لطفا ليسا أمرا نرجو من جميع سكان المنتدى الأطلاع هام جداً فيي ما يتعلق بالردود والمشاركات

[الحرالباكي]

​

السلام عليكم ورحمة الله
اخي/ أختي في الله ... أعضاء مشرفيين إداريين البيلسان
بعد تردد مطول خشيت ان تأخذو من كلامنا موقفاً سلبياً
إلا أنني احتسبت كلامي لوجه الله وطرحت ما طرحت فنرجوا التمعن بالموضوع والتأمل قليلا قبل الرد عليه.
بسم الله أبدأ ......

استوقفتني ردود بعض الأعضاء ...بكتابتهم ( جزاك الله خيرا ، أو بارك الله فيك ) أو حتى الأكتفاء بالسمايلات.
وأين ...!!!؟؟​

ـــ تحت موضوع يحمل بين طيّاته سؤالا ينتظر جوابا شافيا !!
ـــ او تحت موضوع يطلب العضو المشاركة للحصول على اكبر كمية من الآراء لحسم موضوع ما أو أفكار تغير له نظرته في ناحية معينة من الحياة .!!
ــــ أو تحت مسألة تنتظر الحكم بتوجيه ربّاني أو تربوي صحيح ..!!
ــــ أو تحت رسالة ما؛ يراد البحث في الإيجابيات والسلبيات ..!!!
ــــ أو تحت معلومة لا نعرف مدى مصداقيتها ..!!!!
فتعجبتُ من هكذا رد لأني وجدت أن لا معنى للشكر تحت هكذا مواضيع .....مما دفعني أن اوجه إليكم سؤالا لا غير ..
ما الهدف من الرد على الموضوع ؛ أو المشاركة؟؟؟؟

هل هو زيادة رصيدك من المشاركات ؟؟
أم لتجعل كاتب الموضوع وقارئه يستفيدان منك كما تستفيد ؟؟​

ماذا تعني لك كلمة مشاركة ؟؟........أي أن تشارك أخاك في موضوعه ؛ أليس كذلك ..!!

--- إما بدعاء له صلة...
--- أو بخاطرة ما حول الموضوع ...
--- أو بسؤال بنّاء في إطار القضية ....
--- أو بكلمة طيبة تدله بها على السلوك الحسن المطلوب ..
أو غير ذلك يكون مناسبا ...
أخي / أختي
لا تكن روتينيا ، بل كن إيجابيا ....​

إذا عجزتَ عن الرد في نفس اللحظة ؛ لا ضير أن تترك المنتدى لحظات ..وتفتح احد المراجع المناسبة ، واقتبس منها فقرة تتم بها المادة المطروحة ..فتزيد الموضوع ثروة وغنى ..فالعلم زاد لا ينضب...

فلا تكن محبطا في ردك ، أو مملاّ​

...إجعل صاحب المادة وقارئها يستفيدان مثلما أنت تستفيد ..
واجعل ردودك فرصة حقيقية لتزيد رصيد حسناتك عند الله وليس عدد مشاركاتك في الموقع ..
جدد نيتك أيها الكاتب ( لا نريد منكم جزاءاً ولا شُكورا )
وانت أيها القاريء أنت مسؤول عن مشاركتك فاحذر ... واجعل ردّك له معنى ...فلا تقتل اللهفة داخلنا في معرفة المزيد من العلم ......فلا تبخل علينا بما وهبك الله من المعرفة،

وأخيرا ( من لم يشكر الناس لم يشكرالله )....ولكن ضع شكرك في محله وإلاّ ....
فعدم الرد أبلغ من الرد آحيانا
*************
مع احترامي و تقديري الكبيرين لكل المشاركين والمشاركات
أخواتي و إخواني في الله دون استثناء.
****************
والحمد لله رب العالمين والصلاة والسلام على سيد المرسلين
:10:​

يرجو كلامنا بأن يلاقي صداً في قلوبكم
فوالله ما ذكرت إلا من غيرتي وحرصي
عليكم أولاً
وعلى المنتدى وعلى الساعات المطولة التي نقضيها
على حواسبنا لكسب العلم والمعرفة​

 

[م`ـلِـكَـةْ أَلْإِح`ـسَآسْ]

