لماذا نقول ان الحجاب قناعة

[قمر الشام]

حبيت اني اطرح عليكم هاد الموضوع يلي انو ليش منقول انو الحجاب قناعة

منلاحظ انو بمجتمعنا اغلب الناس صاروا يقولو انو الحجاب قناعة
ولكن هادا الكلام غير صحيح لان الحجاب فرض يعني
انو الله سبحانه وتعالى فرض الحجاب على البنت
والله ما قال انو البنت ما تتحجب لتقتنع
طيب لو افترضنا انو فعلا الحجاب قناعة وفرض بنفس الوقت
كيف بدنا نجمع القناعة والفرض مع بعض
الحل هو انو الاهل من خلال تربيتهم للبنت يعلموها
انو نحن الاسلام وسلاح المرأة المسلة هو حاجبها
هادا التوجيه طبعا لازم الاهل يوجهو لبنتن ابتداءً من عمر 6 سنوات
المقصود مو انو تتحجب من عمر الست سنوات لا المقصود انو
يهيأو البنت لهشي ويوجهوها انو لما تصير بالعمر المفروض عليها
انها تتحجب وهيك لما بينفرض عليها الحجاب رح تححجب عن قناعة
معناتا انو كيف منخلي بنات المستقبل يتحجبو بالمعر المفروض عن قناعة
هادا الشي رح يكون تابع للأهل وتربيتهم للبنت
بتمنى انو الكل يعطيني رأيو

 

[قمر الشام]

مع المعلومة انو بالنسبة إلي الحجاب عن قناعة
بس عجبني هالحل وحبيت اطرحو عليكم

 

[The Hero]

الحجاب بالنسبة للمرة يعني بيبين السترة ومدى تعلقها بدينا كل ما أتحجبت أبكر كل ماكان أحسن

هلق أنا رح أحكي رئيي

أنا مع أنو الحجاب دين مو قناعة وبيهمني أنو أزرع هالشي بيبنتي

مو قناعة لأنو صفى متلو متل أمور تاينة

مثلا :

أجي على البيت تجي بنتي بابا
وات
تعال أعرفك ماي فرند
واااااااااااااااااو
وير يور فرند

هير

الله وأعلم وين هير

يس بيبي أبوكي كتير فري بابا

ضاعة البنت على أنو هية مقتنعا أنو هالشي صح

شكرا ً على هالموضوع الحلو
​

 

[أميرة كل النجمات]

اول شي الحمد لله اني محجبة
وتاني شي انا من وجهة نظري لحجاب سترة للبنت وبعدين اذا طلعت بنت فري سبور وشافوها كل الناس شو بتكون خلت لجوزها :10:
يسلمووووووووو

 

[جمانة]

انا ما رح صوت
لانو الحجاب دين وقناعة كمان
انا ما صرلي زمان محجبة
لاني تربيت في بيئة فيها زوابط بس مش للبس
بس هلأ عرفت انو الحجاب واجب علينا
يعني نحنا لازم نفكر فيه متل اي فرض تاني
متل الصلاة
لما تجي بدك تصلي بدك تقول لا .. بدي اقتنع بالاول بعدين صلي
لا يا عمي هاد اساس الدين
ومتل الشي الحجاب
بس الحجاب لازم يترسخ بفكر البنت من بكير
و شوي شوي تتعود عليه
لحتى ما يجي يوم تقول اهلي غصبوني
و تشلحو
يسلمو

 

[PliiiJl JljJj]

لا إله إلا الله
هوه أهم شي لإنو صارت موضه الحجاب قناعه وليست دين
من هالشي اللي عما نشوفو بلتلفزيون كل يوم
بتلائي الممثله دور بتطلع محجبه ودور عرانه
ولما بيسألوها شو رايك بلحجاب بتئلون لوك جديد لشخصيه جديده
وطبعا جيلنا كلو عما يلحئ التلفزيون
والله يستر من هالمفسديون
وطبعا بيئعدو بيتفلسفو وبيحكو عن الحجاب
الله يسترنا من أخريتا

 

[lavander]

بضم رايي لراي جمانة الحجاب فرضه علينا الدين والقناعة بتجي من الطفولة من خلال توجيه الاهل ويعطيك الف عافية عالطرح​

 

[Crystal Heart]

هو الاتنين بس انا قلت قناعة لانو نحن عنا ببلادنا الحجاب مو مشكلة
بس لتتأكدوا انو الحجاب قناعة لانو شوفوا صايرة اغلبية البنات المتحجبات بس يسافروا لبلاد برا بشيلوا لانو مو مقتنعين فيه و مو عارفين شو الهدف منو
ما في عبادة او فرض بالاسلام الا ما الو هدف و بيكون عملو بمصلحتنا​

 

[GaZoOoooL]

بظن انو قناعة لأنو لو الوحدة حطتو غضبا عنا يمكن ما تحطو بس تطلع من ورا اهلا

و كتييير حلو هالموضوع يسلمو ايديكي

 

[قمر الشام]

شكرا على رأيكم
وانا رح ضم ضوتي لأنو الحجاب دين

 

[المستبده]

اممممممممم

انا بحكي انو دين اولاً

وقناعة تانياً

لانو الوحده اذا بدها تتحجب لازم تكون مقتنعه فيه

لانها بتصير تكره شي اسمو حجاب ومتل ما حكت خيتو جمانه يمكن تشلحو بس تطلع

او لانها كانت مغصوبه عليه يعني فبعمرها ما رح تقتنع فيه ويدخل راسها اذا كانت مغصوبه عليه

بس ما تاخدها حجه هاي شغله بس اقتنع بتحجب

يسلموووووو ايديكي قمر يا قمر

انا صوتت انو دين لانو اول شي دين بعدين القناعه بتيجي​

 

[7asson-kfoory]

أما أنــــا ... لما الوحدة تكووون مقتنعة بدينها بتحط حجاب

في النهاية: الحجاب قناعة و دين

يسلمووو قمر

​

 

[عاشق البيلسان]

 

[museumoflove]

الحجاب دين وقناعه

فأذا اقتنعت المرأه بدينها

فلابد من الحجاب لأنه فرض

يسلمووووووووو

 

[المستشـــار]

يسلمو عالموضوع ... بس انا برأي الاسلام كلو مو بس الحجاب مع العقل ... يعني المسلمين الأوائل

ما أسلموا فرض وانما اسلموا عن قناعة بصحة هذا الدين


ولكن نحن صارت عنا العبادات عادات ....


الحجاب فرض بس يلي بتعرف بدينها وبتأمن فيه حتكون حاطتو عن قناعة .... ولكن ملاحظة لو مالها مقتنعة فيه لازم تحطو وتبحث عن اسباب لتقتنع فيه

الحقيقة في موضوع هون بالمنتدى كتير حلو وذاكر أكتر من 9 اسباب للزوم وضع الحجاب وانو هالأمر ما اجا من فراغ


واسمحولي الكون انو الحجاب فرض وعدم الايمان فيه ... هذا كفر صريح ...
هذا مو يعني انو يلي ما بتحطو كفر لاااااا ... بس عدم الايمان فيه كفر يعني .... لانو الحجاب فرض باجماع الامة

والله يعطيكي العافية




انا ما رح صوت لانو الحجاب فرض وقناعة في آن