ماحدا يلعب بموبايلي ....!!!!؟؟؟

[مختار]

جزء لايتجزء من حياتنا اليوميه مانطلع إلا بالموبايل ومانقعد ولا نرتاح إلا مع ​

الموبايل ​

غير عن أهميته المعروفه إنه جهاز إتصال ​

صار يحوي أشياء كثيره منها المسجات والوسائط النغمات والشعارات و و و ...!!​

الجوال مثل السكرتير​

والتقويم اللي دايم نحط فيه التواريخ المهمه​

والمنبه >> بعدين مين يصحينا للدووام ​

ومانقوم الا بعد كم غفوه​

الملاحظ إن فئه عمريه معينه من سن الـ 18 إلى 25 أو 30 سنه​

يرفضون أي شخص يمد يده ويمسك جواله​

ودايماََ مايقولون ​

( ماحدا يلعب بموبايلي ولا حدا يمسكو) !! ​

هالجمله البسيطه تحوي معاني كثيره ..!!​

( اتمنى تفسيرها )​

ليش البعض منا مايرضى النظر في موبايلو>>مويخبص بمعنى يمسك عليك شي اقصد بس حب استطلاع يقرى المسجات ويشوف الصور ​

هل هو الحرص عليه !! ​

ولا من كثر المحبه !! ​

او طبع محد يقرب ممتلكاته !!​

او خايف من ان يشوف احد اللي فيه !!​

او يشوف قائمه الاسماء !!​

او مايحتوي من ( نغمات / مقاطع فديو)​

حاابب اعرف شو رأي كل عضو
​

 

[just@girl]

موضوع حلو

انا شخصيا ما بحب حدا يعلب باغراضي شو ماكانت

يعني القلم بترفز لو حدا طالعو من مكانو

لان ماحدا يحافظ على اغراضي متلي

يعني فيك تسال اهل البيت تلاقي ابسط شي هي الاغراض المدرسية بضل معي سنتين براحتها

جداد ومرتبين ومو ضايع ولا قطعة منا

بس خلي حدا يستعيرا :80:

اي اذا رجع ربعا بكون ممنونة

بالنسبة للموبايل

عنا ماما تعمل حملة تفتيش عليه

مسجات \ ارقام \.......\ الخ

متلا مسمية رفيقتي كوكيز

مين هي بقلا ماما هي يارا وليش كوكيز

((كوكيز هي في لبعة فاشن لباربي اسم البوس كوكيز فباربي لمن تصمم تقول كوكيز جانا لاف ذات))

وكانت البنت تدايق منا كتير

فبقل لماما السبب تردلي لا مابحب هيك غيري انا هالسماء الغامضة والمو صريحة ماتعجبني


((غامضة ليش شو قلنا..؟؟))

بعدين بسبب انو ماما تدور بالجهاز بضطر اني احذف مسجات معينة

انو متلا رفيقتي تشكيلي من bf او التانية تقلي مشكلة مع اهلا

هي اسرار رفقاتي ومابدي حدا يطلع عليها حتى لو ماما

يعني لو شافتا ليش هيك وشو صار ومين السبب؟

ولو عرفت انو رفيقني مرافقة شب خلاااااااص صارت البنت كخ ولازم فك العلاقة

سوري كتير على التطويل

بتمنى انك فهمت وجهة نظري

بس برجع قول اذا كان اللاب توب تبعي مطروق بالبيت كل ما يجي ضيف يطلبو ليدخل النت

فلا حرج على موبايلي لامي


تسلم على الموضوع

 

[جمانة]

والله يا ابو الشود
انا موبايلي مرمي 24 ساعة
لدرجة اني بتفاجئ اوقات بشوف فيه شي عشرين مس كول
مبالغة هي
قصدي انو انا عادي عندي
ما عندي شي خبيه
يلي بدو يلعب بموبايلي يلعب
ما بتفرء

يسلمو ​

 