فعلاً صدقت اخي الحُر الباكي ،،

ايضاً انا لاحظتُ
بعضٌ من الردود التي
فعلاً استغربت من محتوآهآ
فكما ذكر شخصكـ الكريم
الموضوع لا يُنزّل إلينا
ليتلقي صاحبه كلماتُ
شكرٍ من هنا وهناكـ
بل ـلاجل إفادتنا بما فيه من محتوي
::
فعلاً صدقت بكُل حرفٍ ذكرته
وطبعاً الموضوع بشكل عام ليس لاعضاء معينين

لا حرمنا الله منكـ اخي الكريم
ومن قلمكـ اللامع دوماً
اعذرني علي الإطاله
لكـ من الورـود البيضاء
بحجم نقائكـ ​

​

 

[STELLA]

الله يعطيك العافية أخي​

ويجزيك عنا كل خير يارب​

وإن شاء الله بيلاقي هالموضوع صداه بين الأعضاء ​

لأنو فعلا السمو بالمنتدى بيحتاج هيك ردود ​

وبيحتاج هيك مواقف قوية ​

ودي ​

​

 

[قيــ الروح ــثارة]

نزل هيك شي الاخ عماد​

وبصراحة هالشي عم يكتر بالمنتدى​

مابلاقي غيرو موضيع بتنزل ورودو صغيرة مختصرة بكلمة شكر فقط ​

موضوعك كتير منيح ونزل يمكن بوقتو بس انشالله حدا يرد ​

أنا ليش ما بنزل موضيع لأنو دوبي الحق على موضيع غيري ​

وما بحب نزل شي واخر شي لاقي كلمة شكرا ​

شكرا على شو اني نزلت موضوع فيو نقاش مثلا أو شي ديني ​

المهم هالشي منيح نزلتو بس انا بقلك ما حدا رح يمشي فيه

ولا حظت شي كمان ما حبيتو لكذا عضو جديد أنو بيفوتو بيحطو موضيع وبيطلعو وبيرجعو ليردو على اللي رد ع موضوعن فقط لا غير ​

يعطيك العافية كلك زوء وأنت ردودك ما شالله لا تخلو بين حناياها الشكر والاهتماما بأي موضوع كان ​

​

 

[ندى القلب]

شكرا





....................
الله يعطيك الف عافيه ابو العز

اصبت عين الحقيقه........يعني انا بتمنى

من الاعضاء لو حد ماعندو رد مناسب او ماالو رئي بالموضوع الي قراه

يفضل انو مايحط رد.........وانا نفسي بعمل هالشي:10:

وفي شغله استفدتها من قرائتي لموضوعك

وهي انو انو يمكننا نروح ونبحث عن الفكره الي في الموضوع

ونرجع نرد بالطريقه المناسبه............اشكرك


اتمنى الكل يستفيد من هالموضوع​

 

[الحرالباكي]

فعلاً صدقت اخي الحُر الباكي ،،

ايضاً انا لاحظتُ

بعضٌ من الردود التي
فعلاً استغربت من محتوآهآ
فكما ذكر شخصكـ الكريم
الموضوع لا يُنزّل إلينا
ليتلقي صاحبه كلماتُ
شكرٍ من هنا وهناكـ
بل ـلاجل إفادتنا بما فيه من محتوي
::
فعلاً صدقت بكُل حرفٍ ذكرته
وطبعاً الموضوع بشكل عام ليس لاعضاء معينين

لا حرمنا الله منكـ اخي الكريم
ومن قلمكـ اللامع دوماً
اعذرني علي الإطاله
لكـ من الورـود البيضاء
بحجم نقائكـ ​

بارك الله بكم أختنا الغالية على التفاعل
والحرص منكم على رقينا في المنتدى
ومن خلال ردي على مشاركتكم اسمحي لي
بأن أنوه بأن ليس المقصود
عدم الدعاء او الشكر وإنما ما قصدناه
أننا في كثير من الأحيان نبقى ساعات مطولة سواْء في نقل موضوع هادف أو بصياغة موضوع نقاشي جديد وقابل للمشاركات
الجدالية حيث ان لكل منا رأي ونظر من زاوية معينة للطرح
وكل مايرجوه الكاتب بأن يرى ثمار جهوده برأي سواء كان سلبيا أو إيجابياً ودعاء كريم بنهاية المشاركة أو كلمة ثناء أوشكر وهذا ما يحفز الأعضاء منا وخاصةً الجدد في في البحث المستمر على المواضيع الهادفة ذات الفائدوالمعرفة
ولاتتفاجئي إذا قلت : حتى الزوار
حين يقرؤون متصفحاتنا
ويروا فيها ما يروا من الطروح والنقاشات
أكيد سيكون هذا محفذ لهم للأنضمام لأسرة منتدانا
وبالتالي الفائدة المرجوة عامة وليست خاصة​

