GaZoOoooL
بيلساني لواء
- إنضم
- Jul 20, 2008
- المشاركات
- 3,830
- مستوى التفاعل
- 43
- المطرح
- بين كتبي
كلنا بنعرف انو الام بتلعب دور كبير بحياة الفتاة من حيث النصح والتوعية حتى الاكثرية بتكون الام هيي المثل الاعلى الهن وعطول بينضرب المثل فيهن ويقولو هيي الفتاة بنت فلانة او بالعامية شوف الام ولم او طب الجرة عتمها البنت بتطلع لامها
بس في فئة من الامهات اللي رح احكي عنها موجودة بواقعنا وياما صار حالات طلاق بسسب ام الفتاة يعني البنت اتزوجت شاب منيح وابن عيلة وبحبها
وهون بلش دور الام كل يوم بدها تشوف بنتها بحجة اشتاقتلها او كل يوم بتحكي معها عالتليفون بس بدل ما تنصحها بتبلش تهدم بيت بنتها اول باول من دون ما تدرى وبتصير الافكار تفوت عراس البنت لازم تجيبي ولاد يا بنتي كرمال تعلقي زوجك فيكي واوعك تخلي معاه مصاري بكرة بيتزوج عليكي وشو قيمة الهدية اللي هداكي ياها زوجك ولازم تعرفي لوين بيروح ومع مين بيحكي ووووووووووووووووووووو الخ ....... وفي نوع من البنات بتفكر هاد الشي اللي امها عم تعملو لمصلحتها
وهون الزوج عرف انو البنت عم تتغير شوي شوي وسؤال عالرايح وعالجاي واكتشف انو الام عم تعبي راسها وبس اتدخل ام الزوجة كبر راسها وخيرت بنتها يا انا يا زوجك وهون الزوج بيحب مرتو بس ما بدو ياها تطلع متل امها السؤال للصبايا شو بتقرري بهيك موقف وللشباب شو بتعمل بهالحالة بكل صراحة
بالنسبة الي انا ما بسمح لامي تتدخل بحياتي من اول الطريق اذا كانت من هالنوع اذا انا وزوجي متفقين لاني حكون واعية وطبعا الله يخلي الماما مش من هالنوع بس مجرد افتراض اذا انحطينا بهيك موقف كيف بنتصرف
