مسابقة أفضل مشاركة في أرض البيلسان (للتميز عنوان )

[mahmoud salih]

أدارة أرض البيلسان ترحب بكل الحب والوفاء رواد منتديات أرض البيلسان

ودائما نسعى لرقي هذا الصرح بكل ما أوتينا من قوة وعلم


ومن هنا نعلن عن بدء التسجيل في مسابقة شهادة المشاركات المميزة

ضمن وسام حصري لصاحب اللقب وهو :

شروط المسابقة :

1_ على أن لا يكون عدد المشاركات أقل من 150 مشاركة للعضو المشارك

2_ على أن يكون جميع الردود لكافة الأعضاء من أبداعهم الشخصي


كيفية تقديم الطلبات للدخول ضمن المسابقة

على جميع الراغبين المشاركة ما عليهم سوا أن يضعو مشاركة خاصة بهم في أحد الأقسام

الطاولة المستديرة

الشعر والخواطر

ثقافة عامة

سواء كانت مشاركة قديمة أو حديثة ما عليهم سوا وضعها هنا مع رابط الموضوع المشارك/ة به/ــا

المسابقة مفتوحة على جميع من تتوفر لديهم الشروط السابقة أعلاه

حرر بـ 23/1/2010

وآخر موعد لتقديم الطلبات بـ 27/1/2010

ولكم كامل مودتي أنا شخصيا الراعي الرسمي

محمود عادل الصالح
​

​

 

[Life of the soul]

يعطيك الف عافية مووودي
مسابقة رائعة
وبانتظار المشاركين والمشاركات ​

 

[عكــ البيلسان ــيد]

فكرة كتير رائعة
اب الميد
وهاد الشي مو غريب عن
البيلسانيين



جاري البحت عن هالمشاركة

بدي حطت أوسمة متل ​

 

[الوعد السوري]

شو هالأفكار الجهنمية يا أبو الميد

روعة
بالتوفيق للجميع

​

 

[Dark Heart]

عجبتني الفكرة و يمكن شارك ....... :10:
ميرسي مووووودي
​

 

[CoOoL CaAaT]

وانا عجبتني الفكرة كتير بس يمكن ما شارك
بالتوفيئ للجميع ​

 

[somsom]

يسلم هالايدين مودي

و good luck للكل

​

 

[mahmoud salih]

بدء العد التنازلي
​

 

[الوعد السوري]

10 ......
​

 

[دموع الورد]

يسلمو مودي
كتير حلو لحتى كل واحد يظهر مواهبو​

 

[Cosette]

مجهود رائع مودي
وطبعا الاختيار رح يكون كتير عصب
لانو المتميزين عنا بالبيلسان كتار
وبالتوفيق للجميع

 

[Bilal Mohammad]

الله يعطيك العافية ابو الميـــد
​

وبالتوفيـــق للجميع


9...:19:​

 

[دموع الورد]

عجبتني الفكرة وان شاء الله رح شارك فيها

واللي رجعة بس لحتى فكر بالموضوع اللي بدي شارك فيه ​

 

[دموع الورد]

هاد هو الموضوع يلي راح شارك فيه بالمنتدى ​

ان شاء الله يعجبكم وتناقشو معي وتعطوني ارائكم
​

http://albailassan.com/vb/t46775.html​

 

[jiana]

مودي شكرا ع المسابقة وأكيد بدي شارك وهيدا الموضوع
http://albailassan.com/vb/t44898.html
توكلت على الله ادعولي ​

 

[فايق و رايق]

افكارك دائما خنفشاريه بحته من الدرجه سالب موجب

يسلمو

انا حابب شارك بهادا الموضوع
http://albailassan.com/vb/t17219.html
http://albailassan.com/vb/t17219.html

عالهامش: اكتشفت انه هادا المضوع الوحيد الي بالطاوله المستديره
​

 

[aaaaay]

الفكرة حلوة بس معايير الأختيار رح تكون صعبة أكيد
شكرا يا مبدع​

 

[ZOZ]

عمو ابو يزن ممكن شارك بلييييييييييييييييييييييييييز​

 

[موجة بحر]

