مع او بدون حجاب؟؟؟؟

[Cosette]

سؤااااااااااااااااااااااااااااال تاني
كترانة اسئلتي كانو ما هيك؟؟؟

المهم

لو فرضما فرضا مثلا جدلا انو حبيبك طلب منك صورة
وانتي محجبة
مع العلم انو هوي بيعرفك من قبل ما تتحجبي
وطلب منك صورة بدون حجاب(انتي طبعا محجبة بهالوقت)
بتقبلي ولا بترفضي؟؟؟

وانتو يا شباب
اذا حبيبتك محجبة
بتطلب منها صورة الها بدون حجاب ولا بترضى بالامر الواقع انو البنت محجبة وخلصنا

 

[روح الشام]

برضى

عادي هوي انا خليني اتحجب مزبوط

انا مابعطيه بورجيه ياها بس انو اعطيه ياها هادا شي مستحيل

مو لأنو مو مأمنتلو بس مو ضروري عطيه ياها


وكمان حبيبتي مو اي واحد بقلك بحبك ومابتعرفي غير يومين

بتروحي بتورجيه صورتك بس لطلعيلو معلاقو ورجيه ياها :19:

لا يعني لما تتأكدي من حبو وهيك وانو بيحبك وتأمنيلو مزبوط بتورجه صورتك

ثانكس امورة

 

[butterfly]

رح أكون واقعية
وما رح أكزب
بفرجيه اه لإني لـ هلأ مو ملتزمة هداك الإلتزام
في حال كنت مأمنتلو وواثقة فيه 80%
وانو متأكدة من حبو وانو صادق
وأكيد مو من أولها:80:
مع العلم انو حرام .. بس لو بدنا نحكي عن الحلال والحرام
فـ الحرام راكبنا من ساسنا لـ راسنا

هادا في حال كان عندي حبيب أصلاً
​

 

[Cosette]

برضى

عادي هوي انا خليني اتحجب مزبوط

انا مابعطيه بورجيه ياها بس انو اعطيه ياها هادا شي مستحيل

مو لأنو مو مأمنتلو بس مو ضروري عطيه ياها


وكمان حبيبتي مو اي واحد بقلك بحبك ومابتعرفي غير يومين

بتروحي بتورجيه صورتك بس لطلعيلو معلاقو ورجيه ياها :19:

لا يعني لما تتأكدي من حبو وهيك وانو بيحبك وتأمنيلو مزبوط بتورجه صورتك

ثانكس امورة

تورجيه او تعطيه نفس الشي
المهم انو شافك بلاحجاب

طيب التزمي لنشوف بقا

 

[► Mr.Rami ◄]

:10::10::10::10:
سؤال حلو كتير

هلق بصراحة بالنسبة ألي
مو حبيبتي

لك إذا بتعطيني صورة بحجاب من دون حجاب على البحر
بالقبر
المهم عندي أني شوفا وبس بس بفضل إذا كانت محجبة تكون الصورة بحجاب
وإذا هية عطتني غير هالشي مو مشكلة أكيد أنا حبيبا وحتى لو فرقنا الزمن مارح أغدر فيا


شكرا
​

 

[Life of the soul]

بالنسبة الي ماني محجبة
وحتى اذا بدي اتحجب(مع اني مابطيئو)
وحبيبي طلب مني الصورة قبل او بعد الحجاب
ماعندي مشكلة بعطيه ياها
لاني بكون واثقة فيه

يسلموو

​

 

[♥البرنسيسة♥]

:10::10::10::10:

سؤال حلو كتير ​

هلق بصراحة بالنسبة ألي
مو حبيبتي ​

لك إذا بتعطيني صورة بحجاب من دون حجاب على البحر
بالقبر
المهم عندي أني شوفا وبس بس بفضل إذا كانت محجبة تكون الصورة بحجاب
وإذا هية عطتني غير هالشي مو مشكلة أكيد أنا حبيبا وحتى لو فرقنا الزمن مارح أغدر فيا ​

شكرا ​

الله حيو حبيت اجابتك كتيييييييييييييير

انا ماعندي مشكله بعطي ياها لانو اكيد اختياري لالو ح يكون
بمحلو وثقتي بمحلا كمان

يسلمو ​

 

[الحرالباكي]

http://albailassan.com/vb/t35617.html


انا مارح اتوسع كتير
بس حابب قول انو
مع احترامي لكل صبايا:80:​

بالدين لايوجد انصاف الحلول...

