ماهو الفرق بين الكراك والباتش والكيجين والسيريال نمبر???

[B.A.R.C.A]

اول شي لنتعرف على سبيللينغ الكلمات اللي رح نستخدمها..

الكراك === Crack
الباتش === Patch
الكيجين === Keygen
الرقم التسلسلي === Serial Number


وهلأ منبدا علي بركة الله...

كتير استخدمنا هالمصطلحات باستخدامنا للبرامج، بس يا ترى منعرف انو في فرق بيناتا؟؟؟ وحتى لو منعرف، طب منعرف كيف نفرق بيناتا؟؟؟ او حتى كيفية شغلا؟؟؟

متل ما منعرف في شركات منتجة للبرمجيات بتنزل نسخ تجريبية يعني Beta الى الاسواق لجذب المستخدمين للمنتج تبعا وهادا عن طريق الاعلانات لهالمنتج بطرق كتيرة..

منشان هيك بتنزل النسخة التجريبية لمدة تجريبية محددة للمستخدم، وبعدا بيوقف البرنامج عن الشغل او بتنحجب بعض الخواص اللي بالبرنامج وعادة بتكون هالخواص من اهم الخواص بالبرنامج لحتى يشتريه هالمستخدم المسكين (متلي ومتلك)..

ونحنا منحمل كراك او كيجين او باتش او سيريال نمبر منشان يتفعل البرنامج بدون ما ندفع ولا نغلة..

الباتش والكيجين والسيريال نمبر انواع للكراك.. وكل واحد منن الو هدف واحد مع اختلاف طريقة العمل..

فالكراك بيتكون من مجموعة من الملفات -أو ملف واحد أحياناً- وظيفتها فك الحماية من البرنامج وتخليه يشتغل بدون ما نشتريه..

والباتش هو اداة بتلزق بالبرنامج ووظيفتها تعطيل الخيارات اللي بتطلب من المستخدم التسجيل والشراء منشان يفتح البرنامج ويشتغل بمميزاته كاملة..

اما الكيجين فهو برنامج مشاركة بيتحكم بالبرنامج وبيساويه محدود الاستخدام اذا ما بينشطو المستخدم برق معين برمجي..

والرقم التسلسلي هو رقم بينحط بالبرنامج لفتحو وللاستمتاع بكل ميزاتو وهي العملية بتصير وكاننا كنا سجلنا عند الشركة ودفعنا المصاري المطلوبة ليعطونا السيريال نمبر..

ولاننا بموضوع عن الكراك، فبيخطر ببالنا كيف ممكن نركبو بكل انواعو وبالطريقة الصح لنفعل البرنامج..

وعنا هون طريقة تركيب هالكراك:
* بعد ما نفك الضغط عن الكراك مننسخ كل الملفات الموجودة بالمجلد.
* ومنسكر البرنامج اللي بدنا نحط فيه الكراك.
* منفتح مجلد البرنامج من محرك الاقراص C.
* وبعد ما نفتحو منلصق اللي نسخناه من مجلد الكراك.
* واذا اجتنا رسالة لتاكيد الاستبدال منضغط موافق.
* منفتح البرنامج من جديد.
* اذا ما صار ولا تغيير، منسكرو ومنروح عمجلد البرنامج ونضغط ضغطتين على الكراك ومنختار Patch، ومنرجع منفتح البرنامج من جديد.

وكمان عنا هون طريقة استخدام السيريال نمبر:
* وهي خطوة واحدة بس وهي اننا من بين خيارات البرنامج منلاقي خيار Register أي تسجيل ومندخل الرقم.

وكمان طريقة تثبيت الباتش:
* نفس طريقة تركيب الكراك، بس يمكن احيانا الباتش يطالعلنا ارقام تسلسلية (Serial Numbers) ووقتها بيكون اسهل علينا نركبها بنفس طريقة تركيب السيريال بالفقرة السابقة.

والكيجين:
* الكيجين على اسهل واسهل لانو هو اصلا شغلتو انو يطالعلنا ارقام تسلسلية بمجرد اننا نكبس على Generate ووقتها البرنامج لحالو بيطالعلنا سيريال نمبر ومنركبو متل طريقة تركيب اي سيريال.




وآخر شي بحب قول ملاحظة مهمة كتييييير، وهي انو الكراك والباتش ممكن يدمرولك جهازك اذا شي ابن حلال حب يحطلك فايروس او ملف تجسس او اي شي ممكن يضرلك جهازك، ومنشان ما تنضر فحاص الكراك بكل برامج الحماية اللي عندك قبل ما تشغله وبعدين استخدمو عادي...


خلص الموضوع...سلااااااااااام...

 

[B.A.R.C.A]

وين الاعضااااااااااء؟؟؟
شو ما عجبكن الموضوع؟؟؟

 

[دموع الورد]

موضوع كتير مهم ورائع

يعطيك الف عافية

مشكوووور
​

 

[B.A.R.C.A]