قصة صبية كانت طالعة ع الراديو

[jiana]

سمعت قصة صبية كانت طالعة ع الراديو وعم تحكي أنها تزوجت زواج تقليدي لترضي اهلها لانون كانو خايفين عليها انها تكبر وتعنس وبعد زواجها ما قدرت تكمل مع الشب وحصل " الطلاق " وقالت وقت تزوجت كان عمرها 24 وهلا عمرها 30 وعم يتقدملها كتير عرسان حتى بعضون عم يكونوا أصغر منها بسنتين وهي بتشتغل معلمة وأهلها واقفين جنبا وما تخلو عنها المهم كانت عم تقول أنها ضايعة وما عم تعرف تاخد قرار منشان العرسان كيف رح تصارحون بالحقيقة أنها مطلقة خايفة تنصدم اذا ما تقبلو هل الشي , الفكره يلي حابة وصللكون ياها ليش ما منواجهه مصيرنا ومنتحدى الصعاب بغض النظر شو هي " المشكلة " يلي من الممكن توقف بطريقنا مدى الحياة وخلونا نبعد عن دور الضحية ونتحرر ونقوى ع كل العراقيل يلي بتوقف بطريقنا لأني هي حياتنا نحنا وسعادتنا مو حياة الاخرين لنضل عم نفكر كيف بدنا نرضيون .
وبدي اختم كلامي وقلكون وقت بتكونوا على حق وواثقين انكون ماعم تغلطوا لا تخلوا شي يوقف بطريق نجاحكون ومستقبلكون وواجهو التحديات شو ماكانت تكون .
" عندما تلعب دور الضحية فأنت تضحي بمستقبلك "
وسلام من قلب يحبكون ويتمنالكون الخير.........جيانا

 

[*ياسمين الشام*]

مزبوط والله معك حق لأن في كتير ناس أول شي بيفكرو فيه هو كلام غيرن وهي بتدل أنهن مالن واثقين بأنفسهن
وموضوعك كتير حلو تقبلي مروري

 

[رووانثىووح]

تسلميلي ع الموضوع وع الكلمات القمه في الروعه صح كلامك ليه مانواجه المشكله وانو مانوقف عندي اي شي يعيق حياتنا لانو الحياه تجارب وتضحيه ولازم نتحدى كل شي يوقف بطريقنا
يسلموووو ياحلوه​

 

[موجة بحر]

هلئ هالخوف موجود بس عنا ... يعني مثلا تلاقي الشب بيتزوج الاجنبية حتى لو كانت مطلقة ومابيفكر بهالشي
بينما بنت بلدو بتصير الف مشكلة وبيسمع 100 كلمة اذا ح ياخد وحدة مطلقة وليش ما بعرف
يمكن تكون هالبنت اطلقت لانو الرجال سكير مثلا او عصبي كتير او يكون بلا اخلاق او ما قدرت تعيش معو بظروف حياتو
يمكن يكون بلا شخصية بلا شرف بلا اخلاق والافضل الها كانت تطلق وترجع بكرامتها عند بيت اهلها احسن ماتنزل وتمرض او يصير معها اي شي
والافضل انو ما حدايدفن راسو بالتراب متل النعامة ويخاف من المواجهة لانو الحياة بدها عزيمة وثقة وتحمل قد ما تحارب من اللي حوليه
وهيي لازم تواجه الياجو بهالشي لانو مو عيب انها مطلقة
الموضوع اللي طرحتيه جد متشعب بمجتمعنا
تسلم اناملك جيانا

 

[الملاح التائه]

أنا برأيي
أنو كل واحد منا بيصعب الأمور
على حالو
أو بيبسط الأمور
الصراحة أكيد
هي
ألأهم
اللي بدوا يتقدم بدو يسأل
ومتل ما في كتير عالم ما بتتقبل هالشي
في كتير عالم الأمر أقل من عادي
لأنو عم يعرف لمين عم يتقدم
​

 

