مين بيبكي فبل النوم

[اميرةالنجمات]

هلاء البكاء تنفيس للمشاعر والضغوط يلي جواتنا
واغلبنا مرء بهالحالة
انا اكتر شي بكرهو اني لما ببكي ببان ع وشي

عيوني بتصير حمرا وانفي
ولي شو هالبكوة الفضايحية

وبنزعج كتير لما حدا بشوفني عم ابكي
واذا الواحد عاطفي دغري بتشرشر

دمعاتو وبتنزل حبات اللولو يالطيف
والله اذا كانت نفسيتو كتير تعبانة وحاول يمنع حالو من البكا بحس ...
ئلبو عم يوجعو وكانوحدا عم يعصرو عصر

وانا متلي متل العالم
ياما بكيانة ئبل مانام بالذات لما بكون كتير مزعوجة وحاسة بالئهر ​

. الحئيئة الواحد بحس براحة كبيرة لما بيبكي
​

بس أصعب شي لما تبكي وما يكون معك محرمة
يالطيف شو بحس انو مدايقة ..وللأسف بستعمل المخدة كوسيلة للتنشيف واشياء أخرى لن ذكرها

عم امزح هااااااااا:19:

ولما المخدة بتصير غير صالحة للأستعمال البشري بلف على الحرام ..بس بيني وبينكن اللحاف أحسن وأنعم بهيك قصص
وتحسبا لاي بكوة مفاجئة دائما بحط جنبي محارم
...
ع العموم البكاء راحة للنفس ..وتوبر للضغط ..وكلور للمشاكل العالقة ..
وكل مابدكن تنامو ..أبكو لترتاحو

ايه حبايبي
​

هلا في هالسؤالين الزغار يلي ئد النتوفة
رايكم البكا ضعف ولا نكد؟
فيكم تسيطرو ع دمعتك وما تظهروها ئدام حدا ؟

.................................................. ​

 

[الحياةحلوووة]

يعني الموضوع عن البكاء وانتي هلئ ضحكتيني
ربي يسعد قلبك..
نرجع لموضوعنا
اذا البكاء ضعف فانا اضعف انسانة بالدنيا
مااظن في حدا يبكي اكتر مني >>>>>رح يضموني لموسوعة جينيس
لا عن جد كتييييييير ببكي من كلمتين على طول بتلاقيني ببكي..
البكاء ممكن يكون ناتج عن ضعف يعني الواحد لما بيحس انو عاجز ومو قادر يعمل شي بيبكي
وهو بنفس الوقت وسيلة راحة للانسان من الحالة اللي بيكون عايشها
انا مابقدر سيطر على دمعتي ببكي بأي مكان وبأي زمان.....

ويسلمووووو على الموضوع

 

[المستشـــار]

حلو الموضوع الله يبعد عنا وعنك والبكا ... عجبتني هي بتمسحي دموعك بالمخدة وبعدين بالحرام :19:يا حرام اي شو نهر هو

هلأ اذا اجينا للجد

البكا مفيد أحيانا لأنو بكون ترويح للنفس بس البكا النكد يلي كل يوم هاد مالو حلة والله يبعدو عن حريمنا ورجالنا .... موضوع حلوة يسلموووووووووووووو

 

[STELLA]

فعلا موضوع نموذجي

رسمتي البسمة على وجوهنا بطريقة كتير لطيفة

رغم أنو موضوعك عن البكاء

منرجع لمضمون الموضوع

وجوابي ع سؤالك الأول لأنو ناتج عن شعور عالي وأحساس كبير بالغير أو بالموقف والظرف الي هو عايشو

بالنسبة للسؤال التاني

على حسب الحالة المستدعيه للبكاء

وعلى حسب الأشخاص الموجودة

ممكن الموقف يكون مؤثر وفعلا الدمعه لح تنزل بس الاشخاص الموجودين ما بدي يشوفوا دمعتي

فهون أنا ما ببكي , بالعكس بقوي حالي كتير

بطبيعة الحال أنا من النوع ما بحب أبكي قدام حدا

الله يبعد عنا الحزن والبكي يارب

 

[تمرد مختلف]

صباحك عطر دمشقي اختي اميرة

البكاء ليس ضعفا

البكاء راحة نفسية يخرج ما بالقلب من أحزان ويريح النفس

أما من يحبس ددمعته سوف تحرقه وتشعله نيران

أختي اميرة الف شكر للطرح

مودتي والمطر

 

[Cosette]

