فخامة التلفزيون العربي السوري

[Faby]

كل شي ممكن أهضمو
دعايات العلكة التي لا تعد و لاتحصى
دعايات المحارم بأنواعها و هداياها المختلفة..وإلى أخره من فخر الصناعة
لك ممكن أهضم التعليق الرياضي و النقل الرياضي المشوش
ولك حتى الاستديو التحليلي ولو إنو صعب تتصدق هي
ممكن أهضم الديكور الكرتوني الباهت
ممكن أهضم المقدمة المبتذلة والجمال الفاقع و الحوار الفاشل والهضامة السئيلة في اللحظات الغلط
و البرامج الغليظة و الأسئلة المجهزة المعدة مسبقاً و الرأي المعد مسبقاً
ممكن أهضم الدعايات تبع هي البرامج الغليظة
ممكن أهضم هي الشغلات إلي بيصير يحطوها على يمين مدري يسار الشاشة متل عيد سعيد بلون أصفر أو عسلي (قال و هيك بتصير الجملة تصغر وتكبر و تقلب)
ممكن أهضم النشرة إلي بكرها مو بس لأنها فاشلة بمذيعيها بس لأنو كمان بتزكرني الشارة تبعها إلي ما كتير اختلفت عن أيام زمان إنو صار وقت النوم لما كنا ولاد صغار
ممكن أهضم الأناقة الإحترافية الثقافة المطفطفة والمعلومات على كافة الأصعدة: الرياضة الصحة الطبخ النفخ الطلاق و الزواج والحالات النفسية تبع الطلاب و المجانين وتقييم الفن والفنانين و الأزياء وإلى أخره
ممكن أهضم السرقة سرقة الاغاني و الأخبار
ممكن أهضم المعدات و الكاميرات السيئة والتصوير إلي بخلينا نكتشف قديش الفنانين بشعين بس على تلفزيونا
ممكن أهضم قطع البث لأسباب قسرية أو فنية( إنو بيكون شي حدا داعس على كبل الكاميرا أو يلي بالاستديو غفلان و فاقسلو شي زر)
ممكن أهضم كل شي إلا شي واحد واحد بس
ليش المايكروفون تبع التلفزيون السوري طالعة الاسفنجة تبعو
من زماااااااااااااااااااااان و أنا بلاحظ الموضوع وبقول يلا .إنو على اساس كل شي ظابط وما لقيتي تعلقي غير على هالقصة! .سفنجة المايك !!!
إنو والله شي غريب ما بيعرفو يجبو كرتونة محترمة ويظبطوا هالمايك الجربان
بس شكلو هاد المايك بصغرو بيعبر عن الوضع كلو

منقوول

 

[إلهام]

انا تفاجئت

جد مو لاقيه شغله

كتير هادف موضعك
بتمنى يصلحوه باقرب وقت

​

 

[Gabriel]

اييييييييييييييييه ذكرتينا بأيام زمان والقناة الاولى والقناة الثانية
تعرفي من زمان ما شفت شي على التلفزيون العربي السوري
من صار في ستلايت والله فرجها علينا
لا عاد قطعو علينا مبارة لنشرة الاخبار ولا مسلسل

يسلموووووو

​

 

[mahmoud salih]

بصراحة أنا كنت معك خطوة بخطوة هون

لحد ما وصلتي للمايك ....انا هون مضطر أطلع لبرى ومالي علاقة بكل القصة

واذا حدى سألني مين ...بقلن فاربيلا
​

 

[Faby]

اييييييييييييييييه ذكرتينا بأيام زمان والقناة الاولى والقناة الثانية
تعرفي من زمان ما شفت شي على التلفزيون العربي السوري
من صار في ستلايت والله فرجها علينا
لا عاد قطعو علينا مبارة لنشرة الاخبار ولا مسلسل

يسلموووووو

​

هو القناة الاولى والقناة التانية نسّقناهن من ايام ما كنا نلقط الاردن والفيوتشر الارضية بس احيانا منضطر نحضر السورية الفضائية برمضان"كرمال المسلسل"
نورت غابي

 

[Faby]

بصراحة أنا كنت معك خطوة بخطوة هون

لحد ما وصلتي للمايك ....انا هون مضطر أطلع لبرى ومالي علاقة بكل القصة

واذا حدى سألني مين ...بقلن فاربيلا

مممم ولماذا هاذا ؟؟؟؟؟؟

 

