لحظات من حياتك

[حسام الحلبي]

السلام عليكم ورحمة الله وبركاته

بسم الله الرحمن الرحيم
​

أخي العضو / أختي العضوة :


ان الحياة مليئة باللحظات المثيرة والهامة .................. لحظات أبكتك وشعرت اللحظة سنوات ................ لحظة أسعدتك وتمنيت لو تستمر معك طوال العمر ........................... لحظة عصيبة ندمت فيها على شيء اقرفته يداك بقصد أو من غير قصدك قد نكون أهنت بها شخص عزيز على قلبك وجرحته بكلمة.......................... لحظة سمعت بها كلمة من شخص كانت خطوة لك للنظر بشكل مختلف للحياة عن ما كنت تنظر اليها من قبل ( سلبا أو ايجابا ) ...................لحظة كان بيدك أن تقدم بها شيء مفيد لنفسك أو لغيرك فتضيعتها وندمت عليها ......................


أخي العضو /ة الصراحة وكل الصراحة قبل أي شيء تحدث بحرية وطلاقة وجرأة وأعلم دائما أن الخطأ ليس عيب ولكن العيب أن تكرره أو أن لاتتعلم منه أترك الحديث لكم لأسمع من كل عضو عن أصعب لحظات حياته وأجملها وأتعسها وأن يعرض لنا شريط حياته بكل جرأة وبلا تردد

 

[روح الشام]

لحظة عصيبة ندمت فيها على شيء اقرفته يداك بقصد أو من غير قصدك قد نكون أهنت بها شخص عزيز على قلبك وجرحته




وبتفترق عن هالشخص



يسلمو ايديك يا صديقي

موضوع كتير حلو

 

[حسام الحلبي]

ياجماعة فهوني المقصود بالموضوع أنتو تحكوا عن لحظاتك والسبب والزمان والمكان موضوع نقاش احكوا بس احكوا

 

[TOoOLeN]

رح بحكي عن ابشع لحظات صارت قبل سنة
" كنا ئاعدين بالغرفة انا واختي ...فجأة بيدخل ابي لعنا ع الغرفة وهوي مدمع وعم يئول ..انا لله وانا إليه لراجعون ....بتسالو اختي خير شو فيه بابا ...بئلها : خالتكن عطتكن عمرها .... " ​

هي ابشع لحظة بحياتي ...اتمنيت الارض تنشئ وتبلعني ولا اسمع خبر خالتي يلي كانت اقرب وحدة ئلنا
حسيت الارض كلها ما عم توسعني .... ما عدت اعرف شو اعمل وين بدي روح .... صرت متل المجنونة اركض بالببت ودموعي صعب انها تعبر عن كل شي بئلبي ئلها
والاصعب من هاد كلو ...اني ما رح بئدر حتى اني شوفها ئبل ما يكفنوها ...لاني بعيدة عنها .... لاني بالغربة ...او حتى امشي بجنازتها الشي الوحيد يلي ئدرت اعملو بهديك اللحظة اني ئريتلها الفاتحة ودعيتلها ​

بجد هي كانت ابشع لحظة بمر فيها ..وربي انو كل ما بتزكر هي اللحظة بجيني البكي
يعطيك العافية حسام
بس يكون هاد ئصدك حسام​

 

[حسام الحلبي]

أولا انا لله وانا اليه راجعون الله يعوضها بالجنة تانيا أصبتي بالفعل هاد هو قصدي بس أنت حكيتي عن لحظة واحدة بتمنى أسمع منك لحظات أخرى حرجة سعيدة عصيبة لحظة اختيار للمستقبل .............. وطبعا طلبي منك ومن الجميع

 

[maroosh]

اخي حسام يعطيك العفية

موضوع حلو كتير وقريب من القلب

انا رح ازكرلك كم لحظة لانو صعب تزكر كل لحظة تعنيلك شي بسبب انو كل لحظة من عمر الانسان الها شي بيميزها عن باقي عمرو