[ملك وسلطان]

موضوعك حلوو....يسلموو ايديكي......جيانا..تحيااتي الك ....ملك وسلطان..بدر​

 

[Life of the soul]

هالخوف موجود عند الكل
لانو الناس مابترحم من الاشاعات يلي بتطلعا
ولازم نتحدى كل شي كرمال مستقبلنا
وهي الحياة نحنا بدنا نعيشا مو الاهل او الناس يلي عم تحكي
موضوعك رائع جيانا
سلمت أناملك​

 

[sweet love]

بجد يعطيكي العاااافية

انا من رايك لانو هو الانسان الي بيقيد حالو او بيحررهاااااا

ويسلم دياتك عالمووضووع

 

[آلبتول]

" عندما تلعب دور الضحية فأنت تضحي بمستقبلك "
اختصرتها بالحكمه
مشكوره موضوع استفدت منه شخصياً ​

 

[jiana]

" عندما تلعب دور الضحية فأنت تضحي بمستقبلك "

اختصرتها بالحكمه

مشكوره موضوع استفدت منه شخصياً ​

أنا بالخدمة دوماً تحياتي لك ياصديقتي الغالية

 

[ندى القلب]

" عندما تلعب دور الضحية فأنت تضحي بمستقبلك "

وماذا لوفرض عليك الدور.........والادهى يكون هو الدور الوحيد المتاح لك

..........
​

 

[jiana]

" عندما تلعب دور الضحية فأنت تضحي بمستقبلك " ​

وماذا لوفرض عليك الدور.........والادهى يكون هو الدور الوحيد المتاح لك​

..........​

​

معك حق أوقات الظروف والبيئة والحياة بتفرض علينا أمور مابدنا ياها لذلك ما لازم نستسلم بسهولة ونقاوم ونتحدى لنحصل علي بدنا طبعا اذا كان هل الشي بيستاهل التعب من أجله " مافي شي بيجي بالسهل "
سلامي لك​

 

[ஃ MAGNUM ஃ]

كلامك صح جيانا وما عليه غبار
بس انا تعليقي ع القصة الي سمعتيها طيب القصص الي ما سمعتيها؟؟؟؟
قصص الحب والهيام الفاشله الي ما وصلت لحد الزواج بغض النظر عن السبب
وقصص الحب الي انتهت بالزواج وانتهى معها الحب وصار الطلاق هو المخرج الوحيد الها
اظن ان الموضوع ما بخص العادات والتقاليد قبل الزواج لان اذا في زواج واحد تقليدي فاشل
بقابله الاف الزيجات التقليده الناجحه
انا بظن ان موضوعك بيحكي عن العادات والتقليد بما يخص المطلقه بحد زاتها مهما كان سبب طلاقها
وهاد موضوع بنظري بالوقت الحالي ماله حل

​

 

[دمعة الهجر]

والله برأيي انو اذا صارحت الخطيب وما قبل فهي مشكلتو مو مشكلتها يعني هي ما عملت شي غلط اولا واخرا فليش هل التردد يعني لازم تقول لحالها هو الخسران

 

[jiana]

كلامك صح جيانا وما عليه غبار

بس انا تعليقي ع القصة الي سمعتيها طيب القصص الي ما سمعتيها؟؟؟؟
قصص الحب والهيام الفاشله الي ما وصلت لحد الزواج بغض النظر عن السبب
وقصص الحب الي انتهت بالزواج وانتهى معها الحب وصار الطلاق هو المخرج الوحيد الها
اظن ان الموضوع ما بخص العادات والتقاليد قبل الزواج لان اذا في زواج واحد تقليدي فاشل
بقابله الاف الزيجات التقليده الناجحه
انا بظن ان موضوعك بيحكي عن العادات والتقليد بما يخص المطلقه بحد زاتها مهما كان سبب طلاقها
وهاد موضوع بنظري بالوقت الحالي ماله حل

