لـــكـــل شـــــــامـــي .. بـــرا الــــشــــام وجــــواتــــا

[mr_ops]

الشام هي رائحة البن بالبزورية​

وعجقة سوق الحميدية​

وصلاة العيد بالاموي​

وزيارة قصر العظم​

هي اكل الدرا المشوي بالروضة​

والبوظة عند دامر​

هي تلجات بلودان​

وزهر الغوطة​

هي سيران الشادروان​

والمشاوي بالفيجة​

والبطيخة بالنبع​

وكرز مضايا وسفرجل الاشرفية وجانرك بسيمة ووادي بردى​

هي النومة بأرض الديار بعد الشطف​

والياسمين والنارنج والكباد​

هي شرب مية الفيجة الباردة من الحنفية بيوم صيف​

وعرقسوس رمضان والتمر الهندي وتوت الشام​

سورية هي اجتماع العيلة وسكوت الجميع بالبيت والمحلات ولايبقى سوى الراديو لنسمع المساعد جميل والرائد هشام وطبعا الأستاذ مصباح المتهم بمعظم القضايا في حكم العدالة كل يوم ثلاثاء​

هي مايطلبه الجمهو يوم الأربعاء لمشاهدة ... أحدث الأغاني​

هي موسيقى (غدا نلتقي) يوميا قبل النوم​

هي سوق الجمعة آخر الليل وخبز التنور مع الفول عند بــوز الجدي او الشعار وجمعة الشباب الحلوة​

هي روحة الشلة على حمام السوق وأكلة التسقيية بالسمنة مع الصنوبر..... جووات الحمام​

هي طلعة مضايا مع الشلة والرعبة من دوريات التفتيش أن تكشف البواط الإيطالية وجاكيتات الجلد..... يللي لابسينها​

هي الكنافة النابلسية عند نفيسة و اباظة​

هي شاورمة انس والموصللي يللي بدك تاكللك شي عشرة ولسا بدك أكتر​

هي الشوكلامو بالتوليدو جنب جنينة الجاحظ .....أيام ماكان.. توليدو​

الله عليك يا شام​

 

[B alaa B]

عنجد الله عليكي يا شـــــــــــــــــام

زكرتني بايامي الحلوة بشام نشالله بترجع عن قريب

 

[Pure Feelings]

اييييييييييييه لانكن برا الشام بتحكو هيك

اسال مجرب

بس مابنكر انو الشام حلوة

وبتجنن وفيا شغلات حلوة

واخص تلج صيدنايا للركب

 

[mr_ops]

عنجد الله عليكي يا شـــــــــــــــــام

زكرتني بايامي الحلوة بشام نشالله بترجع عن قريب

اي والله .. والله مالي مصدق امتى ارجع عالشام .. لعيش فيها وبارضها وعلى ترابها واتنفس هواها واشرب من ميتها ...

ما حدا بيعرف قيمة بلده الا الي متغرب عنها ...

 

[mr_ops]

اييييييييييييه لانكن برا الشام بتحكو هيك

اسال مجرب

بس مابنكر انو الشام حلوة

وبتجنن وفيا شغلات حلوة

واخص تلج صيدنايا للركب

ليش اسأل مجرب ؟؟ وهيك عم نحكي ..
ما هي هيي الحقيقة .. كلنا بنحب سوريا .. الشام .. حلب .. حماة .. حمص .. واللاذقية وكل شي بسوريا ...

آآآآآآآآآآآآآخ على التلج ما احلاه .. نفسي بس كون بالشام تتلج كتيييييييييييييييييييييييير .. بحب برد الشام وتلج ومطر الشام ...

 

[المستشـــار]

اي والله مافي أحلى من الشام بس الواحد يكون معو عملة !!!!

يسلمو يا غالي

 

[Pure Feelings]

ليش اسأل مجرب ؟؟ وهيك عم نحكي ..
ما هي هيي الحقيقة .. كلنا بنحب سوريا .. الشام .. حلب .. حماة .. حمص .. واللاذقية وكل شي بسوريا ...

آآآآآآآآآآآآآخ على التلج ما احلاه .. نفسي بس كون بالشام تتلج كتيييييييييييييييييييييييير .. بحب برد الشام وتلج ومطر الشام ...