غير أنه أختنا الكريمة
هناك وبفضل الله منتدى كامل للترفيه والألعاب
ويمكن للعضو فيه بالمشاركة حتى بلا كلام و سمايلات
ولن يؤذي بمشاركته أحد​

هذا ما أردنا توضيحه فلك كامل الأحترام والشكر
خطك مئمئلي عيوني يارنوش​

 

[الحرالباكي]

الله يعطيك العافية أخي​

ويجزيك عنا كل خير يارب​

وإن شاء الله بيلاقي هالموضوع صداه بين الأعضاء ​

لأنو فعلا السمو بالمنتدى بيحتاج هيك ردود ​

وبيحتاج هيك مواقف قوية ​

ودي ​

​

بارك الله بكم اختنا الفاضلة
ولك منا أسما آيات الأحترام والتقدير
على مشاطرتنا الأفكار والدعم لنا من أجل سمو المنتدى
للرقي الهادف
نشكر لك مداخلتكم اللطيفة مع فائق الود

​

 

[ஃ MAGNUM ஃ]

موضوعك كتير حلو ابو العز
والفايده فيه لجميع ان شاء الله
بس في مشكله ما بتنحل بستين موضوع من هل النوع , وهل الحكي عم قولو عن تجربه مش تنظير
هلاء انت حكيت بالمشكله وحكيت بجزء من الحل .
يمكن تسئلني شو الحل ؟؟؟؟ انا بقلك ياسيدي شو الحل
الحل الله يطول عمرك هو بقوانين المنتدى !!!!!!
قوانين المنتدى لما بتكون صارمه بالاقسام الجاده والهادفه وبتمنع الردود الاستهتاريه والردود الباهته والردود المختصره اكيد رح تشوف تطور ورقي فكري وثقافي ما الو مثيل ومارح تشوف بهل الاقسام الا الاعضاء الي عندها قدره حواريه بتمكنها من متابعة هل الاقسام .

انا لفت نظري برد لفتون انها عم تلوم الاعضاء الجدد انها ما بتفوت ع مواضيع غيرها وبتكتفي بطرح المواضيع الخاصه فيها والرد عليها .
اظن يا فتون ان هاد شي خاص بالعضو انت ما بتقدري انك تلزمي الاعضاء بالتفاعل مع مواضيع الغير ,
انا مثلا قليل اني فوت عم مواضيع غيري وشارك فيها وهاد مو تصغير بالاخوة الاعضاء او بمواضيعهم
وانما السبب ما بكون عندي رد مرضي رد فيه ع الموضوع مشان هيك بتصفحو وبطلع منه بدون ما حط اي مشاركه
​

 

[قيــ الروح ــثارة]

الحل الله يطول عمرك هو بقوانين المنتدى !!!!!!

قوانين المنتدى لما بتكون صارمه بالاقسام الجاده والهادفه وبتمنع الردود الاستهتاريه والردود الباهته والردود المختصره اكيد رح تشوف تطور ورقي فكري وثقافي ما الو مثيل ومارح تشوف بهل الاقسام الا الاعضاء الي عندها قدره حواريه بتمكنها من متابعة هل الاقسام ​

حل رائع ولازم ياخدوه بالاعتبار ​

انا لفت نظري برد لفتون انها عم تلوم الاعضاء الجدد انها ما بتفوت ع مواضيع غيرها وبتكتفي بطرح المواضيع الخاصه فيها والرد عليها .
اظن يا فتون ان هاد شي خاص بالعضو انت ما بتقدري انك تلزمي الاعضاء بالتفاعل مع مواضيع الغير ,
انا مثلا قليل اني فوت عم مواضيع غيري وشارك فيها وهاد مو تصغير بالاخوة الاعضاء او بمواضيعهم
وانما السبب ما بكون عندي رد مرضي رد فيه ع الموضوع مشان هيك بتصفحو وبطلع منه بدون ما حط اي مشاركه​