رايكم البكا ضعف ولا نكد؟

لا هاد ولا هاد
البكا شي مكبوت جوا الروح وبدو يطلع لبرا

فيكم تسيطرو ع دمعتك وما تظهروها ئدام حدا ؟
اي بقدر بس مو اي حدا
يعني ممكن حدا اقدر ابكي ادامو بدون ما انزعج انو شافني ببكي

مواضيعك دائما رائعة

 

[darine]

رايكم البكا ضعف ولا نكد؟

ليس ضعف وليس نكد هو راحة وشفاء للنفس
فيكم تسيطرو ع دمعتك وما تظهروها ئدام حدا ؟

صعب شوي لكن قد ما نقدر منخليش دمعتي تنزل قدام احد
​

 

[اميرةالنجمات]

يعني الموضوع عن البكاء وانتي هلئ ضحكتيني
ربي يسعد قلبك..
نرجع لموضوعنا
اذا البكاء ضعف فانا اضعف انسانة بالدنيا
مااظن في حدا يبكي اكتر مني >>>>>رح يضموني لموسوعة جينيس
لا عن جد كتييييييير ببكي من كلمتين على طول بتلاقيني ببكي..
البكاء ممكن يكون ناتج عن ضعف يعني الواحد لما بيحس انو عاجز ومو قادر يعمل شي بيبكي
وهو بنفس الوقت وسيلة راحة للانسان من الحالة اللي بيكون عايشها
انا مابقدر سيطر على دمعتي ببكي بأي مكان وبأي زمان.....

ويسلمووووو على الموضوع

اي شو اعمل مو حلوة اعمل موضوع عن البكا ويكون معت شلون موقفي مو حلوة مووووو
بعدين شو مشان بدك تفوتي موسوعة غينيس
بعدين مفيد البكا بحالات الئهر احسن من الانفجار
نورتي ياقمر

 

[اميرةالنجمات]

حلو الموضوع الله يبعد عنا وعنك والبكا ... عجبتني هي بتمسحي دموعك بالمخدة وبعدين بالحرام :19:يا حرام اي شو نهر هو

هلأ اذا اجينا للجد

البكا مفيد أحيانا لأنو بكون ترويح للنفس بس البكا النكد يلي كل يوم هاد مالو حلة والله يبعدو عن حريمنا ورجالنا .... موضوع حلوة يسلموووووووووووووو

لك مزح عمادووو
اي عم نمزح
مزح لاعمل تاثيرات وشوية موسيقة تصويرية شو المخرجين احسن مني
لازم نعمل سيناريو يشد الجمهور
بنظري البكا مريح
بشكرك عمادلتواجدك
نورت

 

[اميرةالنجمات]

فعلا موضوع نموذجي

رسمتي البسمة على وجوهنا بطريقة كتير لطيفة

رغم أنو موضوعك عن البكاء

منرجع لمضمون الموضوع

وجوابي ع سؤالك الأول لأنو ناتج عن شعور عالي وأحساس كبير بالغير أو بالموقف والظرف الي هو عايشو

بالنسبة للسؤال التاني

على حسب الحالة المستدعيه للبكاء

وعلى حسب الأشخاص الموجودة

ممكن الموقف يكون مؤثر وفعلا الدمعه لح تنزل بس الاشخاص الموجودين ما بدي يشوفوا دمعتي

فهون أنا ما ببكي , بالعكس بقوي حالي كتير

بطبيعة الحال أنا من النوع ما بحب أبكي قدام حدا

الله يبعد عنا الحزن والبكي يارب

اي ستيلا الحمدلله اني اتوفقت ورسمت ضحكة ع والوجوه
بعدين كلامك كتير عجبني وانا بحاول مااظهر دمعتي ئدام حدا بس اوئات بتكون الظروف اقوى مني وتها للاسف بتخوني دمعتي وبتنزل
بشكرك لماركتك المميزة
نورتي

 

[اميرةالنجمات]

صباحك عطر دمشقي اختي اميرة

البكاء ليس ضعفا

البكاء راحة نفسية يخرج ما بالقلب من أحزان ويريح النفس

أما من يحبس ددمعته سوف تحرقه وتشعله نيران

أختي اميرة الف شكر للطرح

مودتي والمطر

مساك احلا باقة زنبق عبيره فاح بالافاق
كلامك صح مو بس بتحرقة الدمعة ممكن يحس انو رح ينفجر
تمرد مختلف نورتي بمرورك

 

[اميرةالنجمات]

رايكم البكا ضعف ولا نكد؟

لا هاد ولا هاد
البكا شي مكبوت جوا الروح وبدو يطلع لبرا

فيكم تسيطرو ع دمعتك وما تظهروها ئدام حدا ؟
اي بقدر بس مو اي حدا
يعني ممكن حدا اقدر ابكي ادامو بدون ما انزعج انو شافني ببكي