[سِدْرَة المُنتَهَى]

يعني وقفت ع الاسفنجة
الدنيا ماشية تصلحت او ماتصلحت
ضحتيني علوشة ​

 

[RaNoSh]

No Comment​

 

[ملكة زماني]

اي حمدي الله في مايك


​

 

[Faby]

يعني وقفت ع الاسفنجة
الدنيا ماشية تصلحت او ماتصلحت
ضحتيني علوشة

​

اهلين حبيبتي هو الموضوع للضحك

No Comment

اي حمدي الله في مايك


​

​

ه لا شو اقل منها

 

[الملاح التائه]

شكرا على الموضوع الحلو
...................................
بس بدي قول شغلة
أنا من النادر لحتى أتابع مبارة دوري سوري
ع التلفزيون السوري
بس لما أنجبر أتابع
بنسى كل المواضيع يلي حكيتوا عنا
(إنقطاع البث و التعليق و........)
وبقعد أصفن بشغلة وحدة بس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الساعة
ساعة التوقيت وين
؟؟؟؟؟؟؟؟؟؟؟

يعني معقول ما وصل ع تلفزيونا العتيد
برنامج الساعة

أو يمكن يكون غالي
فلذلك ما إشتروه

ولا يمكن ؟؟؟؟؟؟؟؟؟؟
آه
هلأ فهمت ليش ما بيحطو الساعة

مشان مايروح علينا ولا سنتيمتر من
البساط الأخضر (أرض الملعب)
؟؟؟؟؟؟؟؟؟؟؟؟؟؟؟؟؟؟؟؟
عم يطبقوا متل
النظافة من الإيمان
؟؟؟؟؟؟؟؟؟؟؟؟؟؟؟؟؟؟؟

لاحول ولا قوة إلا بالله
والله المستعان على ما تصفون**​

مـــــــــــــــــــــــــــــــــع تحياتي​

 

[Faby]

اهلا فيك ملاح نورت وطبعا النظافة من الايمان

 

[Black Hawk]

لاااااااااااااااااا والف كلااا

اسفنجة مايك التلفزيون العربي السوري مو زابطة

يا فضحيتنا بين القنوات العاليمة

على هالخبرية رح تنخفض نسبة مشاهدي قناة اجباري 1 واجباري 2 فيما لو وجدوا طبعا

الله يسامحك يا فاربيلا هيك عم تنزعي سمعة التلفزيون السوري

بس في وعود بتصليح المايك وعلى حسب تصريح وزير الاعلام : إن تصليح اسفنجة المايك هي الركيزة الاولى لاصلاح وتطوير التلفزيون بشكل عام

فأكيد لما تزبط الاسفنجة رح تزبط معها كل الشغلات الي حكيتي عنها

الله يقويهم يارب ويصلحوها للاسفنجة

قولوا آمين


​

 

[Faby]

هية نسبة المشاهدة ما خطر ع بالي انها رح تنخفض بسبب موضوعي .....لو خطرلي كنت ما نزلتو

 

[همسة]

ياستي هي الاسفنجة أكيد وبكل فخر بتكون ( صنع في سوريا )
يعني مصنوعة خصيصا للمايكروفون السوري
بس فابي انتي باينتك مابتابعي آخر التطورات والصناعات المحلية ببلدنا
وخضرة يا بلادي خضرة
​

 

[Faby]

لاوالله يا عزيزتي شنو ما عندي انتين ما بلقط القنوات الارضية
​

 

[فرآشة الياسمين]

اي حمدي الله في مايك ​

​

 

[ČốηťĕṨṩก]

ما هاد الشي يلي بميز تلفزيونا العريق


الســــــــــــــــــــــــــــــــــــــــــــــــــــــــــــــــــــــفنجة

 

[Faby]

هاد الموضوع جماليتو انو ما بتخلص مدتو
كل ما حدن يقراه ما بيقول ايييه الله يرحم كيف كان التلفزيون السوري
بالعكس بيقول لك ايه والله
نورتي كونتيسا
​

 

[ḾǑŏǑŏǓĐỸ]

بصراحة أنا كنت معك خطوة بخطوة هون

لحد ما وصلتي للمايك ....انا هون مضطر أطلع لبرى ومالي علاقة بكل القصة

واذا حدى سألني مين ...بقلن فاربيلا
​

بس الموضوع منقول محمود فاربيلا ما دخلها

شكرا فاربيلا
​