[زهرة النرجس]

اي من ناحية يلعب او بمعنى اوضح يفتش اي اي احدا بمسك موبايلي مو مشكله بقرا مسجات او بفوت على النت

بس يعني بصراحه في عالم زنخه شو رايك بواحد ياخد موبايلك مشان ياخد منو رقم

هون لازم تقلو ما حدا يلعب بموبايلي

ولا مثلا اختك تجي تحكي مكالمة نص ساعه وانت يادوب بتحافظ على الواحدات

ممنوع حدا يلعب بموبايلي والامر هاد للجميع اولكم سامو
​

 

[لؤلؤة فلسطين]

يسلمو ع الموضوع

ومن ناحيتي انا عادي ما بتفرق معي
بس طبعا مو اي حد

 

[♥البرنسيسة♥]

انا كل اغراضي بحبن وإلن قيمه عندي :10:​

وكتير بتعلق فين يعني بحب تيابي بحب مكياجي ​

بحب اكسسواراتي وكمان بحب موبايلي ​

والموبايل صار شي شخصي للإنسان ممكن يدون عليه مذكره ​

ويحفظا ومو حابب حدا يقراها​

ممكن كون انا حاطه صور الي مابحب حدا يشوفا ​

جاييتني رساله ماحابه حدا يقراها:80:​

والحمدالله انا ورضو عنا عاده ماحدا بيبحبش بموبايل التاني ابدا​

الاباذنه طبعا ​

بس اوقات انا بحبش فيه بدون مايعرف :19:​

يسلمو مختارو بدي ميلو انا​

 

[روح الشام]

وانا موبايلي بأيد الكل كل واحد بياخدو بيفصل

شريحتي وبحط شريحتو

ملعبة جوالي

يسملو عالموضوع مختار

 

[§ Sammo §]

اي من ناحية يلعب او بمعنى اوضح يفتش اي اي احدا بمسك موبايلي مو مشكله بقرا مسجات او بفوت على النت

بس يعني بصراحه في عالم زنخه شو رايك بواحد ياخد موبايلك مشان ياخد منو رقم

هون لازم تقلو ما حدا يلعب بموبايلي

ولا مثلا اختك تجي تحكي مكالمة نص ساعه وانت يادوب بتحافظ على الواحدات

ممنوع حدا يلعب بموبايلي والامر هاد للجميع اولكم سامو
​

بديش:19::19::19:






ابو الشود متل ماقلت هل قطعة الصغيرة صارت تحمل اهمية كبيرة جواتها


بس دخيلك مين سائل ولو

يلي بدو يمسك موبايلي يمسكو بس ينتبه
مو ياكل بيتزا هو وعم يلعب بالموبايل سمعانة نرجس :19:





​

 

[ღRosa Blancaღ]

:19::19:انا ما حدا بيقدر يمسك موبايلي ويبحبش فيه اصلا يمكن اشتهو مرة وحدة بس يسمعو رنة مو بايلي لاني عطول حاططتو سايلنت :19::19:ووقت بنام بيكون تحت المخدة جنب راسي بقى ايمتى رح يصحلون يمسكوه وعكل لو شافوه بالسرقة بكون آخدة احتياطاتي

 

[المارد]

السلام عليكم لمن يكون في صور ومقاطع لعيلتك واهلك ويمد ايدو اكسر ها بس لاغير

 

[ĻàĎỷ iЙ ŖẼD]

موضوع كتير حلو اان شخصيا بطئ بموت اذا حدا مسكوه لموبايلي خصيصا اذا كانو اهلي
يااااااااااااااااااااااي بموت من لحظة ما يمسكوه لحتى يرجعو لئلي برجع بعيش
:19::19::19::19::19::19::19::19::19::19:
يعني موبايلي ما فيو شي بس ما بحب هيك زاج مرائ
يسلموووووووووووووووو محتار

 

[قمر الشام]