مواضيعك دائما رائعة

لك تسلملي عينك جوري اي في عالم بيئدر الواحد يبكي ئدامهن ومابحس انو غلط
يارب يخليكي هاد من زوئك والله احلا جورية
نورتي

 

[اميرةالنجمات]

رايكم البكا ضعف ولا نكد؟​

ليس ضعف وليس نكد هو راحة وشفاء للنفس
فيكم تسيطرو ع دمعتك وما تظهروها ئدام حدا ؟​

صعب شوي لكن قد ما نقدر منخليش دمعتي تنزل قدام احد​

الله يبعد عنا وعنك وعن الكل البكا والئهر
صح كلامك اوئات الواحد مابيئدر يسيطر ع دمعتو فبتهرب وبتسقط ع خدودو غصب عنو بحب الموقف وشدته
منورة والله حبيبتي ماننحرم طلتك

 

[دموع الورد]

انا من النوع يللي ببكي قبل النوم

وبالنسبة لسؤالك انا برأيي انه البكا لا نكد ولا ضعف بالعكس البكا بريح النفس وبتزيل هموم كتير عنا

وبعدين حسب الشي يللي خلان نبكي يعني مو شرط نبكي من حزن بهالحالة ما رح يكون ضعف

وبالنسبة للسؤال التاني انا ما بحب ابكي قدام حدا بس احيانا بتنزل دمعتي لحالها وما بقدر امسكها


​

 

[اميرةالنجمات]

انا من النوع يللي ببكي قبل النوم

وبالنسبة لسؤالك انا برأيي انه البكا لا نكد ولا ضعف بالعكس البكا بريح النفس وبتزيل هموم كتير عنا

وبعدين حسب الشي يللي خلان نبكي يعني مو شرط نبكي من حزن بهالحالة ما رح يكون ضعف

وبالنسبة للسؤال التاني انا ما بحب ابكي قدام حدا بس احيانا بتنزل دمعتي لحالها وما بقدر امسكها


​

جد البكا بيريح الواحد وبيغسل نفسياتنا من التوتر

منورة حبيبة ئلبي والله يبعد عنك الهم والحزن

 

[MALAK AL7OB]

تسلم اناملك ع الموضوع المميز ............
البكاء والدموع بتريح كتير وبتخفف الهم المكبوت داخل الانسان ......*الله يبعد عنا البكاء والحزن* بس احيان الانسان يضطر يبكي احسن ماينفجر ويطق بس البكاء يمكن يكون من ضعف لما تحسي انك مكسورة وضعيفة بتبكي وكمان لما تكون حياتك نكد بتبكي ..........
اما بالنسبة للسؤال التاني انا احيان اتمالك نفسي واكتم واحيان مابقدر اتحكم بمشاعري ببكي ......يعني على حسب الشيء اللي بيبكي اذا كان قوي اولا

 

[اميرةالنجمات]

تسلم اناملك ع الموضوع المميز ............
البكاء والدموع بتريح كتير وبتخفف الهم المكبوت داخل الانسان ......*الله يبعد عنا البكاء والحزن* بس احيان الانسان يضطر يبكي احسن ماينفجر ويطق بس البكاء يمكن يكون من ضعف لما تحسي انك مكسورة وضعيفة بتبكي وكمان لما تكون حياتك نكد بتبكي ..........
اما بالنسبة للسؤال التاني انا احيان اتمالك نفسي واكتم واحيان مابقدر اتحكم بمشاعري ببكي ......يعني على حسب الشيء اللي بيبكي اذا كان قوي اولا

اصلا البكا بفرغ شحنات سلبية من اجسادنا وبيريحنا معنويا
نورتي ملاك

 

[Faby]

هلا في هالسؤالين الزغار يلي ئد النتوفة
رايكم البكا ضعف ولا نكد؟
فيكم تسيطرو ع دمعتك وما تظهروها ئدام حدا ؟

هلأ البكي تعبير عن مشاعر بس لما يزيد عن حدو ويستعمل وسيلة لاستجرار العطف يبصير شي كتير مزعج وسئيل
انا الحمدلله مو كتير ببكي حتى احيانا بحس انو بدي ابكي بعمل جو كئيب وبسكت وبطفي الضو وبعصر بعصر بعصر بيقوم بينزل شي دمعتين تلاتة وخلص هادا هو
بس اغلظ شي لما يصير موقف نهر قدام الناس ووقتا بتصير البكوة فورا بتجي والدمعة ع راس الخد بس برضو ببلعها وما ببكي كرمال كبريائي ولو