لو البنات يدفعوا المهر شو بتطلبوا ياشباب؟

[لكبړيآئي قصھہ]

نعرف كم أصبح عبئ الحياة ثقيلا علينا وخاصة على الشباب الذين يريدون الزواج ولا يستطيعون
بسبب غلاء المهور وغلاء المعشية الذي نشهده اليوم في معظم الدول العربية والعالم بشكل عام . ونعرف أن جزء كبير من هذه المسؤولية يقع على الشاب عند التقدم لخطوبة الفتاة بحكم الدين والعادات والتقاليد من مهر ومصاريف وترتبيات الزفاف ... السؤال الذي أريد أن أطرحه اليوم فلو انقلبت الصورة وأصبحت الفتاة هي تتحمل تكاليف الزواج , فكم سيكون المهر الذي يطلبونه الشباب من الفتيات ؟؟؟؟
أتمنى التفاعل يا شباب


​

 

[ČốηťĕṨṩก]

امممممممممم


اي يلا جاوبوا لشوف

 

[ḾǑŏǑŏǓĐỸ]

بدي منها مهر ياستي قلبها وحبها الي بس

 

[لكبړيآئي قصھہ]

بدي منها مهر ياستي قلبها وحبها الي بس

يووووه شو هالرومنسية هي ماعم اعرفك

بهيك وضع صاروا البنات هنن المتطلبين نعني


​

 

[B.A.R.C.A]

هلأ إذا كان المهر ممكن يصير معنوي فكلمتين حلوين بيكفوا..

بس إذا لازم يكون مادي بدي بوغاتي 2011 وموتورسيكل وجيت سكي وطيارة خاصة وقصر بالجميرا جنب برج العرب وشقة ببرج خليفة وشهر عسل بفندق آتلانتس..





لك اي خلوا المهر ع الشب أحسنلكن

 

[RoOoR]

هلأ إذا كان المهر ممكن يصير معنوي فكلمتين حلوين بيكفوا..

بس إذا لازم يكون مادي بدي بوغاتي 2011 وموتورسيكل وجيت سكي وطيارة خاصة وقصر بالجميرا جنب برج العرب وشقة ببرج خليفة وشهر عسل بفندق آتلانتس..





لك اي خلوا المهر ع الشب أحسنلكن

اذا هيك رح يكون مهركن

فخليها عليكن أحسن

 

[B.A.R.C.A]

اذا هيك رح يكون مهركن

فخليها عليكن أحسن

ما شا الله حولكن ما بتطلبوا شي أبداً

 

[mr_ops]

بس لو اجت عالشب انه يطلب مهر ( وعلى فكرة هي العادة موجودة بين الهنود بالهند .. اهل البنت بقدموا الذهب للشب او الفلوس للشب )

انا بشوف انه يطلب اونصة دهب ويكون محفور عليها اسمه واسمها للذكرى .. وبس

الشغلة معنوية مالها مادية يا جماعة ..

هاد من وجهة نظري وانا هيك بعمل لو عندي اخت او لو عندي بنت هاد يلي بطلبه ..

 

[fayroz]

المشكلة يا حبايبي ان الزيادة بتطبيق العادات
بحذافيرها والمظاهر عم يعيق كتير الزواج ببلدنا
وما عم يعملوا على مبدا
يسروا ولا تعسروا
والاهل سبب فشل كل زواج ما بتم
صح في مهر بس شي بما يرضي الله ورسوله

​

 

[mr_ops]

ابن عمي التاني .. لما كتب كتابه السنة الماضية .. طلبوا اهل البنت قرآن كريم وبس .. ولما اجا الشيخ ليكتب كتابهم قاله لازم يكون في شي مادي اقل شي 100 درهم = 1250 ليرة فقط لا غير ..

غير ناس بيطلبوا نفس المبلغ بس مع تلات صفار زيادة يعني حـ يكون المبلغ ( 1250000 )


وانتوا يا بنات .. حطوا انفسكن محل الشباب ولو رحتي لتتقدمي للزواج وطلبوا هالمهر الغالي شو بتعملي ؟؟؟ بتمنى من البنات انه يجاوبوني ..

