لمواليد التسعينات فقط (*_*)

[نكهة جنون]

هااايااات شباب .. هاااياات صبايا
كيفكن ؟!
طلعت براسي اليوم فكرة خطييييييييرة
وهي :.
اكيد كل واحد مننا هو وصغير كان يحب يلعب بشي لعبة ومايضل بلاها ولاتكة ويحس حالو ناقص لو نسيها بشي مكان
وبيني وبينكن وبلا ما نضحك ع بعض كنا نبكي لو ضيعناها
المهم انو كل واحد بهالمنتدى من مواليد ال1990 ل 1999
بدو يدخل لهون ويعرفناع لعبتو المفضلة

و كالعادة لازم ابدا انا




لعبتي المفضلة كانت متل الدبدوب بس ع شكل بنوتة لزيزة لابسة اواعي بي بي لونن ازرق لان ما بحب الزهر وكانت من طولي (شي متر يهني) وسميتا فلونة وكانت متل اختي خاف عليها
هه بس هاد الحكي من زماااااان هلئ بطلتا هه

​

مين بعدي ؟! ... ​

​

 

[Faby]

ما بئدر شارك طلع الموضوع بس للولاد الزغار

 

[RoOoR]

ما بئدر شارك طلع الموضوع بس للولاد الزغار

 

[نكهة جنون]

ما عرفتكن ​

 

[►RatoOoOb ◄]

ما بئدر شارك طلع الموضوع بس للولاد الزغار

وانا متلك فابي
​

 

[نكهة جنون]

لهلهله من كبركن بالله ؟؟
​

 

[جنون احساس]

وانا لعبتي المفضلة انا وصغيرة كان هاد الدولاب يلي كلو الوان وئلو عصاية وكنت مشيه معي على كل مكان وكل ما يمشي كان لازم يضلو يطئطئ

 

[نكهة جنون]

وانا لعبتي المفضلة انا وصغيرة كان هاد الدولاب يلي كلو الوان وئلو عصاية وكنت مشيه معي على كل مكان وكل ما يمشي كان لازم يضلو يطئطئ

مافي منك والله .. شكرا كتير لانك عبرتيني
مو متل بعض جمااااااعة
​

 

[روزا]

هاي انا كتنت لعبتي المفضلة لعبة حلوة كتير وكنت عاملتها متل بنتي يعني معها ببرونة الحليب وكل شي بيخص الاولاد

 

[JuSt RaMoOTa]

وأنا كمان متل روزا
بس كانت اللعبة أطول مني

 

[B.A.R.C.A]

ايييييييه.. زكرتيني بأيام زمان

انا ما كنت العب بغير السيارات الزغيرة الحديد

كنت بالشتا اعمل الزخرفة يللي عالسجادة شوارع

وجيب لزيئ أبيض ولزئو عالسجادة على أساس انو ممر مشاه

وبعدين لزء خيطان بالسقف (طبعا ئول لحدا يلزئلي ياهن لأني ما بصل للسقف)

وساوي طيارات زغيرة من ورق وعلئن بالخيطان على أساس انن عم يطيروا

وبعدين جيب أشرطة الكاسيت وساوي فين أنفاق وجسور

وكنت أعمل إشارات مرور بالورق ولونن ولزئن عالسجادة

طبعا هادا كلو بغرفتي


وآخر شي.. آكل خنائة وضبن كلن

 

[عكــ البيلسان ــيد]

دخلك ماعملت فرع مرور بأخر الغرفة

 

[أمورة سوريا]

انا كان عندي لعبة كتير حبها ولهلأ عندي ياها
لابسة افرول زهر مرة نسيتها بسيارتنا والسيارة راحت على قسم بابا
بالشغل وانا بدي نام تذكرتها وبلشت ابكي لحتى اتصل فيون وجابولي ياها
(النصر لي)

​

 

[ḾǑŏǑŏǓĐỸ]

انا كان عندي لعبة كتير حبها ولهلأ عندي ياها
لابسة افرول زهر مرة نسيتها بسيارتنا والسيارة راحت على قسم بابا
بالشغل وانا بدي نام تذكرتها وبلشت ابكي لحتى اتصل فيون وجابولي ياها
(النصر لي)

​

 

[B.A.R.C.A]

دخلك ماعملت فرع مرور بأخر الغرفة

لا.. بس زكرتني.. كنت أعمل معسكر وحرب بالعساكر البلاستيك الزغار

بس طبعا على طرف الغرفة (يعني عند الباب) شنو بتكون الغرفة ما فيها إرنة تحط رجلك

 

[ČốηťĕṨṩก]

ذكرتني بأخي برسا هيك كان يعمل

 

[B.A.R.C.A]

ذكرتني بأخي برسا هيك كان يعمل

 

[نكهة جنون]

انا كان عندي لعبة كتير حبها ولهلأ عندي ياها
لابسة افرول زهر مرة نسيتها بسيارتنا والسيارة راحت على قسم بابا
بالشغل وانا بدي نام تذكرتها وبلشت ابكي لحتى اتصل فيون وجابولي ياها
(النصر لي)

​

النصر ع طووووول للبنات

 

[نكهة جنون]

ذكرتني بأخي برسا هيك كان يعمل

تذكرتي اخوكي ..

وحضرتك يا خااانم