​

مشكور صديقي ماغنوم ع تعلقيك ومابدنا نختلف على الأسلوب يلي عم يتم من خلاله الزواج الأهم من هيك المضمون ونعرف شو بدنا واذا واجهتنا مشكلة ندور ع الحل والله يعلم ونحن لا نعلم وكل شي بهل الدنيا ألو سبب وعبرة
ولك مني كل الاحترام​

 

[ZOZ]

كلامك صح جيانا وما عليه غبار

بس انا تعليقي ع القصة الي سمعتيها طيب القصص الي ما سمعتيها؟؟؟؟
قصص الحب والهيام الفاشله الي ما وصلت لحد الزواج بغض النظر عن السبب
وقصص الحب الي انتهت بالزواج وانتهى معها الحب وصار الطلاق هو المخرج الوحيد الها
اظن ان الموضوع ما بخص العادات والتقاليد قبل الزواج لان اذا في زواج واحد تقليدي فاشل
بقابله الاف الزيجات التقليده الناجحه
انا بظن ان موضوعك بيحكي عن العادات والتقليد بما يخص المطلقه بحد زاتها مهما كان سبب طلاقها
وهاد موضوع بنظري بالوقت الحالي ماله حل

​

معلم ما في شي بهالدنيا ما الو حل خلينا نكون واقعيين ازا انت عندك حدا من قرايبينك مطلقة و انت بتعرف انو كان طلاقها بغلط من طليقها انو مانو كفو كيف بتكون ردة فعلك اتجاه العالم......... الحل حبيبنا فينا نحنا العادات و التقاليد فينا نغيرها نحنا ........ نحنا جيل المستقبل ما بعرف ازا بتضم حالك النا؟
​

 

[jiana]

معلم ما في شي بهالدنيا ما الو حل خلينا نكون واقعيين ازا انت عندك حدا من قرايبينك مطلقة و انت بتعرف انو كان طلاقها بغلط من طليقها انو مانو كفو كيف بتكون ردة فعلك اتجاه العالم......... الحل حبيبنا فينا نحنا العادات و التقاليد فينا نغيرها نحنا ........ نحنا جيل المستقبل ما بعرف ازا بتضم حالك النا؟
حلو حلو حلو بلشنا نتحرك رأيك ممتاز zoz مشكور ياأخي

 

[حسين الأبطح]

شكرا إلك على هاد الموضوع يا جيانا وبصراحة نبهتينا على موضوع مهم كتييير داخل المجتمع العربي.

ادعولي أبرفع عالسنة التانية

 

[Rosalinda]

صح وهاد المفروض يلي يصير انه نواجه الحقيقة ونحكيها واكيد الا مايجي واحد ويقبل حقيقتها ويقبلها متل ماهيه وشي بغطي على شي بس في بنات بخافو يواجهوا واقعهن او حقيقتهن او ماعندهن الثقة بنفسهن الكافية ليقدروا يواجهوا وهاد شي غلط لازم كل بنت يكون لها ثقتها بنفسها الكافية بس مو ثقة كبيرة توصلها لحد الغرور بنفسها ويكون لها الشجاعة لمواجهة اي شي شو ماكان وشكرا كتير عالموضوع

 

[jiana]

صح وهاد المفروض يلي يصير انه نواجه الحقيقة ونحكيها واكيد الا مايجي واحد ويقبل حقيقتها ويقبلها متل ماهيه وشي بغطي على شي بس في بنات بخافو يواجهوا واقعهن او حقيقتهن او ماعندهن الثقة بنفسهن الكافية ليقدروا يواجهوا وهاد شي غلط لازم كل بنت يكون لها ثقتها بنفسها الكافية بس مو ثقة كبيرة توصلها لحد الغرور بنفسها ويكون لها الشجاعة لمواجهة اي شي شو ماكان وشكرا كتير عالموضوع

أنا يلي بدي أشكرك ع تفاعلك مع الموضوع وبوافقك برأيك تحياتي لك​