كافيهات تستأجر شابات محجبات للترويج

[شــــام]

السلام عليكم ورحمة الله وبركاته

كيفكن

بعرف بعرف عم العي كتير

مافيي غيّر طبعي

هلأ عم حاول امسك الظواهر الي ((موعاجبتني))وحدة وحدة

اليوم بدي احكي عن ظاهرة انتشرت بالفترة الاخيرة
طبعا حطيتها هون لشوف الآراء حواليها

انتشرت بالفترة الأخيرة ظاهرة غريبة
انو من زمان القعدة على طاولات بالشارع((كان اسمها قهاوي))كانت للشباب فقط
وكان شرب الأركيلة ((عالملأ)) محصور على الشباب فقط
وكانت البنت ((حتى لوحبت تشرب اركيلة))فكانت تستحي وتشرب ببيتها فقط

اما اليوم فصرنا بزمن انقلاب المعايير

وصارت القهاوي((قعدات الشارع)) مختلطة

اول مافتحت هالقهاوي كنا مانشوف ولا بنوتة محجبة فين

طبعا ((وعلى اعتبار نسبة المحجبات عالية وبتشكل دخل كامل لالن))فهالشغلة شكلت مشكلة عويصة بالنسبة الهن

لهيك قررو انن يستأجرو شابات محجبات ويحطون بهالمطاعم ويشربو اركيلة بطاولاتن الي بالشارع قدام الناس

وطبعا ((شعبنا العربي

)) بس شاف بني آدم عم يعمل شي دغري منقلده بدون مانشغل بطيختنا الي براسنا

وهيك صاروا البنات ((الي كانو مستحيل يفكرو مجرد تفكير )) يقعدو بالشارع وعالطاولات المكتظة

يشربو اركيلة وعالملا

))

طبعا كانت خطة ذكية كتير منن
قدرو بزعمن ((يحررو البنت))ويقولولا انك مافي فرق بينك وبين الشب
فيكي تقعدي بالشارع وتسحبي نفس اركيلة مرتب تطالعي من هي النافورة تبع الدخان

تماما متل الشب

وتعملي كل شي بيخطر ببالك

طبعا شعبنا العربي ((مابده مين يوصيه))خلال يومين بتنتشر الشغلة العاطلة بينن
وبيصير كل الناس بدها تطبقها


هالظاهرة انتشرت عنا بحمص

((الي كانت تعتبر محافظة جدا جدا))بشي 5 او 6قهاوي((بدون ذكر أسماء))
وصارت شي اقل من عادي...

طبعا....بانتظار نقاشاتكن

 

[المارد]

السلام عليكم والله حرام هيك يحطوا بنات محجبات في المقاهي وكيف البنت المحجبة ترضى هيك والله شي يزعج كل شخص يغار على امته الاسلامية
يسلمووشام​

 

[فادي]

الله يجيرنا من اخر الزمان