موضوع للتحاور لا للتناحر

[زهرة النرجس]

دايما بنحكي الله يرحم ايام زمان كانت الناس بخير ايوم جاي اطرح بين اديكم مشكله وبدي اشوف شو سببها كتير من الناس بتواجهها وشاعت كتير بكل العالم
باختصار شديد أبو وجهين
يعني مثلا الرجال بيبيتو ومع اهلو واولادو بيكون سيء جدا وبتلفظ بالفاظ كمان سيئة
وبيعامل اهلو معاملة سيئة جدا بس لما يطلع برة البيت ويقابل الموظفين او اصحابو بتلاقوه انقلب ملاك يعني الادب والزوق والاخلاق معهم والخدمة وكل اشي ...

شو السبب برايكم انو الانسان يكون بوجهين يعني بالبيت بوجه ومع الناس بوجه

مع العلم انو الرسول صلى الله عليه وسلم قال ( خياركم خياركم لنسائهم ) او يعني لاهلو





انا عندي السبب بس حابه اسمع منكم
​

 

[Loulita]

اعتقد انه عيب فى الشخصية
او ممكن بيقول اهلى هيستحملوا انما اللى بره البيت مش هيستحملوا

بس لازم نبقى بنراعى اهل بيتنا اكتر

موضوع مميز تقبلى مرورى​

 

[ஃ MAGNUM ஃ]

ما في بني ادم من ذكر او انثى على سطح الارض
الا الو ستميت قناع على وجهه .
​

 

[الحرالباكي]

انفصام بالشخصية ؟؟؟غالبا!!!!!!
وعادتاً ما يكون الأهل المسبب الأول والخفي

وذلك من خلال عدم تنشئة الطفل في بيئة واعية متفهمة للحياة الأسرية والإجتماعية العامة
والروابط الصلاوية الصحيحة وأعداده على الموازنة
في التعامل مع الغير
مما يؤدي باللطفل للنشؤء والرعرعة على إذدواجية
في فن التعامل مع الآخرين
سواء كانوا الأهل أول الغير
...........




​

 

[زهرة النرجس]

انا برأيي أنا من السهل انو اعمل حالي شخص كويس قدام ناس مارح اضل معهم كتير يعني مجرد كم ساعة او اشخاص عابرين بحياتي
بس اني اعمل حالي منيحه جوات بيتي وانا بالاصل مو منيحه فصعب كتير انو اضل لابسة هالقناع شو رايكم ؟؟؟
​

 

[STELLA]

هو اساسا ما بينعرف الشخص على طبيعتو الا جوا بيتو​

لأنو متل ما زكرتي نرجوس .. الناس الي برى بيئعد معون ساعه ساعتين ​

بعدين مرجوعو للبيت ​

كيف بدو يظهر ئدامون الصفات السيئة فيه .؟؟ بعدين ما حدا بيرضى يحكي معو او يمشي معو ​

وكوني على ثقة الي بيكون برى بيتو منيح وكويس وجوا بيتو انسان مختلف تماما ​

فهو طبيعتو بتكون سيئة . وعم يمثل ويلبس قناع ع الناس الي ما بتعرفوا ​

بالتالي بيتعامل معون على اساس انو ملاك ولا مين حس ولا مين دري ​

بس مع هيك ما بتخلى الدنيا من الناس الي منيحه مع اهل بيتها ومع الناس الغريبة​

يعطيكي العافية ​

​

 

[المستشـــار]

يسلمو نرجس عالموضوع ... وأنا أوافق الاخت ستيلا الرأي

 

[الحرالباكي]

انا برأيي أنا من السهل انو اعمل حالي1 شخص كويس قدام ناس مارح اضل معهم كتير يعني مجرد كم ساعة او اشخاص عابرين بحياتي

بس اني اعمل2 حالي منيحه جوات بيتي وانا بالاصل مو منيحه فصعب كتير انو اضل لابسة هالقناع شو رايكم ؟؟؟​

ا "
هلا أنا ردي الاول كان بالشكل العام على الحالة والسؤال المطروح

ب "
اول شي حابب ضيفو على ردك هاد
انو اكيد من الطبيعي انو ايا إنسان مهما كان مزاجي ومتقللب الأطباع إنو يكون محترم ورزين في التعامل مع ناس عابرين سبيل بحياتنا اليومية

