ماذا تقدم لنا المسلسلات السورية

[الملاح التائه]

منذ فترة ليست بالقريبة أتابع المسلسلات السورية التي غزت الشاشات العربية​

فقد أصبحت الدراما السورية تحظى بأعلى نسبة مشاهدة في الوطن العربي لما تقدمه من مختلف القصص المتنوعة في شتى مجالات الحياة الاجتماعية بكل مافيها من خير وشر ومواقف مختلفة فيها السيئ​

وفيها الجيد فيها المفرح وفيها المحزن فيها التاريخي وقصص الأوليين وووووووو........​

والقائمة طويلة جدا ......​

لكن ؟؟؟؟؟!!!!!!!!!!!!!!!!​

منذ فترة بدأت تطفو ظاهرة غريبة في هذه المسلسلات​

ولو سألتم ما هي سأقول لكم وبكل أسف​

"التدخين"​

وإذا سألتم كيف ذلك سأقول لكم كيف ؟؟؟؟​

هل شاهد أحدكم مسلسل حديث الإنتاج منذ فترة قريبة ...........​

إذا كان كذلك فأنا متأكد بأنكم لاحظتم بأنه لايكاد يخلو مشهد من مدخن ويتعمد المممثل أن يشعل السيجارة في أول المشهد​

والأدهى من ذلك أن هذه الظاهرة لاتقتصر على الممثلين فقط​

بل تعدتها الى الممثلات الشابات ومهما كان نوع المشهد .​

مشهد حزن أو مشهد فرح أو مشهد حب أو حوار عادي​

فما المقصود من ذلك ؟؟؟؟!!!!!​

منذ فترة عرضت القنوات التلفزيونية ​

المسلسل التركي "سنوات الضياع "​

وأتوقع بأن نسبة كبيرة من الأصدقاء تابعوا هذا المسلسل ​

هل لاحظتم بأنه في هذا المسلسل ​

لم يحمل أي ممثل سيجارة في يده أبداااااا​

تابع الأفلام الأجنبية وأنا لاأدافع عنها هنا_هنالك كثير منها لاترى فيها مدخن واحد​

طبعا ليس كل الأفلام ​

فيا ترى ماذا يريد الممثلين والممثلات بهذا التصرف ؟؟؟؟؟؟؟؟؟​

 

[القيصر]

تسلم هالأنامل يا روح القلب


عم تحكي ذهب

يعطيك العافية ​

 

[كماتشو]

وفي ظاهرة تانية نسيت تذكرها انه ظهر ببعض المسلسلات مشاهد شرب الكحول والخمر والموضوع اقل من عادي
بس شو بده يحكي الواحد الله المستعان
تسلم ايدك على الموضوع الرائع

 

[PliiiJl JljJj]

والله هالظاهره عم تدعو الشباب للتدخين وهي ظاهره خطيره جدا





هلأ أنا مدخن بس والله ما بتمنى حدا يعلئ بهاد المرض
​

 

[المارد]

السلام عليكم الله يرضى عليك شو مسلسلات اجنبية كلها كحول واختلاط بشكل خيالي خلينا عالسوري احسن يسلمووووووووووووو

 

[الملاح التائه]

يسلموا يا شباب ع المرور
بشكر كل الأراء
​

 

[الملاح التائه]

السلام عليكم الله يرضى عليك شو مسلسلات اجنبية كلها كحول واختلاط بشكل خيالي خلينا عالسوري احسن يسلمووووووووووووو

يسلموا ع المشاركة عزيزي
بس أنا قلت أنو أنا ما عم دافع عن الأفلام الأجنبية إذا بتذكر.......
بتشكر مرورك..............​

 

[المارد]

السلام عليكم خيوووووو الرمد احسن من العمى مشكورررررررررررررررررر

 

[حسام الحلبي]