اصعب لحظة لما اخدو بابا مني لهلئ بتألمني كتييير والله لا يعيدها ضليت 15 يوم محرومة من اني اعرف شي عن بابا واسمع صوتو.... موقف الله لا يحط حدا فيه

لحظة حسيت انو لازم يكون الي تصرف تاني : لما قلي اول شخص حبيتو انو لاز نترك بعض كرمال ينتبه على دراستو بوقتا انصدمت وبتمنى ترجع هاللحظة مشان قلو ((ماكنت تستاهل قلبي ))

لحظة حزنت فيها : لما ماتت تيتة (جدة) رفيقتي رغد مع انو مابكيت على تيتا ام بابا ولا على عمتي بس هي هالمخلوقة كنت اعرفها منيح اكتر من تيتا يلي ماشفتا الا بصغري كنت دائما بعد الدوام نروح عليها انا ورغد وتعطينا شيبسات وتدوقني من الغدا وبعيدن لروح على بيتنا الله يرحمها ان شالله ويدخلها الجنة

لحظة كنت فيها قمة في التاقض : لما فتت بقصة حب جديدة وانا بعرف اني مو قدا ومع هالشي اصريت اني جرب والحمدلله هلئ احلى من هيك حب انا مابدي

لحظة صدمتني : عرفت انو في مشاكل كتير بحياة انسانة كانت تهمني كتير مشاكل خلتني انا واياها بعيدين كتير عن بعض مع انو بنشوف بعض كل يوم

اسعد لحظة : مممممممممم صراحة كل لحظة بشوف فيها الناس يلي يهموني مبسوطين افرح كتير فيها

متل ماقلتلك اخي حسام

لما قرات الموضوع اجت على بالي كتييييييييير لحظات هي بعضا ... بهنيك عالموضوع الحلو

 

[STELLA]

أول شي بحب أشكرك حسام على هالموضوع الحلو .. الي بخلينا نعبر عن لحظات مرقت بحياتنا

لح بحكي عن كم لحظة أتزكرتون هلئ واذا تزكرت شي اكيد لح بجي وبئول .. وانت كمان حسام شاركنا بلحظاتك

.. لحظة حزن .. وئت سافروا اخواتي بعد غياب خمس سنين بدون ما ودعن .. كنت وئتها صف خامس .. بوسوني وانا نايمة وراحوا

.. لحظة عصبية .. كنت مرة عم بكتب خاطرة بالمدرسة بدرس الفيزيا .. ولا المعلمة بطريقة بتشوف الورقة الي بأيدي بتاخدها وبتقرا البداية بتعصب مني .. وبتئلي ما توقعتك هيك تكوني .. ئلتلا انتي بس كملي قراية الخاطرة .. لاتحكمي من أول سطرين .. عصبت وئتا كتير بس رحت اعتذرتلا وهي كمان اعتذرتلي لانو ما فهمت الموضوع مزبوط

.. لحظة ندم .. وئت بعمل أشياء بخلي أمي تعصب مني .. بتمنى بهداك الوقت لو أني مو مخلوقة على وجهه الأرض .. كل شي عندي ولا زعل ماما .. بس عصبيتي وعنادي هنن السبب .. الله يهديني


برجع بتشكرك حسام

بتمنالك لحظات سعيدة بكل حياتك ​

 

[حسام الحلبي]

مشكورة على مرورك ستيلا أما لحظاتي خايف أحكيها تبكوا لذلك رح أقسمها على أكتر من مشاركة وممكن تستغربوا لحظاتي ورح أذكر لحظة واحدة هلق :

