مواقف طريفة في حياتنا

[حسام الحلبي]

تحية لكم أيها البيلسانيين الكرام :​

هلق الموضوع كتير سهل وحلو كل واحد فينا عاش بطريقة مختلفة عن التاني ومامنختلف أنو الحياة صعبة وفيها الكتير من العوائق والمشاكل والأحزان بس بين كل فترة وفترة في مواقف طريفة بتصير معنا نهفة ذكرى مابتنسى بس أهم شي تكون مضحكة وطريفة بظرف معين بيوم معين قد تكون مفتعلة أو عفوية مزحة ظريفة من أحد الأصدقاء أو العكس يعني المهم نضحك شوي طبعا مو عليكن أكيد على مواقفكن المضحكة
يلا مين بحب يحكيلنا أول موقف ظريف سواءا بالطفولة أو من فترة قريبة مافي فرق​

:19::19::19::19::19::19::19:​

 

[شام]

موضوع رائع

 

[حسام الحلبي]

موضوع رائع

[/

QUOTE]

بس ماحكتيلنا موقف طريف بحياتك شام

​

 

[انثى غامضة]

كتير صارلي يلا برجع تاني لقلك :19::19:

 

[حسام الحلبي]

رح شجعكن وبلش أنا :بعنوان ( شر البلية مايضحك )

لما كنت بالجيش كنت رقيب بس شو مسيبها عل الاخر وكان قائد السرية المباشر تبعي رائد كل مايكون مناوب هو تتوافق مع مناوبتي أنا بالدرار كل مايعملي كبسة يلاقيني نايم ينزلني ع السجن تكررت كذا مرة ومرة يعفي عني ومرة لا وكان دائما يقلي هالجملة ( اذا بدي موت بسببك ) ( اذا بدي موت بسببك ) يعني وصلت لمرحلة معو يقلي هالجملة كل يوم مرة أو أكتر لاني كتير كنت خالف مضيت الأيام وضل لتسريحي 6 شهور صار معو مشاكل صحية الرائد واخد على أثرها اجازة 10 أيام وشو أنا عندي كأنو عيد بس لما خلصت اجازتو وماجى خفنا عليه سالنا عنو قال بدو يساوي عملية قلنا خير ان شاء الله ضل هالشي واستمر لقبل مااتسرح بشهر سمعنا الحمد لله أنو تعافى وهلق بنقاهة شهرين يعني رح اتسرح ومارح شوفوا اتسرحت وضل ببالي هالرائد قد ماعذبتو حرام قلت لازم اتصل فيه واطمن عنو وللاسف ماكان معي غير رقم الثكنة يلي كنت أخدم فيه وانا عم عد الايام لحتى تخلص نقاهتو بس انشغالاتي ماقدرت اتصل لبعد اكتر من شهرين طلبت المقسم وبعدين طلبت رفقاتي العساكر ومن سؤال لسؤال كيفو الرائد سمير : الزلمة غص صرخت فيه لك قول شوفي قلي مادريت قلتلو لاتنطفلي قلبي شو احكي قال مـــــــات قلتلو لاتفاول ع الزلمة قلي والله مـات واجا الخبر عليي كالصاعقة وضلت هالكلمة ببالي ( اذا بدي موت بسببك !! ) وضلت هالكلمة ببالي طبعا أكيد مو أنا السبب لأنو عمرو خلص انا عديتو بعدين موقف طريف والله يرحمو كانت روحو مرحة كتير بجوز تفكروا هالموقف حزين أنا مابشوفوا هيك لانو كانت ذكرى حلوة

طبعا هاد أول موقف ( شر البلية مايضحك )

انتظروا الموقف الحسامي التاني بعنوان ( حسام الحلبي يتسبب بوفاة ثلاث رجال بمشفى المجتهد )

وكمان بدي اسمع مواقفكن​

 

[انثى غامضة]

:19::19::19::19::19::19::19:

موت الرجال حسام ولساتو في كماااااان ولي عليك

وانا بقلك كمان ( اذا بدي موت بسببك !! )


ننتظر البقية

 

[Life of the soul]

:19::19::19::19:

كتير حلو هالموضوع
والي رجعة انشالله​

 

[ندى القلب]

:19::19: يخرب مخك حسامو ال مو قف طريف

الزلمه مااااااااااات ماااااااااااااااااات الله يرحمه


ولاتقلي في كمان 3 ماتو :19:

رح ارجع اشوف القصه​

 

[mahmoud salih]

ترقبوا فلم الرعب حسام اليوم بالسهرة ه

لسا في تلاتة يا رجل حاسك سكريم :19::19::19:

في نترة صارت معي بعنوان مصائب قوم عند قوم فوائد منحكيها يبقى :19::19::19:​

 

[حسام الحلبي]

ترقبوا فلم الرعب حسام اليوم بالسهرة ه​

لسا في تلاتة يا رجل حاسك سكريم :19::19::19:​

في نترة صارت معي بعنوان مصائب قوم عند قوم فوائد منحكيها يبقى :19::19::19:​

:19::19::19::19::19:

بانتظارك أبو الميد لاتتأخر علينا

​

 

[حسام الحلبي]

وين مواقفكن


​

 

[انثى غامضة]

راح قول موقف صرلي من اسبوع بس ماتضحكو عليه

كانت الكهربا قاطعة عنا فكنا قاعدين نحنا صبايا العيلة عم نحكي ومنسجمين

فجاة شفت شي مرق من قدامي كنت قاعدة على الدرجات قلت يمكن بتهيالي

بعد شوي تمرق فارة كبيرة لساتني شفت طرفها صرخت هالصوت وعم بهرب

وقعت عن الدرجات واكلتا برجلي صار الكل يضحك عليه ويلي بالبيت طلعوا عالصوت

بس شو صوت بيصحي الميت انا بخاف من الفيران كتير بس الفارة من الرعبة هربت فاتت بالحيط

صرت اضحك وابكي :19::19::19::19::19::19::19:

 

[حسام الحلبي]

:19::19::19::19:

موقف كريف وحلو شكرا أنثى غامضة​