كيف تطفشي عريس اهلك بدون ياه؟؟؟؟

[GaZoOoooL]

كيف تطفشي عريس اهلك بدهم اياه ؟!!!




و الشباب اسمعوا للاخر عشان في اشياء بتهمكم:




بسم الله نبدأ الخطة سوا:

1- لا تحسسي لاهلك عدم الرضا ... (عشان تعرفي تكملي الخطة)




2- اهم اشي بالخطة من يوم ما تسمعي بالعريس لحد ما ييجي اوعي تتحممي ..

خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..
طبعا (انتي عم بتساعدي ماما ما حد رح يحكي معك)




3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة

لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة
انهم يكشفوكي.




4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك

بعدها اسحبي حالك على غرفتك ... (عشان بدك تزبطي حالك ولو ... ) و يلا نعرف خطوات احلى ميك
أب لهيك مناسبة :
*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية..
وهيك بتضمني تكوني (حولة رسمي)
*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم
*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون
و ثقلييييييييه (ولوو مش هيك الموديل و الدليل اليسا) مع شادو اصفر على وجهك بدل (البلاشر)
وهيييييييك ببين معك كوليرا .... ههاي
و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة
من سنة الف و تسعمية و ستة وخمسين خشبة و البابوج من العصر الحجري... تححححححفة




5- روحي عالمطبخ عشان توخدي القهوة ... بس اوعك امك تنتبه عالخبايص..




6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة

بهالامور)...
وهيك .... ببلش الفار يلعب بعب ابو العريس ... وبصير يسأل حاله:
مدامها خبيرة هيك ليش اللي قبلنا طفشو؟!!
(بس الفار بعب الابو ما بكفي ... لازم يكزدرلو شوي بعب العريس ابو الشباب) هاي
امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)
هو طبعا من شدة الصدمة رح ينسى القهوة... ذكريه وقوليله: " اي خلثنا يا ذلمة طول" ههاي
(يا عيني عاللي بقرطو .... بس اوعي ابوكي ينتبه)




طبعا سيبي الزلام يحكو بالمهم .... (لووووووووووول)

ارجعي لام العريس اللي بدها تشوف جمال شعرك
(هالمرة ما بدنا نعمل مقلب ... خليه حلو فش مشكلة ... سشوريه و زبطيه) بسسسسسسسس
اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...
هاي مسكينة ام هالعريس




اذا نفذتي هالخطوات مية بالمية باكدلك ...رح تسمعي كلمة : " يا الله " ... وتسمعي صوت ابوكي

بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة ....




اه شو رايكم .... بتزبط ؟؟؟ اكييييييييييييد




اما انت ايها الشاب ... فعشان ما يصير فيك هيك مقلب ...

قبل ما تفكر تتجوز او تخطب ... تاكد جيدا انه فيك هذه الصفات
(حسب مؤسسة المقاييس و المعايير الدولية للصبايا في زمن الفضائيات)




1- هيبة و جلال : سامي يوسف


2- رومانسية و جاذبية : (حبيب الصبايا) تامر حسني
3- طولك طول احمد عز واذا اطول خير و بركة.
4-ثقافة : جورج قرداحي
5- اناقة : نيشان ديرهورتنيان
6-عندك مواهب (طوني ابو جودة)
7- ضحكة وسنان : محمد حماقي ...(اموت واعرف شو المعجون اللي بيستعمله)
8-خفة دم : احمد حلمي ...
وما تنسى تتاكد انه جيبتك ( جيبة الوليد بن طلال)
وتكون اعمى عن غيرها .. واطرش عن عمايلها... واخرس متسالهاش ثلث الثلاثة كم !!!




منئوووووووووووووووووووووول

​

 

[miss.Lafoshya]

:19::19::19::19::19:

خوفي بعد هاد كلو يتجوزها :19:

 

[GaZoOoooL]

لالالالا مو معئول العما البنت حولى ولييي

منورة

 

[عاشق البيلسان]

:19::19::19::19:

 

[PliiiJl JljJj]

بيجوز يئبل يعني بضل المعامله مع الله
نوع من أنواع طيبه الألب والشفقه على هيك وحده

 

[ليليان]

ه
يسلموا ايديكي حبيبتي
ليليان​

 

[glossyrose]

:19::19::19::19::19:

كتير حلوة
يسلموووووووووووووو​

 

[المستبده]

وما تنسى تتاكد انه جيبتك ( جيبة الوليد بن طلال)


:19::19::19::19::19:

اكيد رح ينصدمو من هالصفه هاي بالذات

اي لا انا ابوي ما بيجوزنا بالغصب خخخخخخ

يعني بيسالنا واحنا بنقرر بعد رأيو

يسلموووو ايديكي غزلزل​

 

[§ Lισи Hεαят §]

:19::19::19:
يا حوينتو أكيد جاية يخطب بنت بعرفها :19:
يسلمو غزل
​

 

[GaZoOoooL]

الله يسلمكون ا رب
منورين

 

[عاشقة فلسطين]

هه
كتييييير حلوة يسلمووووووو يا احلى غزل
وكطلهم بموتوا من الضحك
دموع الورد
​

 

[GaZoOoooL]

أحلى وردة بكل المنتدى
منورة

 

[اميرة الشام]

اي شو هاالأساليب لجديدة بياخدوا العقل

يسلمووووو يا حلوة

 

[Tobiza]

بيلزمو للضرورة بس نسيت تحط شي بالقهوة كماان


يسلمو
​

 

[mr_ops]

والله ضحكت من قلبي .. انه معقول في صبايا بتعمل هيك ؟؟؟؟​

 

[اميرة الشام]

والله ضحكت من قلبي .. انه معقول في صبايا بتعمل هيك ؟؟؟؟​

وقت الضرورة بنعمل أكتر من هيك

 

[RoOoR]

والله افكار غير شكل


يسلموووو


​

 

[ندى القلب]

والله معقولين اهووون من غير طرق بعرفهاا انااااااااا

يسلموووووووووووووو​

 

[انثى ملائكيهـ]

هه
يسلمووو حبيبتي

 

[ĻàĎỷ iЙ ŖẼD]

ولييييييييييييي شو ئويه منجرب ليش لا
​