الملاح التائه أولا بشكرك على هيك موضوع بفتح باب النقاش بالفعل الترويج موجود كبير للتدخين بمسلسلاتنا السورية وخاصة النساء ............. وياريت وقفت عند التدخين بتلاقي أنو بصورو المجتمع السوري على أنو البنات عنا متحررين فوق العادة بطلع البنت على شغلها على أخر طرز والمكياج ( البويا ) كأنها رايحة على شي عرس ولابسة حفر ولبس غير لائق الا ( بنات الليل ) اسف على العبارة وبتشوف صديقها بتبوسو بالشارع قدام العالم وعادي وبحبها أحد الاشخاص وبقول لأمو أنو تخطبلو ياها وأول شيبتسألو أمو ( جلوة ؟؟؟ ) وأخر شي بيجي على بالها أخلاقها واذا انذكرت الاخلاق بييساوها قمة بالأخلاق وهي بتطلع من بيت أهلها ( باللمظلط ) قدام أبوها وأمها وأخواتها وأبوها فرحان فيها وبتجي بنص الليل قال وين كانت عند رفقاتها سهرانة ؟؟؟؟؟؟؟؟

أسف اذا كلعت عن صلب الموضوع يلي رح أرجعلوا بورجونا أنو الدخان بخلي الواحد زلمة وعم يتفشش فيها أو أنها أمر عادي وبخلوا الشباب يتباهوا بهالشي والمشكلة الأكبر أن التدخين للممثلات السوريات أكتر من الممثليين والله بحلقة من حلقات مسلسل ( سيرة الحب ) بكل مشاهد أمل عرفة السيكارة مانزلت من ايدها !!!!!!!!!!! موضوع يطول نقاشها بتمنى أسمع رأي اقي الأعضاء واذا بكلامي شي غلط أرجو التصحيح وشكرا وخاصة للملاح التائه

 

[الحسواني]

فعلا هي ظاهرة غريبة من نوعها وجديدة وكانو عم تعمل دعايات لشركات الدخان

صارو متل افلام الكاو بوي .. معظمها كانت تعمل دعايات لشركات المالبورو والوينستون

وفي مظاهر تانية كمان كتير عم تنتشر متل السفور الفاضح والعلاقات والحب وتشليخ القلوب

يعني كنا نحكي عالافلام المصرية (عذرا من الاخوة المصريين ولكن هادا واقع )صرنا على اسوأ

صحيح في مسلسلات عم تعالج قضايا حلوة وعم تحذر من اشياء متل الايدز ولكن طريقة طرح المشكة خطأ
وبلاحظ في بعض المسلسلات سواء اكانت سورية او مصرية عم يتطرقوا لمسألة الاسلام وعم يشوهوا صورة الاسلام بنظر العالم

متل في واحد من المسلسلات بحطو انسان ملتزم لدرجة انو بتسلم عليه وحدة ما بيرد وبيدير وشو وبيقول اعوذ بالله ..فايمتا الاسلام حرم السلام على المرأة سواء أكانت سافرة او حتى بلا اخلاق

فحطو هيدي الشخصية بانها معقدة نفسيا ومريضة من الداخل بشكل مقرف ومنفر

وحتى اخر مسلسل واسمو ليس سرابا بظن شايفيني .. شفتو الولد اللي بيرجع مدري من اي دولة وبيصير متشدد لدرجة انو ما بروح بيسلم على خالتو مدري عمتو
فاي اسلام هادا اللي عم ينشروا ويفهموا للناس
والدجال اللي بيصوروا انو شيخ وملتزم وهي انسان حبيب نسوان ..وبيعتدي عليهن

فحسبي الله ونعم الوكيل

شكرا الك على هالموضوع الجميل والطرح المميز

بحيك

 

[Life of the soul]

كلاام رائع حساام وبالفعل صارت هي العادة كتير بتفرجينا شغلات سيئة
وعم تسيئ لسمعة البنت السورية بشكل عام
واذا كان كلامك انو البنت عم تطلع بالمظلط ع الشارع هيدا كلو تقليد
للاجانب للاسف يلي مفتكرينو قدوة
وهو عبارة عن تقليد سيئ واكثر من سيئ
واذا عن التدخين صار عادة مو بس عند المثليين وعلى الاخص الممثلات السورية
صار عادة عند الشباب والبنات بالوقت الحاضر
والله يسترنا ويحمينا من الاعظم
وشكر خاص لصديقنا ملاح التائه
​

