قياس الملابس دون لبسها !!!!

[إلهام]

علوم وتكنولوجيا
</span>ابتكرت شركة روسية لعلوم التكنولوجيا اختراعا جديدا يعد آخر صيحة في عالم التسوق، حيث يمكن رواد المحلات من معرفة مدى ملائمة مقاس الملابس لأجسامهم دون الحاجة إلى تبديل ملابسهم لتجربة أي قطعة يريدون شراءها والاكتفاء فقط بالنظر في الشاشة الكبيرة لمعرفة المقاس المناسب لهم.واستخدمت هذه التقنية للمرة الاولى بأحد المتاجر بموسكو وتم إطلاق اسم (غرفة تبديل الملابس الافتراضية) عليها، وهو الطرح الأول للنموذج المبدئي للاختراع في الأسواق الأوروبية.‏

ويتكون الاختراع من شاشة تعكس صورة للمشتري مرتديا أي قطعة يختارها من الملابس باستخدام تقنية الصور ثلاثية الأبعاد دون تبديل ملابسه، ولكن بمجرد وضعه لقطعة الملابس التي يريد قياسها أمام الشاشة، وتم تعديل التكنولوجيا الخاصة بهذا الاختراع عن طريق تحديث جهاز (اكس بوكس 360) للألعاب الذي يستخدم كاميرا تعمل بتكنولوجيا (كينيكت) عن طريق توصيلها بشاشة عرض كبيرة لتبدو كمرآة تظهر العميل بطوله الطبيعي. وتتمكن الكاميرا من متابعة حركة العميل وعرضها على الشاشة وبالتالي يستطيع مشاهدة الثوب الذي يختاره من كل الجهات دون الحاجة لارتدائه.‏

 

[DE$!GNER]

وبركي كانت الوحدة فايتة ع المحل ولابسة شي خمس كنزات فوق بعض وترانشكوت شو بتعمل بحالها؟؟

رهيب العلم والله..

 

[إلهام]

لاخر لحظة مانها مطرة تتخلص من كل اوعيها
بتخفف وبتقيس
شكرا للمرور​

 

[ḾǑŏǑŏǓĐỸ]

يعني اذا شافتو عالمرايا رح يبين معها القياس ولا كمان بتحس عن بعد ما عجبتني هالفكرة ناقصها شي
​

 

[عكــ البيلسان ــيد]

طيب وكيف بدها تعرف ازا القياس ضيق شوي ولامنيح
وازا القماش مريح ع اللبس او لا
ما ظنيت هالاختراع يمشي مع العرب
نحنا من جماعة العمل على أرض الواقع
​

 

[DE$!GNER]

طيب وكيف بدها تعرف ازا القياس ضيق شوي ولامنيح
وازا القماش مريح ع اللبس او لا
ما ظنيت هالاختراع يمشي مع العرب
نحنا من جماعة العمل على أرض الواقع
​

يا رجل صرلي خمستعشر ساعة عم فكر بالموضوع... يعني الجهاز فيه جواتو ليزر بيعمل شفافية لجسمها وبعدين بيلبسها...
حسسني إني عم صمم على الثري دي بـوزر
​

 

[ḾǑŏǑŏǓĐỸ]

 

[ĻàĎỷ iЙ ŖẼD]

عيش كتير بتسمع كتير

يسلمو
​

 

[إلهام]

لك شوفيكون الفكرة كتير حلوة
ممكن ناقصها شي لانو ماجربتوها
مو فاهمين الفكرة
دزاينر لاتتعب بالك شوف انو محل عاملها وطير علي
عكيد ميرسي للصورة انا تكاسلت نزل صورة
بعدين الملمس اهم شي انا معك بهشغلة بذات في ناس عندهم تحسس لبعض للاقمشة
هلا نرمين منورة ​

 

[دموع الورد]

فظيعة هالتكنولوجيا ما بتنسى شي

يسلمو وردتنا
​

 

[ندى القلب]

حلووه كتيير الشغله شفت الخبر عالتلفزيون

ومريح للي متلي........انا مابحب اقيس بالمحلات


هي فكرتها انو الواحد يشوف الموديل بيلبق عليه وعلى طوله ووزنه

يعني يشوفه كيف بيطلع عليه

ياريت توصل لعناا........والملمس بيبن من حطه ايدنا عليه مش ضروري نلبسه لنعرف​

 

[STELLA]

هي كفكرة حلوة

بس المشكلة كيف بدنا نعرف اذا منرتاح بهالقطعه او لا بدون ما نقيسها ؟

كيف بدنا نعرف انو حفرة الكم مانها ديقة ؟ او الجاكيت شادد شوي من عند الكتاف ؟

بس عنجد فكرة حلوة وتطور جميل جدا

والاحلا انو من خلال هالموضوع تذكرت انو صرلي زمان ما العبت ع الاكس بوكس لروح شغلو

يعطيكي العافية وردتنا
​

 

[إلهام]

العفو
منورين الجميع
معناتو لسى الفكرة بدها شغل لكتير لتزبط​

 

[The Hero]

الحمد لله رب العالمين ماضل شي بالدنى ماعملوه

يمكن يلي ماعملوه بينعدو

أنا برئيي نعمل قائمة يعملولنا ياهون مشان نوفر عليون جهد
​

 

[عكــ البيلسان ــيد]

يا رجل صرلي خمستعشر ساعة عم فكر بالموضوع... يعني الجهاز فيه جواتو ليزر بيعمل شفافية لجسمها وبعدين بيلبسها...
حسسني إني عم صمم على الثري دي بـوزر
​

والله علملي علمك يا صاحبي
انا ما ركبت مع الئصة
اجيت مشي
​

 

[king*]