يمكن كل واحد عندو سببو
بس متل ما بيقولو أنو الكل أصدقاء
كيف بدنا نفهم وجهة نظر بعضنا اذا ما شاركنا بموضيع غيرنا
وأصلا مو هي البروبلم الاساسية
البروبلم الاساسية هية ردود غير مستحبة بموضيع البعض
وخاصة بقسمي الشعر والطاولة المستديرة لا يحتاجون للاستهزاء وكلمات الشكر فقط
لأنو القسمين بينعتب عليهون الشعر بيكون تعبان الكاتب ومبسوط انو رح يفرجينا شو عندو مواهب اخر شي بيلاقي كلمة شكرا بدال التشجيع أو حتى النقد

لهيك انا بطلت نزل موضيع بقسم الشعر بس مو مشان هيك اسباب مشان اسباب تانية كمان وللاسف مافينا نحكي فيا لأنو بيدرملونا من هون



وبظن الخال حط موضوع مشان هالشي
وبردو رجعت شفت انو ما حدا طبق اللي حكاه الخال بالرغم من انو الخال اللي حط الموضوع
فما بالك الحر الباكي نزل موضوع
مين رح يسمع أو مين رح ينفذ
وحلك عجبني بتمنى جد يتنفذ ​

​

 

[ஃ MAGNUM ஃ]

برجع بأكد فتون ان ماحدا بيقدر يلزم حدا بالرد حتى لو كان الموضوع جيد وبيستاهل الرد , بدك تحطي ببالك ان الناس نفسيات واذواق والي بيستهوني ما بيستوهيكي , لذالك انا دائما بقول: اذا ماكان في رد مناسب ع الموضوع المناسب فا الافضل عدم الرد وهاد احترام للموضوع وكاتبه مش تصغير فيه,
هلاء مثلاً في موضوع انا نزلتو من يومين ضل نايم الى ان اجت ناس وقدرت هل الموضوع اليوم وانتي واحده منهم , انا هل الشي فرحني كتير ولو ضل الموضوع نايم شهرين بدون ولا رد انا موزعلان بالعكس .
الموضوع الجيد فتون يستنى الرد الجيد .... افضل مليون مره من أن يقتل بالردود السلبيه.
​

 

[قيــ الروح ــثارة]

رأيك على عيني وراسي أخ ماغنوم

وان شاء الله ما يروح هالموضوع هباء منثورا

وينوجد حل متل ما قلت ​

 

[الحرالباكي]

نزل هيك شي الاخ عماد​

وبصراحة هالشي عم يكتر بالمنتدى​

مابلاقي غيرو موضيع بتنزل ورودو صغيرة مختصرة بكلمة شكر فقط ​

موضوعك كتير منيح ونزل يمكن بوقتو بس انشالله حدا يرد ملاحظةإن شاء الله ​

أنا ليش ما بنزل موضيع لأنو دوبي الحق على موضيع غيري ​

وما بحب نزل شي واخر شي لاقي كلمة شكرا ​

شكرا على شو اني نزلت موضوع فيو نقاش مثلا أو شي ديني ​

المهم هالشي منيح نزلتو بس انا بقلك ما حدا رح يمشي فيه ​

ولا حظت شي كمان ما حبيتو لكذا عضو جديد أنو بيفوتو بيحطو موضيع وبيطلعو وبيرجعو ليردو على اللي رد ع موضوعن فقط لا غير ​

يعطيك العافية كلك زوء وأنت ردودك ما شالله لا تخلو بين حناياها الشكر والاهتماما بأي موضوع كان ​