انا ما حدا من الكبار يفتش او بيمسكو اصلا
بس متل الولاد الصغار يلي عنا بالعيلة مابطيق يمسكو موبايلي
لانو بيهرو نعمتو ما بخلو لا رسائل ولا صور ولا اسماء لازم يكتشفو كل شي
وبتبلش بقا الغلاظة والمسخرة وموبايلي مابرن الا من عيلتنا اما ازا حدا مهم يعني بحطلو نغمة صامتة او رجاج :10:
بس يعني مافي شي بس يمكن رسائل من رفقاتي يعني شي مسخرة على حبيب رفيقتنا او شي فما بحب حدا يشوفا مو اكتر
يسلمو مختار على الطرح

 

[*EmiLy*]

أنا موبايلي بحسو مو الي لانو عطول بايدين اخواتي وادا اجا حدا لعنا عطوووول بيعطوه ضيافة موبايلي عم يعملو خير على حسابي

 

[شام]

انا اكتيررررررر
بحب الموبايلات تبعاتي

والون ذكريات اكتير حلوه عندي

لدرجه انه كل ماغير موبايل بخبي يلي ابله حتى لو مابدي ياه ومابدي استعمله

يسلمو على الموضوع​

 

[Senior Anas]

ممممممممممم انا مستحيل فكر بيع موبااايل لانوو في برامج بترجع كلشي انمسح من عالموبااايل مشان هيك يا عالحرق يا عالكسر يا خليه بالدرج اريحلي ​

 

[مختار]

انا كل اغراضي بحبن وإلن قيمه عندي :10:​

وكتير بتعلق فين يعني بحب تيابي بحب مكياجي ​

بحب اكسسواراتي وكمان بحب موبايلي ​

والموبايل صار شي شخصي للإنسان ممكن يدون عليه مذكره ​

ويحفظا ومو حابب حدا يقراها​

ممكن كون انا حاطه صور الي مابحب حدا يشوفا ​

جاييتني رساله ماحابه حدا يقراها:80:​

والحمدالله انا ورضو عنا عاده ماحدا بيبحبش بموبايل التاني ابدا​

الاباذنه طبعا ​

بس اوقات انا بحبش فيه بدون مايعرف :19:​

يسلمو مختارو بدي ميلو انا​

لك تسلميلي انتي هاتي كاسة وتعي
:19::19::19:

 

[مختار]

والله الحئ معكن صار الموبايل كتير مهم
ومتل ماعم يقول المعلم في برامج
بترجع كل شي حتى اسماء
بس كمان مامعقول تكبو او تكسرو لانو اكيد
رح يكون موديل حديث
عالعموم اهلا وسهلا بالكل نورتو جميع
​

 

[shadoo]

أنا مو بايلي عليه كلمة سر شيفره ماحدابقدر يفكها
ولو بكون وين ميكون ياويل إلي بمد إيدو عليه

لسبب واحد بس زي مقال مختار ببداية الموضوع زي السكرتيره
يعني إلي بدخل ع الموبايل بلاقي العجايب كلمات السر تبعات خمسين شي
وتواريخ مهمه وتذكيرات ومسجات وووو

يعني في خصوصيات بالعالم مو كلشي لمد الإدين
وبالمقابل أنا مابمسك موبايل حدا​

 

[فراشة الشام]

موبايلي هو سر نجاحي
:19::19::19:

أكيد موبايل كل واحد فينا بكون في عجايب خييييييييييير الله
مشان هيك لازم ينحطلو رقم سري
ويلي بمد أيدو عليه الله يكون معو
بكون عم يلعب بعداد عمرو

​

 

[mr.mimo]

والله موبايلي بين الايادي
هو فيو اللي فيو
بس ما في شي مخبى بالعيلة
يعني موبايلي صاير كميرة تصوير
الكل بتصور فيو
صاير عنا استديو بالعيلة
:19::19::19:
يسلمو مختار عالموضوع



​