ممنوع الدخول لتحت ال18 سنة

[the loOord]

يا جماعة انا عندي سؤالين بسيطين كتير
1- لماذا تعتبر الثقافة الجنسية من المحرمات
يعني مو احسن اذا تعلمو المرهقين بطريقة اخلاقية بلمدارس او الاهل احسن من انن يضلو يبحثو عن المجهول
2-هل الجنس طريقة من طرق التعبير عن الحب
لاني انا صرت سمعان اكتر من مرة انو حبيبتو دعتو لفراشا ولما رفض ئالت انو ما بحبا لانو رفض

 

[alqaesar]

الثقافة الجنسية مو حرام ولا غلط بس نحنا متخلفين
بيفكرو انو عم يعلمو الولاد عالفلت

الجنس أفضل طريقة للتعبير عن الحب بس بين الرجل وزوجته
وهو أرقى أنواع الحب لأنو قيه إحساس متبادل بين الطرفين

 

[alqaesar]

بتمنى أنو ما تفهموني غلط بس أنا
بحكي الصراحة

 

[ملكة الأحزان]

- لماذا تعتبر الثقافة الجنسية من المحرمات
يعني مو احسن اذا تعلمو المرهقين بطريقة اخلاقية بلمدارس او الاهل احسن من انن يضلو يبحثو عن المجهول:
انو الثقافة الجنسية من المحرمات اذاً شو الموضوع؟؟انو اذا محرمة شرعاً ما في رد شو السبب الحرمة الشرعية ؟شفلك شي شيخ؟؟
هل الجنس طريقة من طرق التعبير عن الحب
لاني انا صرت سمعان اكتر من مرة انو حبيبتو دعتو لفراشا ولما رفض ئالت انو ما بحبا لانو رفض:
اي و لا ,كيف اي :يعني تعتبر تعبير عن الحب لما الطرفين يعملوها عن حب و مش بالضرورة تكون موجودة بينهم ,بس الله كون الانسان و عندو غريزة و شي طبيعي انو اذا وحدي بتحب واحد تحس برغبة و هوي كمان لأنو بيحبو بعض و ....... و اكيد اذا عن حب هالعلاقة الجنسية ح تعلقهم ببعض اكترر
و لا ما بتكون عن حب لما انت تعملها هيك بهدف الجنس؟
تقبل مروري
ضحكت عليك عمري 17 نانانانا

 

[Rotting_misery]

- لماذا تعتبر الثقافة الجنسية من المحرمات

شوف اكيد مالها محرمات هي سنة الكون , بس بنسبة لئلنا نحنا العرب انو ندرسها لاطفالنا مابتصور بتزبط لانو المدرسين فاسدين ولو مع وجود نسبة صارت شبه معدومة من النضاف ويلي عم بيعلمو من كل ئلبون ..

-هل الجنس طريقة من طرق التعبير عن الحب

اكيد وهي اسمى انواع التعبير عن الحب بس الفكرة والافضل يتم هل شي بوئت الإرتباط يعني بين زوجين لانو غير هيك ايا حبيبن ازا مالزمو حدودون بهل موضوع رح يتعثرو بالغلط ..

شكراً للموضوع كتير مهم

 

[هاذا أنا]

الثقافة الجنسية لا عيب و لبا حرام

التعبير عن الحب مو بالجنس أي علاقة بالعالم مو طالعة من القلب بتكون علاقة حيوانية حتى البوسة او مسك الايدي بين حبيبين لازم يكون من القلب ليكون في احساس و تعبير عن الحب​

 

[alqaesar]

يا سلام شايف الشباب كلا طلعت مثقفة يعني ما في حاجة
ليتعلمو

 

[ملكة الأحزان]

المرأة في الحب تغفر حتى الجريمة


أما في البغض فلا تغفر حتى الفضيلة

:19::19:ه:19::19:​

 

[the loOord]

مشكورين لتقبلكن الموضوع ويسلمو على كل الردود

 

[عكيدحلب]

اكيد الثقافة الجنسية ليست من المحرمات بس المشكلة انو مجتمعنا منغلق مخيا بهيك امور
بعدين مافي داعي انو تدرس بالمدرارس لانو ماشاء الله على هيك جيل جيب واحد صف اول بيعلمك كل شي بدك ياه
اما بالنسبة للممارسة فهي افضل الوسائل لممارسة الحب الجسدي
اما بالنسبة للي بيدعو حبيبتو للفراش وما بعرف شو هاد الشي اكيد غلط لانو مالنا حيوانات لحتى نمارس الجنس كيف ما بدنا وبشكل عشوائي
وما حدا لازم يمارس اي شي بدون الزواج
تقبلو رأيي وعفوا اذا كنت صريح زيادة

 

[عاشق البيلسان]

يا جماعة انا عندي سؤالين بسيطين كتير
1- لماذا تعتبر الثقافة الجنسية من المحرمات
يعني مو احسن اذا تعلمو المرهقين بطريقة اخلاقية بلمدارس او الاهل احسن من انن يضلو يبحثو عن المجهول
لنو نحن طول عمرنا متخلفين
2-هل الجنس طريقة من طرق التعبير عن الحب
لاني انا صرت سمعان اكتر من مرة انو حبيبتو دعتو لفراشا ولما رفض ئالت انو ما بحبا لانو رفض