 

[alqaesar]

بطلب أنو ما تتخلى عني شو ما صار و انو تحبني مدى الحياة

 

[لكبړيآئي قصھہ]

تعليقا على كلام همام

اخي شرعا المهر من حئ العروس يعني العريس ما رح يدفع شي الا لما يحصل طلاق


وبالنهاية المهر بيضمن حئ البنت ازا لا سمح الله طلع الزوج غير كفؤ

انت نشالله لما يصير عندك بنت بتصير تعمل المستحيل لتضمن حئها

وانا لما نخطبت اهلي طلبو مهر مو ئليل

بس ليضمنو حئي ومستئبلي

 

[mr_ops]

طيب سؤال مس سوسو .. اعتبري انه الآية معكوسة .. وانه البنت هي يلي بتدفع المهر للشب .. وطلب الشب مهر غالي .. شو بكون موقفك ؟؟


هلء صح المهر من حق البنت وانا ما قلت انه ما تطلب مهر .. تطلب بس بالحسنى .. مو تخرب بيت الشب ..

انا لما حكيت عن اونصة الدهب حكيت عن جماعة معارفنا زوجوا بنتهم وطلبوا مهر بس اونصة دهب ما طلبوا اي شي تاني لا لبس بدن ولا تكاليف تانية .. وفي جماعة تانية طلبوا شي معقول .. من الشب .. مو انه ضربوها علالالالالاوية وصارت طلباتهن تعجيزية .. بس اصلا المهر من حق البنت بس اطلبوه بالحسنى وارحموا الشب يلي كل شي عليييييييييييييييييييه ( انا متعقد من الناس يلي بتطلب بالملايييييين وفيلا وخدم وسيارات من كل شكل وكل لون .. هادا غير بيت الصيفية ومزرعة بالمنطقة الفلانية وبيت بالبلد الفلاني مشان يروحوا يصيفوا فيه ولو كان عنده كم بناية وكم محل تجاري بكون احسن )

وبالآخير بدي ئلك كلمة وحدة ..

الــقــنــاعــة كــنــز لا يــفــنــى
​

 

[STELLA]

أخي همام مافي داعي للعصبية

صحيح أنو موقف الشب مو سهل و أنا شخصيا ضدد المغالاة بالمهر

يعني الانسان فينو يطلب على قدر المستطاع

مو بالضرورة يكلف الشب اكتر من طاقتو

و بالنسبة للبنت أنو تحط حالها مكان الشب و كيف رح تدفع المهر

أول شي البنت ما بتطلع تخطب لحالها إلا بحالات نادرة و ما بتتقدم للشب و بتطلب الزواج إلا بحالات قليل حتى نسمع فيها

بقى من هالمنطلق بقلك صعب على الشب يطلب مهر لحالو

خاصة إذا كانت البنت ما عندها مدخول إلا مصروف أبوها

يعني بأسوء الحالات الشب بتلاقيه مأمن شغل

و برجع بقلك أنا ضدد المهر الغالي عن المعقول

بكفي شي يسد حاجة البنت

ومناخد من حديث الرسول عليه الصلاة و السلام عبرة {التمس ولو خاتماً من حديد}

 

[لكبړيآئي قصھہ]

اخ همام انا معك بعدم المغالاة بالمهور ولازم يكون بالمعئول

بس يعني المأخر ولبس البدن والدهب بعتئد من حئ البنت

وهالئصص الشب مجبور فيهون لانو شب وبيشتغل

يعني ما بظن في شب بيئبل على حالو انو اهل البنت يجهزوها او يحطوا مصاريف العرس ((( ولو هالشي عم يصير )))

وبالنهاية بس يصير عندك بنت تزكر كلامي انو

((( من الضروري انك تضمن حئها )))
​

 

[لكبړيآئي قصھہ]

مرة حكتلي ستي ئصة لهلأ بتزكرها


كان يا ماكان بئديم الزمان

شب قرر يتزوج راح خطب وحدة كتير حلوة أبوها للصبية ما طلب غير ليرة فضة مهر للعروس

المهم تم الزواج وسافر العروسين بالبحر وبنص الرحلة هبت ريح ووئعت العروس

العريس فكر كتير انو ينقذها ولا ينفد بحالو أخد وئت كتير بالتفكير ف غرئت العروس وماتت


المهم بعد فترة خطب مرة تانية وطلب أبوها للصبية 1000 ليرة دهب

وسافر هوة وياها بالبحر وهبت ريح ووئعت العروس بالبحر

جن جنون العريس وشك وراها وأنقذها بدون تفكير


لانو ((( اللي بيجي برخيص بيروح برخيص)))


قصة غير واقعية ومن زمان ستي وستك بس فكر فيها وبتعرف انو اهل العروس معون حئ بالمهر

 

[DE$!GNER]

{ أن امرأة أتت إلى الرسول عليه الصلاة والسلام فعرضت نفسها؛ ليتزوجها المصطفى صلى الله عليه وسلم فأعرض عنها، فأتى رجل فخطبها، فقال عليه الصلاة والسلام: أعندك شيء؟ قال: لا، قال: التمس ولو خاتماً من حديد، فذهب فلم يجد شيئاً، فقال: أعندك شيء من القرآن؟ قال: نعم. قال: ماذا عندك؟ -في بعض الروايات- قال: سورة البقرة، قال: زوجتك إياها بما معك من القرآن } والشاهد: التمس ولو خاتماً من حديد، فـ(لو) هنا للتقليل.