​

 

[Life of the soul]

ابو العز صحيح لايوجد انصاف الحلول بالدين
بس وقت بتكون مختار الشخص يلي بدك تقضي العمر كلو معو
اكيد مارح تزعلو كرمال صورة​

تقبل مروري ​

 

[♥البرنسيسة♥]

الله حيو غنوج وانا من رايك
​

 

[butterfly]

​

​

بالدين لايوجد انصاف الحلول...

​

كلامك صحيح ابو العز
بس بـ رأيك هـ الأيام كلامك يطبق؟؟
ما اظن بعرف بنات ملتزمات كتير كتير
وبفرجوا صورهم لـ يلي بحبوهم بدون حجاب وافظع يمكن
كان بـ امكاني بـ اجابتي اقول انو انا مستحيل افرجي ومابعرف شو
بس ماحدا بضمن حالو
بس الاغلب عم يفرجوا

انو بدك تقنعني انو مابتحب تشوف حبيبتك بدون حجاب؟
​

 

[موجوع]

انا صراحه رح بطلب منها
لأنو لما كون بحبا عن جد
ما رح بغدر فيها اكيد
ورح بتكون اكبر سر من اسرار حياتنا




​

 

[&OSSO&]

السلام عليكم

ان اطلب صورة حبيبتي ما يهم ان كانت محجبة او لا

حتا اذا تركنا بعضنا لازم اعيدلها صور مو اروح افضحها بهل صورة

متل ما يكون هيا بنت في الي كمان اخوات

والواحد منا ازا بدو فضيحة لاختو لا سمح الله يبعدنا ويبعد جميع المسلمين

ما يهمو ​

 

[انثى غامضة]

كلمة انو محجبة وصعب بظن مستحيلة

لو بتحبي بجد راح تعطيه صورتك بحجاب او بغيره لانو في ثقة

والشب العربي الغيور على عرضو مو ممكن فيوم يخون حبيبته حتى لو تركها

بس للاسف الشي الخطير هلا انو كتير بنات بيعطو الثقة وبتلاقي الشب طلع ابن حراااااام وصورها اتشكلت وانتشرت

المهم الثقة قبل القرار الاخير وانا بثق بحبيبي وبعطي صورتي مع اني متحجبة :10:

 

[الحرالباكي]

ابو العز صحيح لايوجد انصاف الحلول بالدين

بس وقت بتكون مختار الشخص يلي بدك تقضي العمر كلو معو
اكيد مارح تزعلو كرمال صورة​

تقبل مروري

طيب رح افرض معك جدلا انك مختارا الشخص اللي رح يكون شريك حياتك
انت متأكد وجازمة انو هاد يلي هو الحبيب
نفسو رح يكون الزوج مافي خيار تاني

شغلة تانية اذا بدو يزعل من حبيبة عمرو لانا مارضيت تعطي صورة منافية للشريعة والدين
فبكون شخص مابيستاهلها
​

الله حيو غنوج وانا من رايك

​

خليكي بأركيلك امول:19:​

كلامك صحيح ابو العز

بس بـ رأيك هـ الأيام كلامك يطبق؟؟
ما اظن بعرف بنات ملتزمات كتير كتير
وبفرجوا صورهم لـ يلي بحبوهم بدون حجاب وافظع يمكن
كان بـ امكاني بـ اجابتي اقول انو انا مستحيل افرجي ومابعرف شو
بس ماحدا بضمن حالو
بس الاغلب عم يفرجوا​