إذ انك من القراء والمشاركين في الحوارات من النوع الجيد ​

أبداء كلامي بسلام وّد مُكلل بالأحترام
أختنا الكريمة فتون : اولاباقة شكر لكِ وللأخ عماد إذ إنكم من الأعضاء. المميزين والقراء المتفهمين .
" في ما يخص التوقيت إختنا الكريمة فالتطور لايتقيد بمكانٍ أو زمان وما نسعى إليه هدفه الفائدة العامة والرقي
وقد أصبتي في تشخيص الآلم مع إختلافي معك في بعض طرق العلاج . لو صح التعبير ؟ انا برأي الشخصي بالنسبة لطرح المواضيع ,؟ أنا بصراحة لا أنتظر كلمة شكر من غيري على
ما طرحت بقدرالسعادة التي تعتريني لأرضاء قلمي ببوح مافي داخلي ولكن بطبعنا كمخلوقين وليس لنا علوا على العطاء المستمر إذ أنها صفة تفرد بها الخالق عز وجل شأنه. فأنا حالي حال البشر.بحاجة إلى الكلمة الطيبة والمشاركة الدائمة من جميع من أعطي لهم ما أملك . وما أملكه صدق قلمي والسلعة الأنفث من وقتي.؟فأقل ما أجد بعد كل ما رنوت إليه مشاركة بنائة أو رأي مناقد.لعل به الفائدة والخير .

" وفي مايتعلق ببرودة المشاركات؟
فقد نرى كلمة من الشكر على موضوع اصلا لا يستحق الشكر
وأنا لا أقلل من شأن الأعضاء الذي زاروا صفحاتنا وشكرونا وإنما .
ما نأمله هو شكرنا على ماقرأ ؟ بإسداء رأي أو فكرة أو سؤأل
حول ما أجهدنا نفسنا على نقله أو صياغته
وحبذا لو ختم كلامه بكلمة طيبة من الدعاء أو الشكر
وهذا أقل تقدير ليستمر كاتب الموضوع في زيادة المواضيع الهادفة خاصة ...والعامة بشكل عام
.....
" اما انك تقتصرين بالمشاركة دون طرح المواضيع فهذه أخالفك بها الرأي لأبعد الحدود إذ انك من الأعضاء المتمرسين في في القرأة والنقاش والنصح الهادف ؟
ولا يملك هذه الخصال إلا إنسان واعي ومثقف .
وبهذه السياسة انت تحرميننا بالكثير من الفائدة والنفع
فلا تبخلِِ علينا بما وهبك الله من المعرفة،
....​

" وأما في مايخص الأعضاء الجدد وأقتصارهم على الرد على مشاركاتهم فكما ذكرتِ جدد وونحن من يجب علينا مبادرتهم
للإشتراك بجميع المواضيع وبما أن هدفنا نبيل فلن نعدم الوسيلة
لأقناعهم بمشاركة الجميع وسيكول لهذه النقطة بالذات نقاش خاص إن شاء الله.......................؟​

يعطيك العافية كلك زوء وأنت ردودك ما شالله لا تخلو بين حناياها الشكر والاهتماما بأي موضوع كان

هدول مارح جاوب عليهم هالمرة معليش
خشلت انا :10:

كل الشكر لك ​

 

[الحرالباكي]

شكرا​

​

....................
الله يعطيك الف عافيه ابو العز​

اصبت عين الحقيقه........يعني انا بتمنى​

من الاعضاء لو حد ماعندو رد مناسب او ماالو رئي بالموضوع الي قراه​

يفضل انو مايحط رد.........وانا نفسي بعمل هالشي:10:​

وفي شغله استفدتها من قرائتي لموضوعك​

وهي انو انو يمكننا نروح ونبحث عن الفكره الي في الموضوع​

ونرجع نرد بالطريقه المناسبه............اشكرك​

اتمنى الكل يستفيد من هالموضوع​

كلام سليم
فخير الناس من اعطا كل ذي قدراً.. قدره
وأنا شخصياً أتبع نفس السياسة بالردود على المواضيع الحساسة والتي لا تتحمل الردود الهامشية أو الروتينية
وأكثر من مرة قد تأخرت بالرد على موضوع
حساس لبعض من الوقت
لزيادة الإطلاع به وذلكـ
لأرضاء نفسي أولا ولأعطاء الموضوع حقه بالنقاش ثانيا

إذ إن الكمال لله وحده ولو كانت معرفتنا بحور فالعلم والمعلومات محيط لا ينضب ومهما تعلمنا ينقصنا وخصوصا في عذا العصر الحديث عصر الأتصالات والمعلوماتية