هو مو طريقة للتعبير عن الحب
الحب هو طريقة للجنس عنا بهالأيام

 

[BesaN]

الثقافة الجنسية مو حرام بس بشعب جاهل اكيد حرام وانا ضدها تماما يعني لمن الانسان عم يطلع على هالثقافة ما بيعود بيلتفت لغيرها يعني بتصير طريق لكتير اشياء سيئة مشان هيك انا ضدها
الحب والجنس موضوع تاني يعني بنت عم تئول لشب تعا حبيبي نمارس الجنس:10: هاد حب؟
هاد كزب مو حب وهوة اشباع شهوات ورغبات مو اكتر بس لمن بيطلع الشي عفوي بين شخصين بيحبو بعض هيدا هوة الحب
يسلمو عالموضوع

 

[عكيدحلب]

الثقافة الجنسية مو حرام بس بشعب جاهل اكيد حرام وانا ضدها تماما يعني لمن الانسان عم يطلع على هالثقافة ما بيعود بيلتفت لغيرها يعني بتصير طريق لكتير اشياء سيئة مشان هيك انا ضدها
الحب والجنس موضوع تاني يعني بنت عم تئول لشب تعا حبيبي نمارس الجنس:10: هاد حب؟
هاد كزب مو حب وهوة اشباع شهوات ورغبات مو اكتر بس لمن بيطلع الشي عفوي بين شخصين بيحبو بعض هيدا هوة الحب
يسلمو عالموضوع

يسلم تمك على هالكلام

 

[فايق و رايق]

الحب بتكون من 3 شغلات:

مشاعر واحاسيس :10:
جنس
فلتان اعصاب ( شي الو دخل بالنفس والسيكولوجيا بس نسيت شو بالزبط)

فعند اجتماع ال 3 شغلات هادول بكون في حب

يعني , اول شي بكون في احساس , بتحس انو هالشخص لازم بحياتك , شوسويت ووين ما رحت عبالك, ما فيك تستغني عنو :10:

الجنس بيجي تبعا لهاي المشاعر,و الي هي الرغبة بانهم يكونو اكتر مع بعض, و الحميمة, وبيت واحد ولبعض وبس , مما يترجم بالزواج بالاخر.

تلفان اعصاب , هاي بتكون باول العلاقة واول الحب, بالبداية
لمن يقعد الواحد يندب حظو , وليش ما عم تتصل , والافكار الغريبة الي بتيجي عبال الواحد و الحرئصة والغليان

هادا هو الحب ببساطة
تقبلوا مروري وتعليقي
يسلموا ​

 

[PliiiJl JljJj]

أكيد الثقافه الجنسيه موحرام ولا عيب
لكن يجب توخي الحذذر
وبعدين في عنا دين الاسلاام بيعلم المسلم كل شي بدون ما يفوت بالحرام
يعني من إتبع دينه لم يغلب على أمره


​

 

[أميرة كل النجمات]

مو حرام بس الحرام انو الواحد يغلط فيها
ولا هو عادي
يسلمو

 

[المارد]

السلام عليكم لا حياء في الدين قال الرسول الاعظم وقال في حديث اخر الانصاريات لم يمنعهم الحياءمن ان يتفقهوا في الدين الثفافة الجنسية حرام لمين وحلال لمين حلال للذي راح يتزوج عادي وحرام للي يطبق الكلام على بنات العالم انو حب عشق صاحبتي وبعدين نتزوج الثقافة الجنسية احنا نفهمها غلط واكثرنا يتبع نزواته ورغباته والعياذ بالله

 

[قيــ الروح ــثارة]

1- لماذا تعتبر الثقافة الجنسية من المحرمات
يعني مو احسن اذا تعلمو المرهقين بطريقة اخلاقية بلمدارس او الاهل احسن من انن يضلو يبحثو عن المجهول
هلق والله لو شفت رد عجبني كنت ما رديت وسوري منكون ما كنت بدي رد لنو موضع حساس وما بدي حدا يفهمني غلط
مشان هيك رح قولكون انو ايه يا سيدي غلط انو نتعلم هالشي لأنو لما رح يتعلمو الاولاد بالمدارس هيك اشيا بيصير في ناس عندون حالات هيجان العفو منكون يعني رح يحب هالشي من ورا الحكي بس ورح يصير يفكر كتير ايمتى رح يجرب
بعدين ستي وجدي كيف تجوزو يعني لا كان في مدارس ولا شي ​

2-هل الجنس طريقة من طرق التعبير عن الحب
لاء مو شرط هلق الاغتصاب حب مثلا؟
لاء هاد جنس بس ما فيو حب بنوب
بيجوز رجل هو مراتو ما بيبحو بعض وبرضو يكون في جنس يعني ما بيعبر عن الحب
اذا قلنا جزء من الحب فأوكيه اما الحب كلو فـ لاء ​

ميرسي الكون
وانشالله ما حدا يدايق من ردي​