انو بدك تقنعني انو مابتحب تشوف حبيبتك بدون حجاب؟​

على فكرة انتي هلق حكيتي الصح
وانا جازم واتحدا الجميع بأني تكلمت الصواب
بس انو
انا مالي علاقة بالناس بدها تطبق الكلام ولا لا بالنهاية
كل عنزة معلقة من كرعوبها
هاد متل شامي:19:
يعني هلق انتي والصبايا وحتى رامي واسووالموجوع والكل تكلمو بلغة العواطف وانا بلغة العواطف بضم صوتي للجميع :10:
بس انو البنت طارحا السؤال مو لنجاوبها بلغة العاطفة اكيد
المفروض اولا لغة الشرع فالعقل والمنطق أخيرأ العاطفة
بس للأسف الكل تجاوز كل المراحل وقفذو على لغة العاطفة
خلاصة الكلام اذا الكل عم يحكي لغة عواطف فلا لوم على الجميع ولكن..؟؟؟؟ المفروض عدم تجاوز الرادع الديني والخلقي لكي لانستسهل على بعضنا فعل ما لايليق لابشرعنا ولاديننا






​

 

[butterfly]

مابنكر انو كل حرف حكيتو صح
ومقنع جداً ..
بس انو الله يهدينا
​

 

[مختار]

انا مع الحر الباكي بكل حرف
وبس
لا تعليق
​

 

[§ Sammo §]

يعني بظن انو غباء من الشب انو يطلب من حبيبتو وبالاخص اذا كانت متحجبة صورة الها بدون حجاب
بظن انو بحجاب معئول جدا
بس انو هي متحجبة ويطلب منها بدون حجاب مابظن انو صح هل حكي
وطبعا الدنيا اراء وانا هاد رأيي
بس فكرة الصور كلها ماحلوة
فيس تو فيس احلى :10:​

 

[PliiiJl JljJj]

أنا بعتذر على هالرد
بس إذا كانت البنت مانا محجبه ما بطلب منها صوره

فكيف إذا كانت محجبه

فأكيد ما بطلب صورتها أبل ا تتحجب

بس مره وحده محجبه فرجتني صورتها أبل ما تتحجب كان عمرها تلات سنين

 

[STELLA]

موضوعك كتير حلو ... يعطيكي العافية

أنا كوني بنت محجبة والحمد لله .. من غير الممكن أني أعطي صورتي لحدا حتى لو كان حبيبي

مو قلة ثقة .. أو شك .. لا بس عندي مبادأي الخاصه وبحب أمشي عليها ..

ديني أولى .. ورضى ربي أهم من رضى حبيبي .. وثقة أهلي عندي فوق ..

واذا كان اعطائي الصورة بيمس واحد من هالامور التلاتة .. فأنا مستعدة أتخلى عن الفكرة تماما

حبيبي صح لح يزعل .. بس بالنهاية أكيد ما بيرضاني اغضب رب العالمين .. ولو بدو اياني اغضب ربي كرمال رضاتو .. فـ الله معو ..

او خلي ثقة أهلي تتزعزع فيني .. لأنو اكيد هالشي ما بيرضيون كمان .. الله معو ..

بالنهاية هاد مبدأي وقناعاتي .. وكل مين فينا الو قناعات مختلفة عن الأخر ..

هلئ لح يجي حدا ويقول وين المساواة ؟؟ ليش البنت بتشوف صورة حبيبها بس الشب ما بيشوف صورة حبيبتو ؟؟

وئت نفكر برضاة رب العالمين منبطل نفكر بشي اسمو مساواة.. والبنت لو كان وضعها متل الشب , أكيد ما لح تتردد وتأرجيه صورتها .. بس نحنا البنات مقيدين بالحجاب الي فرضو علينا رب العالمين وما بيصير نخالف هالشي

بالختام بحب نوه أني بأيد رد أخي أبو العز تماما

استمتعت كتير بالرد

تقبلي مروري

ودي لجميع من مر هنا







​