 

[روح الشام]

فعلا هي ظاهرة غريبة من نوعها وجديدة وكانو عم تعمل دعايات لشركات الدخان

صارو متل افلام الكاو بوي .. معظمها كانت تعمل دعايات لشركات المالبورو والوينستون

وفي مظاهر تانية كمان كتير عم تنتشر متل السفور الفاضح والعلاقات والحب وتشليخ القلوب

يعني كنا نحكي عالافلام المصرية (عذرا من الاخوة المصريين ولكن هادا واقع )صرنا على اسوأ

صحيح في مسلسلات عم تعالج قضايا حلوة وعم تحذر من اشياء متل الايدز ولكن طريقة طرح المشكة خطأ
وبلاحظ في بعض المسلسلات سواء اكانت سورية او مصرية عم يتطرقوا لمسألة الاسلام وعم يشوهوا صورة الاسلام بنظر العالم

متل في واحد من المسلسلات بحطو انسان ملتزم لدرجة انو بتسلم عليه وحدة ما بيرد وبيدير وشو وبيقول اعوذ بالله ..فايمتا الاسلام حرم السلام على المرأة سواء أكانت سافرة او حتى بلا اخلاق

فحطو هيدي الشخصية بانها معقدة نفسيا ومريضة من الداخل بشكل مقرف ومنفر

وحتى اخر مسلسل واسمو ليس سرابا بظن شايفيني .. شفتو الولد اللي بيرجع مدري من اي دولة وبيصير متشدد لدرجة انو ما بروح بيسلم على خالتو مدري عمتو
فاي اسلام هادا اللي عم ينشروا ويفهموا للناس
والدجال اللي بيصوروا انو شيخ وملتزم وهي انسان حبيب نسوان ..وبيعتدي عليهن

فحسبي الله ونعم الوكيل

شكرا الك على هالموضوع الجميل والطرح المميز

بحيك

والله كلامك صحيح مية بالمية في مسلسل اسمو ليل ورجال

كتير مسلسل غريب وكلو اشياء خطأ

ميرسي عالموضوع

 

[قيــ الروح ــثارة]

والله جد ميرسي الك
لأنو مبارح كنت عم أحكي مع ماما بهالقصة
قلتلها انو مو ملاحظة انو كل مشهد لازم رجال ونسوان يدخنو​

قامت ردت عليي وقالتلي بيجوز كلو هالجييل طالع بيدخن وبيخرم لهيك بيدخنو حتى مع المسلسلات​

وانا لاحظت كمان أنو المشروب انتشر بالمسلسلات كمان
مع العالم أنو بيكون مشروب حقيقي لا بيبسي ع تفاح ولا هم يحزنون وذلك بناء على تجربة شخصية​

وسؤالك ما بعرف جاوب عليه
لأنو يمكن هو جد متل ما قالتلي ماما
ويمكن قصة عم يتحضرو وكأنو الحضارة بهيك قصص يعني
أو ما بعرف بصراحة بس جد موضوع حلو​

ميرسي الملاح التائه​

ومشان رد الحسواني حلو حكيك
بس اللي مو عايش تجارب شخصية غريبة ما فينو يتفاعل مع المسلسلات اللي حكيت عنها يعني هلئ مثلا مسلسل ليس سرابا اللي حكيت عنو حضرتك(مع انو مسلسل جدا حلو وواقعي)
عايشتو بكل تفاصيلو
طبعا مو انا
بل أقارب الي
ودور الفنان وائل شرف كدور ابن عمتي لا راح ولا اجى
يعني في هيك بالواقع ولا تجزم أنو هالشي مو موجود
​

 

[lavander]

