مشكلة اسمها كلام النـــــــــــا سـ؟؟...

[مختار]

النــاس .. وكلامهــم .. ​

عقدة تدور في أغلب المجـالس .. والمجتمعــات .. ​

من هم الناس الذين نخاف من كلامهم ..؟!
ولمـاذا وصل بنـا الحال إلى الخوف منهم إلى هذهـ الدرجــه ..؟!
هل من المعقول أن نضطر لفعل أشيــاء لا نرغبهـا .. من أجل إرضـاء النـاس ..؟! ​

العاطل عن العمل يخشى من كلام الناس .. ​

المطلقه تخشى كلام الناس .. ​

وكذلك العانس .. ​

الفقير يخشى الناس وكلامهـم .. ​

تتعدد الأسباب التي من أجلهــا نخشى من النـاس وكلامهـم ..!! ​

ألم نسأل أنفسنــا لماذا هذا الخوف ...؟! ​

هل هو فعلا ً خوف من كلام النـــاس ..
أو إنه خوف من المظهر الذي سنظهـر به أمام هؤلاء النـاس .. !
فالكثير منــا يود الظهور بالشكل الذي يحبه ويرغبه ..
لكنه يخشى من ردة فعل النـاس ومن كلامهـم ..
ماذا سيقول النــاس عنه .. ؟؟
وماذا سينظرون إليه مستقبلا ً ..؟؟ ​

وبذلك يخسر طموحـه .. ورغبته في الظهور بالشكل الذي أرادهـ ..
وذلك كلـه بسبب خوفه من نظرة النــاس وكلامهـم .. .!
الحديث يتشعب .. !! ​

وأعلم أن لكل شخص منكـم رأي .. ووجهـة نظر حيال هذا الموضوع .. ​

تذكرت قصه جحا ليثبت لإبنه أن كلام الناس غـاية لاتدرك ..
مشى جحا وابنه مع حمارهما فـ انتقدهم النّاس لإنهم لم يستغلوا وسيله النقل الحمــار ..
فـركب جحا وابنه على الحمار فـ انتقدوهم النّاس بعديمي الرحمه كيف يركب 2 على حمـار ..
نزل جحا وترك ولده فـ انتقدو الناس الابن .. وقـالوا إنه ولد عــاق ..
نزل الابن وركب جحا فقـالوا عن جحــا انه لايرحم وأنه قـاسي على ابنه ..
قـام جحـا وابنه وحملـوا الحمـار وهم يمشون .. فضحك النــاس عليهم لبلاهتهــم .. ​

ان أرضـاء النـاس .. غاية لاتدرك .. !! ​

​

بدي رأي الكل​

 

[زهرة النرجس]

لاتهتم لكلام حدا طالما انت عارف ومتيقن انك ماشي صح خليهم ينفلقو
​

 

[Life of the soul]

ماحدا لازم يهتم لكلام الناس
لانو يلي بيعرف حالو شو عم يعمل مابيخاف من شي
وللأسف اكتر الناس بس شاطرة تحكي وتألف كلام
وهيدا يلي عم يصير بمجتمعنا الحالي

موضوع حلو مختار يعطيك العافية
​

 

[♥البرنسيسة♥]

والله الخوف من كلام الناس للأسف موجود كتير بمجتمعنا

وكل واحد اي خطوه بدو يعملا دايما بفكر بكلام ناس

والقليل منهم الي مابيهتمو لهيك قصه

ودايما منقول بسبب العادات والتقاليد وحكي الناس

بس مابعرف من الصعب برأي تخطي هي المسأله

يسلمو اديك مختار موضوع روعه​

 

[مختار]

الله يسلمك ياامولة
والله حكيك درر انتي والكل كلامهن روعة
كلام الناس لا بيقدم ولا يأخر ع قولة ابو وديع :19:​

 

[روح الشام]

على قولة جورج والسوف

كلام الناس لا بيئدم ولا يأخر ... كلام الناس ملامة وغيرة مش اكتر



يسلمو حبي

 

[مختار]

اهلا وسهلا عيوني نورتي

​

 

[STELLA]

المشكلة انو نحنا مندرج عاده وبعد مرور فترة من الزمن عليها منكتشف انو هالعاده سيئة جدا ولازم ما تكون موجودة ...شو الحل يا ترى ؟؟؟​

