لماذا لا يحب الرجل أن يذكر اسم المرأة؟؟؟؟

[المارد]

السلام عليكم لماذا لا يحب الرجل أن يذكر اسم المرأة؟؟؟؟
كثير من المجتمعات المحافظة على العادات والتقاليد الموروثة
يرون أن ذكر اسم المرأة عار وفضيحة عليهم فبذلك يحرمونها من أبسط حقوقها
ألا وهو ذكر إسمها والإفتخار به
فالإسلام كرم المرأة وحفظ حقوقها
وصانها من كل مكروه وظلم ممحوقفالقرآن الكريم ذكر إسم إمرأة
ولم يكتف بالتنويه بها فقد قال الله تعالى
<يامريم إن الله يبشرك بكلمة منه>
وكان رسول الله صلى الله عليه وسلم
يذكر ابنته باسمها ويقول فاطمة الزهراء
رضي الله عنها ولم يقل كريمتي.. وأسئـــــلتـــــــــــــــي
الشــــــــبـاب
هل أنت من النوع الذي يذكر إسم المرأة أمام الأخرين؟؟
وهل تؤيد ذلك؟؟
إذا أجبت بنعم لماذا؟؟
وإذا لا أيضا لماذا؟؟
ما السبب في عدم ذكر إسم المرأة أمام الرجال؟؟
هل تشعر بالحرج من إسم أمك أو أختك
ربما لقدم ذلك الإسم أو نحو ذلك؟؟
الفتيـــــــــــــــاتهل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟ ولماذا؟؟
هل تشعري بإحراج إذا ناد شخص إمراءة بإسمها؟؟
ولماذا​

 

[فاتي]

الفتيـــــــــــــــات هل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟

طبعا احب ينادولي باسمي

ولماذا؟؟

والله انا مش نكرة حتى يقلي واحد فيهم يابنت والا اي شي من هاد القبيل

وبعدين تعال لهون ليش حاطين لنا اسماء طالما ما رح ينادولنا بها

هل تشعري بإحراج إذا ناد شخص إمراءة بإسمها؟؟

اكيــــــد لا ..بالعكس رح يكبر بعيني

ولماذا

لانو اكيد بيكون بيفتخر فيها وما بيخجل اذا ذكر اسمها قدام حد ...وبغض النظر عن الافتخار بالنهاية هداك اسمها


المـــــــارد

شكرا لكـ اخي على اثارة متل هالمواضيع ...لانو بالفعل هادي ظاهرة موجودة بالمجتمعات العربية
​

 

[✿منى قلبي✿]

الفتيـــــــــــــــات هل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟

لاء بفضل اسمي طبعا

ولماذا؟؟

بحسسني بقيمتي بشعر بروعة وجودي عندو لاحدى يئلي مالو قيمة الاسم لاء الو قيمة لانو كلمة يا بنت كانو عم ينادي لجارية


على فكرة الشب ما بنادي باسم الواة بس كبرياء مو اكتر

عندو كبرياء رجل معكوس هع

شكرا مارد

 

[ČốηťĕṨṩก]

هلا انا بئول انو السبب ليش في رجال ما بحبو يئولو اسم مرتن او امن او اختن ادام حدا
يمكن تعصب او غيرة زايدة

......


الفتيـــــــــــــــات هل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟ ولماذا؟؟


يؤ باسمي طبعا شو هلحكي
ليش سموني اهلي لكن فلانة كانو سموني ام فلان و خلصنا


يسلمو على الطرح مارد
​

 

[المارد]

السلام عليكم
وشكرا لجميع المشاركين
انا بالنسبة الي انادي اختي او احدى قريباتي باسمها في مكان عام عادي جدا
بس مو اجلس في السوق واطلع على مكان عالي وصيح باعلى صوتي يا ريم او يا ندى
مع احترامي للاسماء الغالية على قلبي ​

 

[جمانة]

يعني انا الصراحة بستغرب من الناس يلي هيك
انو لا تحكي اسمك قدام العالم
او لما الولد بينادي امو مثلا ماما جمانة
يعصب عليه ابوه
بنظري هاد تخلف
الرسول عليه الصلاة و السلام ما كان اسم زوجاتو مخفي عن الناس
ولا الامام علي
يعني الشخصيات البارزة في عصر الرسول كان فيه منها نساء وكانت اسماءهم معروفة
فنحنا مو احسن منهم لحتى ما تنذكر اسامينا ..
​