لما تكون englesh بدل اللغة العربية

[حسام الحلبي]

السلام عليكم​

عندما تحاول زيارة الامارات ( على سبيل المثال ) ولو لبضع ساعات عليك ان تقوم بدراسة للغة الانكليزية ولو دورة واحدة على الاقل أما اذا اردت العمل فيها فعليك أن تكون ضليع بها مع انها الامارات العربية المتحدة اي دولة عربية !!!​

مع احترامنا لسياسة جميع الدول ولكن عندما تكون اللغة الانكليزية هي الاولى في دولة عربية مما ينسخ اللغة العربية ...
موضوع اخر بدل ان نقوم بالحفاظ على اللغة العربية واصالتها حتى ونحن نتكلم العامية وفجأة ترى احدهم يقول لك رأيه في شي ما ( اي مافي مشكلة طبعا ( اون ريدي ؟؟؟ ) )
ثم يكمل اربع كلمات عربية وكلمة انكليزية لماذا ؟؟؟اليست العربية احق ونحن عرب.......​

حاولوا ان تزوراوا لندن أو واشنطن وجربوا ان تتحدثوا باللغة العربية لن تستيطيعون لان الشعب كله يتكلم لغته الانكليزية وسيتكلم معك انكليزية كاملة دون استعمال اي مصطلح عربي !!!​

اما نحن نريد ان نثبت للعالم اننا نتكلم لغة .....أنا لست ضدها كلغة ولكن سأتكلم بها مع من لايفهم اللغة العربية اما بنقاش عام مع عربي مثلي فأنا لااستعمل ولاحرفا اجنبي ولا حتى ( اوكي ؟؟؟ ) ​

لغتنا العربية مليئة بالمفردات لست مضطرا لاستعمال اي مصطلح اجنبي بدلا عن لغتي​

بالعودة الى بداية الموضوع مثلا اعمل في اي شركة خاصة سيطلبون منك لغة وسيستعملون مفردات انكليزية معك مع انك تفهم العربية جيدا لماذا ؟؟؟ بدل ان يقوم المدير العام يقولون ( جينرال مانيجر أو جي أم أو اتش ار ( شؤون الموظفين ) أو ستاف ( موظفين )) ​

مارح طول عليكن بدي رايكن ياترى ممكن نبدل لغتنا العربية بلغات اخرى كما هو الحال في تونس والجزائر والمغرب حيث سيطرت الفرنسية وبعض أهل المغرب ( مع احترامنا لهم ) لايعرفون التكلم بالعربية ابدا وكأنهم ليسوا بعرب ؟؟؟​

 

[butterfly]

طرح مهم
ظاهرة منتشرة كتير ..

أنا مش ضد انو نتعلم اللغات
لانو الرسول -صلى الله عليه وسلم-
حثنا على انو نتعلم لغة أعدائنا
يللي هم "الغرب"
بس متل ما حكيت إنتَ انو مش حلو
تكون في نقاش مع مجموعة من الأفراد
وتحكي كلمتين عربي وكلمة انجليزي
بس ممكن في إلها مبرر .. انو بتسقط سهواً
والأصل ما نختلى عن لغتنا العربية
لإنها لغة القرآن الكريم .. والنبي عليه السلام عـــــربي


​

 

[حسام الحلبي]

طرح مهم

ظاهرة منتشرة كتير ..​

أنا مش ضد انو نتعلم اللغات
لانو الرسول -صلى الله عليه وسلم-
حثنا على انو نتعلم لغة أعدائنا
يللي هم "الغرب"
بس متل ما حكيت إنتَ انو مش حلو
تكون في نقاش مع مجموعة من الأفراد
وتحكي كلمتين عربي وكلمة انجليزي
بس ممكن في إلها مبرر .. انو بتسقط سهواً
والأصل ما نختلى عن لغتنا العربية
لإنها لغة القرآن الكريم .. والنبي عليه السلام عـــــربي​