اكيد تغير مجتمع كامل صعب يصير بيوم وليلة ... واكيد انو نلف ع البشر ونخبرهم انو كلام الناس ما بيجيب غير وجع الراس كمان اصعب واصعب ​

بعتقد الأنسان لازم يبدأ بنفسو ... ويمشي على قناعاتو ومبادئو وطالما هو ما عم يغضب رب العالمين معناها ما عم يعمل شي غلط ... لهيك ما لازم يهتم بحكي الناس .. وخليه يزرع هالافكار بولادو وشوي شوي منتحرر من هالعئدة الي اسما كلام الناس وما منتزركا غير بصوت ابو وديع .. ومنقول الله يرحم هديك الايام وما يرجعا ​

يسلمو مختار ع الموضوع الحلو ​

بعتزر ع الاطاله ​

 

[قيــ الروح ــثارة]

أكيد كلام الناس أحيانا بيغير مصير انسان اي اي صدقو والله لأنو صارت معي

وأكيد هي شغلة مو ممكن نتجاهلها صح هو مو حلو الواحد يضل ماشي ع كلام الناس ويهمو هالقد
بس انا من النوع اللي بخاف كتير من كلام الناس لهيك الفوبيا شغالة معي ليلا نهارا الحمد لله

ميرسي الك ​

 

[شام]

المفروض انو الواحد يكون واثق من نفسه

ولايعتمد على كلام الناس فقط يعتمد على الله

واصول النجاح في هذه الدنياان يرضى الله عنا وليس العباد



​

 

[مختار]

المشكلة انو نحنا مندرج عاده وبعد مرور فترة من الزمن عليها منكتشف انو هالعاده سيئة جدا ولازم ما تكون موجودة ...شو الحل يا ترى ؟؟؟


اكيد تغير مجتمع كامل صعب يصير بيوم وليلة ... واكيد انو نلف ع البشر ونخبرهم انو كلام الناس ما بيجيب غير وجع الراس كمان اصعب واصعب

بعتقد الأنسان لازم يبدأ بنفسو ... ويمشي على قناعاتو ومبادئو وطالما هو ما عم يغضب رب العالمين معناها ما عم يعمل شي غلط ... لهيك ما لازم يهتم بحكي الناس .. وخليه يزرع هالافكار بولادو وشوي شوي منتحرر من هالعئدة الي اسما كلام الناس وما منتزركا غير بصوت ابو وديع .. ومنقول الله يرحم هديك الايام وما يرجعا


يسلمو مختار ع الموضوع الحلو


بعتزر ع الاطاله


كلامك درر لك ستولة وربي
مشكورة كتير انتي وكل الاعضاء
اهلا وسهلا​

 

[maroosh]

كلام الناس شغلة كبيرة وخصوصا بمجتمعاتنا

بيكفون يطالعو الانسان منيح ولا سييييييييييء

عحسب شو بيوصلك حكي بتاحدي فكرة عن البني ادم

انا عن نفسي كلام الناس مابيهمني بنوب ويمكن هالشي خلا كتير ناس تحكي عليي مع اني مو عاملة شي غلط

وكمان انا مو من النوع يلي بيحكي على حدا الا بوجهو بشوف انو هيك احسن

ازا انا عم اعمل شي صح ومافي خطا شو مابون البشر يحكو يحكو انا مالي علاقة فيهون

يسلمو

 

[مختار]

لك اهلا وسهلا مروش
اي والله هيك صاير هل مجتمع
الاكتريه ع كلام الناس
على الله احسن شي
نورتو جمييييييع​

 

[آلبتول]

كلام الناس لا بقدم ولا بأخر ​

 

[سوسنه]

صحيح انو جورج غنى "كلام الناس لا بيقدم ولا يأخر " لكن احيانا كثيرة لكلامهم تأثير قوي على مجريات امورنا ولا ننسى اننا جزء لا يتجزأ منهم واحيانا لا نشعر بأنفسنا الا وقلنا " عم يقولو انو فلان...." لكن بالنهاية يجب على كل فرد ان يتأقلم للمجتمع الذي ولد فيه ويعمل لما يرضي خالقة..
كثير حلو يعطيك العافية

 

[فوزية]

على ما أعتقد أن الإنسان بصفة عامة لازم يتكلم ..هو صحيح يجب أن يكون الكلام بصدق وأن لاينم وأن يكون الكلام في محله ......

