عندها نفس طيب ؟!!!

[إلهام]

بسم الله الرحمن الرحيم
السلام عليكم ورحمة الله وبركاته
ندخل بالموضوع الي هو النفس بالطبيخ !!
لنفرض عندنا سيدتان رح يطبخن نفس الطبخة بنفس المقدير بنفس الوقت...
ونتذوق الطبخة بعد ماتجهز .. واحده طلع طعم الطبخة معها اطيب بنقول عندها نفس بالطبيخ..... شورايك بهي المقوله وشو هو النفس بالطبيخ؟!!!
وهل الحالة النفسية للمراة بتاثر عطبيخ من وجهة نضرك ؟؟
او المواد المستخدمه ؟ او الوقت والجهد؟
برايك مافي شي اسمو نفس بالطبيخ ؟
لاصبايا ستات بدي ارائكم واذا الشباب عندهم كلمة منيحة يحكوها ........

 

[صمت العيون]

هي كل واحد عندو طريقه بالطبخ والمكونات
وممكن حسب ما الست بتركز بالطبخه وبتكون حابه تعملها
غير عن ست تانيه بدها تطبخ وتخلص وما بهمها كيف يطلع الاكل

 

[Faby]

اهم شي النفس ..بعدين المكونات
انا نفسي كتير زريف بالطبخ ومتواضعة الحمدلله كتير بهالموضوع

 

[DE$!GNER]

فكرة النَّفس (الطيب - وغير الطيب) تتأتى غالباً من الممارسة الدائمة لسيدة المنزل لعملية الطبخ واستعمالها للمقادير بنسب صحيحة دوماً أو إحساسها بنقص مادة معينة من المواد التي يمكن أن تؤثر على طعم طبخها..
لا شك في أن هناك بعض المواد الأولية التي تخدم مصلحة الطبخة وتساعد سيدة المنزل على الطبخ بشكل أجود وعملية مزجها واستخدمها في طبخة ورفضها في طبخة أخرى هو عامل رئيسي أيضاً...
يجدر بالذكر أمر مهم وضروري هو ان النفس الطيب يتشابه وموضوع الجمال... فهو أمر نسبي يختلف من شخص لآخر متذوق لهذا الطبخ... فمنهم من يرغب الدهن الزائد ومنهم من يرفض زيادة الزيت وقس على ذلك...
إذاً العوامل مرتبة على الشكل التالي:

1. الإتقان من ربة المنزل والممارسة.
   
2. تناسب المقادير المستخدمة في إعداد الطبخة.
   
3. اختيار المواد الملائمة لكل طبخة واستخدام المنكهات المتلاءمة.
4. طبيعة الشخص المتلقي ومدى استجابته لطعم الطبخة...
   

رأي متواضع...
​

 

[نور السما]

اها انا بشوف ان الحالة المزاجية

بتطلع ف الاكل فعلا !!

يعني لو مزاجي حلو ورايقة بيطلع باين ف الاكل

اما بالنسبة للنفس ف كتير بحس في ناس نفسهم ف الطبيخ حلو فعلا

حتا لو مش بيحطو المقادير كلها بالظبط


موضوع حلو

تسلمي
​

 

[Chantal]

بالتأكيد وطبعاً ومابدهاحكي النفس في الطبخ موجود
وبرأيي إنويختلف من شخص لآخر
وأكيد مكونات الطبخة والنفسية الرايقة بتساعد على لزازة الطبخة مابدهاحكي
ومن تجاربي بشوف إنولمايكون الوقت ضيق والحالة النفسية سيئة بتنخبص عندي الطبخة
إلى حد ما
بس صدقاً عندي نفس بالأكل بشهادة الآخرين
عموماً موكل من طبخ معناتو ياسلااااام
هادا رأيي وبشوفومنييييييييييح
شكراً وردتناعلى نفسك الحلو بالمواضيع

 

[إلهام]

منورين حبايب قلبي كلكن
يسلمو عالمرور
​

 

[عكــ البيلسان ــيد]

لك أنا برأيي الشخصي نفس المرأة في الطبخ هو من المكون الرئيسي والاهم
يعني اللي نفسها طيب بالاكل والله لو بتحط
ع طاولة الاكل جبنة ولبنة وزيتون بتطفي عليه نهكة نفسها الخاص
والممارسة بالطبخ صح بتزيدها خبرة إنما النفس جذوره تتشرب من فطرتها

وع ئولة المتل "مو كل مين حمل الصواني صار حلواني"
​

 

[إلهام]

لك أنا برأيي الشخصي نفس المرأة في الطبخ هو من المكون الرئيسي والاهم
يعني اللي نفسها طيب بالاكل والله لو بتحط
ع طاولة الاكل جبنة ولبنة وزيتون بتطفي عليه نهكة نفسها الخاص
والممارسة بالطبخ صح بتزيدها خبرة إنما النفس جذوره تتشرب من فطرتها

وع ئولة المتل "مو كل مين حمل الصواني صار حلواني"​

الست الهنية والرايقة بتعمل كل شي طيب
حلو الحكي عكيدنا منور

 

[ČốηťĕṨṩก]

انا برأيي كلو بأثر على بعضو (الحالة النفسية و المكونات ...الخ)

و بلنهاية كل ست بيت الها طريقتها و طبعا الخاص بينعكس ع طبخها....

 

[RoOoR]

انا برأيي كلو بأثر على بعضو (الحالة النفسية و المكونات ...الخ)

و بلنهاية كل ست بيت الها طريقتها و طبعا الخاص بينعكس ع طبخها....

يالله ليش قلتي اللي بدي اكتبو

حبيتك و حكيك مزبوط