معمول بتمر ,, للعكيد

[STELLA]

اليوم الصبح عزمت عكيد ع معمول بتمر و ما بيصير ما اوفى بالعزيمة

المهم هي المقادير

4 كاسات طحين

1\2 كاسة سمنه أو زبدة

كاسة زيت

فنجان قهوة سكر

3\4 كاسة مي

تمر مطحون


طريقة التحضير :

نخلط جميع المقادير مع بعضها ما عدا التمر حتى تتكون عنا العجينة , و منعجن التمر بشوية سمنه أو بشوية زبدة مشان يصير طري

بعدين منبلش شغل مناخد جزء من العجينة و منحط فيه شوية تمر و منسكر العجينة عليها و منعملها مدورة و بعدين منحطها بقالب المعمول و طب بالصينية

وبس اكتملت الصينية مندخلها ع الفرن لحتى يحمر سفلها و بعدين منشغل الفوقاتي حتى يتحمر الوش شوي و لما يصير الوجه زهري منطالع المعمول من الفرن

ومية صحه وهنا يارب

 

[Faby]

بيشهووووو
بس انو شو منشان العكيد بس
نحنا نطلع يعني

 

[STELLA]

له له انتي الاصل ولو

بعدين لو لحالو كانت بعتلو اياها ع بروفايلو

نزلت الموضوع مشان الكل

نورتي حياتي

 

[ḾǑŏǑŏǓĐỸ]

مدعوم هالعكيد

مبينة طيبة متل صحابها

شكراً ستولة
​

 

[The Hero]

وووووو

فنجان واحد وصحن واحد يعني مافي كأنو 20000 عضو بالمنتدى لازم يكون في 20000 كاسة و 20000 صحن + 10 للقائم بس من كل نوع



خصم من مرتباتكون لمدة 20000 يوم
​

 

[ḾǑŏǑŏǓĐỸ]

حلوة هيرو بيستاهلو
​

 

[اميرةالنجمات]

شو مشان القسم قسمي مو حاسبة حسابي
بس بيستاهل عبود
اصلا هو رح يطعميني حصتو مو عكيدنا
يسلم هالانامل ستولة ماننحرم هالطيبات من تحت دياتك
وريتو صحة وهنا لعكيدنا

 

[STELLA]

مدعوم هالعكيد

مبينة طيبة متل صحابها

شكراً ستولة
​

لك والله الكل غاليين علي و أخواتي

و كلكون مدعومين , بس لأنو الحديث كان مع العكيد مشان هيك كتبت اسمو

نورت محمود

 

[STELLA]

وووووو

فنجان واحد وصحن واحد يعني مافي كأنو 20000 عضو بالمنتدى لازم يكون في 20000 كاسة و 20000 صحن + 10 للقائم بس من كل نوع



خصم من مرتباتكون لمدة 20000 يوم
​

ولي ولي ولي


رحت فيها شوربة أنا

الكل على عيني و راسي والله

بعدين شو بدك اياني صور 20000 صحن و 20000 فنجان قهوة ؟؟

من وين بدي جيب هالعدد

أي لو بحط كل الفناجين الي عنا بالبيت ما بيطلعوا 1000 فنجان

بعدين عم تخصم من المرتب ع اساس انت عم تعطينا اياه

 

[STELLA]

حلوة هيرو بيستاهلو
​

ما تخاف رح نشدك صوبنا

 

[STELLA]

شو مشان القسم قسمي مو حاسبة حسابي
بس بيستاهل عبود
اصلا هو رح يطعميني حصتو مو عكيدنا
يسلم هالانامل ستولة ماننحرم هالطيبات من تحت دياتك
وريتو صحة وهنا لعكيدنا

انتي حصتك على جنب

بعدين و الله حاسبة حساب الكل ,, بس بالعنوان حاسبة حساب العكيد بس

الله يسلمك حبيبتي

نورتي

 

[عكــ البيلسان ــيد]

لك شبكووون والله غصيت بها المعمولات ماطلعو من عيونكن

ستول ان شا الله ميرسي على هالمعمولات شي فاخر ع الاخر
وئهوتك بتعرفي رأيي فيها
​

 

[آلبتول]

بستاهل عكيدنا
ويسلمو هالديات
في عبارة بنقولها السعوودين إذا سمعانه فيها
"ان شاء الله هذا من طبعك واحنا من ربعك "​

 

[STELLA]

لك شبكووون والله غصيت بها المعمولات ماطلعو من عيونكن

ستول ان شا الله ميرسي على هالمعمولات شي فاخر ع الاخر
وئهوتك بتعرفي رأيي فيها
​

سلامتك من الغصة عبد

و مية صحه وهنا يارب

المرة الجاية ما رح اكتب اسمك درئاً لأي عملية غصصان

 

[STELLA]

بستاهل عكيدنا
ويسلمو هالديات
في عبارة بنقولها السعوودين إذا سمعانه فيها
"ان شاء الله هذا من طبعك واحنا من ربعك "​

الله يسلمك حبيبتي

و الله هالعبارة أول مرة بسمع فيها

بس حلوة ها

نورتي عيوني

 

[فرآشة الياسمين]

اي ان شاالله الغصه لعدوينك عبد والف صحة لألك
ستولة انتي مافي منك اكيد مو معقول تنسي حدا واكيد العزيمة مفتوحة

 

[STELLA]

اي ان شاالله الغصه لعدوينك عبد والف صحة لألك
ستولة انتي مافي منك اكيد مو معقول تنسي حدا واكيد العزيمة مفتوحة

يؤبشيني يلي بيفهم عليي

نورتي يا حلوة

 

[احلى دنيا]

يلي عامل دايت شو يعمل بحالو

 

[عكــ البيلسان ــيد]

يلي عامل دايت شو يعمل بحالو

بتكتفي بشم الريحة
اهلين علووووش
​