"وفي ما يخص النقطة التي زكرناها بموضوعنا والتي نرجو بأن تعم بفائدتها على الجميع فلابئس من مراجعة المعاجم والمعلومات المخصصة للطرح المشارك به وخصوصا بوجود محركات البحث العملاقة والتي بأمكانها أن تعرض علينا بدلا من معجماً أو مرجعاً واحداً المئات بل الآلاف من المراجع
وبكلا الحالات الفائدة للمشارك عينه..؟
وذلكـ بـ
1_ زيادة المعلومات
2 _ سهولة حفظها لأنه عانا بتحصيلها وفهمها وتلخيصها
3 _ أجهد وأرضا نفسه بالمشاركة وإن لم يصب برآيه
والآلاف المؤلفة من الفوائد التي لا تعد و تحصى

شكرا لمشاركتنا النقاش
ويسعدني تواجدكم الدائم بالمواضيع
الهادفة​

 

[الحرالباكي]

موضوعك كتير حلو ابو العز

والفايده فيه لجميع ان شاء الله
بس في مشكله ما بتنحل بستين موضوع من هل النوع , وهل الحكي عم قولو عن تجربه مش تنظير
هلاء انت حكيت بالمشكله وحكيت بجزء من الحل .
يمكن تسئلني شو الحل ؟؟؟؟ انا بقلك ياسيدي شو الحل
الحل الله يطول عمرك هو بقوانين المنتدى !!!!!!
قوانين المنتدى لما بتكون صارمه بالاقسام الجاده والهادفه وبتمنع الردود الاستهتاريه والردود الباهته والردود المختصره اكيد رح تشوف تطور ورقي فكري وثقافي ما الو مثيل ومارح تشوف بهل الاقسام الا الاعضاء الي عندها قدره حواريه بتمكنها من متابعة هل الاقسام .
​

انا لفت نظري برد لفتون انها عم تلوم الاعضاء الجدد انها ما بتفوت ع مواضيع غيرها وبتكتفي بطرح المواضيع الخاصه فيها والرد عليها .
اظن يا فتون ان هاد شي خاص بالعضو انت ما بتقدري انك تلزمي الاعضاء بالتفاعل مع مواضيع الغير ,
انا مثلا قليل اني فوت عم مواضيع غيري وشارك فيها وهاد مو تصغير بالاخوة الاعضاء او بمواضيعهم
وانما السبب ما بكون عندي رد مرضي رد فيه ع الموضوع مشان هيك بتصفحو وبطلع منه بدون ما حط اي مشاركه​

أخي الكريم ابو دريد الورد
بارك الله بكم على المشاركة والدعاء الكريم لنا
ونسأل الله لكم بالمثل
فلتعلم بأنني أعُجب في أغلب الأحيان بطروحكم والدفاع عليها بشكل مُستميت وما يعجبني أكثر بأنك تبحث عن الحل الجذري
للمشكلة ولكن لاأخفيك القول أن طرحكم فيه الكثير من القسوة
و ماتفضلتم به يكون بصيغة الأمر وهذه الصيغة غير محبذة حتى على صعيد الشخصي العائلي...؟ فمابالك على عضو في منتدى !!!!
كما أنه كل ممنوع مرغوب وماقصدناه هنا بأننا سنجد الكثير من الأعضاء ترمي بالردود العشوائية على المواضيع الجادة
بهدف المشاركة بالمحظور.؟.؟ والمحظور بالنسبة لتفهمه المحدود لطريقة منع الأشتراك العشوائي
ستزيد الرغبة بالمشاركة. التي لا تحبذها انت ونحن بصفحاتنا
وهذا مالا تريده ونريده نحن كما تعلمون
"ولنفرض جدلاً تطبيق هذه القوانين الصارمة
بهذه الحالة ستلاحظ تراجع كبير بين المنتسبين
الذين لايملكون القدر الكافي من العلم أو المعلومات بكل الأمور
الثقافية والعلمية والسياسية..؟

لذا انا أرى ان الحل الأمثل عكس ما تفضلتم ببداية
مشاركتكم وهو الإكثار من مواضيع التنبيهية
وبأسلوب لين واستدراجي
لعل بها الفائدة المرجوة

