ماما لا تتركينــــــــــا...!1!

[ĻàĎỷ iЙ ŖẼD]

القصيده هي كتبتا من شي اسبوعين وئت ما امي مرضت وعملت عمليه

والحمدالله هلئ ئامت بالسلامه ورجعتلنا



يا امي لا تروحي وتتركينا

رجعي ئلي ولاخواتي ضمينا

رجعي ازا غلطنا تبهدلينا

وازا زعجناكي تئتلينا

بس لا تروحي وتتركينا

اليوم وئت شفت دموعك

حرئتي ئلبي وحرئتينا

يا امي بعرف بتحبينا

ولو في متلك بهنينا

ما كنا بكينا

بس انتي الوحيده لي عوضتينا

عن حنان بابا وربيتينا

اكتب ودمعتك بعينينا

كرمال الله لا تروحي وتتركينا

رجعلينا مشافايا وعانئينا

فتحي ئلبك ئبل ايديك وضمينا

من ريحتك لا بيوم تحرمينا

وازا مرضنا بمسحا من ايديكي بتشفينا

ولو ما شفينا طول الليل تسهريلنا

انت بتعرفي وانا بعرف

من دونك ما تسوى نعيش سامحينا

لو بيوم غلطنا بحئك غفريلنا

غلطنا بحئك كتير

وئلتي ما عليش بتكبر وتصير

نحنا وزغار دئتي المر لجمعتينا

عيله وحده وببيت بئلبك بنيتيلنا

كبرنا ونسينا شو عملتيلنا

ئسينا عليكي وكنتي تضحكيلنا

دموعك ما جفت من عيونك كرمال بس تعيشينا

احلى عيشة بعيد عن عدوينا

تحملتي كتير من اهالينا

وصبرتي كتير علينا

شتئنا ضمينا لصدرك وتبوسينا

ونبكي عكتافك وبشفافك دموعنا تمسحيلنا

اختي روشان عم تبكي

وئاعده بزاوية الغرفه تشكيلنا

بمسحلا دموعا تزيد بكي وتصرخ

بدي ماما لا تفارئينا

ولا رولا

ماسكه المصحف تدعيلك وتدعيلنا

بدموعا بللت ورئ المصحف

يا ماما تعي حنيلنا

مسكت بتوبك وصارت عم تشم ريحتك

وتصرخ ماما كرمال الله لا تتركينا

وانا بصرخ وبئلك

لا تروحي وتروحينا

بحبك بنتك روز ( نيرمين)
بقلمي
​

 

[عمر رزوق]

نيرمين

الحمد لله على السلامة

هذه المشاعر الفياضة لا يمكن أن تكون غير حبا للأم
الأم لا تغضب على أولادها وما بتزعل منهم مهما عملو
وما بينفع نغلط مع الأم خاصة وأذا غلطنا على طول نطلب السماح والمغفرة
فالجنة تحت أقدام الأمهات
أمك ثم امك ثم امك ثم أباك
لا ملاذ للشخص إلا حضن أمه فهناك يجد الأمان والحنان .
شفاها الله وأتم عليها بالصحة والعافية
وألهمك أنت وخواتك برّها


إحساس جميل

علّ القارئ يحاسب نفسه عل تصرفاته


شكرا لك


عمر رزوق


أبوسنان
​

 

[Faby]

كتير حلوة وجمالها انها طالعه من القلب
بالفعل دمعو عيوني وانا بقراها
الله يخليها يارب ويعافيها

 

[فرآشة الياسمين]

الحمد لله ع سلامتها كل الأمهات غاليات ومافي اغلى من الأم ومافي أحن من الأم الله يخليهن فوق راسنا ويسلمو نيرمين كتير حلوة القصيدة مشاعرك طالعة من صمصومة قلبك

 

[دموع الورد]

الحمدلله عسلامة الوالدة نيرمين والله يخليلكن اياها
ويخلي امهات المسلمين اجمعين


​

 

[آلبتول]

رغم بساطة كلماتك لكن رددتها لنا على نغم روحكِ المفعمة بالمشاعر
:
.
عندما نبكي من قسوة الدنيا نرتمي في حضنها والدمعة في عينيها سارية
وعندما نغزل الفرح تبشر لنا في سعادة
أمي ملاذ الصبر وبسمة الأمل
​

 

[ملك وسلطان]

كلمات القصيده بسيطه ..بس طالعه من جوات ئلبك وهاد الحلو فيهآ..
عنجد حلوه كتير ..يعطيكي الف عافيه
والله لايحرمك آمك ولايحرم حدا أمو يآرب..ويخليلك يآها فوق رآسك وفوق رآس آخوآتك
آحلى نيرمين..
عم نستنآ جديدكـ..
تحيآتي..BaDeR

 

[ĻàĎỷ iЙ ŖẼD]

شكرا لكم اعزائي
مرورك اسعدني وحروفكم الهمتني

نورتو
​

 

[MALAK AL7OB]

الحمدلله على سلامة امك والله يحفظها لك ويحفظ لي امي وكل أم كلمات معبرة بسلاستها انسابت بكل حنان لقلوبنا تعجز الحروف عن وصف الأم مهما قلنا لن نوفي الأم حقها ........أمي أنت شريان قلبي فبدونك لن أعيش

 

[ĻàĎỷ iЙ ŖẼD]

لا ادري ما اقول والحروف انتهت
جف حبر قلمي وانتهت كلماتي
عند حضورك الراقي بين متصفحي
على ضوء القمر رايت حروفك
تناثرت على صفحات السماء
لتزينتها بجمالها البراق
وتنثر عبيرك برقة فاقت زهور الاقحوان
شكرا لمرورك العذب
​