لحظة الموت : أنا بتوقع أني متت للحظات مرة كنت عم أقطع الشارع وهاد الشارع بمنطقة دمشق الزبلطاني خلف جامع الشيخ رسلان وكنت صف عاشر ورايح عل المدرسة بمرقة سيارة( بيجو ستيشن ) وراكب فيها عميد أنا مانتبهت غير لهيك وطايرة من السرعة صدمني وكمل طريقو بنفس السرعة من غير مايرفلو جفن أنا قلبت لفوق السيارة وطرت شي مترين تلاتة بالجو وسلتت لحظتها ماشفت غير غيوم بيضا وشفت ستي المرحومة ولابسة أبيض وعم تقلي من زمان عم استناك و بقلبي نطقت الشهادتين ومفكر حالي أني متت وماعد حسيت على شي لحد ماصحوني بمشفى المجتهد الشباب يلي أسعفوني طلب مني الدكتور وقف وأمشي فوقفت أكتر من مرة ووقعت وطليت بعد منها شهرين عاج فيزيئي وعلى العكازات لحتى قدرت أرجع متل الأول ........................ هذا اليوم مستحيل أنسا والعميد هرب وماعاد عرفت شي عنو !!!!!!!!!!!!!!!!!!!!!!!!!!!!!!!!!!! شو رأيكن ؟؟؟؟؟

 

[حسام الحلبي]

وين لحظاتكم ياجماعة
​

 

[STELLA]

الحمد لله ع سلامتك حسام وان شاء الله ما بتشوف شر بحياتك

.. لحظة ألم .. مرة كنا ئاعدين عما نتغدى وكنت راجعه من المدرسة وئتا .. وئاعده معاهون عم باكل ..ما حسيت الا نخزة حادة بقلبي ... خلتني ما أقدر أتحرك حطيت ايدي على صدري وعيوني تنفر بالدموع ..وتكمشت على حالي .. ماما انشغل بالها عليني وئامت تشوف شو فيني بابا مشان يهون عليها يئلا مافيها شي عم تمثل عليكي هلئ بتئوم وبتلائيها عم تضحك
ئالتلو مو شايف دموع الألم .. والله الحمد لله ربع ساعه كنت مرتاحه بس أثرر النخزة بعدو باقي شوي .. بس راح الألم .. بجد يومها كان كتير صعب هي الشغلة صرلها سنة او اكتر شوي تقريبا

​

 

[حسام الحلبي]

الحمد لله ع سلامتك حسام وان شاء الله ما بتشوف شر بحياتك

.. لحظة ألم .. مرة كنا ئاعدين عما نتغدى وكنت راجعه من المدرسة وئتا .. وئاعده معاهون عم باكل ..ما حسيت الا نخزة حادة بقلبي ... خلتني ما أقدر أتحرك حطيت ايدي على صدري وعيوني تنفر بالدموع ..وتكمشت على حالي .. ماما انشغل بالها عليني وئامت تشوف شو فيني بابا مشان يهون عليها يئلا مافيها شي عم تمثل عليكي هلئ بتئوم وبتلائيها عم تضحك
ئالتلو مو شايف دموع الألم .. والله الحمد لله ربع ساعه كنت مرتاحه بس أثرر النخزة بعدو باقي شوي .. بس راح الألم .. بجد يومها كان كتير صعب هي الشغلة صرلها سنة او اكتر شوي تقريبا

​

الحمد لله على السلامة بس كان لازم تراجعي طبيب وفحوصات لتأكد أنك بالفعل تمام ............. ماصار شي ممكن هلق كمان تروحي

 

[Bilal Mohammad]

موضوع جميل ​

 

[مشــــ كل ــــا]

طيب حياتنا مو كلها زعل و مرض
و اخونا كتب بموضوعو لحظات جميلة كمان مو بس تعيسة
انا رح الك احلا لحظة بحياتي لما شفت اخوي المسافر بعد 13 سنة ما كنت بعطي فرحتي لحدا​

 

[جنون احساس]

اسوء لحظة لما عرفت حئيئة شخص وهمي كانو رفئاتي يحكولي عنه
كنت على ئساس انو هاد الشخص انا ما بعرفو بس طلع ئريب كتير علي
وئتها حسيت انو كل العالم عم تضحك علي حتى صديئاتي وئئرب الناس علي
لدرجة صرت انا ئضحك على حالي وعلى غباوتي
وعرفت بهداك الوئت ئديش درجة تفاهة العالم كلها
من وئتها تغيرت فكرتي بكل العالم