بما انو لسا ما حدا حط اي مشاركة
حبيت شجع وحط بعض المشاركات الي عجبتني
والي بظن انها مميزة
طبعا هي بعض منها وفي لسا كتير مشاركات مميزة

في مشاركة لجمانة بموضوع ( موضوع محير أرجو ابداء الرأي )

والله صار التسول موضة هالايام
بس لما تشوف واحد متسول بتحس خاطرك مكسور
و بتعطيه غصب عنك
حتى لو فكرت انو ممكن هالشخص يكون معو
ممكن هالشخص يكون كزاب
بس بظن الافضل انك تساعدو من طيبة نفس
و هو يصطفل منو لربو
و ازا انت ما عطيتو
غيرك رح يعطيه
و التسول بحسو متل الادمان
لما الواحد بيبلش فيه صعب يتركو
لانو تعود انو تجي المصاري بدون اي تعب
مع انو فيه لو يشتغل يغسل سيارات كرمال لقمة العيش
ولا يشحد مصاري من الناس

و بالنسبة لمصير الولاد
اكيد رح يكون متعلق بمصير اهاليهم مية بالمية
لانو لما تعلم ولدك انو يحصل على يلي بدو ياه بمجرد السؤال
بعمرو ما رح يعتمد على حالو
و مصيرو انو رح يضل متل ما هو
عالة ع المجتمع
وجودو لا بيقدم ولا بيأخر

فأنا بتمنى يعني لو الاباء والامهات حتى لو كانو متسولين
يبعدو ولادهم عن هاد الطريق
و هالمصاري يلي بيحصلو عليها
يستغلوها ولو بالشي البسيط
في تعليم ولادهم
لانو الشهادة سلاح

كمان رد فوزية بنفس الموضوع
​

هو شي فعلا يطرح تساؤلات كثيرة ...بس االدين ماخلى شي ما شمله فالمحتاج عمره ما يمد إيده ويستجدي الصدقة ...تعرف ليش؟ لأنه بيستحي....أما هؤلاء الفتية إلي في عمر الزهور والشباب الي عامل حاله معوق... والي بيستهبل والعجزة الي يجري خلفك من مكان لتاني.. من اجل كم دينار.. فهؤلاء أصبحت كل الأمكنة وين مارحت تعج بهم...حتى أنه لو أعطيته خبز أو أكل ما يقتنع وما يقبله ويتمتم بينه وبين حاله كانه بيشتم ...
أنا ضد أني أشجع خاصة الأطفال على امتهان التسول لأنه الطفل مش مجبر على استجداء الصدقات فهو أكيد في شخص مسؤول منه ........................
بس في حالات إنت من نفسك تتحرك فيك عاطفة الشفقة إتجاهم وتكون كريم معهم إنت لحالك.....

​

في موضوع كم فرصة ؟؟؟ طرح سمسوم الو كتير كان حلو وموضوع الكل بيعاني منو
كمان رد ماغنوم بالموضوع ذاتو

اعطاء الفرص ضرب من ضروب الهبل
واختلاق الاعذار ضرب من ضروب العبط
والتسامح السمج غباء مركب لا فكه منه

منجي للتفسير ليش تعطي الفرص وتسامحي وتختلقي الاعذار
دائما الطريق من اوله احسن من اخره والتمسك بالوهم يعتبر هبل
كل انسان عنده عقل وقلب وبسير قراراته تبعا لمصلحة واحد من هل التنين
هلا اذا طغى ميزان القلب معناها الهبل اشتغل واذا طغى ميزان العقل
معناها التغت العواطف وصرنا الات مسيره بأومر مبرمجه مسبقا
الانسان الذكي هو الي بيقدر يوازن بين سيطره العقل والقلب
بحيث ما يطغى واحد على التاني

