كفايه لين هذا الحد

[مدرسة الحب]

حشمتك حشمة لاهلي وطبعي ما حشم الأنذال
وطبع الحر يالداني يترفع عن أمثالك




عزيز النفس من امبوني ولي عزه تهد أجبال
وأشوف أن الكفن أبرك ولا أعيش بقبالك



خساره كيف كنت النور خساره كيف كنت أظلال
أذوق المر من كاسك وكني أشرب ازلالك



تخيلتك مزون الصيف ترويني عقب لمحال
تخيلتك تداوي الجرح وتحضن قلب متهالك



بنيت قصور في حبك وأثاريها قصور ارمال
يهد الموج قصر الرمل وتهدم فيني آمالك



أنا من زود عشقي لك نسيت العم نسيت الخال
نسيت أمي وهي أمي وهمي بس أحيا لك



تخيل من جنون الشوق بكيت مثل هالأطفال
تحديت الزمن لجلك ولجل القلب يبقا لك



أنا أذكر يوم ناديتك في نومي والملا ذهال
وقمت أدور اطيفوك واحضن خلي تمثالك


طروني في عربيه دوم طروني بشيخة العقال
وأشوف إن العقل نافد بسبة خلي أفعالك



أنا ما كنت أتوقع تجازيني أبد بهمال
ولا مره خطر في البال تشمت فيني عذالك



أنا يا ما تحملتك والدمع كالمزن همال
تحملتك على ضيمك على حلك وترحالك



كفايه لين هذا الحد نهينا لعبة اليهال
وإذا فكرت فيني يوم ترى بيكون بزوالك




أنا لو كنت تجهلني أطبق كلمتي بأفعال
أريدك تفهم المعنى وخل المعنى في بالك



صحيح أني أنا انثى ولكن عن ألف رجال
أدوس القلب برجولي ولا اهتم بأمثالك








​