اخي ماغنوم نرجو أن لا تسيء فهمنا فربما كان جوابنا
غير وافي بالنسبة لكم ولكن هذا ما فهمناه من مضمون مشاركتكم ونرجو التوضيح في حال أنك أحسست بأنني
أسأت الفهم لما ترنون إليه
أما في ما يخص ردكم على الإخت فتون
فليس لي الحق بالرد بما أنها بادرة بالرد على مشاركتكم
وتم التفاهم...،

لك مني كل الأحترام
ابو دريد الورد​

 

[ஃ MAGNUM ஃ]

حبيب البي ابو العز
لمل بكون النقاش راقي ما بيزعل منه الا المتخلف
رح فصلك ردك اذا سمحتلي

بس في مشكله ما بتنحل بستين موضوع من هل النوع , وهل الحكي عم قولو عن تجربه مش تنظير

هون يا غالي انت لونت بالاحمر وحطيت خط تحت نص الجمله وتركت النص التاني
انا لما عم قول عن تجربه ابو العز ما كذبت بهل الموضوع
واذ بتحب ببعتلك روابط ع الخاص لمواضيع من هل النوع انا طارحها
لاقت تفاعل مؤقت ونهجرت بعد فتره فصدقني القول غير الفعل

فلتعلم بأنني أعُجب في أغلب الأحيان بطروحكم والدفاع عليها بشكل مُستميت وما يعجبني أكثر بأنك تبحث عن الحل الجذري
للمشكلة ولكن لاأخفيك القول أن طرحكم فيه الكثير من القسوة
و ماتفضلتم به يكون بصيغة الأمر وهذه الصيغة غير محبذة حتى على صعيد الشخصي العائلي...؟ فمابالك على عضو في منتدى !!!!

اي يا غالي الحل الجذري هو الحل الفاعل اما انه الواحد يعس بالحلول الواهيه فهاد داء على داء
وانا مو شايف اي قسوة بوضع قوانين صارمه تخص الاقسام الجاده بالعكس هاد اسمه تنظيم امور
وعمرها القوانين ما كانت مرضيه للكل بس القوانين مفيده لسلوك البشري الفوضوي
وبعدين ابو العز الاقسام الجاده بالمنتدى قليله والاقسام الترفيهيه كتيره فا الي ما بناسبو قوانين الاقسام الجاده بأمكانه ياخد مجده بالاقسام الترفيهيه

طبعا ابو العز رأيك ع العين والراس ومرحب فيه بكل وقت وحتى لو كان عكس قناعاتي
انت لاتزعل من صراحتي وعدم تزويق ردودي الي بيظهرها بمظهر القاسي وغير لبق
بس صدقني ان عم احكي بكل ود وبدون اي قصد سيئ

​

 

[فادي]

 

[The Hero]

أنا فهمت من ردك
أنو أنت مبتسم وعم تهدينا وردة

طيب أنا حابب قلك أني كمان مبتسم وأنت ملك



كفيتو ووفيتو
فعلا هالظاهرة كتيرة بالمنتدى والحمد لله شايف المنتدى من أحسن لأحسن
ونحنا بإيدنا نخلي الرقي ماشي ونمنع هالأمور
لما العضو بشوف كذا شخص عم يرد ويناقش بيظن هوة رح يستحي من ردو ويرد بكلمة شكر او سمايل
إما رح يخوض النقاش أو رح يضل مستمع

أنا مثلا بصراحة
بيهمني ألي بيشاهدو الموضوع أكتر من يلي بيردو بكلمة شكرا ً
(طبعا ً لاشكر على واجب ) يعطيون الف عافية على المرور
وبيهمني أكتر لما حدا يناقش
لأنو النقاش بيجر كتير أمور تانية وبتأدي للتوعية أكتر وأكتر

وأكيد بالنسبة لعدد المشاهدات بيعني أنو موضوعي وصل لكتير عالم وفيو معلومات الشخص بيحتاجا
وهالشي كتير بنبسط في أنا





​

 

[قيــ الروح ــثارة]

رد هيرو ع فادي عجبني كتير





وأنت قلت شغلة يا اخ الحر الباكي أنو لما الواحد يلاقي اقدام الاعضاء ع موضيعو رح يحفزو هالشي يستمر ويبدع ويكتب شي من عندو ليس فقط كوبي بيست :80:

