كسر الخواطر أو جرح القلوب

[حسام الحلبي]

تحية للجميع

أحيانا بفكر كتير ومابلاقي أيهما الأصعب :

أولا _ صديق بعز عليك / ي ربيانين سوا بلحظة من اللحظات يغدر فيك ويكسر بخاطرك !!!

ثانيا _ حبيبك وروحك يخونك أو على الاقل يجرح قلبك تصرف غير مسؤول !!!

اكيد رح تقلولي الاتنين صعبين وأنا أكيد ماقلت غير هيك بس عم يقول أي أصعب وشو نسبة الصعوبة المئوية بالنسبة للخيار التاني بانتظار أرائكم ​

 

[الحرالباكي]

أولا _ صديق بعز عليك / ي ربيانين سوا بلحظة من اللحظات يغدر فيك ويكسر بخاطرك !!!

​

والله مافهمتك يا حسام قصدك صديق شاب هون ولا.؟؟؟

ثانيا _ حبيبك وروحك يخونك أو على الاقل يجرح قلبك تصرف غير مسؤول !!!

​

كمان هو حبيبي ورحي بتعنيها للمذكر يعني
بعدين حبيبي حسامو انا برأي الخيارين وجهين لعملة واحدة
كسر الخواطر وجرح القلوب...
بنتظار الشرح........​

 

[انثى غامضة]

تحية للجميع​

أحيانا بفكر كتير ومابلاقي أيهما الأصعب :​

أولا _ صديق بعز عليك / ي ربيانين سوا بلحظة من اللحظات يغدر فيك ويكسر بخاطرك !!!​

ثانيا _ حبيبك وروحك يخونك أو على الاقل يجرح قلبك تصرف غير مسؤول !!!​

اكيد رح تقلولي الاتنين صعبين وأنا أكيد ماقلت غير هيك بس عم يقول أي أصعب وشو نسبة الصعوبة المئوية بالنسبة للخيار التاني بانتظار أرائكم ​

بنحب نفهم اكتر حسام هالشي صاير ولا شو

 

[حسام الحلبي]

القصة مو كيماء واحد رفيقك وعشرة عمر كنت مفكرو أخ بس للاسف كان لابس قناع وأظهر وحشية بلحظة من الحظات وغدر فيك يعني كسر بخاطرك وخيب ظنونك

حبيبتك وملاكك وروحك وقلبك عشقتها لدرجة الجنون وكنت مفكر أنو هي كمان بتحبك ببتفاجئ أنها بتخونك وعم تمثل عليك يعني جرحت قلبك

ملاحظة : ليش فكرين أنو قصة صايرة معي بالعس تماما أنا الحمد لله عندي أصدقاء وفيين وحبيبة مخلصة بس الفكرة أنو أي أصعب بكسر بخاطرك صديق العمر ولا يجرح قلبك شريك حياتك للبنت وشريكة حياتك للشب

هي كل القصة وصلت ​

 

[فوزية]

الظاهر أنه كسر الخواطر أصعب شوي لأنه الصديق صعب لانحصل عليه والمحافظة على صداقته شيء أصعب خاصة إذا دخل سوء التفاهم أو المغالطات التي تنفهم على أنها كسر خاطر.......وإذا كانت الصداقة عن جد ماهي لعب عيال .....
أما جرح القلوب فبالعكس يظهر حقائق النفوس ويريحها من الخداع
خاصة بين الأحبة
ورح أوضح شيء الصديق عمره ما يتعمد كسر خاطر صديقه إلا إذا إنفهم غلط وهذا الشيء بيحصل كثير .................​

 

[حسام الحلبي]

الظاهر أنه كسر الخواطر أصعب شوي لأنه الصديق صعب لانحصل عليه والمحافظة على صداقته شيء أصعب خاصة إذا دخل سوء التفاهم أو المغالطات التي تنفهم على أنها كسر خاطر.......وإذا كانت الصداقة عن جد ماهي لعب عيال .....

أما جرح القلوب فبالعكس يظهر حقائق النفوس ويريحها من الخداع
خاصة بين الأحبة

ورح أوضح شيء الصديق عمره ما يتعمد كسر خاطر صديقه إلا إذا إنفهم غلط وهذا الشيء بيحصل كثير .................​

رأيك ع الراس وعل العين أنسة فوزية شكرا لمرورك

​

 

[butterfly]

رأيي متل رأي ابو العز
كسر الخواطر وجرح القلوب "وجهان لـ عملة واحدة"
بس بتصور جرح القلوب أقسى من كسر الخواطر ..
ممكن انسان يكسر خاطرك ويخيب ظنك بـ كلمة
بـ عمل عملو انتَ مو راضي عنو
وانو خلص مع مرور الوقت حـ تنساها
او تتناساها ..
بس جرح القلب ابداً بعمرو ما بنتسى
وبضل معلم ومحفور بـ القلب

نسأل الله ان يبعد عنا جرح القلوب

يسلمو حسام
​

 

[ابن النيل]

والله شئ محير
بس بعتقد انه غدر الصديق مافي اصعب منه

​

 

[آلبتول]

كسر الخواطر
ابن النيل, حسام الحلبي
ــــــــــــــــــــــــــــــــــــــــــــــــــــــــــــــ
جرح القلوب
butterfly, انثى غامضة

::::::::::
لاحظت تعادل بالتصويت ولكن الذكر اختار كسر الخواطر والأنثى جرح القلوب
معليش حسام رح اطلع عن موضوعك
بس ليش البنات بتأثرو من جرح القلب اكثر من كسر الخواطر ​