كمان في موضوع كل ردودو حلوة
أخرس وبدك تحب؟؟؟؟؟


في رد فوزية بموضوع نحن شعب لا نقرأ

راح خبرك شيء .
قرأت في إحدى الصحف عن الدكتور أحمد زويل الحاصل على جائة نوبل أنه لما كان في الصفوف الأولى للدراسة أي كان طفل كانت والدته وهي إمرأة من الصعيد لاعلاقة لها لا بقراءة لا بكتابةإلا بعض الصور القرءانية القصيرة حافظتها حتى تصلي بها .
كانت تضع ورقة على باب غرفة أحمد زويل مكتوب عليها بالخط العريض /غرفة الدكتور أحمد زويل .
يعني القضية ومافيهاأنها ثقافة تربية واخلاق ماهي قراءة
شوفي الغرب ومجتمعاته بالرغم القراءة الكبيرة إلا أنه كله أمراض وانحلال خلقي ينم عن الجهل
هذا ماهوكلام ضد الكتاب والقراءة لكن عمرها القراءة ماكانت مصدر التربية والثقافة
امهات اليوم كلهن خريجات جامعات وحاملات شهادات تنم عن القراءات الي كانو يمارسوها لكن اولادهم ماراح احكيلك عنهم يكفي أنه السجون ملءى بالأحداث بين 15 سنة إلى 23 سنه
وأمهات البارحة أمهاتنا وجداتنا لاقراءة ولاشيء وشوفي أولادهم ماشاء الله اللي هم أباءنا وأمهاتنا دائما .

كمان ردي بالموضوع لانو هو واقعنا الحالي

اي معك حق ماغنوم باللي قلتو

باللحظة اللي بيكون فيها الغربي ايا كان ( اللي مو زاير جدو من سنة وما بيعرف شكل ستو) عم يقرا كتاب
بيكون العربي عم بيزور اهلو وقرايبينو وحبابو

باللحظة اللي بيكون فيها الغرب ( اللي دخلو احسن من العربي )عم يستغل وقت فراغو بالقراءة
بيكون العربي عم يعمل صيانة لبيتو مشان يوفر ايجار العمال

باللحظة اللي بيكون فيها الغربي عم يدور ع كتاب جديد قراه
بيكون احد الأثراياء العرب ( ما عم عمم طلبعا عم قول احد ) مشغول بأي نادي ليلي رح يسهر ويضيع وقتو

بالوقت اللي بيكون الغربي عم يقرا كتاب كيف تربي ابناءك
بيكون الاب العربي عم يلعب ابنو وحاطو ع كتافو وعم بيدور فيه

طبعا نحن شعب لانقرا ... لانو لهلئ في عنا نسبة امية منيحة
واليوم قريت بعض التقارير اللي بتفيد انو اكتر 46% من اهالي حلب هم اميون ( عى سبيل المثال وليس الحصر )
اي يازلمة لهلئ اهالينا اللي ما بيعرفوا القراية والكتابة واولهن والدتي بيحكو بدع وبيستنوا ولادن يصححوها الهن
لانو اباءهن انحكموا بالاحتلال وما قدروا يطوروا ثقافاتن او يتعلموا
ياشيخ اذا بدنا نحكي بالقصة ما منخلص لبكرة
التعليم اللي مو زيادة بالمدارس اللي سببو الضمائر الميتة كمان الو تاثيرو
بتتذكر مسلسل كاساندرا المكسيسكي اللي انطبلت فيه الدني من شي عشر سنين واللي كانت تفضى الشوارع وقت يطلع
اتخيل انو في بعض الجارات اللي معهن تاسع على اساس قاعدين مو فهمانين اللغة الفصحى اللي عم تنحكى فيها
وعم يتفرجوا عالاحداث كانو عم يتفرجو ع مسلسل اجنبي وناطرين فقرة الدعاية مشان قريبتن او جارتن ( اللي درست بمدرسة تانية احسن بس هيي دارسة للسادس شهادتها ادنى منهن بس حظها بالاساتذة كان احسن )
بتلاقي هاللي شهادتها ادنى عم اترجملهن الكلام من الفصحى للعامية وكانها دليل سياحي عم تاخدن بين ثنايا المسلسل

لسا بتقلي لا نقرا ....

​

 

[mahmoud salih]

يعطيكي العافية موجة البحر

يا جماعة انا قصدي ردود وليس موضيع يا ريت ئلي حابب يشارك

ان يكتب رد بالأقسام المذكورة حصرا بالموضوع ...

وان يضع المشاركة هنا مع رابط الموضوع المشارك به
​