الوكيل
معلش بعتذر انا كمان
عن الاعضاء للي انحكى عنهن اي شي
وانشالله مابيتكررر هل شي
لانو انتو متل اخواتي وانا مابرضى حدا يحكي ع اخواتي
وانشالله رح نبقى قلب محبة أخلاص طول العمر
والله يعطيها الف عافية الادارة ابو المر وانس والخال

​

 

[سعد قيس]

تواصلنا ليس بواسطة النت
وأنما تواصلنا من القلب إلى القلب
هكذا عودنا البيلسان
أبو المر
​

 

[بيري 2009]

لك شو صار معكن ..

مين هاد المعاق ...!

وليش يعني هدول البنات


من اي دولة هاد .. والله مايكون بلادن لاشرشح سماه



صبايا ولا يهمكن في مثل بيقول : لو كل كلب عوى ألقمته حجرا -- لأصبح الصخر مثقال بدينار


كلنا منعرف مين انتو .. وثقتنا بالادارة عاليه

 

[أميرة كل النجمات]

بنتشكرك ابوالمر

 

[الوعد السوري]

بتشكر كل يلي تعبو معنا اليوم وأولهم الوعد السوري وصمت الجروح
شكر خاص مني وشكر خاص من طاقم الأدارة




أول شي أخي أبو المر لاشكر على واجب وأنا من عند الصبح وقت شفت المواضيع انصدمت وماعرفت شو ساوي وخصوصاً وقت شفت أسماء بنات بعتبرهم أخوتي وغاليين عندي كتير كتير
وصرت ادخل ورا هالندل وافتح مواضيع لحتى ما خلي ولاحدا ينتبه على مواضيعه
لحتى نجحت ووقعتو بمصيدة وحشرتو بموضوع تماماً متل مابيحشروا الحشرات
ودخلت حضرتك وأخي البيلسان وقضيتو على هالحشرة
تأكد أخي محمد أنو أي عضو هون بالمنتدى سمعته من سمعتي ومن سمعتنا جميع
ونحنا ايد واحدة وقلب واحد
وقافلتنا مستمرة رغم النباح من الحاقدين ولن نلتفت لهم لأننا في البيلسان لاننظر إلا إلى الأمام فقط

البيلسان
قلب * محبة * إخلاص

قولاً وفعلاًبإذن الله ​