مــــــــــاذآ .. لو فتــــحت موبايل أغلى شـــخص على قلبـــــكـ .. ولقيـــــت ..!

[جنون احساس]

حبيت اطرح عليك سؤال .؟؟

تخيلي معي!!

انك اخذت جوال اعز الناس واقربهم الى قلبك ولقيته مسجل اسمك

اكبر قلق



أو

النكبه

او

الغثه

أو

المزعج

أو

طفش



شو راح تكون ردة فعلك ؟؟





بس انا الحمد لله لائيت حالي مسجلة عند اغلا شخصين باسم حيااااااتي

 

[JuSt RaMoOTa]

خيــبة أمــل ..
الله ربا
​

 

[Faby]

مابعمل شي بالمرة.
بترك الموبايل و بخفف علاقتي مع صاحبو لانو من لم يرضني نورا لعينيه لا ارضاه ترابا امشي عليه

 

[صمت العيون]

مفاجاه وممكن اضحك ه

 

[ČốηťĕṨṩก]

هلا اول لشي يعني انا مو من طبعي امسك موبايل حدا و بحبش فيه
لانو هاد اسمو خصوصية

بس انو لو فرضا لئيت هيك شي

يمكن سميه نفس الاسم اللي مسميني ياه
و بخليه يدئلي و ساعتا انا بدي شوف شو رح تكون ردة فعلو



بس لا لا ما توقع حدا هيك يعمل معي

 

[دموع الورد]

يمكن اتركه وما ارجع حاكيه لانو اذا مسجلني بهيك اسم معناته
هو بيكرهني او متغلب مني او ما بحبني
فليش لحتى ضلني معو

يسلمو يا بطة
​

 

[اميرة الشام]

ما بحكي معو مرة تانية

​

 

[نكهة جنون]

هلئ اذا كان مسميني مزعجة .. اوكيتو عادي لانو في سبب

بس غير هيك .. بتركو

 

[The Hero]

إذا كان شب يلي كاتب أسمي هيك
بمسح في الأراضي
وإذا بنت الله معا ويسرلا وتروح ولابقى تفرجني وشا لأنو مصيبة ​

 

[ĻàĎỷ iЙ ŖẼD]

بمسح رقمي من جوالو

وبزتلو الموبايل بشي كاسه مي

وبطلع

 

[STELLA]

أمر عادي

لما أنا بعرف حالي غالية عند متل ما هو غالي عليي

ما رح أزعل بالعكس

لأن يمكن يكون كاتب هيك للضحك مو اكتر

أما لو كان هالشخص غاليي علي و أنا بالنسبة لألو شخص عادي

رح اتدايق نوعا ما , و رح صير خفف تواصلي معو تدريجيا

لأن ممكن نحنا هيك نعمل مع الي منحبون و نكتب اسماء للنضحك و نمزح

لهيك الإنسان قبل ما يعطي حكم على غيرو يتخيل حالو بمكانو و إذا كان ممكن يتصرف هيك أو لا

 

[ღRosa Blancaღ]

يضرب او تضرب هو او هي وموبايلا ما بمسك موبايل حدا انا اصلا واذا مسكت بيكون موبايل خوخا وبعرف شو مسميتني عندا وماعدا ذلك ما بهمني

 

[عماد الساهر]

باعتقادك هو أعز الناس عندك

بس لو ما كنت معوفو الغيم , و مكرهو عيشتو ما بسميك هيك

يلي بعزك بجد و غالي على قلبو , ما بيعمل هيك

 

[✿منى قلبي✿]

انا اول الشي متل ما الو الصبايا انو ما بمسك موبايل حدى

ولما بنحط بهيك موقف رح تكون صدمة قاتلة لانو متل ما ذكرتي انو انا عزيزة عندو او عزيز عندي


فرح اقطعلو كرت اولا

وتانيا رحم الله امرئ عرف قدر نفسه

انا هيك عندو معناها متدايئ مني

فاكيد ببعد بس على فكرة رح يكون هو غير محترم بنظري بحسو انو بحب المسخرة على العالم فمالو وجود عندي

وبتلافا

وميرسي طايشة

 

[لكبړيآئي قصھہ]

انا ورفئاتي الانتيم مسميين بعض على جوالاتنا اسماء طريفة

يعني رفائتي على جوالي

سارة السرسارة

ام عبدو

فتوش

ام طمزة

دعبولة


..... الخ

ومابزعل ازا لئيت اسمي هيك على جوال حدا كل واحد حر بجوالو

 

[ČốηťĕṨṩก]

يضرب او تضرب هو او هي وموبايلا ما بمسك موبايل حدا انا اصلا واذا مسكت بيكون موبايل خوخا وبعرف شو مسميتني عندا وماعدا ذلك ما بهمني

ما بتمسكي موبايل حدا ئلتيلي