بالنسبة للشق التاني من ررأيك
برجع برجح كفت الرد الأول وهاد رأئي الخاص لأنو ياترجس هي الحالة مثبة علميا بأسم مرض إنفصام الشخصية والبتالي ليس على المريض عتب وإنما
تمنبات له من الشفاء من هاذه الحالة
المسمات بالأقنعة

ودي للكل
​

 

[الحرالباكي]

بس يا أخ ملك وأخت ستيلا مومعئول انفوت مع كل الناس على بيوتهم لنعرف طباعهم

وبعتئد فكرة السؤال بشكل عام
​

 

[زهرة النرجس]

بس يا أخ ملك وأخت ستيلا مومعئول انفوت مع كل الناس على بيوتهم لنعرف طباعهم

وبعتئد فكرة السؤال بشكل عام
​

طيب بهالزمان اللي الناس صارو اغلبهم باقنعة شلون بدنا نعرف هالانسان اذا منيح اولا
​

 

[المستشـــار]

بس يا أخ ملك وأخت ستيلا مومعئول انفوت مع كل الناس على بيوتهم لنعرف طباعهم​

وبعتئد فكرة السؤال بشكل عام​

طيب بهالزمان اللي الناس صارو اغلبهم باقنعة شلون بدنا نعرف هالانسان اذا منيح اولا
​

اي انا معكون بس منعرف بالمعاملة .. والله أعلم بالقلوب

"إن عمر لما طلب تزكية أحد الشهود فزكاه رجل ، قال له عمر: هل جاورته؟ قال : لا ، قال : هل تعاملت معه في بيع وشراء؟ قال : لا ، قال: هل سافرت معه؟ قال: لا، قال: فأنت لا تعرفه"
​

 

[الحرالباكي]

طيب بهالزمان اللي الناس صارو اغلبهم باقنعة شلون بدنا نعرف هالانسان اذا منيح اولا ​

يعني يا نرجس مشكلة كبيرة إذا بدك تتعرفي على كل الناس
إنا برأيي خلي الناس
وأقنعتهم لرب الناس
وبالنسبة للأشخاص المقربين
في ألف طريقة لنكشف عن أقنعتهم من غير ما حتى هما ينتبهو علينا
وأكيد ما حدا منا بينئصو الحيلة لختبار شخص ممكن يكون بعنيلو أو رح يعنيلو شي بحياتو
بس بالتروي
والحذر مطلوب....
_والإنسحاب بهدوء عند الوصول إلى الطريق المسدود متل ما بيقولو

​

 

[قيــ الروح ــثارة]

هاد الشخص بينقال عليه جوا دبور وبرا شحرور

يعني برايي هيك شخص بيكون اخلاقو سيئة وطباعو مو منيحة أكيد

لأنو أهلو هنن أولى بالمعاملة الحسنة

وبرأيي هيك شخص حرام يتعامل بأسلوب لبق

ميرسي نرجوسة
​

 

[حسام الحلبي]

بتوقع ضعف شخصية وعم يحاول يثبت لأهل بيتو أنو رجال وصاحب كلمة بس الرجولة مابتكون بالأخلاق السيئة وشكرا نرجس لطرح هيك نقاش

 

[مختار]

انا مع ستولة
لانو حكيها نظامي
وبعدين لك نرجس
العالم مخباية بتيابها
كل يوم بتكتشفي شغلة
بئا وقفت ع هي
​

 

[وردة الشام]

هاد الشخص بينقال عليه جوا دبور وبرا شحرور ​

يعني برايي هيك شخص بيكون اخلاقو سيئة وطباعو مو منيحة أكيد ​

لأنو أهلو هنن أولى بالمعاملة الحسنة ​

وبرأيي هيك شخص حرام يتعامل بأسلوب لبق​

ميرسي نرجوسة ​

 

[مشــــ كل ــــا]

حطيتي ايدك على وجع أخخخخخخخخخخخ

في شخص أريب علي كتير كتير كتير كتير

أنا ما رح أحكي شو أسمو عشان أحفظ الالقاب

( بس هوة بيكون أبوووووي )

و اذا بدي أجاوبك على السوال رح أعد يومين احللك الشخصية هاي يلي عايش معاها كل يوم
:10:
:10:
:10:
:10:

:19::19::19:بتحبي جاوبك:19::19::19:
​