قالوا عن الشام

[like moon]

قالوا عن الشام ​

​

​

​

الشام هي رائحة البن بالبزورية

وعجقة سوق الحميدية

وصلاة العيد بالاموي

وزيارة قصر العظم


هي اكل الدرا المشوي بالروضة

والبوظة عند دامر


هي تلجات بلودان

وزهر الغوطة



هي سيران الشادروان

والمشاوي بالفيجة

والبطيخة بالنبع

وكرز مضايا وسفرجل الاشرفية وجانرك بسيمة ووادي بردى


هي النومة بأرض الديار بعد الشطف

والياسمين والنارنج والكباد



هي شرب مية الفيجة الباردة من الحنفية بيوم صيف

وعرقسوس رمضان والتمر الهندي وتوت الشام



سورية هي اجتماع العيلة وسكوت الجميع بالبيت والمحلات ولايبقى سوى الراديو لنسمع المساعد جميل والرائد هشام وطبعا الأستاذ مصباح المتهم بمعظم القضايا في حكم العدالة كل يوم ثلاثاء

هي مايطلبه ال جمهور يوم الأربعاء لمشاهدة ... أحدث الأغاني

هي موسيقى (غدا نلتقي) يوميا قبل النوم

هي سوق الجمعة آخر الليل وخبز التنور مع الفول عند الجدي او الشعار وجمعة الشباب الحلوة

هي روحة الشلة على حمام السوق وأكلة التسقيية بالسمنة مع الصنوبر..... جووات الحمام

هي طلعة مضايا مع الشلة والرعبة من دوريات التفتيش أن تكشف البواط الإيطالية وجاكيتات الجلد..... يللي لابسينها

هي الكنافة النابلسية عند نفيسة و اباظة

هي شاورمة انس والموصللي يللي بدك تاكللك شي عشرة ولسا بدك أكتر

هي الشوكلامو بالتوليدو جنب جنينة الجاحظ .....أيام ماكان.. توليدو


الله عليك يا شام​

 

[ḾǑŏǑŏǓĐỸ]

شامٌ يأتي إليها المُغتَرِبون....
عِندما يَروها يتَمَنَون أنَهُم....
مِن تِلكَ المَدينة الشامِخة....
المُتَحابة العَطيرة ...
الشامُ جميلةٌ بِجَميعِ أزِقَتِها....
وَدَخلاتِها وحَوارِها وشَوارِعِها..
شُكراً نورا....

 

[like moon]

نورت صفحتي بردك العطر

 

[شام]

يعجز اللسان صراحةً على الرد عند قرائة مثل هذه التحف الجميله ...

فقط اقووووووووووووول الله عليك يا شام​

 

[موناليزا]

ما بحكي الا الله عليك يااااشام ويحفظك من الاعداء يااااااارب
اللهم امين

 

[المارد]

السلام عليكم
البوظة عند بكداش
حلوة الشام باهلها الطيبين الكرماء ودمشق القديمة الغالية عليا
يسلموووووو عالموضوع​

 

[اميرة الشام]

الله عليكي يا شام

كلمات رائعة

يسلموون نورا​

 

[فاتي]

مع اني مافهمت اغلب الكلام

بس اكيد معناه حلـــــــــــــــــو

يسلمو