لانو انا كنت متلك

انا كنت متغربة بابوظبي طول عمري 18 سنة وهي الستة الشهور الاولى بسوريا

بس ماني مبسوطة متل ما كنت مبسوطة بالامارات

انا كنت احكي متلك يا الله واس الله ع الشام وشو بيعرفني

بس لما تنزل وتعد فيا رح تمل منا

ومتل ما حكيت مابنكر انو الشام حلوة

وحلوين تلجاتا ومطراتا بس كلشي الو شي

 

[دموع الورد]

ما في احلى من انو الواحد يعيش ببلدو حتى لو اكل خبز وزيت

اكيد بضلها احسن من الغربة


​

 

[ḾǑŏǑŏǓĐỸ]

 

[mr_ops]

لانو انا كنت متلك

انا كنت متغربة بابوظبي طول عمري 18 سنة وهي الستة الشهور الاولى بسوريا

بس ماني مبسوطة متل ما كنت مبسوطة بالامارات

انا كنت احكي متلك يا الله واس الله ع الشام وشو بيعرفني

بس لما تنزل وتعد فيا رح تمل منا

ومتل ما حكيت مابنكر انو الشام حلوة

وحلوين تلجاتا ومطراتا بس كلشي الو شي

انا كمان متلك سناء .. بس انا بالشارقة ومن وقت ما فتحت عيوني لقيت حالي بالامارات .. صح بالشام الوضع غير عن الامارات .. وصح انه مافي فرص شغل متل بالامارات .. بس بضل الحنين للشام اقوى من حنيني للامارات .. وقت بسافر من الامارات لسوريا بكون مالي مصدق امتى انزل من الطيارة وشم ريحة بلادي .. بس لما ارجع من سوريا للامارات .. بتكون روح عم تطلع وانا عم اترك بلدي ..

وبالآخير هي سوريا .. والشام شامنا
​

 

[mr_ops]

اي والله مافي أحلى من الشام بس الواحد يكون معو عملة !!!!

يسلمو يا غالي

انت قلتها يا مستشار .. يكون الواحد معه عملة .. حطيت ايدك عالجرح والله .. بدون العملة الواحد ما بيقدر يعيش ...

 

[mr_ops]

ما في احلى من انو الواحد يعيش ببلدو حتى لو اكل خبز وزيت

اكيد بضلها احسن من الغربة


​

مع الاسف الشدييييييد انه بالغربة لقينا لقمة عيشنا فيها .. بس لو بنلاقي لقمة عيشنا ببلدنا اكيد رح نرجع لانه بضل الوضع احسن ...

 

[mr_ops]

اهلين محمود ..

 

[الأمبراطور]

اييييييييييييه لانكن برا الشام بتحكو هيك

اسال مجرب

بس مابنكر انو الشام حلوة

وبتجنن وفيا شغلات حلوة

واخص تلج صيدنايا للركب

من برا ومن جوا مافي احلى من الشام
دخيل ربها ما احلاها

 

[Queen]

ياااااااي عالشام الله يحميها ويبعد عنها الشر والاشرار

يسلموو
​

 

[mr_ops]

من برا ومن جوا مافي احلى من الشام
دخيل ربها ما احلاها

ياااااااي عالشام الله يحميها ويبعد عنها الشر والاشرار

يسلموو
​

يا هلا بالغواااااااااااالي

وين ما رحنا واجينا بعد سوريا والشام مااااااااافي​

 

[Chantal]

أي همام واللي موشامي ولا براتاولا جواتا .. شوبيعمل ؟؟؟
مايقرأ موضوعك يعني ؟؟؟؟
بس لئلك حركت فيني الشوق والحنين للي زكرتوسابقاً
يسلموووو كتير همام ..

 

[mr_ops]

أي همام واللي موشامي ولا براتاولا جواتا .. شوبيعمل ؟؟؟

مايقرأ موضوعك يعني ؟؟؟؟

بس لئلك حركت فيني الشوق والحنين للي زكرتوسابقاً
يسلموووو كتير همام ..​

يلي ماله شامي يا شانتال انا بدعوه انه يزور سوريا الشام وحلب واللا1قية وحماه وحمص وكل مكان بسوريا .. بدعوه انه يزورها بأي وقت ان كان بحب الشتاء ينزل هالفترة والي بحب الصيف ينزل بشهر 7 و8 و9 .. والي بحب الربيع وهو من اجمل واحلى الفصوووول والي انا نفسي انزل عالشام بالفصل هااااااد وطبعا ما بنسى فصل الخريف الي بكون فيه كل شي فيه (تقريبا) اصفر ...

باختصار يا شانتال انزلي عـ سوريا بأي وقت حـ تحبيها بأي فصل كانت حـ تحبيها ... واهلا وسهلا فيكي بأي وقت ولو ما كنتي شامية او ما كنتي سورية .. سوريا بلدك التاني ​

​

 

[Chantal]

 

[RoOoR]

بالفعل

جنة الأرض الشام

كلها حلوة

بعجئتها

بهدوئها

بطلعاتها

بكلشي فيها

بفأدلها

بفتخر فيها




فتأتلي جروحاتي

الله يسامحك

​