​

​

بشكرك على رأيك الحلو كتير وبشكر مرورك​

 

[ஃ MAGNUM ஃ]

هلاء انا رح حاكيك من واقع تجربتي بالكويت والمده الطويله الي عشتها بهل البلد
الحكي كوبي بست يعني صوره طبق الاصل عن الوصف الي وصفته بالامارات وهي شهاده
ممن رأى وسمع الي هو انا ..... المهم خي حسام انا كنت طارح نفس التسائل بمنتدى تاني والمشكله
ان ما اجاني جواب واحد مقنع ...... ألا كلو تمنيات أوتعصب لاحد الطرفين
رؤيتي للموضوع : اول شي الكمال لله سبحانه وتعالى
بس الانسان الي ما بحس بنقص جواته يعني الكامل نفسيا وعطفيا وروحيا هو الانسان الواثق
من نفسه وعنده القدره ان يلفت نظر الي حواليه بثقته بنفسه اولا وبثقافته وعلمه ثانيا
وهاد الشي بخليه متمسك بأصالته وما ببدلها ..اما الانسان الي بحس بعجز عن التعبير
فهو الانسان المستعين بكل ماهو مستحدث مشان يلفت النظر الو وهاد الشي نابع
من الاحساس بالنقص المزمن الي برافقه متل الطعام والشراب......
هلاء بس دول الخليج الي فيها هل الشي لاء خيو موجوده بكل الوطن العربي بس بنسب متفاوته
اكثرها ظهورا بلبنان والخليج ومصر ودول المغرب
​

 

[زهرة النرجس]

الحمدلله الجهة اللي بعمل انا فيها شرط اساسي تتحدث باللغة العربية الفصحى طوال الدوام يعني من 6 الصبح ل 2 الظهر ويعاقب اي موظف او مدير اذا استخدم العامية لسه الخير موجود ​

 

[حسام الحلبي]

يعني انا اجاني مواطن اماراتي من كم يوم شفتو من بعيد عم يصرخ ويخانق رحت لعندو شوفي عم أسألوا قلي اخيرا حدا عربي يفهمني قلتلو خير اخي قال يارجال انا مواطن اماراتي ماأعرف امشي بالامارات شو سوي مابعرف احكي لغة بترك البلد للهنود والفلبينية وبهاجر من بلدي بس لأنو انكليزيتي سيئة
ويلي بيقول صعب على الهنود يحكوا عربي مارح صدقوني أنا كنت بسعودية وبعرف بيحكوا عربي منيح ( كيف الحال صديق ... ) عربي مكسر ومابيعرفوا يحكوا انكليزي الشغلة بايد الحكومات العربية بقووا لغتهن واو بضعفوها​

 

[مختار]

اي والله
على الله احسن شي
انا مع ماغنوم برأيو
​

 

[انثى غامضة]

والله حسام الحق معك صرنا متل الي عم يدور عشي موضة يمشي فيها

متلا هون عنا البنت او الشب بيحكوا باللغة الانجليزية كنوع من الموضة او اتيكيت

يعني انهم شي كبير عم بعرف لغات انا :19::19:

واللغة العربية صارت شي مو مهم بس لو الواحد يدخل شوي ببحور اللغة العربية

يشوفوا الجمال الي هي فيه بالغرب عم يتعلموها لحتى يكتشفوا الغازا

ونحن العرب لساتنا عم نتبع موضا

اوك ونو ويس وامبسبل شي بيجنن وليه مايحكوا عربي شي بينخجل منه صار

والوظايف ياعيني على الوظايف بتعرف لغات تعا وشرف مابتعرف روح نام ببيتكن

شي بيكسف والله

وعندك الجامعات بتلاقي تخصصات ادب الانجلش ومابعرف شو كمان بتكون مليانة مافي سعة فيها

والعربي كم واحد فايتها

اي والله والله شي بيخجل شو بدنا نحكي ونحكي حسام سيبها لربك