التدخين مضرة والابتعاد عنه مسرة


الارجيلة ارجل على رأي ابو المر


هي لو وقفت القصة بس على الترويج للدخان كنا بألف خير


الله يحفظنا عم نشوف اشيا اخطر من الدخان وكلها تهدف لهدم الجيل وتعليمه اشيا سيئة

ولكن لاأنكر ان فيها الجيد ايضا يعطيك الف عافية اخي الكريم

 

[حسام الحلبي]

أنا بحي فتون على رأيها بالفعل مسلسل ليس سرابا من المسلسلات السورية النادرة الغاية في الضبط والاقتان لاتخلوا من مشاهد التدخين الأ أنها لاتؤذي بمشاهدتها الغير وأنا بحي بالفعل الفنان وائل شرف والفنان عباس النوري والفنان سلوم حداد وكاريس بشار لأنهم بالفعل كانوا نسيج متكامل لأنجاح هالمسلسل وأنا بعد هالمسلسل الى جانب أهل الراية أجمل ماعرض في 2008 مشكورين جميعا

 

[قيــ الروح ــثارة]

أنا بحي فتون على رأيها بالفعل مسلسل ليس سرابا من المسلسلات السورية النادرة الغاية في الضبط والاقتان لاتخلوا من مشاهد التدخين الأ أنها لاتؤذي بمشاهدتها الغير وأنا بحي بالفعل الفنان وائل شرف والفنان عباس النوري والفنان سلوم حداد وكاريس بشار لأنهم بالفعل كانوا نسيج متكامل لأنجاح هالمسلسل وأنا بعد هالمسلسل الى جانب أهل الراية أجمل ماعرض في 2008 مشكورين جميعا

ميرسي كتير مسيو حسام خجلتني

وانا كمان معك انو أهل الراية أجمل بكتير من باب الحارة​

 

[الوعد السوري]

أولاً بحب أشكرك أخي الكريم لأنك تطرقت لهاد الجانب في المسلسلات السورية, في البداية لابد أن نعترف بريادة الدراما السورية عربياً وبرأيي تخطت الآخرين بشكل كبير, أما بالنسبة لظاهرة التدخين فعلاً ظاهرة مثيرة للإهتمام , باعتقادي أن المخرجين لهم الدور الأكبر بهذه المواضيع فلايمكن أن يتركوا الممثل يشعل السيكارة أو يدخن من حاله إذا لم يطلبوا منه ذلك, ولكن الأخطر هو التأثير على الذي يجب أن ندرسه بعناية على فئة المراهقين فعندما يشاهد المراهق/ة ممثلين يعتقدهم نماذج له (مثل باسل خياط- سلاف فواخرجي- جمال سليمان- تيم حسن ..... إلخ) فمن سيقنعه بمضار التدخين فعلاً هذه الظاهرة مقلقة جداً,
وأتمنى من الجمعيات الأهلية مثل جمعيات التي تهتم بأبحاث السرطان وغيرها أن تلفت نظر القائمين على الدراما السورية بخطورة ما يقومون به , من حيث يعلمون أو لا يعلمون​

 

[§ أبو المر §]

والله عم تحكي درر لافندي الأرجيلة أرجل
بعدين ليش وقفت على السيجارة شوفو الحب وقصص الحب
والفساد شعب فاضي راضي بس عم يسلخ مسلسلات

 

[جذابه بس كدابة]

ماشاء الله على موضوعك المميز
بجد موضوع جميييييييييييل
وعلى فكرة انا بحب مسلسل سنوات الضياع اوووووووووووووووووووووووووووووووووووووووووووووووووووووووووى​

 

[Cosette]

لك يا لافندي الارجيلة مضرة اكتر من التدخين
المهم
برجع للموضوع
يمكن زادت مشاهد التدخين عاساااااااااااااااس لتدل على الحضارة وما بعرف شو
بس بظن هالشي بيدل على التسيب يلي صاير بالبلد
لا اكتر ولا اقل
يسلمو ملاح عالموضوع
تقبل تحياتي