ولاحظ انو لهلئ ولا إداري كمان أيد حكينا هاد دليل أنو الفكرة تبع ماغنوم مو ورادة تتطبق واللي هية وضع قوانين برغم عدم ارضاء القوانين لأغلبية الاعضاء
بس متل ما قال مهمة للفوضى البشرية


​

 

[قيــ الروح ــثارة]

أبداء كلامي بسلام وّد مُكلل بالأحترام​

أختنا الكريمة فتون : اولاباقة شكر لكِ وللأخ عماد إذ إنكم من الأعضاء. المميزين والقراء المتفهمين .​

لا شكر على واجب كما قال مسيو هيرو ​

؟ أنا بصراحة لا أنتظر كلمة شكر من غيري على
ما طرحت بقدرالسعادة التي تعتريني لأرضاء قلمي ببوح مافي داخلي ولكن بطبعنا كمخلوقين وليس لنا علوا على العطاء المستمر إذ أنها صفة تفرد بها الخالق عز وجل شأنه.​

أكيد وأنا ما بقول غير هيك ​

فأنا حالي حال البشر.بحاجة إلى الكلمة الطيبة والمشاركة الدائمة من جميع من أعطي لهم ما أملك . وما أملكه صدق قلمي والسلعة الأنفث من وقتي.؟فأقل ما أجد بعد كل ما رنوت إليه مشاركة بنائة أو رأي مناقد.لعل به الفائدة والخير .
هاد اللي بدنا ياه الاستفادة والدعاء​

" وفي مايتعلق ببرودة المشاركات؟
فقد نرى كلمة من الشكر على موضوع اصلا لا يستحق الشكر
كتير بلاقي هيك للأسف​

وأنا لا أقلل من شأن الأعضاء الذي زاروا صفحاتنا وشكرونا وإنما .
ما نأمله هو شكرنا على ماقرأ ؟ بإسداء رأي أو فكرة أو سؤأل
حول ما أجهدنا نفسنا على نقله أو صياغته
وحبذا لو ختم كلامه بكلمة طيبة من الدعاء أو الشكر​

انشالله​

.....
" اما انك تقتصرين بالمشاركة دون طرح المواضيع فهذه أخالفك بها الرأي لأبعد الحدود إذ انك من الأعضاء المتمرسين في في القرأة والنقاش والنصح الهادف ؟
ولا يملك هذه الخصال إلا إنسان واعي ومثقف .
رح ارجع انسخلك جملتك أنت
وهذا أقل تقدير ليستمر كاتب الموضوع في زيادة المواضيع الهادفة خاصة ...والعامة بشكل عام
كيف الواحد بدو يشارك لما بتعب بموضوع وبنزلو ولاقي الكل فايت ليقول شكرا ويطلع شو بكون استفدت انا لا دعوة اجتني ولا نقاش انفتحلي فالاحسن ما اكتب شي​

وبهذه السياسة انت تحرميننا بالكثير من الفائدة والنفع
فلا تبخلِِ علينا بما وهبك الله من المعرفة،
بإذن الله بوجود أمثالك وأمثال الجيدون في منتدانا ستظل الفائدة تعم على الجميع
....
" وأما في مايخص الأعضاء الجدد وأقتصارهم على الرد على مشاركاتهم فكما ذكرتِ جدد وونحن من يجب علينا مبادرتهم
للإشتراك بجميع المواضيع وبما أن هدفنا نبيل فلن نعدم الوسيلة
لأقناعهم بمشاركة الجميع وسيكول لهذه النقطة بالذات نقاش خاص إن شاء الله.......................؟​

كمان حل جيد مشان الاعضاء الجدد ​

هدول مارح جاوب عليهم هالمرة معليش
خشلت انا :10:​

كل الشكر لك ​

وألف شكر إلك على نقاشك واستيعابك​

 

[ஃ MAGNUM ஃ]

هلاء مشان ان حدا من الاداره دخل ع الموضوع ولا لاء ......
انا بظن ان الاداره شايفه الموضوع ومتابعته وبأهتمام كمان
خصوصا ان عم يطرح اراء للاعضاء بموضوع بخص الاداره وبهمها قبل الاعضاء
وانا بعرف ان الاداره حكيمه كتير وبتعمل الي هو بصالح المنتدى
لذالك لا تكلي هم فتون
ان شاء الله بتصل وجهة النظر الصحيحه
​