ما رأيك بصداقة تتحول الى حب

[قمر الشام]

لنفترض بان لديك صديق/صديقة غالي عليك وتتعاملو انتم الاثنان كأخوة وصداقة لا غير
ومع مرور الزمن يعترف لك/ي صديقك/صديقتك بأنه يحبك وتتبادلتو هذا الشعور و اصبحتو تعيشو قصة حب رائعة ،ولكن المشاكل بدأت تكثر واكتشفت بأن هذا الشخص(اي حبيبك) عندما كمنتم اصدقاء كنتم اقرب لبعض وكانت صداقتكم خالية من المشاكل والان حبكم مليء بالمشاكل بهذه الحالة ماذا ستفعل هل ستقترح عليه ان تعودو اصدقاء كما كنتو ام تكمل الحب المليء بالمشاكل ام تنفصلو ام لديك رأي اخر
بتمنى الكل يعطينا رأيو

 

[§ Sammo §]

بأي علاقة في مشاكل
بالعكس وقت الواحد بيحب بيتعلق بالشخص اكتر من انو اصدقاء
ويمكن من خوفو عليه يعمل مشاكل
بالعكس اذا الطرفين بيحبو بعض
لازم يحلو المشاكل
ويكونو سالب وموجب ببعض الحالات
لانو سالب مع سالب مابيتفقو ولا موجب مع موجب بيتفقو
بالعكس وقت يوقفو بوش مشاكلون ويحلوها بمنطق وحكمة بيقوى رابطة الحب يلي بيناتهون اكتر
اما اذا فكرو انو يبعدو عن بعض هاد ما اسمو حب
معناها خليهون اصدقاء عم يضحكوا على بعض بأنو بيهتمو ببعض احسن


هاد رأيي

يسلمو قمور
​

 

[khaled sss]

اما موضوع يرجعو اصدقاء..مستحيل...لانو اذا رجعوا اصحاب فمعناته انهم بينسوا الحب
الحب بدون منغصات اومشاكل مالو .. طعمه ولا لون طبعا ادا حبوا.. وبطلوا حيتفارقوا تحياتي

 

[زهرة النرجس]

بعتقد انو لو صارحو بعضض بحبهم مستحيل يرجعو اصدقاء متل اول لانهم رح يضحكو على بعض او بالاصح رح يمثلو يعني يا اما يساعدو بعض على حل المشاكل ويحافظو على حبهم او رح يفترقو

 

[Cheotic]

موضوع كتير حلو ونقاش مهم وانا صار معي نفس هل الحكي تماماً


هلئ انا يلي صار معي انو تمام التمام وعال العال واكيد في شوية مشاكل لأنو الحياة كلها لازم يكون فيها المشاكل بين كل العلاقات

بس لو كان صاير معي هيك فأظن انو رح حاول انو حلها ما انحلت مســـــــــــــــتحيل انو نرجع اصدقاء لأنو كتير صعب بس بفضل انو نترك بعض و بالأيام لنشوف شو رح يصير ممكن بعد ما كل واحد يلافي حبيبو يلي يفهمو ممكن نرجع اصدقاء

وفعلاً موضوع كتير حلو بهنيكي على الفكرة الرائعة

 

[ليليان]

انا بعتقد انو ما لازم يرجعوا اصدقاء
وكمان بنفس الوقت ما بيصيروا اعداء
يعني اذا شافوا بعض بيسلموا على بعض
وما يحملوا حقد لبعض لأنو بيوم من الايام
الطرف التاني كان صديقوا وحبيبوا للطرف الأول
وبنفس الوقت انا بحس انو الصداقة يلي تتحول لحب
تكون مميزة لانو بيعرفوا بعض من زمان ويعرفوا اطباع
بعض وعاشوا مع بعض فترة منيحة من دون أي مشاكل
وانا هيك رأيي يسلموا حبيبتي عالموضوع
ليليان​

 

[قمر الشام]

شكرا على مروركم وطرح ارائكم الرائعة
انا برأي الحل المناسب انو يوأفو بوش مشاكلهم ويحلوها لان الصداقة يلي بتتحول لحب بتكون كتير قوية

 

[مختار]

اول شي مششششششكور كتير على هل موضوع الروعة اذا بيحبو بعض حرام يتركو بعض ويرجعو اصدقاء متل ماعم تقولي بس كمان مالازم يصير كذب بيضلو طول عمرهن اذا صار في كذب بحرف واحد بيصير في زعل ومشاكل ومافي شغله بالحياه ومافيها مشاكل يعني شي عادي يصير مشكلة مهن مشكورة

 

[PliiiJl JljJj]

الحب حلو ولو كان في شويه مشاكل