في فحوى الحديث (ولست فقيهاً دينياً) نستطيع الخلاص إلى أن استرخاص المهور أمر غير محبذ والهدف إنساني بحت وهو التفكير ملياً في عواقب الطلاق (المادية)...
وبالمقابل يشير الحديث نفسه إلى عدم الغلاء فيها إلى حد الإجحاف... (بما معك من قرآن)...

نستطيع هنا الوقوف عند اختلاف العصر - رغم أننا نعلم تماماً أن الدين والقرآن مرن لكل الازمان - إلا أن العقليات البشرية المادية أصبحت تطغى على الأصول الدينية... والتذرع دائماً (إن صح تسميته تذرع) الحفاظ على مستقبل الفتاة... الامر صحيح وخاطئ في الوقت ذاته...

وبالعودة إلى موضوع المس سوسو وباعتبارها لم تتطرق إلى من القائم على العمل في المنزل الزوجة أو الزوج فإنني اطلب شيئاً واحداً فقط: الاستقرار النفسي..

 

[mr_ops]

الحكي يلي حكاه ديزاينر صحيح مية بالمية ..

ويا مس سوسو .. بالنسبة الي انا .. لما بدي اخطب بكون عم اخطب لمستقبلي .. يعني عم اخطب شريكة حياتي يعني بدي اتقاسم انا وياها الهوا يلي عم نتنفسه .. ولما اخطبها ويقعد الاب يطلب مهر بين الـ مية الف والمليون بعرف وبفهم انه مستئرش الاخ .. متل هيك ناس انا يلي بـ غض النظر عن الموضوع وبقله اسمحلي ما عاد بدي ..

يا ناس يا عالم .. المهر شي معنوي وليس مادي .. هيك بتكونوا عم تخلوا الشباب العرب يتزوجوا من غير جنسيات .. والسبب هو غلاء المهوووور .. وهي حقيقة وخااااصة بالخليج في فئة كبيرة من الخليجيين ( اماراتيين تحديدا لاني شايفهم بعيني ) عم يتزوجوا فلبينيات وهنديات وباكستانيات .. صح كله خلئة رب العالمين بس بنت البلد اولى .. ياما في عوانس .. ليش مو بسبب غلاء المهر ؟؟؟



وبرجع بقووووول .. الــقــنــاعــة كــنــز لا يــفــنــى ...

ملاحظة : انا مالي معصب .. بس عم اتنااااقش مع الرأي الآخر وهو اصلا موضوع للنقاش

 

[لكبړيآئي قصھہ]

برجـــــع بئلك المهـــــــر مجرد حبر على ورق الى ان يحين الطــــــــــــلاق

وانا برأي اللي ما بيئبل يكتب على حالو مهر ونقد

ناوي يمرمط بنت الناس معو

ولما الزلمة يلعب بديلو المهر السلاح الوحيد بايد البنت

وفي شغلة مهمة لما البنت تكره زوجا رح تتركلوا كل شي وتمشي
​

​

 

[mr_ops]

((( اللي بيجي برخيص بيروح برخيص)))

انا حابب علق على هالجملة يلي حكيتيها .. الزواج او الخطبة مو سلعة بنشتريها لحتى نقول بيجي برخيص بروح برخيص .. الزواج تكملت نص الدين .. الزواج اعلى وارفع من هالقيم يلي عم يحطوها (والله مهر هالبنت هالقد) .. لما يكون الشب منيح وعلى دين وخلق .. بنكون عم نرتبط مع ناس قيمتها اعلى من قيمة ( تراب الدنيا او وسخ الدنيا ) وهي الفلوس .. شو بتساوي الفلوس قدام الصحة والعافية والسمعة الطيبة والاخلاق والدين ؟؟؟ ولا شي .. ما بتساوي شي نهائيا ...

اطلبوا بس بما يرضى الله وبالعقل ....

وبتمنالكن يا بنات انه يجيلكن شب على اخلاق ودين وسمعة طيبة