لكن هذا ماهو موجود في وقتنا الحاضر .ولو راجعت ذاكرتك قليلا لماذا تكلمت او يتكلم
الناس لن تجد سبب محدد أو بالمعنى الصحيح تعددت الأسباب والكلام موجود وضروري وأكيد .
فأحيانا بيكون الحقد أو الغيرة أو الحسد أو كلام مجالس ماعنده سبب .و.و.و.و إذا عملت حساب لكلام الناس مارح تتقدم خطوة للأمام فما يبقى عليك إلا أنك تطنش مثل ما تقولوا بالسوري
.............. واللي ما بيتكلم راح ينفجر حتما .................

 

[الحرالباكي]

السلام عليكم ورحمة الله وبركاته
أشكرك اخي مختار على طرحك لهذا الموضوع المهم :-ولكن يجب علينا أولا تعريف كلام الناس وتوابعه

1-التطفل او (حب الإستطلاع السلبي) والحسد والفراغ القاتل

2-الحسد وسببه ضعف الوازع الديني ونسيان أن الله هو من يعطي . سبحانه وتعالى

3-الفراغ القاتل وهو من اكثر الاسباب في التدخل في شؤون أو خصوصيات الغير ويجب على الشخص أن يشغل وقته بشي يغذي عقله وليس يشغل عقله ويجدربنا التذكيربقول حبيبنا و رسولنا الكريم صلى الله عليه و سلم
( من حسن اسلام المرء تركه مالا يعنيه) ....

هلق سمحولنما نحكي بالعامية المطلقة لنعرف ننبحت...

هلا الواحد ما بينكر إنو صحيح لازم شوي نهتم بكلام الناس ..بس ما نخليه يسيطر على أفعالنا وشخصيتنا...
يعني إذا أنت عم تعمل شي انت برأيك إنو صح وعادي وما في شي ..فليش لتهتم بكلام الناس؟؟
خلص ما دام انت مقتنع بيلي عم تعملو وما في شي بيخجل اعملو بدون ما تخجل ولا تستحي
واما إذا برأيك هالشي بخجل ومو صح فبلا منو وبلا حكي الناس ...
ومن ناحية تانية ...لازم الواحد ما يخجل من شي فرضتو عليه الحياة
يعني الفقير الله كاتبلو يكون فقير ومعتر ليش يخجل من الناس ؟؟ الشغلة مو بأيدو والفقر مو عيب
وفي شي تاني إنو انت إعمل يلي بيهم مصلحتك وبس...لاتطلع على شي تاني لا كلام الناس ولاشي..بشو رح يفيدك كلامهم ؟؟ كلامهم لا بقدم ولا بأخر رح يحكو شوي وبعدين بيزهئو
مثلا المطلقة يلي زوجها ما عم يعاملها منيح وبيضربها وغيرو .. بتسكت عن حقها كرمال مين ؟؟ كرمال كلام الناس ؟؟؟
بشو رح يفيدها ؟؟؟
وبالأخير لازم ناخد جزء من كلام الناس بعين الاعتبار... بس ما نخليه يسيطر علينا
يعني هي أنا وهي شخصيتي وهاد يلي عملتو وانا مو شايفة في شي عيب...احكو متل ما بدكم ..كلامكم لا بقدم ولا بئخر..وما بيعنيلي شي ما دام يلي عم اعملو صح ...وبس



~~~~~~~~~~~~​

قال تعالى :

(وَتَخْشَى النَّاسَ وَاللَّهُ أَحَقُّ أَن تَخْشَاه)
صدق الله العظيم

وهي الآية الكريمة خلاصة كل الكلام

​

 

[Cosette]

شو ما عملت
رح يحكو عليك الناس
اسمع وطننننننننننننننننننننننننننننش
لانو الناس$^^&%&%&$@
مافي كلمة معبرة
:80::80::80:
يسلمو شود
وطول بالك

 

[جار القمر]

والله كلامك ذهب

​

 

[مختار]

أنت الدهب