معتقدات الطفولة

[نسمة حب]

مرحبــــــــــاااا

طبعا كلنا مرينا بهالمرحلة

وكان النا معتقدات يعني شغلات بنتخيلها حقيقه

وهي مالها وجود بحياتنا الواقعيه

وبس كبرنا اكتشفنا انها خيال

ويمكن احيانا لما نتزكرها بنضحك

او نستغرب كيف كنا مصدقين

المهم ..
بدنا من كل واحد يكتب

اشياء من اللي كان بيعتقدها

وهو صغير

وبما اني انا اللي نزلت الموضوع رح بلش

بس لاتضحكو عليي ها :10: :19:

انا كنت بخاف من ئطة اللي بتفتح عين وبتغمض عين

وبتجي للي مابينامو بالليل

كنت دايما قبل مانام بجلس راقب الشباك

>>>>>> على اساس بستناها:19:

وكمان كنت بفكر انو كل عصفورة بتمر قدامي

عم تراقبني

لانو امي لما بتعرف شي عني بسألها كيف عرفتي

بتقلي العصفورة قالتلي

وهلئ صار دوركون

بدنا نشوف احلى ردود

 

[Cosette]

الي رجعة
بس اتذكر شي شغلة
موضوع حلو

 

[المستشـــار]

بقترح تثبيت الموضوع

لانو جميل جدا


انا بصراحة كنت بستغرب انو شلون الأهل ما بحبو أفلام الكرتون

انو فيها خيال رهيب وشغلات ظريفة كتير:19::19::19::19:

وبابا بس بيحط عالاخبار :19::19:

 

[► Mr.Rami ◄]

أنا كنت لما قول على شغلة مابحبا بلاقي الوالد
شغل الكف
مشان هيك هلق باكل كلشي

شو طابخين اليوم
​

 

[*EmiLy*]

انا كمان رح قلكون شغلة بس لا تضحكو علي مرة سالتني اختي نحن كيف بابا وماما صاروا اهلنا قلتها نحن كنا بالشارع و هنن اخدونا من الشارع و ربونا مشان هيك لازم نحب اهلنا كتير لانو لولاهون لكنا لهلق بالشارع وهيي الجدبه سدقت خخخخ:19:

 

[روح الشام]

هه حلوة الفكرة

انا كنت ققرط بحرف الشين وقولو سين :19:

وكنت لما شوف دبابة بالشام بريف دمشق كان في دبابات لما كنت صغيرة

كنت لما شوفهن خاف كتير واطلب من اهلي يخلوني حاكي بابا عالتليفون

لانو بابا كان عايش بجدة ونحنا بالشام وكان عمي يحكي معي من تليفون تاني

على اساس انو هوي عمي

هه وكتير اشياء

يلا انشالله بقولا

بدنا تفاااااااعل يا أعضاء

يسلمو عالموضوع

 

[Senior Anas]

هه

انا رجال هه من لما نزلت من بطن امي

​

 

[Cosette]

انا وقت كنت صغيرة
وكانو اخواتي التنين بالمدرسة
كان يجي يدرسون استاذ حمصي
كان كتير حلو هالاستاذ
اسمر متل ما انا بحب
وكان فيه شغلة مميزة
انو عندو غمازتين(هدول يلي بيكونو بالخدود ما بعرف الهون اسم تاني)
المهم
كنت كتير فكر
ليش هوي عندو غمازات وانا لا

ام مرة التلو
انت ليش عندك غمازات وانا لا
ام قلي طيب روحي اشتري
التلو من وين
ال من عند الصياغ بجيبون
وانا الجدبة صدقت انو من عند الصايغ

رحنا مرة لعند الصايغ مع امي ام التلها بدي غمازات
ام التلي مو من عند هاد الصايغ
وخلوني انسى الفكرة
بس كبرت شوي عرفت انو هي خلقة الله مو بتنشرى من المحلات

 

[♥البرنسيسة♥]

انا وقت كنت صغيره

قد ماكنت حسن صبي ومشاغبه وضلني عم احكي

طبعا بفترة الغلاظه بس:80:

لأنو ماما بتقلي اني كنت كتير لذيذه وبيجنن انا:10::10:

بابا يديئ خلئو مني وخاصة وقت يكون عندو ضيوف رجال

لأني ضل عم احكي وعم اتحركش بهاد واتغالظ المهم

يجي بابا يقلي روحي قولي لأمك اربطي العنزه بالعامود

وانا متل الجدبه قلا لماما بيقلك بابا اربطي العنزه بالعامود

تقوم امي ماعاد تخليني فوت لعندن

بس ضل طول الوقت عم فكر انو لحنا ماعنا لاعنز ولاخواريف

وضل هالمتل عاملي عقده لهلأ بكرهو كتير

ومابقولو لولادي منوب اذا عزبوني

طلعت انا العنزه بالاخير ​

 

[Cosette]

:19::19::19::19::19::19::19::19::19:

 

[♥البرنسيسة♥]

عم تضحكي لك لولو اي اضحكي

​

 

[روح الشام]

انا وقت كنت صغيره ​

قد ماكنت حسن صبي ومشاغبه وضلني عم احكي ​

طبعا بفترة الغلاظه بس:80:​

لأنو ماما بتقلي اني كنت كتير لذيذه وبيجنن انا:10::10:​

بابا يديئ خلئو مني وخاصة وقت يكون عندو ضيوف رجال ​

لأني ضل عم احكي وعم اتحركش بهاد واتغالظ المهم​

يجي بابا يقلي روحي قولي لأمك اربطي العنزه بالعامود​

وانا متل الجدبه قلا لماما بيقلك بابا اربطي العنزه بالعامود ​

تقوم امي ماعاد تخليني فوت لعندن​

بس ضل طول الوقت عم فكر انو لحنا ماعنا لاعنز ولاخواريف ​

وضل هالمتل عاملي عقده لهلأ بكرهو كتير ​

ومابقولو لولادي منوب اذا عزبوني ​

طلعت انا العنزه بالاخير ​

:19::19::19::19::19::19:

انا كانو يقولولي

اربطي الجدي بالعامود

هه

 

[Cosette]

:19::19::19::19::19::19::19:

 

[كتكوووووت]

النا عودة​